بنات عقيه اللي عندها خبره بتنظيف السراميك تدخل ضروري

[hneen2]

قوه بنات شلونكم ومبارك عليكم الشهر ................................



بنات سراميكي مال غرفه الطعام يلوع الجبد مادري شلون اوصفه لكم اهو نوعيه زينه بس محفره وصاير لونه اسود وحتي الاطراف اللي دار مدار السراميكه اسود شلون انظفه واخليه يلصف من النظافه والله من قبل قريت موضوع جذي بس ناسيه شلون طريقه التنظيف عفيه بنات فيدوني الله يعافيكم :0bee2e8d89:

 

[hneen2]

وينكم بنات ؟؟

 

[ريم البوادي]

هلا حبيبتي
شوفي امي الله يحفظها لي تحط صابون ملابس تايت او اي بي سي وتحط معاه ماي حار مو حيل مايل للحراره
وتاخذ فرشاه اسنان وتنظف اللي بين السيراميك بس يكون للغرفه نفسها ومو تعب بسرعه تخلصين

وللسراميك نفسه اذا فيه شيء ملزق فركيه ببروش وبعدين مسحيه بمعطراتك ونظفيه عادي ....

اتمنى اني فدتج حبيبتي وسامحيني على القصور

واي خدمه انا موحوده

 

[Om JooD]

خلطي تايد وديتول وكلوركس ونتفة افلاش

وهاتي اسفنجة وفركي بين السيراميك عدل مدل

تالي غسلية

وبعدين نظفي السيراميك كله بالجل الاخضر

وراح يلمععععععععععع من النظافة

وتالي غسلي الجل

وجيبي تب وحطي ماي وكمفورت

زامسحي فيه السيراميك وشوفي الريحة

 

[hneen2]

هلا حبيبتي
شوفي امي الله يحفظها لي تحط صابون ملابس تايت او اي بي سي وتحط معاه ماي حار مو حيل مايل للحراره
وتاخذ فرشاه اسنان وتنظف اللي بين السيراميك بس يكون للغرفه نفسها ومو تعب بسرعه تخلصين

وللسراميك نفسه اذا فيه شيء ملزق فركيه ببروش وبعدين مسحيه بمعطراتك ونظفيه عادي ....

اتمنى اني فدتج حبيبتي وسامحيني على القصور

واي خدمه انا موحوده

ياحبيبتي والله ربي يخليلج والدتج ويطول بعمرها ماقصرتي بس سؤال شنو اي بي سي ؟؟؟؟

 

[hneen2]

خلطي تايد وديتول وكلوركس ونتفة افلاش

وهاتي اسفنجة وفركي بين السيراميك عدل مدل

تالي غسلية

وبعدين نظفي السيراميك كله بالجل الاخضر

وراح يلمععععععععععع من النظافة

وتالي غسلي الجل

وجيبي تب وحطي ماي وكمفورت

زامسحي فيه السيراميك وشوفي الريحة

مشكوره علي هالطريقه السنعه احس الريحه الخنينه وصلت لي عندي ماشالله عليج بس هم عندي سؤال سامحوني يمكن انا غشيمه بهسوالف شنو الجل الاخضر

 

[Om JooD]

مشكوره علي هالطريقه السنعه احس الريحه الخنينه وصلت لي عندي ماشالله عليج بس هم عندي سؤال سامحوني يمكن انا غشيمه بهسوالف شنو الجل الاخضر

تلقينه بالجمعيات وهاذي صورته

 

[hneen2]

تلقينه بالجمعيات وهاذي صورته

يابعد عمري فديتج والله حفظت صورته لاخلا ولا عدم وربي يعطيج الف عافيه حبيبتي

 

[ريم البوادي]

الله يسلمج ويخليج لوالدينج ...

abc صابون نفس التايد رحته احلى من تايد للملابس والمواعين بتاع كلو

دمتي بود

 

[مساء مونترو]

مشكورين بنات افدتونا

 

[الجفول&]

يعطيكم العافيه بنات حتى انا استفدت منكم

 

[أم عبوودي11]

اب اب تحمست نفس المشكله انه انزين الجل شلون استخدامه

 

[jana74]

السلام عليكم بنات و مبارك عليكم الشهر

حبيت انقل لكم تجربتي لاني في فترة كرهت بيتي من الخطوط السوده اللي بين السيراميك:0bee2e8d89:
و بصراحه انا ماخذه هذي الفكرة من وحدة جزاها الله خير:ggdw: ما ادري من هالمنتدى اومنتدى ثاني لاني من فترة و انا ادور وهي عموما ما تكلف كلش
ما علي ادري طولت عليكم...............المهم

1. تاخذين 3 كبايات ماء دافيء و تحطين عليهم 10 ملاعق اكل ملح الليمون (انا حطيت 11 ملعقة احب ازيد و اللي ما تعرفه ترى تلقينه بالجمعية بجانب البهارات انا خذيت ماركة مجدي وترى مو غالي الكيس بحوالي 175 فلس).
2. بعدين تحطين على الخطوط اللي بين السيراميك و تاخذين فرشة السجاد القاسية و تفركين والله راح تشوفين الماي يصير اسود كأن عمرك ما نظفتي(بس ديري بالك على اليهال ترى يزحلق).
3. بعدين مسحي السيراميك بماي و اي منظف انتي تنظفين فيه(راح تلاحظين ان السيراميك صار باهت وكان عليه طبقه و لزج)
4. اخر شي حطي تقريبا ربع التب (الجردل) ماي وحطي عليه ربع كوب خل ومسحي فيه اخر شي والله ماراح تصدقين النظافه اللي راح تشوفينها كأن الحين مركبه السيراميك .

جربي و ماراح تخسرين الاشياء اللي قلت لك عنها ما تخسر بس و الله ابيكم تستفيدون:tek: وتدعون لي و لزوجي وعيالي بالهداية و الصلاح.

 

[الجوريه الحمراء]

انا الصراحه امسحه بالفلاش وعلطول تروح الوساخه خربته لما كنا ساكنين بالشقه والحين ما اقدر استغنى عنه

 

[mrs_sugar]

انا استخدم جل العملاق الأخضر

ريحته حلوة و نظافة لا يعلي عليها

السيراميك يصير كأنه توه مركبينه

و الخطوط ترد بيييييييضة

الفلاش مشكلته انه يذوب الشربت اللي بين السيراميك و يسوي فيه حفر شكلا يصير مع الوقت مو حلو و تجمع وصخ زيادة