لبنانيه أذت زوجي

[وفا]

بسم الله الرحمن الرحيم



في البدايه انا ثقتي بالله ثم فيكم كبير ,,,,,,,,,,,,,,,, واتمني تنصحوني وتلاقون لي حل لاني مو عارفه اتصرف

انا صار لي 4شهور متزوجه ........... زوجي مهندس بشركه والعصر يعطي دورات رسم زيتي لانها هوايته

المهم بالدوره في طالبه لبنانيه اذتنا كل اشوي تتصل علي موبايله او علي رقم البيت حتي لو انا ارد عليها تطلب مني ريلي
تسأله بالألوان اللي يبط الجبد كل اشوي تتصل وما عندها سالفه

قلت له ليش تعطيها رقمك ؟؟؟ قال لي كل الطلبه عندهم رقمي

والله خواتي ما تستحي ........... وريلي يقول لي هذى لبنانيه يمكن عادي عندها عاداتهم غير عاداتنا

وانا ماسكه اعصابي وما قلت له شي غير غير رقمك او لاترد عليها

لما تكلمني علي تلفون البيت تتكلم بمياعه احس انها تتعمد تبط جبدي بس انا ماسكه اعصابي

بعيد الحب كنت سهرانه ............ وتلفون البيت علطول يتصل ومحد يرد بعدها فصلت الفيش ... جان تتصل علي تلفونه النقال!!!!!!!!!!!!!!! تخيلوا الساعه 2 ونص بالليل!!!!!!!!!!!!!!!!!!!!!!!!!!!!!

تقول انها مو عارفه مكان مكتبة لعجيري وخايفه تداوم ومامعاها الألوان وان ضميرها يأنبها وكلام فاضي

عفيه بنات شنو اسوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[رنين]

أول و أهم شي لا تبينين جدام ريلج ان الموضوع هامج.
خليه بعينه ان ها البنت تافهه و انت يا جبل ما يهزك ريح.

يعني نقاشج معاه عنها تقولين رايج فيها بس بدون ما تتهمينه او تشككين فيه و بدون ما تبدين انتي الحوار

و ثاني شي استعيني بالله و صليلج ركعتين بالليل و ادعي فيهم (اللهم اني اضعك في نحرها و أعوذ بك من شرها)

و تعودي انتي و ريلج بالليل تصكون التلفونات و اذا هي بالذات دقت خلاص عرفتوا ليش تدق و اسبابها التافهه لا تردون لو شنو...اعتبروه اختبار صبر من اللي راسه اكبر و باله اطول انتو و الا هي!
و عشان ما تتأثرون خلوه عالصامت.


حركه ثانيه اخذي تلفون ريلج أو خليه اهو يسوي ها الحركه و حولي مكالمتها على خط البيت او على جهاز مغلق .

يعني لو بأمها و ابوها تدق على نقال ريلج مستحيل يقدر يرد عليها الا اذا دقت من رقم غير رقمها!

و كل مكالماتها له تتحول عندج.

و ممكن ريلج يعلن في المحاضره عن اعتذاره عن قبول اتصالات من الطلبه لأن (بصراحه بعضهم قليل ادب و اتصالاته سخيفه و مزعجه...و الا أحد يدق الساعه ثنتين و نص بالليل!)
خل يقول جذيه أشكره بدون ما يوجه لها الخطاب مباشرة

أذكر دكتور عندنا مره قال جذيه...ياجماعة بس رجاءا مابي احد يدق على في ناس مايستحون قليلين ادب ازعجوني. و مني ورايح اللي يدق بسقطه بالمادة.>>>في أمه خير أحد يتصل عليه عقبها.

و كرري كل يوم مع ادعية الصباح و المساء(حسبي الله لا اله الا هو عليه توكلت و هو رب العرش العظيم)7 مرات.
مايضرج منها شر باذن الله.

و مافي شي اسمه عاداتهم غير...لو هي من امريكا و اوربا هم عندهم عيب أذية المتزوج الساعة ثنتين و نص بالليل!
هذي بصراحه قلة أدب معتبره.

للأسف بالحوار المباشر الوحيد اللي يقدر يوقفها عند حدها هو ريلج...يا يطردها من الدوره او يزفها زفه معتبره يعرفها فيها مكانها و سخافتها.

