اقووووى تجمع لأحلى مدمنات Make Up{{ مغلق حتى اشعار اخر لظروف العضوه الدراسيه }}

[LA TROO7]

رد: اقووووى تجمع لأحلى مدمنات Make Up .. حيااااكم *_متجدد_*

الموضوع كل ماله ويحلى اكثر ما شاءالله
بشاركم بتشكيلتي من الحمر الورديه واللحميه

اول شي تشكيله الحمر الورديه والفوشيه

ثاني شي الحمر اللحميه

:ggdw::ggdw::ggdw:

عااااااااااااااااااااااشت سمسوومه

اعجبتني الفووشيه مالت سانلوران شنو رقمها ؟؟

وعليج بالعاااااااافيه

 

[قطوتي]

رد: اقووووى تجمع لأحلى مدمنات Make Up .. حيااااكم *_متجدد_*

قطوتي

ماشاء الله مبددعه كل الدرجاات عندج ياحظي علي شوقتيني اروح اخمطلي جم لون :dddds:[/SIZE][/COLOR][/B][/QUOTE]

حبيبتي مايغلووووووووووون والله :tek:

 

[SeDuCTive]

رد: اقووووى تجمع لأحلى مدمنات Make Up .. حيااااكم *_متجدد_*

الله حلوة مشكووووورة

العفو بعد قلبي حياج ..

بنات انا شريت بريسد باودر من ماك
بس حبيت اعرف شلون استعمله عشان ما يتكتل و يصير بشكل حلو ؟ استعمله بعد الفاونديشن ؟ و لا شلون ؟

هلا حبيبتي بشوووره .. اكيد لازم تستعملين مرطب او بيس او فاونديشن قبل البودره عشان تمشي معاج
Smooth وما تتقطع يا قلبي .. :tek:

سوسو آنا ييت ويبت حمري معااااي :dddds:
والله وآنا أصورهم قلت ألحين امغيره الموضوع وانا رازه ويهي بالموضوع اللي قبله :tomato2:
وبــــس

يا هلا ومرحبا ... حمرج يشوقوووون مثلج ام عبووودي.. فديتج وفديت مشاركاتج العسل حبيبه ألب ألبي :*
حياتي انتي تغيرين وترزين وتخبصين على راحتج .. الموضوع موضوعكم بنات :dddds:

سيدكتف
حبييييبتي انتي ما ننحرمش
وألحين ناطره حزة الفطور بعد دقايق بس افطر بروح اشوفلج اسم الحمره الورديه
عاد يبيلها مدااااحر الخط وايد صغير

فديتج ام مضاوي .. عزيزه وغااااليه يا قلبي ..

upzzzzzzz

اموااااااااااااه لأحلى بسابيسووو :*

كلولولولويييييييييييييش
اخيراااااااااا وصلت صوور ست المديييييييره:
يالله يالله وسعووووو دررب درررب
هذذي صووور الفوووشي المفووووش بس سوري نسيت اسجل ارقاامهم <<< ماتسوي شي كاامل
بس افا عليكم اي سؤاال بالخدمممه
وهذي لحميااات الوردي وتوني اكتشف انه ماعندي وااايد من هاللون
وسلامتكم يالحاظريييييين :gathering:

هلو هلو .. عاشت مديرتنا . كلج على بعضج مع حمرج تهبليييييييييين يا احلى مديروووو ..
وعلى فكره اللحمي وايد حلو على لون بشرتج كثري منه ولج !

:eh_s(6):صباااح الخير ياحلواااااااااااات
طيحتوا في خاطري روج فوووشي بس مابي فلاش لانه عندي في خاطري فوشي يكون مب وايد فلااااااش
انا عيزااااانه اصور فبحط لكم الصوره جاهزه من النت
هذا كريم اساسي اللي استخدمه حده حلووووووو !
ويسوي كفررررر حلو ويخلي البشره مخمليه ولونج لاستنج ويوم اقرا عنه بالنت كاتبين وتر بروف هاذي المبالغه الزايده لووول بس لاجد حلووولايفوتكم​

هلا حياتي .. تسلمين عالمداخله الحلوه بنحتاجها بموضوعج الفاونديشنات ان شاء الله
تابعينا يا قلبي ..

