بنات اشلون عالرياضة برمضــااااان ؟؟

[dream]

السلام عليكــم ورحمة الله وبركــاته :

بنات ،،،

شخباركــم ؟؟

مباركـ عليكـم الشهر حبيباتي ..

بنات حبيت أســأل انا ابي اخفف من الأكل على قد ما اقدر برمضان .. طموحي ما انزل كيلوات .. على الاقل احافظ على وزني وما ازيــد .. ان شاء الله هالأمر يتحقق !!

سؤالــي وانــــا متــأكدة وايدين منكــم يســألون نفس السؤال ..

أشلون على الرياضة برمضان ...؟؟

متى أمــارس الرياضة وشنو الوقت المناسب لها خاصة هالسنة ارمضان بعز الحر ...؟!

شنو نوع الرياضة اللي امارسها ؟؟

متى امارس الرياضة قبل ولا بعد الفطور ولا شسالفة ؟؟

ابليز هيلب .. أتقبل منكم النصائح والارشادات وان شاء الله اللي نفس حالتي بعد تستفيد من الموضوع

 

[ام الصقرين]

مسـآ آلخير حبيبتي ..


متى أمــارس الرياضة وشنو الوقت المناسب لها خاصة هالسنة ارمضان بعز الحر ...؟!

انا قريت حق دكتور ايقول ان احسن وقت حق الرياضة فرمضان هو قبل الفطور بساعه او ساعه ونص


شنو نوع الرياضة اللي امارسها ؟؟

لازم اتكون رياضة خيفه وماتعطش وايد مثل المشي


وانا عن نفسي قررت اني اتمرن مرتين باليوم
مرة قبل الفطور ومرة بعد التراويح

اتمنى اني اكون افدتج
وانشالله مايي العيد الا واحنا رشيقات
مبارك عليج الشهر
=)

 

[dream]

المشكلة وين نمشي ؟؟

:0bee2e8d89:

 

[Miss Moma]

اييييييي ولله بنات انا مفكره امشي بعد الفطور بس حسيت انها فكرة غبية لاني راح اكون دايخه ومع الريجيم ادوووووووخ زياده

 

[امونا]

قبل يومين مقابلين على دريم مع امينه اذا تعرفونها مدربه مصريه قدييييييييمه اللي كنا نشوفها تطلع على القناه المصريه من 7 الصبح تمرن اذا تذكرونها شعرها بوي
المهم اسالتها المذيعه امينه عن الرياضه متى برمضان وفايدتها
قالت قبل الفطور ماتفيد تقول لازم جسم الانسان ماكل شوي عشان يحرق تقول انا عنها يعني لما اتمرن اكون ماكله برتقاله ولا روب عشان يساعدني عالحرق عشان ماينزل مستوى السكر بدمي
عاد اهيا الحين يمكن بال60نات ولا 70ات بعمرها وجسمها مشدووووود
اذا علي يمكن امشي عالساعه 10 بالممشى حلو وموشرط يوميا عارفه ارمضان جمعات واهل يعني لو تمشين 3 او 4 مرات بالاسبوع لمده ساعه حلو

 

[شوارفسكيه حمره]

احسن رياضه المشي وتكون قبل الفطووور

لا تمشين برىىىى اشتريلج احلىى جهاز مشي ولا الطلعه بالحر

انا صاارلي سنتين شااريه جهاز مشي ماقمت اعرف طريج الممشىى لووووول

 

[قطرية كوول]

الموضوع يبيله تخطيط والتزااام

انا قلت قبل الفطور بساعه او ساعه ونص بوقف على جهاز الـ vibration لأنه مايتعب ولا يعطش

وعلى التراويح بروح المسجد مشي احس وناااسه منها الواحد يتحرك بعد الفطور ومنها زيادة بالاجر

ونشوف اذا بسوي شوية تمااارين او مشي على الجهاااز بالليل

ريلي هم متحمس معاي بس مايبي يتمرن قبل الفطور يقول مافي فايدة البطن فاضي هههههه

عجبته فكرة روحة المسجد مشي وعقبها بيروح النااادي ساعتين وبث

 

[Beyond Life]

قبل الفطور تمشين نص ساعه

على الجهاز تحت التكييف ...