لكن للأسف ها الحل ما أظن ينفع لأن ريلج يعطيها دوره هي مسجله فيها.
يعني مو حلوه بالنسبه له مثل ها الموقف المباشره.
و انتي اذا كلمتيها او بين بنبرة صوتج انج متضايقه منها راح تفرح ....و تزيد لأن راح تحس انها سوت شي و أثرت مابينكم و صار الطريج مفتوح جدامها عند ريلج.



باختصار احسن تصرف من قبلج الثقه بالنفس و تطيرين ريلج ها الايام بالسعاده معاج فمايحس بغيرج.

و لاتطرينها و لا تعطين بال أكثر من اللازم اذا دقت!

و من جهه ثانيه استعيني بالله عليها يكفيج شرها.

 

[بنت عسل]

والله شوفي حبيبتي دام زوجك معطيها مجال

انها تتصل حتى اخر الليل البلا من زوجك مو منها

لو هو مايحب هسوالف كان زعل ومارضى

لكن مع كل اسف بعض ازواجنا من يسمع طاري البنانية

يختل تفكيرة لو هي تشبة (كوفي انان) سبحان الله

ولكن يجب عليك ان توضحي له انك غير راضية قطعا عن هذا الوضع

وتقطعين دابر الشر من اساسة ولا تدعين فرصة لة الان ولا تفكير بذلك

مستقبلا ..سبحان الله كل هذا يحصل امامك ومع ذلك قرارتك جدا ضعيفة

 

[bnt q8 in usa]

لاتبينين غيرتج جدام ريلج حطي بالج
وغير جذي...................اذا دقت علي البيت قوليلها مره ثانيه لاتتصلين لا علي الموبايل ولا علي البيت اذا عندج سؤال خليه بحدود الدوام وبس
لا اعلمج شغل الله
وخلي ريلج هم يقول للطلبه اذا في سؤال بحدود الدوام وبس ليش العياره
والمغثه قطيعه

 

[mrmr mrmora]

الله يكون بعونج ويزيحها عنج
أتفق مع البنات إللي قالوا إنج لا تبينين حق ريلج غيرتج منها وأدري إنها صعبه
وخل يقول حق الطلبه إنه إذا عندهم أسئله خل يتصلون بالوقت المعقول وإذا كانو يبون شي ضروري مو مكان المكتبه

 

[حبيبته آنا]

ريلج اهو اللي فاتح المجال لها المفروض مايرد عليها حتى لو شي ضروري خو كلها رسم لايكون على بالها طب

 

[كويتية صغيرة]

الله يعينك
بس حطى ببالك ان المرأة لا تتمادى إلا اذا وجدت نقطة ضعف او منفذ تستطيع ان تدخل لزوجك منه.
كثير من الدكاترة و الأساتذة و المدراء تسيطر على قلوبهم النساء و البداية تكون انها طالبة عنده او موظفة او مشتركة بدورة او ..... و تستغل الوضع.
الحل ليس بيدك لكن بيد زوجك
هو الذي يوقفها عند حدها
و ضعي في بالك انه لو بيسكت ، هي راح تتمادى اكثر و اكثر

 

[ورق عنب]

مادري بنات بس انا اخالفكم .... شنو وحده تدق على ريلي نص الليل ما ابين له اني متضايقه !!!!!!!!!!! يعني لو العكس ريال وداق علي علبونه اعطيه دوره تهقون الريل بيقول بخفي غيرتي وماعطي الموضوع اهميه ...
ترا هالمواضيع المره والريال فيها سيان خاصه انه المره عواطفها اقوى ..

