تجمع امهات العالمية الامريكية

[ReeMaN]

قووووووووووه بنات شخباركم

كاراميلاااااااا دام ييتي الدوام اليوم جنى جنى شفتج شف وحده حامل لابسه قميص وردي ولفه اوف وايد او ابيض شي جذي

وانا المحاسب قال من تسع الى ال 1 شلون جذي الى ال 12 بس هم احسن بعد على مايتعودون على المدرسه بعدين يبدي الجد
وانشالله عيالكم يطيحون عند احسن المدرسين والطلبه يارب ......... وكل عام وانتو بخير

 

[caramella]

يا محاسن الصدف
ريمان جكيتينيييي إيييي هذي آنا اللي حدي زاهقه العافيه و لايعه جبدي من الرطوبه
ما إنتبهت عليج والله حسافه وين شفتيني لأني وايد حست؟؟؟؟
مرووو إي لا ما قالت نوزعهم بأول يوم دوام لا قالت تعالي و شوفي ولدج بأي صف واللي بتوزع عالصفوف السوبر فايزر

 

[ReeMaN]

اى والله مبين حدج تعبانه الله يعينج ........ تلاقينا الله يسلمج عند الدري انتى صاعده وانا انطرج تلفين عشان انزل ... بطنج بسملله عليج يبيلج دوره كامله بروحج باللفه خخخخخخخ اتغشمر ياحلوج كاراميلا

 

[ReeMaN]

يالله بنات ابي رايي ماتبون دوانيه يديده حق السنه الدراسيه والا نكمل على هالدوانيه عشان غيرنا يسستفيدون ؟؟

 

[caramella]

إمبلالالالالالالالالالالالالا جني ذكرت إنتي شايله جيس مال سوق ما أدري أي محل و آنا شايله جيس مال أكسسورايز تلاقينا بالممر اللي فيه الدري صح؟ إنتي داخله و آنا طالعه
جان أقول بقلبي مسكينه طقت حظي أكيد معطينها مقاس غلط طاقه طريج عشان تبدل الملابس
لوووول عاد كله إقولون لي ما عندج بطن آنا ما يبين علي الحمل إلا من السابع
آنا اليوم داشه الثامن
بس بالثامن و التاسع لا يبين علي بسرعه يكبر بطني مو شي حق تشقق البطن
إنتي الأحلى وفرصه سعيده ريمان عقبال ما نصادف باجي بنات التجمع
آنا بالنسبه لي عادي هالتجمع أو التجمع اليديد المهم نظل على طول متواصلين و إنشالله ينضمون معانا أولياء أمور طلبه بالمدرسه وما ننسى حبايبنا ليلي و ملكة بيتها اللي ما نستغنى عنهم

 

[ReeMaN]

هلا كراميلا صج اسم على مسمى

صح كلاااامج حبيبتى الله يسهل عليج الولاده ويتمم عليج بالخير يارب وبصراحه حلوه الصدفه ....... انا نزلت صادفت وحده اعرفها هم طالعه من المخزن و قمت اسولف معاها واسولف واسوووووووووووولف قلت لها قصه حياتى كلها والناس تنزل وتصعد لما وصلت المخزن والا طابور وعطوني رقم وانطر ....... راح اسوي دعايه على الدوانيه بس نطرو علي اشوي يداومون اليهال ونبلش خخخخ

 

[mr000]

سلاااااااااام! ريمان كراميلا حسافه ياريتني يايه اليوم جان تلاقينا مره ثانيه لي شفتوا وحده شقره عيونها خضر هذي آنا!! عاد ولاشي من هذا فيني!! والله عاد كنت مفكره ايي اليوم أسأل عن الصفوف بس بنت ولدي نايمه عندي ماحبيت اهدها واطلع والله مادري شسوي لما يبتدي الدوام وأطلع اوصل ولدي متعلقه فيني وايد آنا أول مره أشوف ياهل مايبي أمه تبجي بجي لما تزوع تكرمون أذا خذوها ماتسكت لما ينزلونها تنام عندي!!كراميلا اشرايكم أسوي حضانه بالبيت وانتي وفوز لي ولدتوا بالسلامه وبتداومون ييبوا البيبيات عندي بعد آنا قاعده بالبيت بالمره ويمكن ريمان بعد تتشجع تييب بيبي وينظم حق الفريق!!