يلااااا ســوســو وينـــج نبي شي يــــــديــــــــــد :eh_s(6):
up
up

هلا حياتي .. سامحوني عالقصور .. كنت مشغوله شوي هالاسبوع ..
واكيد لكم مني احلى يديد يا حياه ألبي ..

معاكم بالفوشي
طبعا حطيت كذا صوره علشان تبين الالوان ,, لان الكاميرا مو واضحه

فديتج يا احلى قطوتي .. مشاركاتج روعه مثلج عسانا ما ننحرم منها والوان حمرج وااايد ذربه وراقيه يا عسل :*

عليييج بالعاافيه المييك اب

الله يعافيج حبيبتي قفشه ..

موضووع حده حلووو ومفيد يعطي بدائل لبعض الالوان الغير متوافره بالسوق + انكم تحطون شغلات ممكن نكون غافلين عنها واسماء احنا مستهينين فيها بس بالمحصله تكون نتايجها قريبه من بعض البراندات الغير متوفره محليا
يعطيكم العافيه وشكراا سوسو وشكرا لكل المجتهدات بهالموضوع الحلووو..عساكم ع القوه

هلا بالغاليه .. تسلمين عالمرور .. وناطرين مشاركاتج وتسلمين عالتشجيع قلبووو ..

خووش موضوع وبالتوفيق للجميع

تسلمين حبيبتي Bunny .. حياج بيننا ..

وحشتوني
اين انتم يااقوم

هلا بالعسل.. انتوا وحشتوني اكثر حياتي .. :*

الموضوع كل ماله ويحلى اكثر ما شاءالله
بشاركم بتشكيلتي من الحمر الورديه واللحميه
اول شي تشكيله الحمر الورديه والفوشيه
ثاني شي الحمر اللحميه

هلا باحلى سمسووومه .. نورتي موضوعي يالغاليه ..
فديتج ذوقج عسل وكلاس مثلج .. ولا تحرميني من مشاركاتج يا اشهى والذ سمسميه :ggdw:

 

[SeDuCTive]

رد: اقووووى تجمع لأحلى مدمنات Make Up .. حيااااكم *_متجدد_*

WaaaaaaW بنات .. والله احرجتوني بمشاركاتكم الي تبرد الجبد وتسر الخاطر والفؤاد ..
فديتكم .. كل ما ابي اغير الموضوع .. انطر البنات اللي ما لحقوا يحطون مشاركاتهم من كثر
ما مستمتعه باذواقكم الروعه .. وعسى الفايده ان شالله تعم على الجميع ..
لكم مني ارق واطيب تحيه واشكركم من كل قلبي .. عساني مانحرم من حسكم ..






وقبل لا ندخل بموضوع يديد .. ولأني احب لكم كل شي مميز .. وابي كل متابعينا يكونون على درايه بكل شي
على اصوله .. حبيت اوضح نقطه يمكن بعض البنات مو منتبهين لها ..
بالنسبه لمصطلح الفوشي اللي كلنا نتداوله بيننا ..
اللون الفوشي المفوووش مقسم ل 3 انواع :eh_s(1):

الاول يسمونه ال True Fuschia ..
ومثال عليه حمره Ysl-Volupte 11 ..

واللون الثاني .. اهو ال Hot Pink ..
ومثال عليه حمره Mac-Impassionate ..

والثالث يسمونه .. Cotton Candy Pink
او Barbie Pink .. مثل حمره Ysl-Volupte 10 ..

واخر شي صورتلكم مجموعه الحمر الفوشيه اللي عندي ..
والمجموعه ناقصه حمرتين : MAC- Girl About Town ..
و MAC-Impassionate .. لأنهم عند وحده شيتووونه (ماتخلي على سوسو شي) :dddds:

وبفلاش ..

