أولياء الأمور اللي عيالهم في مدارس اجنبية وثائية والالفلونزا

[mr000]

آنا والله وديت ولدي داوم من أمس لأنه بالمتوسطه ماأقدر أغيبه بس يقول عندهم الأبتدائي فيه غياب!الله الحافظ

 

[كنووز]

المدارس الاجنبية الاكثر عناد للتأجيل لارتباطها بمناهج خارجية

ادعوا المدارس تتأجل على خير الى بعد عيد الاضحى ....هالمرض بيشتد اذا اتحد مع الفيروس الموسمي

 

[توتا وحب الكويت]

الله يستر ويحفظ عيالنا ويحفظنا من كل مكروه


تدرون خواتي
لما تتفكرون شوي بالموضوع ( الوباء )


خواتي سيحان الله ممكن يكون من غضب الرب علينا وهو بسبب كثر المعاصي اللي غاعدين نشوفها في كل مكان( انتم لو تلاحظون ( الاغتصاب كثر ، السرقة في كل مكان الانتحار ، الزنا ، اللهم يا كافي ) ونقص في الدين وظلم المقيمين ( وذلك في الضمان الصحي اقل مثال ) يعني المساكين رواتبهم قليله جدا ومع هذ يدفعون تأمين صحي مايعادل 50 د.ك وغير 2 د.ك مستشفيات ورغم ذلك يلاقون اقل الخدمات ولا يصرف لهم الأدوية غير جيده لا حول ولا قوة الا بالله

خواتي بعد موضوع الخدم ما يتلقونه من ضرب وسب من المعزبه صحيح انهم يستهالون الحرق وانا معاكم بس ممكن انه نشد عليهم بالشغل ونعلمهم بدون ما نبهدلهم او نضربهم
( دين الاسلام دين معامله )
ولا في ناس ما يعطونهم اجرهم مع ان الرسول شدد في هذا الموضوع وقال ( اعطو الأجير أجره قبل ما يجف عرقه )


خواتي حبيباتي خلونا نبدأبنفسنا وعلشان الله يحمينا ويحفظ عيانا خلونا نصلح مجتمعنا ترى احنا الأساس احنا امهات لعيالنا خلونا نربيهم على الدين وطاعة الله والرفق بالناس ونناشد حكومتنا

خواتي علينا بالدعاء لله بأن يحفظ ديرتنا ديرة الخير ويحفظنا من كل مكروه ويحفظنا ويحفظ عيالنا من كل مكروه ،
اللهم استرنا

 

[توتا وحب الكويت]

المدارس الاجنبية الاكثر عناد للتأجيل لارتباطها بمناهج خارجية

ادعوا المدارس تتأجل على خير الى بعد عيد الاضحى ....هالمرض بيشتد اذا اتحد مع الفيروس الموسمي

لا وانتي صاجه
مايبون يدفعون رواتب المدرسات من غير شغل

 

[نفيشه]

واااي الله يستر
انا عيالي يوم الثلاثاء دوامهم
يعني انحس من جذي مافي
!!!
يداومون الثلاثه والاربعاء والخميس ويغيبون الويك اند وتالي يداومون اسبوعين وتالي العيد يعني مصااااااااااااااااااخة

شكلي انا بروح استلم جداولهم وماني مخليتهم يداومون الا عقب العيد
احنا حرمنا روحنا من السفر خايفين مانبي نتسبب على عيالنا
و وزارة التربية معانده مو راضيه تتخذ قرار؟؟؟
اي عطلة ربيع واي عطلة صيف اللي يتكلمون عنها؟؟
درء المفاسد اولى من جلب المصالح
هذا وباااااااااء عالمي
وزارة الصحة مستنفرين مساكين عيزوا يقولون لا تخلونهم يداومون ماراح يقدرون يسوون كونترول على الموضوع
المستشفيات فايضة
الحين كل بيت فيه حاله ولا اكثر
الممرضات والدكاترة ابتلشوا قاموا يعدونهم
العماله مالت التنظيف نفس الشي
هذولا تدرون وين سكنهم؟؟هذا ويهي اذا فيه تعقيم ولا يعرفون التعقيم شنو

كل كلمة والثانية قالوا اتخذنا اجراءات علقنا بوسترات كبار وصغار
والله زين؟؟
يعني البوستر بدال التطعيم ولا شنو؟؟؟شنو هالعقل؟؟ارواح الناس لعبه؟؟؟
عيالنا من غير شي ربو ومايتحملون المرض نتسبب عليهم بعد!!!!

الحل تتاجل الدراسة الى ان يتطعمون العيال وتالي عاد نكون سوينا اللي علينا

 

[كنووز]

شنو قررتوا الحين


الخاص بيحطنا جدام الامر الواقع وما عطا عطلة حتى لبعد العيد مثل الحكومة


ليش يحيرونا ...يا تاخر دراسي ..يا تداوم الطالبه وكل يوم قلق

الله يطمن قلوبنا يا رب بهالليالي الفضيلة

عن نفسي ...لليوم افضل الغياب

والله كريم


لا حول ولا قوة الا بالله

 

[نفيشه]

عيالنا داوموا خلاص
ماظنتي في تاجيل بعد

 

[دمثة]

الله يستر

 

[mr000]

ألحين مدرسة ولدي طلع فيها حالة أنفلونزا الخنازير وليلحين مصرين مايبون يأجلون الدوام وآنا قاعده أوديه المدرسه لاتفوته دروس بس والله خايفه وقاعده أحاتي

 

[توتا وحب الكويت]

ألحين مدرسة ولدي طلع فيها حالة أنفلونزا الخنازير وليلحين مصرين مايبون يأجلون الدوام وآنا قاعده أوديه المدرسه لاتفوته دروس بس والله خايفه وقاعده أحاتي

مدرسة ولدج اللي طلع فيها الحالة اللي قالو عنها بنت في الخامس

ولدج بأي مدرسة عزيزتي

 

[توتا وحب الكويت]

رفــــــــــــــــــــــــ

​

ع

 

[روحي تحب]

آنا اقولج باي مدرسه بالامريكيه العالميه وليلحين 3 حالات الله يعين الاهالي ويطمن قلبهم آنا عندي وايد من اهلي عيالهم فيها ومساكين حاطين ايدهم على قلوبهم وماالومها مروو ولدها بالمتوسط تحاتي دراسته وتحاتي صحته ياربي يحفظه ويحفظ عيالنا وعيال امة محمد كلها يارب

 

[واحشنى موت]

الله يحفظهم يارب من كل شر

 

[توتا وحب الكويت]

الله يحفظهم يارب من كل شر

آمـــــــــــــــين