 

[mr000]

بالنسسبه حق تأجيل الدراسه أعتقد أذا لهم نيه يأجلون أكيد ماراح يقولون لنا ألحين مثل ماكتبوا بالجرايد يمكن يالله قبل الدراسه بيوم عاد مادري اشلون راح يبلغونا يمكن يحطون اعلان بالجرايد! بس والله يمكن بعد مايأجلون مايندرى شكل المديره ماكانت مأيده موضوع التأجيل كلش!

 

[ملكة بيتها]

مبارك عليكم الشهر ....وناسه ريمان وكراميلا شفتو بعض ...ياريتني رحت المدرسه ( شكو ما دري ) ....ريمان أنا رايي إذا بتفتحين ديوانيه جديده تحطين فيها رابط الديوانيه هذي في بدايه الموضوع عشان يكون مرجع ...لأن ما شاء الله في وايد معلومات مهمه عن المدرسه

 

[lyale]

مبارك عليكم الشهر

شكلييييي بمشي قبل لا تطردوني

 

[lyale]

مبارك عليكم الشهر

انا من راي ملكه حلووو اقتراحج
شكلي بمشي قبل لا تطردوني

 

[mr000]

وينكم الردود اشفيها ماتطلع؟

 

[caramella]

يا حياتي ريمان عقبال ما نتصادف مره ثانيه بالمدرسه كلنا بنات التجمع ونقعد نسولف إنسولف لما نشبع عاد مروووو حبيبتي تعاليلنا بقسم الكيجي أول يوم و تطمشي علينا آنا و فوز و ريمان و إحنا نعابل بالهالبزران
داوموا أول يوم بليززززززز إذا ما أجلوا إنشالله ماكو إلا العافيه والله مهم أول يوم
آنا بدور الشقره أم عيون خضر وبسلم عليها أكيد هذي مروووو
صاجه مرووو يتكلمون بثقه إن ماكو تأجيل آنا حاس قلبي قرار التأجيل حييييييييييل ضعيف
ويييي ريمان عاد كان زحمههههه داخل الغرفه عاد آنا كنت لقافه قلت حق المصري اللي قاعد عالكاشير اللي ما يدري وين الله حاشره
بليزززز آنا بس ببدل حسيت إن الناس إحقدت علي بس شسوي والله تعبانه----------> مصدقه عمرها جنه محد حمل إلا إهياااا
عاد طلعت لي إياه الهنديه ولا قميص بو 5 سنين أصغر من قميص بو 4 سنين !!!!!!!!!!!!!! قالت هذا بو 5 موديله مخصر فا عشان جذي شكله صغير
قلت لها خلاص عطيني بو 4 صغير كبير اللي يطلع
الظاهر بعد ما مشيت بلشوا أرقام
على بركة الله مروووو بس بداوم إنشالله بييب البيبي عندج بس الله يستر جان ما تملين وتغيرين رايج
حرام كسرت خاطري حفيدتج آنا ولد إختي كان جذي متعلق بأمي حييييييييييل
وساعا ت ولدي إسويلي أفلام ما أبي ارجع معاج بقعد عند حجيه سبحان الله الطفل حساس و يحب اللي يهتم فيه

 

[mr000]

ملكه وليالي اشلونكم شخباركم مبارك عليكم الشهر!!ليش نطردكم اشهالحجي العين اوسع لكم من التجمع حياكم الله خلكم دايما معانا!شخبار مدارسكم؟صج ملكه غيروا لبس الخليج؟ آنا اليوم قلت حق جنة اختي قالت انها ماكانت تدري بس حرام جنها شاريه لبس قبل لايعطلون العام يمكن تقدر تبدله!!ليالي شخبارج فرحانين أوي انه دوامكم بعد العيد؟ يالله عليكم بالعافيه وبصراحه ماقصرت معاكم فايزه الخرافي على هالقرار الحلو!!

