نصيحة حق كل البنات الي بتعالج بالخارج

[ba66o6a]

يا بنات انا حبيت انصحكم قبل لا تسافرون حق العلاج بالخارج انكم تفتحون حساب بعملة الديرة الي بتروحولها من الكويت قبل لا تسفرون اب فترة عشان يمديكم تستلمون الكرت و اذا تبون تفتحون حساب مشترك بينج و بين زوجك او شخصي علا راحتكم بس الفايدة منها انكم لما تستلمون فلوسكم من المكتب الصحي مو امان اتخلون المبلغ معاكم و اتمشون فيه و بعد احسن لكم بدال ماتشيلون كاش معاكم تستخدمون ال كي نت اي مكان بدون عمولة لانه بعملة الديرة فينخصم على طول من نفس العملة و دفع ايجار الشقق وايد احسن تقدرين تحويل اون لاين شذي ترتاحين من وايد اشياء السوق ماتشيل معاش كاش و امان اكثر و خاصة الدول لها قانون و شروط و موافقة بفتح الحساب و صعب تفتحين من هذي الدول يعني الي صار معانا واحد طلب ايداع 50000 الف ضمان و واحد قال تاخذ موافقة 10 ايام و كل شىء عليه عمولة ، و بعد احسن لكم تفتحون الحساب من الكويت عشان اول ماتردون بالسلامة مع الذرية الصالحة امين تقدرون اتصكونا على راحاتكم ما توهقون اب شروطهم هناك. و لما تفتحونة من الكويت من البنك الى تختارونة استفسروا اكثر عن الصلاحيات و الاستخدام وانشاالله اوضحت الصورة معاكم و استفتدوا

 

[mosta7eel]

مشكورة اختي
ماقصرتي عسى ربي ينولج الي فبالج

 

[ام تركي2008]

جزاج الله خير

 

[فجرالعيد]

ياعمري جزاك الله الخير الكثير والذريه الصالحه هاذي معلومه مهمه حق الي بسافرون وتنفعهم وأنا منهم بس الله يوفقج من وين بالضبط نفتح حساب شلون الطريقه أنا بسافر لبلجيكا قريب وشاكرتلج جدا

 

[om_jsoom]

مشكوووووووووووورة ياقلبي
انزين ياليت تقولين لنا من وين نفتح حسااب؟؟
وان ان شاء الله بسافر امريكا بعد شهرين ونص تقريبا
يعني افتح من الحين والا متى ؟؟

 

[$غــ(ز)ــل$]

بس انا اللي سمعته ان في مكتب بالمستشفى مال العلاقات العامه يقولون روحي فتحي حساب بالمكان الغلاني

 

[ba66o6a]

ياعمري جزاك الله الخير الكثير والذريه الصالحه هاذي معلومه مهمه حق الي بسافرون وتنفعهم وأنا منهم بس الله يوفقج من وين بالضبط نفتح حساب شلون الطريقه أنا بسافر لبلجيكا قريب وشاكرتلج جدا

فجر العيد انا فتحت حساب من بنك الوطني عندهم حساب العملات و أضن انا بلجيكا عملتها يورو فتقدرين تفتحين حساب عندهم اذا تبين و بعد 4 او 5 ايام تستلمين الكرت تقدرين اتراجعينهم و تستفسرين اكثر و اموفقة اتشاءالله

 

[ba66o6a]

ام جسوم انا فتحت الحساب في بنك الوطني لا ما انصحك تفتحين من الحين الا اذا كان سعر الدولار زين حق الصرف استغلي سعر الدولار للصرف مدام جدامك شهرين لان لازم يكون في الحساب مبلغ تقريبا 200 دينار ما ينزل عنها فانتي شوفي متى اليوم الزين و فتحي الحساب و خاصة في امريكا بعد في فرع بنك الوطني هذا شيء مهم نسيت اضيفه عشان تقدرين اتسوين ايداع من هناك لما تستلمين المبلغ من المكتب الصحي و تقدرين بعد قبل لا تسفرين تحطين المبلغ الي تبينا في هل الحساب و هناك على طول يصير الصرف بالدولار يعني ما يصير وياك كل يوم فرق العملة و عمولة لما تستخدمين البطاقة

 

[ba66o6a]

غزل انا في لندن و محد قال لنا نقدر نفتح حساب من وين بس قالوا روحوا استلموا الفلوس من البنك الفلاني و البنك يعطيك المبلغ كاش و رحنا بنفتح من الوطني من لندن صارت السالفة طويلة و رحنا الاهلي قال لازم مبلغ كبير ايداع بالحساب عشان كذا فتحتا اون لاين

 

[ba66o6a]

بنات حبيت اضيف شيء بعد اذا اخترتوا البنك الي بتفتحون في الحساب من الكويت استفسروا منها اذا تقدرون اتسوون ايداع من بنك ثاني مو نفس البنك يعني بنك اجنبي لان احتمال البلد الي تروحون له مافي فرع حق هذا البنك هذا شيء مهم تأكدوا منه قبل كل شيء و اشلون بتصير الطريقة و اذا في عمولة و كم

 

[فجرالعيد]

ياعمري تسلمين وماقصرتي فديتج بروح أسأل عن الطريقه
بس الوطني اللي له فرع هناك؟؟؟

 

[ba66o6a]

ياعمري تسلمين وماقصرتي فديتج بروح أسأل عن الطريقه
بس الوطني اللي له فرع هناك؟؟؟

حبيبتي فجر انتي لمن تروحين بنك الوطني سأليهم وين فروعكم برة الكويت و شوفي قريب منك أو لأ و تقدرين اتسوين مع أي بنك نفس الشيء سألي وين أفرعكم برة الكويت بس انا عن نفسي ليش تعامل الوطني وايد امريحني داخل و برة الكويت حتى لما اشتري بالفيسا أو ال كي نت وايد سعر الصرف زين معاهم و ال اون لاين مالهم وايد زين معاي اموفقة انشاءالله

 

[OmhoSain]

السلام عليكم

حبيباتي احنا في امريكا اول ماوصلنا قالولنا لازم نفتح حساب في البنك لآنه السفارة تحول المخصصات دايركت على البنك مانستلم شي بالايد

والي تعاملنا معاهم بنكين :

1- Chase
2- Bank of Amireca

تفتحين في اي واحد منهم حساب مشترك لج ولزوجج او كل واحد فيكم حساب خاص

والمكتب إلي بالمستشفى راح يطرش ارقام الحسابات بالفاكس للسفاره عشان يحولون المخصصات على الحسابات دايركت

 

[om_jsoom]

مشكوووووووووووووورة حياتي ام حسيييييين ماقصرتي
زين انج قلتيلينا

 

[OmhoSain]

العفو حبيبتي ام جسووم

وسامحوني كان لازم اعطيكم عالمعلومه من قبل بس والله مايت على بالي الله يعافي بطوطه ذكرتني

 

[RAIN FALL]

بارك الله فيج الصراحه خوش نصيحه من صج
الله يذكرج الشهادة ما قصرتي