وتسلمون عالمتابعه حبيبتي ..

 

[drama77]

رد: اقووووى تجمع لأحلى مدمنات Make Up .. حيااااكم *_متجدد_*

[حبيبتى اب اسماء ارواج ماك الوردية

 

[CUTE ENGINEER]

رد: اقووووى تجمع لأحلى مدمنات Make Up .. حيااااكم *_متجدد_*

واااااااااااااااااااااااااااو سوسو حمرج الوردية تدوخ تخببببببببببببل
أبيه كوليكشن حده عجييييييب ويينن
عاد غرامي الوردي ريقي مشى لما شفتهم
عاد طايحة له هالأيام بالbaby pink ماخذتلي وحدة من كريولان رقمها 35
وطايحة فيها طيح بس أثقل معاها البلاشر عشان ويهي لايطلع باهت شيشتيني بروح آخذ
سان لوران رقم 10 ةكريولان 35 بعد مرة

 

[ام سعود ديكسون]

رد: اقووووى تجمع لأحلى مدمنات Make Up .. حيااااكم *_متجدد_*

:tek:

WOW


خوش موضوع

سوسو وكل البنات انتو رووووعة

تهبلون

 

[أم^عبادي]

رد: اقووووى تجمع لأحلى مدمنات Make Up .. حيااااكم *_متجدد_*

واااااااااااااو غراااامي الفووشي سوسو ,, تتهنــي ابحمــرك حبيبة ألبي

والله صج حسيت اني فقيره بالفووشي :dddds: لالالا حطيت عيني على جم حمره فووشيه بروح اخذهم ان شاء الله

تسلميـــــــــــــــــن ســوســو

 

[سمسميه]

رد: اقووووى تجمع لأحلى مدمنات Make Up .. حيااااكم *_متجدد_*

:ggdw::ggdw::ggdw:

عااااااااااااااااااااااشت سمسوومه

اعجبتني الفووشيه مالت سانلوران شنو رقمها ؟؟

وعليج بالعاااااااافيه

حبيبتي رقمها 11 واسمها rouge volupte
الي تكلمت عنها سوسو باخر مشاركه
وتسلمين حبيبتي

 

[سمسميه]

رد: اقووووى تجمع لأحلى مدمنات Make Up .. حيااااكم *_متجدد_*

waaaaaaw

الاول يسمونه ال true fuschia ..
ومثال عليه حمره ysl-volupte 11 ..

..

هذي الحمره عندي منها عجييييييييييبه

 

[SeDuCTive]

رد: اقووووى تجمع لأحلى مدمنات Make Up .. حيااااكم *_متجدد_*



شخباركم حبيباتي ...
اليوم موضوعنا خفيف وحيوي.. اخترته لكم ..بما انه كلنا من LiPsticks Fans ..
خلونا نتكلم عن الطريقه المثاااليه لوضع احمر الشفاه..
لأبراز الشفتين واعطائهم تحديد و Definition اكثر ..

بالنسبه لي كنت احب استخدم الحمره بالطريقه العاديه .. وبالتالي ما كان يعجبني الا النوع اللي يكون Amplified
او Matte لأني كنت احس اللون ما يطلع معاي.. وسألت بالموضوع واكتشفت انه مهما كانت الحمره خفيفه ..
نقدر نطلع منها اللون الموجود على ال Tube بطريقه ال Build Up .. والسر في هالموضوع اهو استخدام ال

Lip Brush ..

طبعا الكل بيقول السالفه بتطول واحنا مستعيلين وماكو وقت ..
بس Unfortunately كل الحمر مصممه انها تنحط بال Brush سواء كان قوامها ثقيل او خفيف ..
وبالتالي تمكن ال Make up Artist من التحكم بلون وكثافه واللون .. ولاحظوا معاي انه ال Creamy Lipsticks وايد منتشره هالايام واهي تعطي نتيجه رائعه اذا استخدمناها مع ال Lip Brush ..


