رأي راح يزعل نسبة كبيره من بنات المنتدى

[جوك احلى جو]

صح لسانج والله يصبر اهلهم يارب

 

[omsaja]

حسبي الله ونعم الوكيل صح لسانج

 

[nhr-36shan]

صح كلامج بس انا من رايي اتوقع انه اهيه كانت بس تبي تهوووش للسالفه وماتوقعت بيصير جدي وناس بتمووت وناس بتتفحم من جدي على طوووول اعترفت باللي سوته الله يسامحها
بس هم اتمنى توصلين رساله للي تبي تبني سعادتها على تعاسه غيرها عشان لا يطيح الفاس بالراس حزت الحزه
وبنات هالايام يغارون من ام الريل هالنوووب من مره ثاييه لاحول ولا قوه الا بالله
والله يرحم موتى الجهرا ويشافي المرضى قوولووو امين

اي والله انج صاجه بكل كلمه قلتيها وكلام الاخت مرايم هم انا اايدج الراي

 

[روح الدنيا]

صح لسانج

 

[هاجر الكويت]

ماكو شي اسمه اصغيره في شي اسمه عقل والله خلق لنا عقل عشان انفكر فيه

صغيره يعني ماتعرف تفكر بس مو اصغيره يوم اتزوجت؟؟؟ هذا الحقد والحسد الله يكفينا الشر للحين في ناس امثالها وايد حسودات وحقودات
يبون يملكون كل شي حتى الريال يملكونه مايبونه يتزوج الله حلل الزواج واللي مو كفو بياخذ عليها زوجها عشان تتسنع. وانا الصراحه اشجع الزواج الثاني والثالث اولا عشان العنوسه اتخف وكل بنت تاخذ حقها ان شاءالله وتزوج وبنفس الوقت نتبع سنة رسولنا ونكثر النسل

بس الحقد بالحريم والحسد ليمتاا يعني حسبي الله ونعم الوكيل في كل وحده حقوده وحسوده

 

[Turquoiseya]

كلامج عدل 100%
شكل البنت من تربيتها تتصرف على كيفها محد يامرها ولا ينهيها
سوت اللي صار ولا فكرت بالعواقب
بيوم وليلة صارت مجرمة الله المستعان عشان غيرة اعمت عيونها
وخلفت مأساة الله الوحيد العالم بكبرها
لا حول ولاقوة الا بالله

لازم نهتم بعد بنصح بناتنا وعيالنا وناسس فيهم الوازع الديني
ونختار لهم من نرضى بدينه وخلقه
انا عندي ولد و بنت والله مت وانا افكر فيهم بعد اللي صار

 

[ســــوليس]

صح كلامج
بس واحد من القهر يقول هالحجي
بس ماايقدر بسوي شي

الله يرحمهم

 

[مهرة الخليج]

حبيبتي رأيج لا زعلنا ولا شي
إلا بالعكس هذا هو الصح بعينه وعلمه
ويمكن الي صار عشان نعرف بقرار نفسنه
إن الشرع أحل التعدد ... مو ناخذ من الشرع الي يعجبنا ونحذف الي ما نبيه
مثل كثير من الزوجات ... التعدد والرجل بالنسبه لهم كنه آخر الدنيا
الحمدلله على العقل والعافيه وعلى الايمان بالقضاء والقدر بخيره وشره
وعساج على القوه وصح الله لسانك ... لا فض فوك
والله يرحم من مات
والله يجازي ويهدي من كان السبب

 

[حكاية شهرزاد]

كلامج عدل ياوخيتي .. وهالسالفه خلت الكل يعدل نظرته ويخف من تكابره ترى الدنيا لحضة ..


وبالنسبة ل

.. الضحيه عشرات البيوت الكويتيه اللي راح يدش عليها رمضان واهي حزينه .. قلوب محروقه ..شكثر ناس تيتمت ؟؟؟ شكثر في امهات شروا لعيالهم لبس العيد وما راح يشوفون زهوة اللبس على عيالهم ؟؟ جم ام كانت مجهزه القرقيعان ولبسه لعايلتها وعيالها واحفادها ... وراحت روحها قبل لا تفرح فيهم ؟؟ تتصورون العيد شلون راح يمر على هاليهال ؟؟ على هالابو ؟؟ هالابن ؟؟ هالاخت ؟؟

الله يرحمهم .. ويعوضهم عن الدنيا .. بالجنه .. بأذن الله اهما الحين سعداء وبأحسن حال عن الدنيا ..

يمكن بالجنه .. العلم عند الله .. وياربي ترحمهم وتدخلهم الجنه ..

لاتنسين الله ارحم الراحمين ..

 

[خربشة قلم]

كلامج كله صحيح..


لكن اذا قالت بقتله بذبحه تهديد بس!

ماتوقع بتطبق

مشكوره خيتو

 

[ريان الحلوه]

مثل ما الريال الشرع يسمحله ياخذ4 المره،،،، الله حلل للمراه تطلق ومن باعنا بعناه لو كان غالي

بس ما في ولا ر بع مبرر اني الحق الاذى باي انسان او حتى حيوان

 

[برنس كيوت]

انا ضد كلااامج ... انا لو زوجي تزوج علي بذبحه صج ... بس ماظر الناس .. اذبحه هو وعروسته ..

