تحذييييير للمسافرات الى ماليزيــا

[%الجورية%]

اولا : ميدان النسر وموجود بالعاصمه كواه



اي صج بنات بقولكم سالفه صارت لنا يم ميدان النسر انا سمعت فيها بالنت وصج صارت لنا

لما كنا نتمشي يونا اتراك سياح واحد ومرته وقعدوا يسالونا عن ديرتنا

بالبدايه مانتبهنا انا وريلي بس لما قالوا طلعوا عملتكم نبي نشوفها اهني فهمنا _03BA:

لان في ناس وايد طلعوا فلوسهم وباقوهم على اساس بشووف العمله ويلطشوون جم فلس

طبعا ريلي زفه وهو حس لاني صرخت وقلت هذيل البواقيين اللي قالوا عنهم بالنت لووووووووووووووول

جان ينحاش اهو ومرته :tomato2:

قوه بنات .. اشلونكم

حبايبي انا قبل اسبوعين كنت في لانكاوي .. وصاارت لي هالسالفه وكتبت عنها في موضوعي
عن لانكاوي http://q8yat.net/showthread.php?t=426751

وامس رفيجتي ردت من ماليزيا وقالت انهم انباقواا واللي صااار لنا تقريبا نفسه صار لهم بس في كوالا ..
بس اهم انباقوا لطشوا منهم 30 دينار .. ريلها عطااه العمله وسحب ثلاثين بدون مايحس
ايده خفيفه حيييل .. حسبي الله عليه .. وكان عندهم بالبوك 1000 رنجت زين بعد مانباقت
حبايبي ديروا بالكم من هالسواح الاتراك اللي شغلتهم هناك بس البوق .. يتصيدون الخليجيين

وموفقيين يارب :tek:

 

[نور النهار]

مشكووووورة حبيبتي الجوري على التوضيح

بس اليوم اخر يوم لي في كواللمبور وباجر ان شاء الله بروح بانكوك

 

[cute.usa]

و الله ماليزيا ما أحبها جذي من الله !
و خالي و مرته الشهر اللي فات راحوا ماليزيا عاد كانوا بيطلعون يتمشون و مرته خلت بجنطتها 200 دينار
و طلعت و دشوا خدمة تنظيف الغرف و باقوا فلوسها
تسلمييييييييين

 

[nice smile]

قبل 4 سنين بالماينز وندر لاند يانا واحد مع مرته وكانو اتراك ونفس السالفه يبون يشوفون علمة ديرتنا بس ريلي قال مامعاي كويتي .. وانا على نياتي اقوله انا شايفه في بوكك كويتي هههههههههههههه الله ستر اشوه ريلي ما عطاهم ويه .. عاد عقبها سمعت بهالسالفه .. وهالسنه رحت ماليزيا حلف ما اطب الماينز وندر لاند والحمدلله ماصادفنا هالموقف بكوالالمبور

 

[ZoooQa]

يؤيؤيؤ وشلون ريلج طلع الفلوس شكو يشوف العمله عطه دينار مو كل بيزاتك!!!


واي خرعتوني من ماليزيا عاد المفروض رايحه الشهر الياي :\

 

[%الجورية%]

مشكووووووووورين حبايب قلبي عالردود ... وديروا بالكم من هالاشكال

 

[حب شمسي]

بنات شليصار كل ما تطلع دوله حلوه وآمنه تغير
بالاول ماليزيا كانت من اروع الدول بالامان والنظافه بس الحين تغيرة
بس والله تركيا ما احب شعبها كلش مع العلم اني مارحت لها بس لما سافرنا لابها البهيه بالسعوديه وطبعا كنا عوايل لما نطلع من البيت كان جدام بيتنا بيت اتراك عزابيه من قوة وجيهم لما شوفونا بر نبي نطلع تسطرون وو قفون يطلعون فينا تخيلوا بدون خوف ولا حيا

 

[Lulu Sweet]

مشكووورة واااايد

تونا رادين من KLCC و كنت قارية موضوعج قبل ما اطلع ..
الا صادنا هلموقف

يانا تركي و سال امي و خالتي انتو من وين .. الا خالتي ركضت و امي تقول لها شفيج .. قالت هذي الي حذرونا منه .. التركي خاف من ركضة خالتي و قعد يقول حق امي Sorry madam