Note: ال Lip Brush اذا كان قوام الحمره Matte او Satin يمكن الاستغناء عنها .. وبهالحاله راح نستخدمها للحمر الخفيفه واللامعه واللي حاسين انها ما تعطي النتيجه المطلوبه مع ظروره الاهتمام بال LipLiner .. لأنه المحدد خطوه اساسيه لتثبيت احمر الشفاه عشان تكون الصوره واضحه لكم بنات ..


واخترت ال Lip Brush من ماركه Shu Uemura ..

http://www.shuuemura-usa.com/

ماركه Shu Uemura ماركه يابانيه عريقه .. سميت بهذا الاسم لصاحبها ال International Make up Atrist
اللي كان مهتم بصناعه ادوات التجميل منذ العام 1958 .. وهالماركه معروفه على مستوى كواليس عروض الازياء
وتتميز بطرحها لمجموعاتها التجميليه مرتين في السنه فقط اي Bi-annual ..
ومن اشهر منتجاتها ال Make up Brushes رفيعه الجوده والصنع .. وعندهم منتج يديد فووق الروعه واهو
ال Multi Purpose Facial Cleanser .. مصمم ليلائم انواع البشره الثلاثه الاساسيه..
لكن للاسف الغسول اللي يمشي مع نوع بشرتي كان مخلص من عندهم وما قدرت احصله :eh_s(14):
ومن المنتجات ال Best Selling منها .. ال False Eye Lashes واحلاهم اللي يسمونها
Slant Black .. وال Gel eyeliner جيد.. هذي كانت ملاحظاتي عليها ..

وهذي صور الستاند من تصويري ..

وهذي ال Lip Brush .. واهي ممتازه ..

وبالنسبه للبدائل المتوفره اللي نصحوني فيها ..

1- Krylon-Lip Brush .
2- Bobbi Brown Lip Brush .. ممتاااازه ..
3- Make up for ever Lip Brush ..

 

[Pink.Barbie]

رد: اقووووى تجمع لأحلى مدمنات Make Up .. حيااااكم *_متجدد_*


Nice .... Nice .... Nice .... Nice .... Nice .... Nice .... Nice .... Nice

وكلامك صح مليون بالميه

اذا لون اليبستيك مو واضح الليب برش تبين لونو تمام و تقدري تتحكمي فيه كمان

انا عندي يمكن اكثر من سته برشز لليبستيكز علشان الالوان المختلفه

لقيتها باستراليا كانت حلوه كمان بس مع الالم مو فاكره شو اسمها

بس بشوف ولوقدرت اجيبو برجع واكتبلكم اياه

فديتيك على موضوعك المفنتك ياعسوله هانم

ومرصي خالص على كل حرف كتبتيه

فديتيك

 

[سكر غلاه]

رد: اقووووى تجمع لأحلى مدمنات Make Up .. حيااااكم *_متجدد_*

مشكوره يا مس سيديكتف
ماشالله عليك انتي بروجك رفرنس كامل متكامل

وايد عجبني توضيح الالوان الفوشيه ربي يعطيك العافيه
وبالنسبه للب ستيك برش اول كنت احسها فلسفه وزياده عدد بس لما استخدمتها حسيت بالفرق العجيب
وانا فرشتي من Chanel مره مرتاحه عليها

متابعه للاخر ..

