معقوله بيتج باام الهيمان !!! سؤال غريب ضيق خلقي

[^ليلاس^]

صج الناس مظاهر

يقيسون الوحده على سيارتها والحين على منطقتها

يعني محددين الكشخه والسنع لبنات منطقه معينه والباجي شفينا احنا يعني؟

لا يضيق خلقج ولا شي الا قولي الحمدلله والشكر

 

[عشق]

شهوده تعالي تعالي جمعيه الرميثيه تلاقين يهال حفاي مو لابسين جواتي يلعبون جدام الجمعيه والدشاديش اللي لابسينها لما تشوفينهم تقولين ودي احطهم بالغساله اليهال مع الدشاديش ههههههههههههه

 

[ضحكة الدنيا]

للاسف حبيبتى شهد نظرة الاغلبيه من الناس جذيه
وعندهم ان المنطقه اهى اللى تحدد اذا الواحد يعرف الذرابه او لا ومو بس المنطقه البيت نفسه يحدد اذا انتى تعرفين الذرابه او لا
وهذى نظرة الناس وصعب تتغير بس يكفى انج تقتنعين انج انسانه ذربه وذويقه وماعليج من كلام الناس

 

[شهدQ]

يابعد عمري انتم والله انتم الي ذوووق

عسى الله لايحرمني منكم يارب:eh_s(21): :eh_s(21): :eh_s(21):​

 

[شندوخه]

حاسة بإحساسج شهوووده ..

بالجامعه لى قلت انا من الجهراء طااارت العيون كأني قايلة من شرق المريخ ..وما تسمعين الا واااااااااي انتي من الجهراء الله يعينكم ..عاد انا استعبط اقووول ليش حبيبتي شفيها الجهرا عندنا ماكدونالدز وهارديز حالنا حالكم

ما ادري شفيهم بعض الناس على الجهراء ..

صحيح ان كل المناطق فيها الزين والشين بس الناس عيونهم ضيقة ما يشوفون الا الشين ويعممونه على الكل ..

بإختصار حبيبتي عطيهم طاااااااااااااااااااف

فديت الجهرا واهلها :eh_s(22): :eh_s(17):

 

[حلوه ومزيونه]

للاسف هذي نظرة اكثر الناس للمنطقه ما ادري ليش
وما ارتحت من نغزاتهم وتطنزهم الا لما شديت من المنطقه

 

[lala2]

ام الهيمان .... مدينتي الجميلة ...
حبيبتي شهودة انا نفسك بام الهيمان وياما حصلت تعليقات
بس انا اخذها بحمل الضحك
وازيد عليهم اقول اللي مايطول العنب حامض عنه يقول .. واقول لهم لو سمحتم ضاحية علي صباح السالم ... تطورنا ...
واخذها بمحمل الضحك واقول بكرة تتسوقون عندنا ..
لان راح نصير عاصمة بروحنا واحنا اللي مانكلمكم
بس منطقتنا والله حلوة
يكفي انها منطقة شبابية اغلب اللي فيها جيل الثلاثينات
والجيران صغار
يعني انا كل جاراتي من سني تقريبا
وهذا مايحسسني بالبعد لان جمعاتنا وحدة وافكارنا وحدة اصلا مالي خلق اروح ازوارات برة المنطقة عندي اكتفاء من جمعت الجيران كل يوم .
اموووت على ام الهيمان
ولما ادخلها انشرح سبحان الله منطقة مريحة وشرحة شنو نبي اكثر من جذيه >>> الله بيعد عنا عيون الحساد>>>> صدقت نفسها>>>>
عطيهم حبيبتي طاف ولما يقولون لك كذيه اضحكي وقولي بس عاجبتني
اوموت فيها

 

[كويتيه مذهله 87]

ايوالله شنو علاقه ام الهيمان بالذرابه
شكواااااااا ياربي علي هالناس

 

[manoola]

احس ان وايد من الكويتيين شخصياتهم على قدهم صج والله ..... يعني شكو المنطقة ياما ناس ساكنه باحسن المناطق واي شي .... يعني الله يخليج ايام قبل الصراحه تقولين الكشخه بالضاحيه والا شويخ بس الحين حتى الهيلق سكنو العاصمه ..... اي شي
حرررريم ولما نقول ناقصين عقل يزعلون !

 

[brettey]

حبوبه انا ما احب الناس الي يحددون ذرابه الواحد بالمنطقه بس انا عن نفسي مستحيا افكر اسكن فيها لانها بعيده انا احب الديره احسن

 

[brettey]

حبوبه انا ما احب الناس الي يحددون ذرابه الواحد بالمنطقه بس انا عن نفسي مستحيل افكر اسكن فيها لانها بعيده انا احب الديره احسن

 

[نونو جين]

تدرين انا لو مكانج اكون بقمة سعااااااااااااااااادتي
اسم الله عليج اسم الله عليج
هذا دليل على انج مميزه
اسمحيلي انتي طلبتي الصراحه الي بام الهيمان الاغلب ناس مايعرفون الكشخه واللبس الراقي يعني نوعيات ماتعرف هالاشياء
وانتي الله يحفظج بهالمكان يعني يقولون شلون هذي ذوقها جذي المعروف العكس والا حتى المجتمع ياثر شلون ماصارت مثلهم
فاهمتني؟

