نادي التصوير % workshops % حياكم معانا

[Violetta]

ماشاءلله بنات صوركم حلوين

 

[جاي وحليب]

بما ان احنا لازلنا بالماكرو التصوير الممتع والاحب لمصورين كثيرين..
راح ناخذ درس ثاني خفيف شوي بنفس المجال مع فكره اوسع شوي..

موضوعنا هالمره او المجال اللي بنتطرق له هو عزل الخلفيه عن الشي
يعني العنصر اللي نبي نصوره يكون in focus >> واضح وضوح تام ويشد عين المشاهد له
اما الخلفيه فـ تكون out of focus >> موواضحه، معزوله بشكل واضح، ضبابيه

راح ناخذ امثله تبين هالكلام وتوضحه.....

by myori

by oliveshadow

by servo.

by FUNKYAH

by Nescafe

by Nescafe

by Nescafe

by Nescafe

قاعدة: استخدام فتحه كبيره (وذلك بتقليل قيمة رقم F) يعني ان راح يكون الكادر(الجسم الي عليه التركيز) اهوه الواضح بس و الخلفيه كلها ضحله, او مو واضحه.
يعني كلما كان رقم F صغير، كلما كان العزل واضح بالصوره.

بالنسبه للشرح هالمره ماراح يكون فيه شرح، لان سبق وشرحت شلون نطبق هالشغل .. وشلون نستخدم الاوتو فوكس والمانيوال فوكس
لكن بذكر نقاط بسيطة اتمنى تحطونها في بالكم وقت التصوير....

- فتحة العدسة اهم شي عندنا اليوم ضروري يكون رقمها صغير، علشان العزل فيها يصير ممتاز.
لاتحطون الـ F اكبر من رقم 5 .. ماراح يكون العزل مبين.
- بالنسبه للعنصر المراد تصويره، كل ما كانت خلفيته او الشي المراد عزله عنه بعيد كل ما بين العزل بشكل كبير وواضح.
- الاضاءه المراد التصوير فيها هالمره اضاءه طبيعيه، الشمس..
- التصوير خارجي ولا داخلي مايفرق.
لاتنسون ضبط اعدادات الكاميرا وضبط الماكرو فيها....

لو شفنا بموضوع شرح وظائف ازرار التحكم والوضع الانسب لهالمجال،
لوجدنا ان وضع Av هم المناسب... ليش؟
لان مثل ما قلنا بهذاك الموضوع، ان Av هو وضع يسمح لك بالتحكم التام لفتحة العدسة ... وبعض الاعدادات المحدودة.. اما بقية الاشياء فـ الكاميرا اهي اللي تضبطها لكم.
<<موضوع وظائف ازرة التحكم>>
http://q8yat.net/showthread.php?t=58558


الحين اللي باقي التطبيق اللي عليكم .. وصوركم اللي تشاركون فيها معانا بالورشه..

راح احط شرح بشكل دائم ان شالله، علشان بهالشرح نتطرق لاكثر الاشياء استخداماً بالكاميرا، ونغطي اهم ماتحتاجونه يامصوراتنا :eh_s(15):
وقواكم الله ..

 

[جاي وحليب]

يالبا قلبي

صح الكومباكت مرات تحسين ان نتايجها محدوده .. بس ماعليه
كل ماصورتي فيها اكثر كل ماتمكنتي منها واحلى شي لما توصلين لمرحلة انج تعرفين كل شي بالكاميرا حق شنو..
بعدها لي خذيتي SLR راح يكون الموضوع عليج اسهل..

صح، تقدرين تقولين ان الستل لايف اهو احب انواع التصوير لي..
مع اني انوع بالتصوير مرات.. بس تلقيني لاشعورياً ارد للستل لايف
يمكن لاني اشوفه الاسهل.. وكونج تقدرين تتحكمين بالتكوين بشكل كامل وماكو وقت يحدج

شكراً على زيارتج للفلكر.. وواصلي الزياره والمشاركات معانا اهني بالورشه.

===

srabeel

يمكن كاميرتج مافيها الفوكس اليدوي.. بس الاوتو ..
عموماً صورج بشكل عام حلوه .. وان شالله تستفيدين معانا اكثر بالورشه والممارسه
يعطيج العافيه

===

Violetta

صورتج احس الفوكس فيها مومضبوط، حاولي تضبطين الفوكس اكثر
وشكراً على مشاركتج معانا مره ثانيه..