و على فكرة .. يوم قلنا حق ابوي .. صدفة صار له نفس الموقف عند الصراف

 

[ملكة بحجابي]

مشكوره والله يجزاج خير على التحذير

 

[knafa-q8]

وااااي والله احنا انقرصنا عدل من عقب بوقتنا الله ياخذ اللي باقنا ان شاء الله
احنا صادفنا بعد هالموقف ان راعي التكسي قالنا ان بنتي تيمع عملات تقدرون تعطوني من عملتكم ؟ بس الفرق انه ماكان تركي كان ماليزي

 

[%الجورية%]

مشكووورة واااايد

تونا رادين من KLCC و كنت قارية موضوعج قبل ما اطلع ..
الا صادنا هلموقف

يانا تركي و سال امي و خالتي انتو من وين .. الا خالتي ركضت و امي تقول لها شفيج .. قالت هذي الي حذرونا منه .. التركي خاف من ركضة خالتي و قعد يقول حق امي Sorry madam

و على فكرة .. يوم قلنا حق ابوي .. صدفة صار له نفس الموقف عند الصراف

العفوووو ياقلبي
صج مايستحووون اشفيهم هذيل مثل الوباااء بكل مكاان :eh_s(14):

 

[بنوته كتوته]

مشكوره على هذا التحذير وجزاج الله خير

 

[%الجورية%]

مشكوره والله يجزاج خير على التحذير

العفوووو ياقلبي ماسويت شي لازم احذركم

 

[%الجورية%]

وااااي والله احنا انقرصنا عدل من عقب بوقتنا الله ياخذ اللي باقنا ان شاء الله
احنا صادفنا بعد هالموقف ان راعي التكسي قالنا ان بنتي تيمع عملات تقدرون تعطوني من عملتكم ؟ بس الفرق انه ماكان تركي كان ماليزي

ابيييييييييييييه حتى الماليزييين علمووووووووهم لووووووووووول ماكو شغل

الله يعوضكم خير انشالله ويعل ايده للقص ..:eh_s(14):

 

[%الجورية%]

مشكوره على هذا التحذير وجزاج الله خير

العفو ياقلبي

 

[umlamis]

انا لسه واوصله من ماليزيا وصارلنا هالموقف بس قالو انهم من جنوب افريقيا

وزوجي صدق بس انا شكيت فيهم وحذرته

 

[وناستي شي اساسي]

مشكوووره اختي ..

 

[anome]

والله انا صارلي نفس الموقف بكوالالمبور العام بالجمعية يوني واحد ومرتة جنهم اتراك عاد قامو يسألونا شنو احسن حليب حق اليهال لان شافو معاي عيالي عاد امسكت فيني بصوب والريال مسك ريي بصوب يسأل شلون عيشة بالكويت غالي وشنو عملتكم ورني وانا عيني على ريلي هذي تحاجيني وانا اطالع بريلي خفت يسحرة ويبوقة عاد ريلي كان ماعندة الا جنة خمس دنانير كويتي وهو يسأل شنو اكبر عملة عندكم يقولة عشرين دينار ويقوله ورني ريلي يرد علية ماعندي والاخ مصمم لا عندك راوني وكان ريلي عندة مبلغ كبير تايلندي لان كنة عقبها بنروح تايلند اشوه ماشافة وانا كنت اطالع بريلي لان نفس الموقف صارفي ابو وهوا بالصين بس سوري قالة راوني عملتطكم ابوي يقول مادري شلون طلعت لة الفلوس وباق ابوي وهوا مو حاس والله فوق الخمسين دينار
بس والله يابنات عقب مامشينة عنهم انا امشي واتلفت حدي ميتة من الخرعة والله والله اني كنت ميت خوف واسب ولعن فيهم الله لا يبلاكم انشاللهموقف حده بايخ

 

[مشعلله]

الحمدالله على سلامتكم
وفي كل مكان هالنوعيه تلقينهم مو بس بماليزيا
حتى وانتي قاعده فبيتك يجون لين عندك يطقون بابك
الله يستر علينا

 

[نادره الوجود]

مرحبا وانا بعد صار فيني الموقف بس بينانغ بمحل غيس جانا واحد مع اختة وقام يسألنا وقول ودي اعيش بالكويت وشلون العملة مقارنة بالدولار وبشوف شلون صايره بس اشوة ماكان معانا فلس كويتية