دليلنا للكيراتين و اليوكو (احسن الصالوانات+جميع الاستفسارات والمعلومات)

[زهر الرمان]

هاي بنوتات شخباركم
فكرت اسوي دليل حق الكيراتين واليوكو مع بعض ويصير مرجع لنا
لانه في وايد بنات كل يوم تقريبا يحطون اسئله متكررة عن الكيراتين واليوكو

فقلت احسن انيمع كل المعلومات والاستفسارات بمكان واحد ويكون موضوع شامل من تجاربنا الشخصية
لي احسن صالونات وهم انجاوبهم على الاستفسارت :eh_s(6): شرايكم؟




انا ببدي اول شي واقول تجربتي الشخصية
انا سويت اليوكو كذا مره عشان الوايرات اللي بشعري ما اتكش من الرطوبة :tomato2:
وتوني مسوية يوكو يديد على لوز يونس يخلي الشعر سوفت ونفس مفعول اليوكو العادي بس هذا احسن
والمدة اللي تقعدين فيها تختلف حسب نوع الشعر بس الاكيد انها ما تتعدى الساعة وعقب 3 او ايام اتردين الصالون
عشان يحطولج كريم التثبيت
اما الكيراتين فهو علاج ويفضل انج اتسوينة عقب الصبغ خاصة الاشقر او اللي تبي شعرها طايح نفس الفلبن اتسوي يوكو
وكيراتين والكيراتين يعطي الشعر لمعه عجيبة ويخليه سوفت ويعالج التقصف واختي سوتة مرتين واتقول حتى التساقط عندها
قل والكيراتين هم نفس طريقة اليوكو عقب 3 او 4 ايام من سويتية اتروحين الصالون عشان يحطولج التثبيت
وله بتكونين قطيتي فلوسج بالزبالة التثبيت اهم شي
ويفضل انج اتسوينهم ايام الدورة عشان مايحوش شعرج ماي

وانا سويت اليوكو والكيراتين عند مدام بوسي بصالون بريما لوتشي السالمية وهذا رقمهم 99527180
رقم الصالون:25723240
المواعيد والحجز ضروري

اللي بعدي المايك لج:eh_s(6):

 

[sweet-doll]

هاي
يعطيج العافيه
انا شخصيا اثق بصالون جاك ديسانج

وثااااااانكس عالمعلومات:eh_s(6):

 

[زهر الرمان]

ثانكس ياقلبي عالمرور نورتي الموضوع
اللي بعدنا لج المايك نبي الموضوع يصير دليل كامل متكامل يعني اي وحدة
تبي اتسوي كيراتين او يوكو ادش الموضوع واتلاقي اللي تبيه دليل الصالونات السنعة والمعلومات الكافية
:ggdw:

 

[زهر الرمان]

يابنوتات ياحلوين وين تجاربكم الايجابية اشدعوة
نبي كل وحدة تكتب تجربتها الايجابية عن الكيراتين او اليوكو ووين سوتة
عشان البنات اللي للحين ما سوو ويبون يسوون يستفيدون من دليلنا
حرام كل يوم عضوة اتقول حرقوا شعري بهالصالونات العليمية
يالله بنوتات كتبوا تجاربكم عشان خواتكم العضوات يستفيدون وما يستغلونهم العليمية ويجربون فيهم ويخسرون شعورهم وفلوسهم

يالله يالله المايك لكم :gathering:

 

[همسات طفل]

انا سويت كيراتين وووايد حلو عند وحده بالبيت مو صالون ودي أشارك معاج وامي سوت عندها ريلاكس

 

[شيهانه.q8]

آنا عن نفسي سويت كيراتين عند وحده في بيتها
الصراحه شغلها وتعاملها وأسعارها رووووووعه

يالله منو الي عليها الدور تستلم المايك

 

[Alesar]

ممكن انضم معاكم انا وكيل الكيراتين البرازيلي ماركة جلوبل في الكويت وحاضرة لاي استفسار وعندي ريلاكس وماتركس وعلاج لوريال للي تبي شعرها فلبن ومبارك عليكم الشهر

 

[زهر الرمان]

اول شي نورتوا الموضوع ياقلبي وحتى اللي سوو بالبيت عادي كتبوا اسم البنت وتجربتكم الايجابية
عشان انكون مرجع حق البنات
المايك لج ياللي بعدي

 

[(^_^)]

انا مسويه يوكو صارلي تقريبا 3 سنين
شوفو اهو شعري كان خشن و جاااااااااااااااف حييل لمن سويت ماشالله صار حيل ناعم وستريت و يلمع نفس شعر الفلبينيات لوووووول
صج صج فرق علي واااااااااااايد حده صار اينن
وكل 6 اشهر او 7 اشهر لازم اروح اسوي الجذور يوكو
ميزته ان يخلي شعرج ناعم على طول يعني بس تنشفينه بالشسوار او تمشطينه عالسريع جنج مسويته شسوار صالون
يعني قبل اذا بشسور شعري ياخذ مني ساعه و نص لا و بعد مايطلع وايد حلو لان جاااف بس الحين والله بس 10 دقايق امشطه بالشسوار يطلع يهبل ناعم ويلمع
بس شنو سلبياته ان اطيح الشعر
انا شعر وااااااااايد خف عن قبل
اول سنتين ماكان اطيح بس الحين وايد قام يطيح شعري وصار خفيف بس الحين قاعده اعالج التصاقط من الصالون نفسه صارلي جم سبوع
فانتو فكرو فيها تبون شعر ناعم حرير من الله مريحكم من غير شسوار و لا تعب بس يطيح
وله تبون شعر جاف ومتقصف وكشه بس مايطيح

ههههههههههههههه

وعلى فكره ترى مع اليوكو تقدرين تسوين اي شي بشعرج يعني عادي تسوين فيير
اهو يخلي شعرج جنه من الله ناعم وانتي تسوين فيه الي تبين

والصالون اسمه جاك ديسانج
^_^

 

[Alesar]

اول شي نورتوا الموضوع ياقلبي وحتى اللي سوو بالبيت عادي كتبوا اسم البنت وتجربتكم الايجابية
عشان انكون مرجع حق البنات
المايك لج ياللي بعدي

مشكورة حبيبتي رفع لعيون البنات :tek:

 

[زهر الرمان]

يسلموا يسلموا
up up هم لعيونكم يالله بنات تجاربكم الايجابية

 

[يازمان العجايب]

ممكن انضم معاكم انا وكيل الكيراتين البرازيلي ماركة جلوبل في الكويت وحاضرة لاي استفسار وعندي ريلاكس وماتركس وعلاج لوريال للي تبي شعرها فلبن ومبارك عليكم الشهر

مرحبا اليسار انا ودي اسوي كيراتين بس بسال شنو الفرق بينه وبين الريلاكس واقدر اصبغ قبل بيوم واسوي والا عقب انا ودي اصبغ اسود وجم سعره شعري تحت الكتف

 

[hadyah]

انا سويت لاختي العروس عند صالون كمفورت زون والكيراتين امريكي

وبما انبي خوافة طلبت اشوف المنتج والحمدالله طلع شعرها يهبل

الحين صار لها 3 اسابيع نفسة والصالون انا عندهم من زمان

والحمدلله عطونا خصم حلوا

 

[زهر الرمان]

تسلمون اللي شاركوا ونورتوا الموضوع وفدتونا ياقلبي

اللي وراي المايك لج كتبتي تجربتج الايجابية عن الكيراتين واليوكو(الريلاكس)

 

[Lulu_Perla]

السلام عليكم بنات

اختي سوت اليوكو عند صالون لاليك اللي بالسالمية مجمع شيخة

سوته و ما اضبطوه
و ردوا سووه مرة ثانية و ظل ليلحين مجعد

اهي شعرها كان كثيف ما شاء الله و مو خشن بس مكسر مثل ما يقولون فيه ردة
و بغت تخليه ستريت عشان ترتاح من السشوار و العبالة و كانت توها متزوجة

قطت 400 دينار بالزبالة
ولا فادها ولا شي !!!!!


و ودنا (انا وياها) نسوي كيراتين
بس متخوفين
مادري شلون طريقته و الفايدة منه و اذا طلعت جذور الشعر شلون ؟؟؟؟؟؟؟
لازم نسوي العلاج ؟؟؟؟؟؟؟

و وين احسن مكان ؟؟

نصايحكم بناات ؟؟؟

 

[زهر الرمان]

اففف اشدعوة 400 @@
والله ياقلبي انا مسويتة بصالون بريما لوتشي وحاطتة تجربتي اول الموضوع
واذا تبينة ستريت نفس الفلبن اتسوينة يوكو وكيراتين مع بعض بس طبعا اليوكو قبل وعقب الكيراتين
واذا تبين تصبغين هم عادي بس اتخلين الكيراتين اخيييير شي عقب الصبغ واليوكو
وبس انا عن نفسي انا وخواتي كله عند هالصالون هذا شعر مو لعبة على الله وعلى هالشعرتين

 

[نوووور الشمس]

موضوعج جاء بوقتة انا عرسي بعد 3اسابيع وابي اسوية كيراتين

بس خايفة ومحتارة وين اسوية بجاك ولا سيماز ولا شاتمون ياليت البنات يفيدونا

 

[زهر الرمان]

ياقلبي مبرووووك والله يتمم عليج انشاءالله
انشاءالله البنات يفيدونج انا عن نفسي كاتبة تجربتي اول شي بصالون بريما لوتشي مسويتة

 

[Lulu_Perla]

اففف اشدعوة 400 @@
والله ياقلبي انا مسويتة بصالون بريما لوتشي وحاطتة تجربتي اول الموضوع
واذا تبينة ستريت نفس الفلبن اتسوينة يوكو وكيراتين مع بعض بس طبعا اليوكو قبل وعقب الكيراتين
واذا تبين تصبغين هم عادي بس اتخلين الكيراتين اخيييير شي عقب الصبغ واليوكو
وبس انا عن نفسي انا وخواتي كله عند هالصالون هذا شعر مو لعبة على الله وعلى هالشعرتين

مشكووووووورة فديتج

اي و الله خذوا منها 400 :0bee2e8d89:
ريما لوتشي وين مكانه ؟؟؟؟
و بجم يسوون الكيراتين ؟؟؟؟
و شنو نوعه اللي عندهم اذا كنتي تعرفين ؟؟

 

[زهر الرمان]

ياقلبي مكانهم بمجمع الوطنية اللي بالسالمية المدخل الخلفي الدور الاول
وبجم ما اذكر بالضبط لاني سويت يوكو وكيراتين مع بعض بس كان مناسب والحين الاسعار هم احسن واحسن
مسوين عروض حق العيد اختي بتسوي هالاسبوع
وعندها الاثنين البرازيلي والامريكي الشوكولا والبابايا
وهذا رقم صاحبة الصالون مدام بوسي 99527180