 

[caramella]

لا ليالي أفا عليج إنتي الداشه و إحنا الطالعين لا ما نطردج بالعكس إحنا اللي ما نستغنى عنج
مروووو موجودين كمبيوترج حاشه الداء اللي حاش كمبيوتر ريمان
علينا و عليكم ليالي و ملكه

 

[mr000]

والله عاد كراميلا ودي صج اشوف صفوف الحضانه والروضه وخاصه الحضانه لأنه قاعد أقنع ولدي انه ندخل بنته سنه اليايه ان شاءالله بس مادري ياخذون سنتين ونص؟ لان أشوفها من ألحين بدت تمل من البيت طول النهار واحاول أشغل وقتها بالقصص والالعاب واشغل لها دي في دي بارني وهالشغلات بس هم تمل!بس جنه رسومهم غاليه بالنسبه حق حضانه يعني الياهل بهالعمر ساعات يغيب وخاصه بالشتا! مادري يمكن نوديها مكان ثاني بس آنا فكرت انها تكون مع ولدي أسهل حق التوصيل!عاد ىنا راح اقط ولدي وأمشي بس أذا عادي يرضون أدخل عند الروضه ليش لأ بس حطوا لكم شي علامه علشان أعرفكم! ورده حمرا بقمة الراس مثلا!!

 

[caramella]

مرووو أتوقع لازم تكمل 3 سنوات خلال سنة 2010 كلها
يعني حتى لو إهيا تكمل 3 سنوات شهر 12 2010 أتوقع ياخذونها حضانه
أفا عليج ورده نحط ورده حمرااا و إنتي بعد معانه

 

[lyale]

لا ليالي أفا عليج إنتي الداشه و إحنا الطالعين لا ما نطردج بالعكس إحنا اللي ما نستغنى عنج
مروووو موجودين كمبيوترج حاشه الداء اللي حاش كمبيوتر ريمان
علينا و عليكم ليالي و ملكه

كراميلا مشكوره هذا من طيب اصلج

 

[Fouz]

والله يوفق الجميع ومبارك عليكم الشهر

علينا و عليج مس اليجنت و حياج الله بينا

السلام أمهات أشلونكم خوش خبر فوز عن مديرة المدرسه وان شاءالله أنها تعدل الأمور وتاخذ الملاحظات بعين الأعتبار! والله كانت تمدحها لي بنت عمي وايد وتقولي أنها سنين متعامله معاها لأنه عيالها ماشاءالله 4 كلهم درسوا بالعالميه وآخر واحد تخرج العام!يالله الحمدلله الله يبشرج بالخير! وناطرين خبر التأجيل!!

أهلين مرو اي والله انا عجبني اهتمامها و ان شاءالله نشوف التغيير عن قريب،، بس ترى ماكو تأجيل توني قارية جرايد اليوم

السلاااااااااااااام امهات شخباركم ؟؟؟

الله يبشرج بالخير يا فوز والله خوش بشاره ....
المهم شفت عندهم حفله الاداره مع المدرسين ريوق جماعي تقول مالت الاستقبال مناسبه السنه الدراسيه الجديده ....
بس ارتحت لما شفتهم كلهم مخلطييييييين مع بعض عشان صار ماصار الله لا يقوله الا مو بعيالنا ويمديهم يأجلون الدراسه ...