ارد واقولج انتي اخبر بريلج وبطبايعه دوري الطريقه اللي تناسبه وتفاتحينهبالموضوع !... بس لازم تضعين حد لهسالفه !!!بس بالهدوء ومو بالاصراخ .. قوليله يا حبيبي انا مضايقتني هالتصرفات منها ماكو شي اسمه لبنانيه هذي عاداتهم وانا شكو فيها حتى الاجانب الصياعه ماسووها .. شكو 2 ونص داقه تسالك عن العجيري شنو بتروح نصايف الليول تشتري الوان مثلا !!!!!!!!!!!! قوليله انج حيل متضايقه واذا قالج تغارين .. قوليله اي اغار ريلي حبيبي واغار عليك .. لو انا اللي اعطي دورة وواحد لبناني دق علي اكيد انت بتتضايق بعد خاصه لاصار مايع ويهه ويه منجب وقليل ادب .. وقوليله غير سالفة الغيره اهي مو محترمه نفسها ولا في وحده محترمه تدق على متزوج نص الليل بعد لو عزوبي اقول معجبه بس متزوج وتدق شهالقله الادب ...وقوليله عشاني غير رقمك لانه للاسف في ناس قليله ادب ماتحشم خصوصيه الناس وانا متضايقه ومو مرتاحه بهالوضع السايب ...وبعدين بعرف شعرفها برقم البيت !!!!!!!!!!!!!!!!!!!
لا طالت وتشمخت الصراحة ...

والسالفة تعدت سالفة الغيره ... السالفة فيها حشيمه احترام مراعاة شعور الغير..

 

[ورق عنب]

اي وقولي حق ريلج خل يقول حق الطلبه انه مايستقبل اتصالات الا في يوم معين من الاسبوع وبساعات محدده يستقبل فيها اسألتهم ... وخل يقول لانه في طلبة ازعجوني .... جود تحس وتفتشل مع اني ما اعتقد هالاشكال تستحي... واذا دقت بغير الوقت اللي حدده ريلج لا يرد ويكشت فيهااااا ...

 

[bambena]

نصيحتي لج لاتبينين لريلج وديري بالج اتبينين لها انج غايره منها او ملاحظه منها شي
واضح انها تبي تطيحه واتصالاتها مو طبيعيه فلا اتبينين لها انج حاسه بتهديد من جهتها عشان ما تعاندج

وحاولي بهالفتره تشغلين ريلج عنها لا دش البيت خليه يصك تلفونه وكشخي له ولهي عمرج طلعي معاه سوي اي شي
2 بالليل وضع ابدا مو طبيعي انها تتصل واهو المفروض مايرد عليها !

الله يعينج لكن خلي ثقتج بريلج كبيره وان شالله تمل وتروح لحالها

 

[bambena]

ورق عنب صح الوضع مو طبيعي
بس المقصود انها ماتشك فيه وتبين له انها شاكه واتتناجر معاه

لا تكلمه وتقوله ان هذي مو طبيعيه ولا ترد على اتصالاتهم بالليل وبره الدوام
المهم انها تعطيه الثقه الكامله

 

[ورق عنب]

ورق عنب صح الوضع مو طبيعي
بس المقصود انها ماتشك فيه وتبين له انها شاكه واتتناجر معاه

لا تكلمه وتقوله ان هذي مو طبيعيه ولا ترد على اتصالاتهم بالليل وبره الدوام
المهم انها تعطيه الثقه الكامله

بمبينا ما قصدت انها تشك وتقوله شعندك وياها وليش واستجواب ... لاااا

اللي قصدته انه تبين لزوجها انها متضايقه من تصرفات اللبنانيه مومعقوله تبين له انه الوضع طبيعي ... يعني تقوله انا متضايقه منها شنو هذي قليلة ادب واذا قال لا عاداتهم ترد تقوله لا مو عاداتهم جذي حتى الصايع مايسويها ... يعني تبين ضيقتها من هالوضع وقلة الاحترام من هالبنيه ...

عشان بالتالي ريلها يتخذ قرار ويوقف هذي عند حدها .. اما اذا شافها ساكته والوضع عادي بيقول عادي .... خاصه انه عنده دوره يعني بيمر عليه اشكال وارناق على المدى البعيد ....يعني تقوله انا واثقه فيك بس مو واثقه فيهم

مادري اذا رايي غلط .... كلواحد عنده وجهة نظر

 

[سنا الفضه]

شوفي انا مره صادفني مثل هالموقف

انا ريلي طبيب ويعرف واحد دكتور بالجامعه هالدكتور كاسره خاطره طالبه بالكليه وايد تغييب معاها فشل كلوي ومو مثبته غياباتها