 

[zYoOoNa]

رد: اقووووى تجمع لأحلى مدمنات Make Up .. حيااااكم *_متجدد_*


سوسو روووعة مجموووعتج الفوشية المفوووشة
اتينن
ابيج ترشحيلي شنو احلى لووون عندج ؟؟ اسمها ورقمها؟؟بليززز قلبي

وموضوع اللب ستيك برش واايد عجبني
انا من زمااااان متعوده احط الحمرا بالبرش ماحب احطها دايركت احس اللون مايطلع مثل ما ابي

وعندي فرشة من استي لودر ماااافرط فيها لو شنو

 

[قطوتي]

رد: اقووووى تجمع لأحلى مدمنات Make Up .. حيااااكم *_متجدد_*

مشكوووووووووره حبيبتي

انا عندي من بودي شوب بس مااستخدمها

دايم احطه عادي بدون البرش .. بجرب واشوف

 

[عــافك الخــاطر]

رد: اقووووى تجمع لأحلى مدمنات Make Up .. حيااااكم *_متجدد_*

:ggdw:يمه يمه عالفوووووشي المفوش المفشيي :dddds:


علوووي بدعتي ولج كل هذا فوشي ؟؟ شتسوين فيهم :dddds:

بس زين ماتسوين لاني احببب هاللون عليييج يختي تحلييه تحليه تأبشينييي


وعلى موضوعنا اليوووووم يبتيها عالوترر بييب اختي تقرى هالباارت بالذات مو موضوعج

وااي ميننتني هالبنت كله حاطه الحمره عالسريع من غير المحدد ولا بالفرشه @@

ودددي اطقها لي شفتها تسوي هالحركه تحرني ياختج تحرني بروحها ماكو برااطم وينهي توتيو خل تشوفها براطمها يم اختي تطلع ولا براطم عتاب << ترى صار فلم على اسمها :krkrkr:

المهم انا ضروووري عندي المحدد لانه يثبت الحمره واحسه يطلعها بصوره احلى ومستحيييل اصلا اعرف احطها بدون محدد احس شكلها يصير غلط لولز

وصاجه بالبرش يطلع شكلها غيير واحلىىى ودايما احط فيها بالمناسبات بس اذا زوارات ولا مشاوير سريعه لا احط بدونها لانه كله على عيله خخخخخخ

وهذي صوره البرش من مااك



وتسلميييين لي يالغااااااااليه على هالموضوع اللي يشرح الصدر ويطلع المواهب ويرفع المستوى :ggdw:

لا خلاااااا ولا عددددددددم :fun:

 

[SeDuCTive]

رد: اقووووى تجمع لأحلى مدمنات Make Up .. حيااااكم *_متجدد_*

[حبيبتى اب اسماء ارواج ماك الوردية

هلا حبيبتي .. المجموعه الفوشيه بدرجاتها اللي عندي من MAC :
1-Impassioned.
2-Fusion Pink .
3-Girl About Town .
4-Full Fuschia .
5-Show Orchid .
6-Pink Nouveo .

واااااااااااااااااااااااااااو سوسو حمرج الوردية تدوخ تخببببببببببببل
أبيه كوليكشن حده عجييييييب ويينن
عاد غرامي الوردي ريقي مشى لما شفتهم
عاد طايحة له هالأيام بالbaby pink ماخذتلي وحدة من كريولان رقمها 35
وطايحة فيها طيح بس أثقل معاها البلاشر عشان ويهي لايطلع باهت شيشتيني بروح آخذ
سان لوران رقم 10 ةكريولان 35 بعد مرة

هلا حبيبتي Cuty .. تسلمين يا عمري الحمر كلها تحت امرج يا قلبي ..
Ysl-#10 زووغه لازم تاخذينها .. وانتي اللي شوقتيني على حمر Krylon ..
ماعندي منهم الا حمرتين وحده Orange والثانيه Deep Red .. بشوف رقم 35 وبدعيلج يا عسل :ggdw:

WOW
خوش موضوع
سوسو وكل البنات انتو رووووعة
تهبلون

حياتي ام سعووود تو ما نور الموضوع حيااااااتي.. انتي اللي روعه وتهبلين فديتج ..
ناطرين مشاركاتج الديكسونيه العجيييبه ..