والا انتو شرايكم

هلا والله ريمان ،، فعلا ردها كان يبشر بالخير،، اي والله صاجة اذا فيهم شي راح يبين و الله يحفظ عيالنا

فوز خوش خبر والله هذي خوش بشاره لأن صراحه الكل يمدح المدرسه إخترعت لما شفت إن في بعض الملاحظات الإداريه عليهم بس الحمدلله بيضتها المديره
آنا بالنسبه لي لي صار الراس العود زين أغلب الموظفين اللي تحته يصيرون زينين أهم شي باتصالها حرصها وإهتمتمامها بملاحظات أولياء الأمور والرد عليها بنفسها مو مثل بعض المدارس اللي المديره قاطه كل شي عالسكرتيره وترد عليج السكرتيره جنها مديره كل ما أقولها بكلم المديره تقول لا ما تقدر تكلم أحد كل شي عندي!!!!!!!!!!!!
ريمان آنا بعد مريت المدرسه اليوم حسافه ما شفتج يت هاله إتقولي إتفضلي جان أدقرها أقولها بكلم الإخت عن رئيستهم شذى وايد إسلوبها راقي صاجه مرووو هالهاله ما تنبلع ما لي خلق أحرق دمي معاها من الصبح
المهم سألت شذى عن التأجيل قالت ما في تأجيل
وسألت بعد عن الدوام للكي جي
دقت عليهم تأكدت قالت الدوام الرسمي من 9 الى 12 يستقبلون اليهال من 8.30 كان نهاية الدوام بالوحده بس غيرو صار 12
وسألتها عن الصفوف قالت روحي لهم
يوم بروح تلقتني مالت الإستقبال ما رضت أروح قالت إشتبتسإلين آنا أدق عليهم أسألهم
قلت لها آنا من سجلت ولدي آنا طالبه مس ويندي ما أبي إحطونه عند غيرها قالت التوزيع أول يوم و السوبر فايزر إهي اللي بتوزع مو المدرسات أول يوم تعالي و شوفي شصير يا ربي إحطون ولدي عندها
فوز آنا و إنتي طالبين من زمان و حاطين لهم نوت بالملف عاد أول يوم إذا صار غير هالكلام إنجفس جمومنا و نتعارك معاهم
وبعدين مريت العياده والله خوش شي كبيره
وبعدين بدلت قميص ولدي وسلامتكم و تعيشون

أهلين كاراميلا، و بصراحة هذا دور أولياء الامور لازم ينبهون الادارة والا شنو الفرق بين مدارس الحكومة و هالمدارس احنا ما ودينا عيالنا هناك الا نبي اهتمام، و بصراحة رايتها بيضة و دقت من موبايلها حتى انا اول ما كلمتني على بالي من هالمندوبات ملوت التسويق لانها قالت لي اسمي و اذا انا فاضية دقيقتين بس اشوة اني ما استعيلت و قلت لها ماني فاضية،
الظاهر هالة انشخلت من جذي متسنعة لاني كتبت ان في بعض الموظفات معاملتهم تعيسة
و الله ما عرفنا الدوام لي 12 او 1 الله يهديهم، اكيد راح يعطونا ورقة أول يوم دوام
أما على ويندي ان شاءالله يحطون عيالنا عندها، بس اللي بعرفه هل لنا الحق في الاختيار اذا لنا الحق انا مسفطة جمومي وياج بس اذا سياسة المدرسة ما تسمح بعد ما باليد حيلة و ان شاءالله يروحون عند المدرسة اللي تراعيهم

 

[lyale]

ملكه وليالي اشلونكم شخباركم مبارك عليكم الشهر!!ليش نطردكم اشهالحجي العين اوسع لكم من التجمع حياكم الله خلكم دايما معانا!شخبار مدارسكم؟صج ملكه غيروا لبس الخليج؟ آنا اليوم قلت حق جنة اختي قالت انها ماكانت تدري بس حرام جنها شاريه لبس قبل لايعطلون العام يمكن تقدر تبدله!!ليالي شخبارج فرحانين أوي انه دوامكم بعد العيد؟ يالله عليكم بالعافيه وبصراحه ماقصرت معاكم فايزه الخرافي على هالقرار الحلو!!

والله انا بخير وداشه اسئل عنكم واطمن عليكم
اي والله فرحانه وشكلي بكبر المخده