اولياء امور مدرسة التكامل( صباح السالم )

[كويتيه ذربه]

علينا وعلييج باونتي
وانشاءالله نبلغج بأي جديد

 

[كويتيه ذربه]

كدووي اها يم صف بنتي

 

[شانيل نمبر 5]

علينا وعلييج باونتي
ومن عيوني ابلغج عن كل شئ جديد

 

[كويتيه ذربه]

شانيل اشلونج

 

[كدووي]

كدووي اها يم صف بنتي

والله انا ودي السنه اليايه اكون بالمدرسه جذي افيدكم بس ماكو نصيب لووول بس المدرسات وااايد زينين مس نافيدا ومس فاطمه وفي بعد مدرسات واايد اصلا كل مدرسات الابتدائي يهبلون همن الهنديات واايد قوايا بالتدريس

 

[كويتيه ذربه]

كدوووي ليش انتي طلعتي من المدرسه ؟؟؟
واشلون بالنسبه لقريد تو انا بنتي كانت عند مس سلوى الحين بتروح قريد تو

 

[Miss_Tiger79]

كدوى
شرايج بمس نفيدا؟؟
اهيه بدرس ولدي قريد1

 

[كدووي]

كدوووي ليش انتي طلعتي من المدرسه ؟؟؟
واشلون بالنسبه لقريد تو انا بنتي كانت عند مس سلوى الحين بتروح قريد تو

انا طلعت من المدرسه لان معاشهم شويه بس المدرسه واايد زينه ....مس سلوى تهبل شوفي اذا بنتج زينه بالانجليزي ماراح تضيع بقريد 2...منو ابلتها بقريد 2 ؟

 

[كدووي]

كدوى
شرايج بمس نفيدا؟؟
اهيه بدرس ولدي قريد1

مس نافيدا تهبل واااايد قويه بالتدريس عموما كل المدرسات زينين ولا تحاتين بس دايما كوني مع ولدج بالدراسه كلميه انجليزي حاولي تراجعين معاه الكلمات وبالرياضيات همن انا يوم كنت بقريد ون تعبت مع اليهال واهم شي عشان تقوين ولدج بالانجليزي خليه يقره قصص انجليزيه وكلماته سهله جذي راح يصير بالقراءه زين وهمن احنا نعطيهم قصص اهمه اللي يختارونهم ولازم يقرونهم بالبيت لان راح نقريهم وعليهم درجات ويالله انشالله بالتوفيق

 

[jolie_q8]

مبارك عليكم الشهر

ماكو اخبار عن تأجيل الدراسه؟

كنت ناطره المدرسه نطره ,, بس الحين بديت اخاف ,, مالي خلق عدوى

الله يحفظنا بحفظه

 

[شانيل نمبر 5]

شانيل اشلونج

انا الحمد الله بخير.....


اليوم زوجي صدمني:krkrkr:


قال ولا واحد من العيال يداومون:0bee2e8d89:

علشان وايد خايف عليهم من اانفلويز الخنيازير

.........وماادري شنو اسوي؟؟

 

[Miss_Tiger79]

كدوى
مشكوره حبيبتي

جولي
مادري بس انا حدي خوافه وصج خايفه يداومون

شانيل
اي والله شي يخرع وما ندري شنسوي
عيل انا ريلي يقولي خليهم يدومون ومافيهم الا العافيه انشالله

الله يحفظ عيالنا انشالله من كل شر

 

[Miss_Tiger79]

عندي لكم بشاره


بنات توني شفت الخبر بجريده الراي
تاجيل بدءالدراسه في الخاص الي 27

 

[كويتيه ذربه]

انا طلعت من المدرسه لان معاشهم شويه بس المدرسه واايد زينه ....مس سلوى تهبل شوفي اذا بنتج زينه بالانجليزي ماراح تضيع بقريد 2...منو ابلتها بقريد 2 ؟

بنتي ماشيه الحمدلله
كانوا حاطينها عند مس مزيده بس انا طلبت يغيرونها ويحطونها عند مس جيتا كنت بالبدايه ابي مس اّن بس احس انها عصبيه

 

[كويتيه ذربه]

انا الحمد الله بخير.....


اليوم زوجي صدمني:krkrkr:


قال ولا واحد من العيال يداومون:0bee2e8d89:

علشان وايد خايف عليهم من اانفلويز الخنيازير

.........وماادري شنو اسوي؟؟

الكل خايف بس انشاءالله ماكو شي
انا ابي يدامون تعبنا نحاتيهم اذا كنا بالدوام وهما بالبيت

 

[كويتيه ذربه]

عندي لكم بشاره


بنات توني شفت الخبر بجريده الراي
تاجيل بدءالدراسه في الخاص الي 27

صج تايجر ؟
تدرين ان العالميه الامريكيه باجر دوامهم

 

[Miss_Tiger79]

لالا طلع لين 10-9-2009
من الفرحه شفت 27
بس هم حرام ما بقى غير اسبوع ويعطلون عطله العيد بعد ليش يداومون؟؟

 

[كويتيه ذربه]

الله يعينا انشاءالله
والله يحفظ اعيالنا يااااااااااارب

 

[باونتى]

الكى جى 1 بيدامون 8-9 والحين حطوا خبر عاجل الدوام 10-9 يعنى الفرق يومين والله ما يسوووى

 

[نواره الحلوة]

مبارك عليكم الشهر وتقبل الله طاعتكم

بنات بأقولكم اشسوييت علشان اللبس رحت خذيت من زارا تيشيرتات بولو بيض مجربتهم من قبل كد ومد وطرزت عليهم شعار المدرسة وخذيت من ماركس اند سبنسر البنطرونات وبعد في مثلهم في بي اتش اس حلووين من غير زرارات بس سير أسهل للبس بس نصيحة لا تاخذون تي شيرتات ماركس اند سبنسر لأنهم اتمقطون بالغسيل..... والحين يا دور الجناط كل واحد يبي جنطة على كيفه العود يبي على المصارعيين اللي هاب لي هاليومين فيهم والصغير يبي مثله يقلده بكل شي .. انت شكو بعد بس أبدااااااااا
وبالنسبة لدوامات اليهال والله قعدت أحاتي على كثر ما كنت أنطرهم مناطر والخوف مو من اليهال اللي معاهم خوفكم من المدرسين اللي ياييين من برا والشغالات ملوت التنظيف ......... الله يستر بستره

باونتي
معقولة 10/9 ؟؟؟؟ راح يكون يوم خميس يعني يداومون يوم واحد بعدين الويك اند ما سويينا شي اخلونهم ببيوتهم احسن !!!!