انتي المفروض تفرحين بهالشي مو تتضايقين وتقولين عند ريلج على سالفه تصدق يقولون جذي وجذي بيستانس ان زوجته غير

وعسا الله يهنيج ويبعد عنج كل حاسد يانظر عيني
ووسعي صدرج وابتسمي ياجينة الجينات
تدرين ليش؟؟
لانج جينة الجينات
ولانج مميزه ​

 

[خبيرة اعشاب]

اتصدقين عمري ما جيت ام الهيمان و لا المنطقه العاشره عموما ...
بس انا استغرب من حريم جذي الله يديهم بس كلنا عيال ديره وحده ...

 

[قايد الريم]

صح انا معاج في ناس يحددون شخصيج وذرابتج من منطقتج بس لللاسف ماعندهم سالفه اصلن ياما ناس فى مناطق حلوه بس اهم مايعرفون الذرابه اصلن الذرابه والكشخه على فكره كلها بالمنطقه العاشره من لبس وماراكات واثاث صج البيوت الحكوميه ماتبين من بره بس دشى داخل وشوفى الاثاث خاصة الحين البنات كلهم يشتغلون وقاعدين يكشخون

 

[brownness]

شي غريب بدون تعليق لا تعورين راسج قوليلها اي في ام الهيمان هي ماقالت جذي الا لما شافت ذربة وحلوة

 

[شهدQ]

شكرا حبيباتي ع التفاعل بموضوعي

lala2 انتي اي قطعه يابختي معاي احد

نونو جين لا والله ياقلبي هذا قبل اهل المنطقه مايعرفون يلبسون اما السكان اليديدين كلهم صغار واقل من 33 اعمارهم وموظفات يعني داخلين مع المجتمع

صحيح مو الكل بس في فئه كبيره بهالمنطقة تلبس وان كانت قليله ولولا اسعار البيوت النار جان اخترت السالميه سكن لي ههههههههههههه

حلوه ومزيونه عسى الله يوفقج ياقلبي

وشاكرتكم كلكم ع المرور حبيباتي

 

[هلااا]

السلام عليكم ورحمة الله وبركاته

شلووونج اختي شهد الكويت ؟؟؟
اسمحيلي اعتب عليج وعلى الخوات
لأن باعتقادي المرآة في هالزمن تتقدر بعقليتها ودورها في المجتمع
مو في كشختها ومنطقتها مع أن حلو إن الوحده تهتم بالمظهر اللائق

للعلم انا من سكان أم الهيمان من 5سنوات
ومرتاحه فيها حيل لأنها منطقة هادية وبيتي كبير ومريح وفيها كل الخدمات
وأنا مدرسة وأغلب زميلاتي في المدرسة من نفس المنطقة وهم ذربات وشحلاتهم

تدرين اول ماسكنت في أم الهيمان قالولي بعيده وأهلها أي شي
بس لما زاروني وشافوا بيتي وشكثر أنا مرتاحه قالولي لاتهدين بيتج

 

[الملكيييية]

شهوووووووووده انا بنت منطقتج وحاسه فيج

صج الناس ماخذه فكره عن ام الهيمان

ليش مادري؟؟؟

 

[lala2]

السلام عليكم ورحمة الله وبركاته

شلووونج اختي شهد الكويت ؟؟؟
اسمحيلي اعتب عليج وعلى الخوات
لأن باعتقادي المرآة في هالزمن تتقدر بعقليتها ودورها في المجتمع
مو في كشختها ومنطقتها مع أن حلو إن الوحده تهتم بالمظهر اللائق

للعلم انا من سكان أم الهيمان من 5سنوات
ومرتاحه فيها حيل لأنها منطقة هادية وبيتي كبير ومريح وفيها كل الخدمات
وأنا مدرسة وأغلب زميلاتي في المدرسة من نفس المنطقة وهم ذربات وشحلاتهم

تدرين اول ماسكنت في أم الهيمان قالولي بعيده وأهلها أي شي
بس لما زاروني وشافوا بيتي وشكثر أنا مرتاحه قالولي لاتهدين بيتج

---------------------------------
زين والله فيه احد معانا في ام الهيمان
ياحلوو منتطقتنا وخل اللي يقول يقول ...
يا يابنات ام الهيمان

بعد انا موظفة .. ولاعندي مشكلة ..
المشكلة في العالم الخارجي اللي يقيمونا على ام الهيمان القديمة .
ونسوا انها تغيرت بكل شي

 

[رمانه كويتيه]

ههههههههههههههه ضحكتينى الحين بعد ازيدج من الشعر بيت اذا بيتهم فى السره ولا الضاحيه ولا مشرف مايزوجون عيالهم حق اهل القرين والمنطقة العاشره


تدرين عاد شتردين عليهم مثل ما انا ارد عليهم احرجهم مره وحده اقولها اى مصيرج بتصيرين معانا بنفس الارض اللى هيه المقبره ماكو احد احسن من احد