 

[Maneena Manaana]

صورة من البومي عالسريع وان شاء الله بس افضى انزل صورة يديدة



صورة فنكيه عجيييبة تشووق خخخخخ وصورتج مالت المحارة حلوة بس حلااته البحر ازرق فاااتح بس خوووش صور

 

[جاي وحليب]

Maneena Manaana

شكراً على هالمشاركه .. العزل عندج عجيب
وراح ننطر مشاركاتج اليديده ويانا ان شالله

صاجه صورة فنكيه موطبيعيه مشالله عليها.. عاد تدرين الكب كيك اهي مسويته بالبيت
والتزيين حدها مبدعه فيه .. صج يشووق.

وصورة المحارة انا بعد احس فيها شي ناقص..
اصلا تأزمت وقتها لاني مصورتها وكان جزر .. وانا كان ودي بالماي يملي الجزء الثالث من الصوره :_(

 

[Violetta]

تعبت من احاول

 

[جاي وحليب]

Violetta

- حرصي على ان رقم الـ F يكون صغير
- اذا انتي قاعده تصورين بليل او باضاءة ضعيفه حاولي تثبتين الكاميرا علشان ماتهتز الصوره، حطي الستاند مالج اذا عندج .. او ثبتيها على طاوله يمج
- الشي اللي ورا بتعزلينه بعديه عن العنصر الاساسي اللي بتبرزينه

وراوينه اللي طلع معاج ..

 

[Maneena Manaana]

لقطة ثانيه





فيوليت... عشان تعزلين الخلفيه.. الورد اللي ورا بعديها شوي... يعني حطيها على بعد متر مثلا والوردة اللي جدام بينج وبينها نص متر وأقل بعد وجربي...

 

[Violetta]

انا احط ال f اصغر شي بس ماحس العزل يضبط

 

[Harmony]

و الله يا جاى مانى عارفه شلقصة مع الوضوح تصدقين اليوم جابلتلج اليهال و لوعت جبودهم تصوير مع انى اصورهم على المنيول صورهم ما شاء الله واضحة و ممتازه بس شنو سالفتى مع الماكرو مادرى لووووول مع انى جربت اكثر من ستنج مره اوتو و مره انا اخترت الخصائص و الفوكس اوتو بس و مره استخدمت برامج الستنج ملوت الكاميرا شخصيا بس مانى عارفه شلقصة بجرب اكثر و ترى ال ايزو بالصور الاخيره ما زاد عن 100 و فى بعضهم 80

و بسالج حبيبتى الشرح اللى قلتى عنه اللى بهالموضوع و لا اكوا شرح بموضوع ثانى؟

 

[جاي وحليب]

Maneena Manaana

صورتج حلوه .. حبيت الوانها واضاءتها وايد..
بس تمنيتج مو موسطة العمل حسافه
بغيت اسألج شنو كاميرتج؟

ويعطيج العافيه

===

Violetta

جم تحطين F ?
وظروري بهالشي الخلفيه او الورده الثانيه اللي بتعزلينها تكون حيييل بعيده من العنصر ابعد شي تقدرين عليه علشان يبين معاج.
راوينه من الصور اللي جربتيها...

===

Harmony

صاجه انا لاحظت الايزو كان نازل.. بس ليش تطلع جذي مادري
مااقدر اقولج من الكاميرا ولا شي.. لازم تجربين تصورين حتى بالنهار..
وبعدين نحكم .. يمكن الكاميرا بهالوضع تكون نتايجها محدوده وماتطلع تمام
بس جربي اول بالنهار وبعدين نشوف.

واي شرح تقصدين؟ شرح وظائف ازرة التحكم ؟
اذا هذا انا ضفت اللنك للرد الاصلي... وكاهو اهني بعد
http://q8yat.net/showthread.php?t=58558

اذا مو هذا فـ ماادري اي شرح تقصدين.

===

مشاركة يديدة صورتها لموضوعنا، اول ماطرت على بالي الفكرة،
كـ تطبيق مني يعني ....

عاد ناطره تعليقكم، لاني انا بعد اهني معاكم استفيد واتعلم مثلكم

 

[SabaQueen]

ما شاء الله عليكم بنات وصلتوا لمرحله ثانية عزل الصور و آنا لي الحين ما نزلت صوري المايكرو

الحين بنزلهم ان شاء الله
بس على فكره ترى مصورتهم من كاميرت تلفوني نوكيا N73

و انتو حكموا

 

[Harmony]

هذا هو الموضوع يا جاي تسلمين حبيبتى بس الصراحه يوم شفت الصورة مالت الشموع اخترعت اتصدقين لأنى فكرت اصور شموع باجر و رحت اطلعهم يوم رديت اشوف ردج و اشوفج مصورة شموع قلت الظاهر جاى تقرى افكارى لووووول

 

[Harmony]

واااااااااااو سبا الصور روعه ما شاء الله و الاضائه عجيبة

 

[Maneena Manaana]

جاي حليب... صوورتج روعة.. وااايد حلوة وألوانها هاادية ...جربي تقصين شويه من فوق وشوفي شلون تطلع.