واااااااااااااو غراااامي الفووشي سوسو ,, تتهنــي ابحمــرك حبيبة ألبي
والله صج حسيت اني فقيره بالفووشي لالالا حطيت عيني على جم حمره فووشيه بروح اخذهم ان شاء الله
تسلميـــــــــــــــــن ســوســو

هلا بام عبادي.. اي والله الفوشي روووعه وعليج بيكون اروووع ..
فديتج الفوشي كله تحت امرج .. حبيبه ألب ألبيييي :*

هذي الحمره عندي منها عجييييييييييبه

عليج بالعافيه سمسووومه .. ذوووق حدج :ggdw:

Nice .... Nice .... Nice .... Nice .... Nice .... Nice .... Nice .... Nice
وكلامك صح مليون بالميه
اذا لون اليبستيك مو واضح الليب برش تبين لونو تمام و تقدري تتحكمي فيه كمان
انا عندي يمكن اكثر من سته برشز لليبستيكز علشان الالوان المختلفه
لقيتها باستراليا كانت حلوه كمان بس مع الالم مو فاكره شو اسمها
بس بشوف ولوقدرت اجيبو برجع واكتبلكم اياه
فديتيك على موضوعك المفنتك ياعسوله هانم
ومرصي خالص على كل حرف كتبتيه
فديتيك

هلا حبيبتي باربي.. مشاركاتج دوووم مميزه و Super Nice يا قمر ..
وصاجه البرش تساعد خصوصا اذا كانت الحمره من النوع ال Shine او ال Luster ..
وناطرين منج احلى صور.. واذا تحبين تنصحيننا بماركه معينه جربتيها وحبيتها بنكون شاكرين لج حبيبتي :*

مشكوره يا مس سيديكتف
ماشالله عليك انتي بروجك رفرنس كامل متكامل
وايد عجبني توضيح الالوان الفوشيه ربي يعطيك العافيه
وبالنسبه للب ستيك برش اول كنت احسها فلسفه وزياده عدد بس لما استخدمتها حسيت بالفرق العجيب
وانا فرشتي من Chanel مره مرتاحه عليها
متابعه للاخر ..

هلا بسكووره الغاليه .. بعد عمري انتي هذا من ذوقج يا ذوق ..
وتستاهلون احلى توضيح وكل شي جديد حبيبه ألبي وان شاء الله اكون عند حسن ظنج
وان شاء الله ايد بايد بنستفيد كلنا من تجاربنا الشخصيه ..
وعليج بالعافيه فرشه Chanel شوقتيني اروح اشوفها .. وصاجه انا لاحظت انه الحمره تثبت اكثر
وحتى لونها اقدر اتحكم فيه حسب الدرجه اللي خاطري فيها وشكل الحمره على الشفايف يكون Smooth

سوسو روووعة مجموووعتج الفوشية المفوووشة
اتينن
ابيج ترشحيلي شنو احلى لووون عندج ؟؟ اسمها ورقمها؟؟بليززز قلبي
وموضوع اللب ستيك برش واايد عجبني
انا من زمااااان متعوده احط الحمرا بالبرش ماحب احطها دايركت احس اللون مايطلع مثل ما ابي
وعندي فرشة من استي لودر ماااافرط فيها لو شنو

هلا بالزين يا هلا ويا مرحبا .. حياتي زيزو انتي اللي تيننين حبيبتي ..
وادري موضوع البرش مو يديد عليج .. انتي بالميك اب ما شاء الله عليج محد يقاشج يا احلى Professional ..
وبالنسبه للحمر الفوشيه .. انتي ماشاء الله ما خليتي لون ما وريتينا اياه على شفايف KiMoO ..
بس يمكن اللون اللي للحين ما شفته عليج اهو ال Hot Pink .. ومتأكده اذا حطيتي اللون براسج بتطلعينه لنا بأحلى صوره :eh_s(6):

مشكوووووووووره حبيبتي
انا عندي من بودي شوب بس مااستخدمها
دايم احطه عادي بدون البرش .. بجرب واشوف

هلا بقطوتي .. الشكر لله يا قلبي انتي .. جربي طريقه البرش اذا كان عندج Free Time ..
وان شاء الله تعجبج .. يمكن ما تحبين الطريقه بالبدايه بس بتحسين بفرق النتيجه ..