ومعطينها انذرات الدنيا وهو يبي يساعدها قوووم وعطها ارقام ريلي كلها علشان يساعدها ويثبت انها فعلا مريضه وبحاجه للغياب والراحة


هني الاخت كيفت لمن شافت ريلي بالاول تحسبه مو متزوج قالت بطيحه

شبت علينا بالاول مسجاااااااات على بو تسال وطوفتها لها

دقت مره مرتين ثلاث

هني انا وصلت للحمره عندي

مع انه ريلي يحقرها وساعات يعطيها كلمه ورد غطاها بس هي ماكو مجلبه فيه

وهالمره اشتغلت له مسجاات ادعيه لمن سمعت صوتي يممه ودرت اني زوجته

اشتغلت الديانه عندها بمسجات تدعي لنا فيها <<يعني شنو تبي تكسبه

هني انا ماسكت راح للمسيد لصلاه العصر

ووصله مسج منها تسأله دكتور انا ناويه اسوي عمليه ليزر لازاله الشعر من الجسم تنصحني والا لا...؟؟<<<شكو بالله قالوا لج ريلي طلال العلي بالله

شوي مسج وراه

دكتور انا البس نظارات وناويه اسوي عمليه ليزك تنصحني والا لا
؟؟؟...<<<الاخت على بالها داقه على برنامج اذاعي

انا هني عصبت واخذت رقمها ودقيت

زفيتها زفه تسوى عمرها خليتها تبولع بريجها

:eh_s(22): بس ترى زفيتها شوي شوي علشان لا تقولون ملسوونه:eh_s(22):

زفيتها بادب وبينت لها انه حتى هو مستااء ومتضايق

ولمن رجع قلت له انا مااشك فيك وعارفه انت شنووو وشنو اخلاقك

بس بنات ابليس مالهم امان فانا خفت عليك منها هي لانه احنا بزمن يخرع

الواحد قاعد ينفتن بدينه تبيه ماينفتن بمراهقه

وبس عقبها ماقاامت تدق عليه خير شر وقلت لها هذا رقمي محتاجه شي انتي دقي علي والا خلي امج تدق

كلش كلش ابووج او اخووج يدقوون مو انتيييييييي:eh_s(13):

صج شوفي بما انج عرووس وتوكم فزوجج بيكون حريص على رضاج تووها ماطاحت خيوطكم ولا تشققت قراطيسكم

فانتي شوفي شنو مايه ريلج وشنو انطباعه بس الي اشوفه انه مافيها شي اذا بينتي له استيائج منها ومن كثره اتصالاتها خاصه انه مالها داعي

 

[نفيشه]

كتبت رد شطوووووووله وطار

اذا رجعت ارد اكتبه لج

 

[ملوكه84]

انا اقول الشره على ريلج اللي معطيها وي شسالفة انا ريلي اذا واحد دق عليه عالوحده وفوق يتضايق يقول لاني انا مو عزوبي يدق هالوقت
فمابلج بنت سالفتج غريبة
وقفي ريلج عند حده ولا تسكتين وتقهرين نفسج سمعيها منى
وعلى قولت المثل ليه فات الفوت ماينفع الصوت
ديري بالج واذا استمر يا انتى يا هالهواية

 

[كلي تفاؤل]

الله يعينج يا اختى ودايم ادعى ان الله يزيلها عنج ..

قولى اللهم اكفنيها بما شئت ...

الحل بيد زوجج انه يوضح للطلبة انة ما يبي احد يدق عليه كلششش

والله هاذي يبيلها زفه تعلمها حجمها...

بس انتي لا تخلينها شغلج الشاغل وكل شوي تتحلطمين عندين زوجج بعدين يمل من هالسالفة ..

 

[كلي تفاؤل]

بعدين قولى لزوجج ان يخلي دوراته بس للشباب..