سبا كوين... هذا الماكرو والا بلااش.. خصووصا الثانيه وايد نايس... الاولى وردة صجيه والا منظر؟؟

يالبا قلبي صورتج مالت المزرعه حدها حلوة.. عجبتني حيل

جاي .. كامرتي كانون d20 بس عدستي يتيييمه خخخخخخ ماعندي الا ال 18-55
لما نرجع الكويت ان شاء الله افضى عدل واجاابل التصوير

 

[مابي كيفي]

قووه بنات شلوونكم .. ان شاء الله راح ابدي انزل لكم صوري ,

ماحبيت انزل صور قديمه .. و نطرت شوي على ما ايدي تاخذ عاليديده ..

امس راده من المخيم و عندي جم لقطه بوريكم ياها ... بس خلا ارفعهم ..

حبيت بس ملاحظه صغيرونه على صورتج اختي جاي حليب .. طبعا ماشاء الله عليج مبدعه واللقطه حيل حلوه .. بس لاحظت انه الظل و الشمعه صايرين بنفس درجة السواد .,و يعني موبينه نهاية الشمعه من الظل مالها .. لو كان فيه فرق صغير اعتقد بتكون اكثر دقه شووي


والله لا يحرمنا منكم ..

 

[SabaQueen]

واااااااااااو سبا الصور روعه ما شاء الله و الاضائه عجيبة

هلا بالغاليه Harmony
مشكورة حبيبتي على الإطراء ، الإضاءة طبيعيه إضاءة الشمس و الصور مثل ما قلت لكم من موبايلي لآن لي الحين ما خذت لي كاميرا ديجيتال ، و عندي بعد صور مايكرو بس من كامراتي القديمه مينولتا ،، و السكانر عندي خربان و قديم ولا جان ارفقتهم بعد



مع خالص التحيه

 

[SabaQueen]

جاي حليب... صوورتج روعة.. وااايد حلوة وألوانها هاادية ...جربي تقصين شويه من فوق وشوفي شلون تطلع.

سبا كوين... هذا الماكرو والا بلااش.. خصووصا الثانيه وايد نايس... الاولى وردة صجيه والا منظر؟؟

يالبا قلبي صورتج مالت المزرعه حدها حلوة.. عجبتني حيل

جاي .. كامرتي كانون d20 بس عدستي يتيييمه خخخخخخ ماعندي الا ال 18-55
لما نرجع الكويت ان شاء الله افضى عدل واجاابل التصوير

مرحبا Maneena Manaana
مشكوره حبوبه الصور كلها طبيعيه ، كنت رايحه المستوصف اطعم ولدي و لما طلعنا و لا بالحديقه هالورد الحلو جان اقعد و اجكجك والولد يلاحق الفراش و النحل ، و الله كانت خوش رحله

 

[Pink GirL]

هارموني >> صاجة قليل اللي يستخدمون هالبرنامج ,, بالنسبة لي احسة اسهل من الفوتوشوب بس هم في اشياء حلوة ماتصير الا بالفوتوشوب

سرابيل >> ماجربت اسوي فريمات في الفوتوشوب ,, ويعطيها العافية جويههة ردت على هالسؤال

جروح >> صارت معاي مره وحده هالمشكله وسكرت الكاميرا وفتحتها والحمدلله راحت بس ما ادري صج ليش طلعت معاي جذي !

جويهة >> الفوكس وايد حلوو بالصورة حيل عجبتني ,, حلوو تصوير الشمووع

سباكوين >> مشاء الله خوش صور هذا بكاميرا الموبايل ناطرين صورج بالكاميرا اكيد بتكون احلى واحلى

ان شاء الله اليوم احاول اصورلكم جم صورة يديده للدرس الثاني

يعطيج العافية ابلة جاي حليب

 

[جروح تبتسم]

بنك ياقلبي انا لي الحين
تخيلي 270 دينار بس جذي اتطمش عليها

مادري شسوي؟؟؟؟؟؟؟؟؟؟؟؟؟؟