 

[dream]

اييييييي ولله بنات انا مفكره امشي بعد الفطور بس حسيت انها فكرة غبية لاني راح اكون دايخه ومع الريجيم ادوووووووخ زياده

لا اتحاتين الرياضة بعد الفطور .. ماكو احلى من رياضة التروايح ( سبحانكـ يارب )

انزين شنو انسوي قبل الفطور ؟؟

 

[dream]

قبل يومين مقابلين على دريم مع امينه اذا تعرفونها مدربه مصريه قدييييييييمه اللي كنا نشوفها تطلع على القناه المصريه من 7 الصبح تمرن اذا تذكرونها شعرها بوي
المهم اسالتها المذيعه امينه عن الرياضه متى برمضان وفايدتها
قالت قبل الفطور ماتفيد تقول لازم جسم الانسان ماكل شوي عشان يحرق تقول انا عنها يعني لما اتمرن اكون ماكله برتقاله ولا روب عشان يساعدني عالحرق عشان ماينزل مستوى السكر بدمي
عاد اهيا الحين يمكن بال60نات ولا 70ات بعمرها وجسمها مشدووووود
اذا علي يمكن امشي عالساعه 10 بالممشى حلو وموشرط يوميا عارفه ارمضان جمعات واهل يعني لو تمشين 3 او 4 مرات بالاسبوع لمده ساعه حلو

يعطيج العافية عالرد يا الغلااااا

 

[امونا]

الله يعافيج ويخليج

 

[mmloo7a]

أشلون على الرياضة برمضان ...؟؟

انصحج تمشين قبل الفطور ساعه كامله

متى أمــارس الرياضة وشنو الوقت المناسب لها خاصة هالسنة ارمضان بعز الحر ...؟!
مارسيها قبل الفطور يعني قبل لايأذن بساعه ونص انتي بالممشى على ماتردين وتغسلين وتتسبحين وتزهبين الفطور جذيه وذا حسيتي بتعب على طول وقفي امشي على الاقل من نص ساعه وان قدرتي ساعه بس كافي
شنو نوع الرياضة اللي امارسها ؟؟
المشي فقط لان رياضات الثانيه تتعب ف ماتستحملين
متى امارس الرياضة قبل ولا بعد الفطور ولا شسالفة ؟؟

قبل الفطور وبعد الفطور مرتين عشان تبين عندج النتايج

 

[:: Diva ::]

احلى شي المشي
اذا بالممشى بتلوع جبدج من التحرش و المناظر
خلي جهاز مشي جبال التلفزيون و امشي ساعه باليوم و اذا خا جسمج على المشي زيدي

 

[maraiem]

قبل الفطور بساعه او ساعه ونص ... امشي لمدة ساعه .. او نص ساعه حسب مقدرتج ... وممكن بالبيت على الجهاز او بره في الممشى .. بس الله يعيييييييييييييييييييييييييييييينج عالرطوبه

 

[Japanese]

انا بعد ناويه اتمرن برمضان بس مدري متى ،، اخاف اتمرن قبل الفطور واعطش اوبيه شاسوي بعدين

وخاصه ان عندنا يؤذن الساعه 8 و شي بالليل :/ وبيكون في دوام

الله يآآآجرنا =)

 

[ام عيالها الغاليين]

شوفي حبيبتي أفضل وقت هو قبل الفطور بس للأسف الجو كلش مايساعد ممكن يصير معاج هبوط ديري بالج

فنصيحة أمشي بالليل أحسن

 

[Q8stylle]

المشي قبل الافطار احسن شي

 

[lara_action]

اذا ماتقدرين تمشين في الحر
لج حلين
1- تمشين في أحدى المجمعات
2- تصعدين وتنزلين من الدرج (( صاعد نازل =1)) عشر مرات يعادل سااااااااااااعه مشي


أنا عن نفسي بلعب بالأجهزه الي عندي (( الغزال الطائر + المعده + القرص + الدرج ))
القرص و المعده = قبل الفطور
الغزال الطائر و الدرج = بعد الفطور


موفقييييييييييييين يا بنات

 

[صـب القـفـشـة]

والله انا سألت دكتور محمد ربيع متى انسب وقت للرياضه
وقالي قبل الفطوور .. العصر مثلا .. بس انا مو متقبله الفكره ولاني احس بالعطش وقت الرياضه
.. احس تعب .. وأفضل بعد صلاة التراويح ..

الله يوفقج ..

 

[al7anona]

المشي اينن بس بهالجو يذوب

اشتركي بنادي عشان جونا كلش مايساعد

وااذا النادي ماتقدرين عندج جهاز بالبيت لعبي علييه ماكو الا جذي

اوقات الرياضه قبل الفطور الظهر العصر على حسب وقتج

او بعد صلاة التراويح رياضه نص ساعه لي ساعه