احسن وابرك واريح لج وله ..البنات الحين تغيروا صاروا اهم اللى يركضون ورا الرياجيل ويحاولون يطيحونهم ..فمن الأساس يسكر هالباب احسن لج وله

 

[وفا]

خواتي الغاليات

وراح اذكركم بالترتيب احترام وتقدير لكم

رنين-بنت عسل بنت كويتيه بامريكا-مرمر-حبيبته انا-كويتيه صغيره-ورق عنب-بامبينا -سنا الفضه-نفيشه-ملوكه-جهراويه


مع اني وايد حيرانه ومتضايقه لكن فرحت بخوفكم وحرصكم علي واللي من كلامكم باين طالع من القلب الله يوفقكم اجمعييييييييييييييين


انا ريلي وايد حبوب وباله وسيييييييييييييع صعب يعصب واذا عصب ياخذ موقف يصير يخوف

المشكله اهي تتحايل وتسوي نفسها غشيمه وبريئه وموعارفه شي
انا رحت معاه اسبوع كامل احضر الدوره ( واهو اللي طلب مني وقلت فرصه اشوف تصرفاتها )

بنات حدها تتميع بس تسوي مو قصدها ............. ولبسها!! اه ه ه ه ه ه ه علي لبسها
تلبس جينز وتيشيرت حده حده اذا قعدت كل شي يطلع من ورا


حتي مره رحت المطبخ لحقتني السيلانيه الي تنظف المكان واهي وايد تحب ريلي لانه طيب معاها وانا علطول اسأل عنها
تساسرني وتقولي مدام هذى لبنانيه وايد مو زينه ... قلت لها شنو تسوي تقول تسوي حركات سكسي!!!! واسفه علي هالكلمه

( احنا بنات عوايل ما نعرف هاللف والدوران )
تقول في مره ريلي عصب عليها وصارخ جان تقعد تبجي وثاني يوم يابت ابوها ... وتعرفون ملاغة البنانيين وعيارتم بالكلام

قاله بنتي بريئه مثل الاطفال وتحب وايد الرسم وانا حاب تكون فنانه وكلام فاضي واهي من حرصها كدليل اخذت تلفون بيتك من السكرتيره !!! وريلي يصدق

يقول يمكن مو قصدها وبديرتهم عادي انا شكو فيها ؟؟؟ بس كثر الدق يفج اللحام

انا لما اتكلم مع ريلي احس انه مو حاطها في باله وماخذ السالفه بحسن نيه
لكن لي متي ؟ اكيد راح ينتبه لها علي يوم


كل البنات اللي بالدوره كويتيات صج بنات عيل ويستحون حتي لما تتصل الوحده تتكلم بأدب ... واذا ييت الدوره يقولون لي ياريت كل يوم معانا حتي ناخذ راحتنا مع الاستاذ


لكن هالبنانيه طلعت عيوني ........ عاد من الجامعه وانا اعرف طبعهم ركض ورا لكويتيين واللي ولد عايله وشهاده لو تبوس ريله عادي عندها


زين بنات اي وقت أكلمه ؟؟؟ اهو وايد يحب الرسم وهالدوره يحترم مواعيدها ؟؟ وقال لي ناوي يخليها للشباب بس لكن شريكه مو راضي ( اكيد يبي الربح)


اي ونسيت اقول لكم تعرفون هيفاوهبي وملاغتها وحركاتها ... بنات تسوي مثلها عدل ونفس المشيه والمياعه اللي علي غير سنع

انا وايد استفدت من كلامكم الطيب

والله يسعدكم دنيا واخره ويفرج عنكم مثل ما خففتوا عني

 

[Dancing^Queen]

حالي حال زميله المهنه نفوشه
كتبت رد وتسلط مديري وسويت ريستارت للجهاز
المهم ارد اقول الحجي مره اخري

اختي الكريمه
اول شي احب اباركلج بزواجج واقولج الله يهنيكم ويهدي سركم
وحلو ان الريال يستغل هوايته بشي يفيده ماديا ويحسن وضعه معنويا واحسن من التفرفر بالشوارع بدون داعي واحسن من الفترتفر بالدواووين لين ويهه الفير الهوايه حمايه

سمحيلي ابدي رايي بصراحه
انا ختلف مع البنات كلهم
ريلج خوش ريال ويحبج ويحترمج وموقفه يدل علي هالشي
اول شي خل نسحبها عدل
اهو ريال متزوج توه ، يعني توه مودع العزوبيه لو يبي يلعب او اهو انسان يحب انه يتعرف ويكون له علاقات هذي اللبنانيه يته علي طبق من ذهب جان ماحط تلفونه الخاص ويرد عليها جدامج
هذا الشي يدل ان انسان معدوم التجربه وانه محترم ولاعنده خرابيط
جان حط رقم تلفون ثالث يصير ماتدرين عنه ويرد عليهم من وراج وانتي ياغافلين لكم الله وانه يرد عليهم جدامج هذا دليل انه انسان ستريت فورورد ولاعنده خرابيط وبلاوي والله يهنيكم ابعض
وسالفه انها منهبله بالتدقدق معناته انه ماطور العلاقه وياها ولاعطاها ويهه والدليل انها تدقدق حتا 2 الفير جود يعطيها ويهه وجود تقدر تصيده وانتي بنفسج شفتيه شلون قاعد يرد عليها وجدامج لو ريلج عنده استعداد جان قال اي اي الو وراح الدار الثانيه وسكر الباب علييييييييييييه وخذا راحته بالحجي
عدل والا لأ؟
يعني لاتشكين بريلج
وبنات حرام لاتخلونها تشك بريلها وتدخلون الشك بينهم



الحين بالنسبه لها اهي وشلون التصرف وياها
اول شي يالله يارب تخلص الدوره بسرعه وتفتكين عمرج
وديري بالج منها تراهي خرابيه بيوت والديل ان عندها رقم موبايله وماتدق تدق عليه بالبيت علشان تتعمد تحرج وتبي تسوي مشاكل بينكم لاتنولينها اللي تبيه خل تولي
لي رد عليها تعمدي وانتي يمه يبله عصير وجندسي علشان يبين صوتج وتسمعه قوليله هاك عمري عصير والا دشي روحي جنج بتيبين شي وناديه بصوت عالي قوليله فلااااااااااااااااان حبييييييييبي حياااااااااتي تعال يبلي جذي والا وين الشغله الفلانيه خل تسمع صوتج يمه
لاتتهاوشين وياه وتسوين مشكله الحين اهو قاعد يرد جدامج (لان ماكو شي واهو متاكد انج واثقه فيه) باجر يرد من وراج علشان يداري خاطرج ومايبج تتضايقين ومايبي مشاكل واهني خافي لان اهني ممكن تكون مشكله
يل انتهت هالسالفه بينينله انج متضايقه من انهم قاعدين ياخذون من وقتكم مع بعض وانهم يقللقون راحتكم
وودي اقولج زفيها بس اخاف تروح حق ريلج واهي لابسه اسود ومسويه بف ومكياج خفيف تبتجبج وسوري مسيو وسوري استاز انا ماكنت عارفي اني مسببتلك مشاكل بالبيت وانا اسفي كتير ودمعتين وايي يتناجر وياج ليش تزفين طلبته ويسويلج مشكله وساعتها حريييييييييييمتج يوصلج خبر عن دوراته وحريمتج يرد علي الطلبه والطالبات الملاقيف جدامج

نصيحي وسعي بالج وانشاءالله تطوف الدوره علي خير واي بتمل وتهده والفتره كثفي القصف عيل ريلج شغليه فيج حيل وخليج كله ضحك ووناسه وكشخه وجذبيه لج قد ماتقدرين
وفي يوم اذا ريلج من لنوع العادي مريه بمكان دورته قوليله بحظر درس بشوفك حبيبي وانا عازمتك علي العشا
وجذي خل يشوفنكم مع بعض
والله يعينج حيبتي


اما اذا خلصت الدوره واهي لي الحينها لازقه موراضيه تهده اهني تعالي واحنا نعينج عليها

 

[مزيونه وشقره]

لازم توقف عند حدها لاااازم واذا اتصلت وتمادت قولي لها ترا اتصالج غير لايق لرجل متزوج في بيته ولا حتى على نقاله واذا تمادت وضايقتج والله لو انا جان اطلع رقم اهلها وطوايفهم واكلمهم يوقفونها عند حدها

وزوجج ترسي عينه في هالفتره من كل النوااااحي دلع ومياااعه وكل شي

ولا تتناجرين معاه عليها


مع احتراماتي يا حياتي

مزيونه وشقره​