وان شاءالله يارب اني اموت قبل لاشوف عرسه علي او يموووت هو ولاشوفه متزوج .. وتقبلي مروري ..

 

[AnGel GirL]

تدرين مرايم كنت اتخيل ان هالبنت كانت معانا بالمنتدى وتشارك وتقرى راي البنات وتشيش معاهم من يطرون سالفة الزوجه الثانيه

تزوج عليها خير ياطير مو حرام تزوج عليها هذا شرع الله ومايحق لها حتى تطلب الطلاق ماسوى شي حرام والا جريمه بحقها عشان تسوي جذي وحتى لو كان يطقها والا يسوي فيها اللي يسويه هذا مو عذر

اللي حرام لمن المره تتهور وتثور وتطلب الطلاق وتشتت عيالها وتهدم اسره والا تتهور نفس هذي استغفر الله خلت برقبتها اكثر من 40 نفس

صج انا ماجربت اللي جربته بس هذا اولا واخيرا ضعف بالايمان لو الوحده تؤمن بالقضاء والقدر وانه كل شي يكتبه لج ربي خيره صدقيني جان ماصار هالشي


وهذا بلاء لها ونحمد الله على نعمة العقل والايمان ومانتحسب عليها ربي حسيبها واعلم بحالها ومانقول الا الحمدلله الذي عافانا على مابتلاها فيه وفضلنا على كثير من خلقه تفضلا كثيرا

 

[روح الرياض]

انا بالنسبه لي يتزوج 3 بغار وبموت من القهر بس انسحب من حياته بس ما راح ارتكب جريمه

 

[al7b '7ald]

ماكو شي اسمه اصغيره في شي اسمه عقل والله خلق لنا عقل عشان انفكر فيه

صغيره يعني ماتعرف تفكر بس مو اصغيره يوم اتزوجت؟؟؟ هذا الحقد والحسد الله يكفينا الشر للحين في ناس امثالها وايد حسودات وحقودات
يبون يملكون كل شي حتى الريال يملكونه مايبونه يتزوج الله حلل الزواج واللي مو كفو بياخذ عليها زوجها عشان تتسنع. وانا الصراحه اشجع الزواج الثاني والثالث اولا عشان العنوسه اتخف وكل بنت تاخذ حقها ان شاءالله وتزوج وبنفس الوقت نتبع سنة رسولنا ونكثر النسل

بس الحقد بالحريم والحسد ليمتاا يعني حسبي الله ونعم الوكيل في كل وحده حقوده وحسوده

قطعه انتي ما فيج غاريه
على فكره لا يدخل الجنة ديوث
او شنو عنوسه أصلن أسباب العنوسه هي رفض البنات الزواج شنو تزوجو غصب بعد
صج تخلف تبين زوجي ريلج ثانيه او ثالثه
الله لا يبلانا بهتفكير

 

[شمس 20]

عدل كلامج

هذا عين العقل
​

 

[مصدر الحب]

الشرع حلل للريال 4 .. اذا بيتزوج مايشوف شر .. عاجبج قعدي .. مو عاجبج انفصلي وانتهى الموضوع


زبدة الكلام وكلامك جدا واقعي

 

[نملة فارس]

صح لسانج حبيبتي


وكلامج عين العقل

وانا معاج بكل كلمه قلتيها

مافيها شي لو الريال تزوج على مرته .. حتى لو كانت تمووووووووت فيه واهوا بعد يحبها .. ما فيها شي ..
ربج له حكمة بهالشي ..
وترى تشوفين ريلج متزوج عليج ولا تشوفينه يسوي شي ثاني ..
وياما حريم تزوجوا عليهم رياييلهم .. وكاهم لا عصبوا ولا شي ..
هذا الشرع .. والشرع حلل للرجل 4
واذا الحرمه عاجبها زين على زين ..
واذا ما عجبها .. تطلب الطلاق ..
والكل يروح بحال سبيله..

والله والله والله
اني اعرف وحده تزوج عليها ريلها وحده صغيرة..
والله انه الثانية تموووووت فيها وقامة فيها قومه لو كانت اختها ما قامت فيها..
وتموووووووت على بناتها .. وعسا ما طلبوا منها شي قالت تم..


انا بصراحه مع تعدد الزوجات ..
اشوف ريلي يتزوج علي .. حتى لو ما كنت مقصره معاه هذا حقه..
ولا اني اشوفه يخوني مع وحده ولا يخربط​

 

[غيدآء]

صادقه والله

وعسى الله لا يبلانا

 

[آبـلـہ نـونـو]

وجهة نظر و آنآ أحترمهآ ,,

بس آنآ مو مقتنعه بولآ حرف ..

مو كل مرآه تقول : أحرقه ، أذبحه .. إلخ ..

معنآته إنهآ رآح اطبق اللي تقوله !!

جآن نص الكويت رآحت من هالسآلفه ، هالمرآه مجرمه و مآ فيهآ ذرة إحسآس !!

لو تبي تنتقم ، تروح تنتقم من زوجهآ ، مو من هالنآس و الأطفآل اللي مآلهم ذنب ؟؟

أبي تفسير وآحد حق اللي خلآهآ تحرق هالأوآدم ؟؟؟

محتره ؟؟ تحبه ؟؟

كله خرآبيط و حجي فآضي ، و إذآ مآ عدموهآ جزآهآ عند الله هالظآلمه ,,

حسبي الله عليهآ ,,