:ggdw:يمه يمه عالفوووووشي المفوش المفشيي
علوووي بدعتي ولج كل هذا فوشي ؟؟ شتسوين فيهم
بس زين ماتسوين لاني احببب هاللون عليييج يختي تحلييه تحليه تأبشينييي
وعلى موضوعنا اليوووووم يبتيها عالوترر بييب اختي تقرى هالباارت بالذات مو موضوعج
وااي ميننتني هالبنت كله حاطه الحمره عالسريع من غير المحدد ولا بالفرشه @@
ودددي اطقها لي شفتها تسوي هالحركه تحرني ياختج تحرني بروحها ماكو برااطم وينهي توتيو خل تشوفها براطمها يم اختي تطلع ولا براطم عتاب << ترى صار فلم على اسمها
المهم انا ضروووري عندي المحدد لانه يثبت الحمره واحسه يطلعها بصوره احلى ومستحيييل اصلا اعرف احطها بدون محدد احس شكلها يصير غلط لولز
وصاجه بالبرش يطلع شكلها غيير واحلىىى ودايما احط فيها بالمناسبات بس اذا زوارات ولا مشاوير سريعه لا احط بدونها لانه كله على عيله خخخخخخ
وهذي صوره البرش من مااك
وتسلميييين لي يالغااااااااليه على هالموضوع اللي يشرح الصدر ويطلع المواهب ويرفع المستوى
لا خلاااااا ولا عددددددددم :fun:

هلا بمديرتي الحبيبه .. لووول شفتيني شلون مبدعه بالفوشي.. ياختج احبه بكل درجاته واحب احطه خفيف
تصدقين ماحبه Over .. يا حياتي انتي انتي قمرنا واحنا نجومج مديروووو ..
وصاجه انا مااستغنى عن المحدد .. احس شفايفي عاايمه :dddds:
وبالبرش صج اني اطول شوي.. بس الحمره تطلع معاي احلى ..
وتسلمين على الصوره يا قلبي.. طلعتي مو هينه مديروو شغلج كله بروفشنال وبالبرشززز وتقولين ماعرف هااا :dddds:
فديتج الله لا يخليني ولا يحرمني من حسج حبيبه ألب ألب ألب سوسو :33_1185028183:

 

[CUTE ENGINEER]

رد: اقووووى تجمع لأحلى مدمنات Make Up .. حيااااكم *_متجدد_*

مشكوووووورة seductive على موضوع الlip brush

وان شالله بجرب مالت makeup for ever

الصراحة انتي وزيونة وسباركل دايما ماتمدحون إلا الأشياء الزينة

عن تجربة صراحة

 

[المطيوره]

رد: اقووووى تجمع لأحلى مدمنات Make Up .. حيااااكم *_متجدد_*

بالتوفيــُــق للجميع ياارب .. : )

 

[شهووده]

رد: اقووووى تجمع لأحلى مدمنات Make Up .. حيااااكم *_متجدد_*

سوسو الحمر الورديه بدرجاتها نقطة ضعفي ..

يااحبي للفووووشي ..

بس تصدقين ماعرفت أصنف حمري حق أي قسم ينتمون !! :080402ask_prv:



من زماان بخاطري أجرب الـ show orchid وشكلي بوصي عليها هالمره ..

وبسئلج الـImpassioned ليمتد اديشن وإلا أحصلها ؟؟




امممممم وعلى بارت الـbrushes بصراحه تشووقت !

عمري مافكرت أحط حمره بفرشه !

وحتى الحمر اللي تصير بباليت ماعمري جربتهم ..

بس دام أبله سوسو فديتها انصحت وقالت النتيجه بتكون حلووه أكييد ان شالله بجرب _03BA:



تسلم الأياادي ياحلوه ..

كملي ..

متااابعين :ggdw: