وشـٌلون أعيـَش ان مآلـقيـُتكـ..؟

[تبقى حبيبي..!]

آلسلام عليكم ...:68_asmilies-com:

بدش فالسالفه على طووول لاني والله صج تعبت وابي حد يفهمني ..

اانا احب واااااااااحد واهويحبني ويمووت فيني وانأ متأكده من هالشي انا عمري 20 واهو 23..صآرلنا سنتيين نحب بعض بس المشكله انه اهو بدووون ومايقدر يتقدملي الحين لاني عارفه انه اهلي راح يرفضونه وانا ماعندي مشكله انا ناطرته لو اييني بعد مية سنه ورفضت عشانه اكثر من 5 ريآييل لاني عارفه انه صج شآريني ويبيني ..المهم مو هني المشكلهـ..

المشكله اني متعلقه فيه بشكل موطبييييييييييعي كللششش ..هو وايد زين وياي طيب وااااااااااااايد وانا غلطت بحقه كثير ويرجع ويسامحني انا حبيته عشان قلبه الطيب ..والله اذا ماكلمته يوم وااحد امرض ..وربي احس انه حرارتي ترتفع ماقدر اكل ..ماقدر اكلم احد..حتى صلاه احس بآلي مو معاي وانا اصلي استغفرالله,, والله اني حبيت هالانساان حب مو عارفه شلون اوصفه لكم ماعند احد اغلى منه بهالكون ..احب كل شي فيه هالانسااااااااان غييييييييييييييييييييييييييييييير.. بس انا مابي اكون متعلقه فيه لهالدرجه اهو من امس ماكلمني عشان جذي الحين احس نفسي موطبيعيه كلـش 24 ساعه ابجي اذا ماكلمني..قاعده افكر فيه اخاف صايرله شي ..اخاااااااف افقده .. دايم ادعي ربي اموووت قبل لا ايي اليوم اللي نفترق فيهـ..:0bee2e8d89:



لو سمحتووا مابي تجرييح ابي احد يساعدني لاني جد موعارفه شسوي..

واسـفه ع اللهجـه ..انا اماراتيه بس قاعده احاول اتكلم كويتي ..

بانتظار ردودكـن ^^

 

[غضى]

اهلين حبيبتي
ماني عارفه شقوولج
بس بسالج بدون تقصدين ماعنده جنسيه.؟
يعني هم انتو عندكم هالفئه بالامارات؟

واذا هاذا السبب اللي تعتقدين اهلج بيردونه عشانه
خليه يجرب يخطبج يمكن اهلج يوافقوون؟
اذا اهو مقتدر وحاله ميسور ووضيفته زينه
ماعتقد بينرد!
واذا ردووه اهلج خيره يابنت الحلال
ولاتحاولين تعصين اهلج
والله يوفقج ويصبرج

 

[روح الدنيا]

والله مادري يعني بدون و عارفه اهلج ما يرضون ليش تماديتي


و ترا حرام


الله يكتب لج اللي فيه الخير

 

[happy&single]

هذا تعلق مو حب توج صغيــــــــــرة على الحب ياقلبي
البدون مشكلتهم مشكلة ،، اكيد بياخذج بالحجي وبصير طيب ومعاج وحبوب ويغفر لج كل زلة
لأنه بدوووووووووووون
يعني يدور مصلحته والمصلحه عنده انه يرتبط بوحده عندها جنسية تنفعه وتصرف عليه وعلى عياله ان خذاها
حبيبة قلبي نصيحه من اختج هديه وقوليله اذا صار لك مستقبل تعال اخذني اذا صار عندك شغل ومعاش تعال اخطبني اذا صار عندك جنسية حق عيالي منك تعال اخطبني ،،،
حبيبتي فكري بمستقبلج ودراستج ،، وخلي عنج هالسوالف اذا صج يحبج ما يربطج معاه واهو اسا مو متأكد من مستقبله

 

[تبقى حبيبي..!]

غضـى هيه فدييتج نحن عندنا هالفئه بالامارات..


مشكووورات ع الرد بس والله اني حاااولت اودره اكثر من مره مااااااااااااااااااااااااااقدر والله مااقدر ..احس انه وجودي بهالدنيا ماله معنـى ..


مشكوورات حبيباتي..

 

[noorq8]

غضـى هيه فدييتج نحن عندنا هالفئه بالامارات..


مشكووورات ع الرد بس والله اني حاااولت اودره اكثر من مره مااااااااااااااااااااااااااقدر والله مااقدر ..احس انه وجودي بهالدنيا ماله معنـى ..


مشكوورات حبيباتي..

happy&singleعطتج اياها من الآخر .ماما تركيه والتفتي لنفسج ولاتضيعين الفرص اللي تجيك ,الله يفرج همّه وتنحل مشكلته ولا تتمشكلين بمشكله مثل القرقور تعرفينه ان دخلتيه مالج طلعه منه .

 

[nono93]

مرحبا

شوفي انا ما راح اجرحج او شي

بس تخيلي اوكي بس تخيل


أهلج وافقوا

وحددتوا العرس

ما يقدر ياخذ قرض لأنه بدون

راتبه ضعيف

عيالج راح يكونون بدون

يعني ماكو مدارس ولا مستوصفات ولا سفر

يعني انسي السفر اللهم لما تسافرين بروحج

اوكي يصير مدارس بس خاصه

وكله ع راتبج هذا إذا كنتي تشتغلين اتوقع تدرسين

وراح تصير حياتكم ع الفلوس

واكيد ما راح تتحقق كل احلامج كونج متزوجه بدون


حبيبتي فكري بالعقل ولا تفكرين بالعواطف

هذي حياتج
واهلج

ترى مالج إلا اهلج

ولا تنسين تكلمينه وتحبينه >>>>>> خاينه الثقه إلي عطوج أياها اهلج <<<<<

محد يحبج ويبي مصلحتج غير اهلج

يا قلبي يا حياتي فكري عدل

والله ما ابي غير مصلحتج

ادري ما راح تتقبلين هالكلام وراح تطنشين

بس فكري فكري عدل

وفكري بمصلحتج وبأهلج

وترى الله فوقج


بدون والله يعينه شنو يسوي هذي الظروف
واهي إلي تسوي بالأنسان جذي ​

 

[SaD FaCe]

هذا تعلق مو حب توج صغيــــــــــرة على الحب ياقلبي
البدون مشكلتهم مشكلة ،، اكيد بياخذج بالحجي وبصير طيب ومعاج وحبوب ويغفر لج كل زلة
لأنه بدوووووووووووون
يعني يدور مصلحته والمصلحه عنده انه يرتبط بوحده عندها جنسية تنفعه وتصرف عليه وعلى عياله ان خذاها
حبيبة قلبي نصيحه من اختج هديه وقوليله اذا صار لك مستقبل تعال اخذني اذا صار عندك شغل ومعاش تعال اخطبني اذا صار عندك جنسية حق عيالي منك تعال اخطبني ،،،
حبيبتي فكري بمستقبلج ودراستج ،، وخلي عنج هالسوالف اذا صج يحبج ما يربطج معاه واهو اسا مو متأكد من مستقبله

انا معاها ..!

توج صغيره شوفي حياتج دوسي على قلبج الحين راح ترتاحين بعدييين صدقيني

والله يوفقج

 

[انونا]

مرحبا

شوفي انا ما راح اجرحج او شي

بس تخيلي اوكي بس تخيل


أهلج وافقوا

وحددتوا العرس

ما يقدر ياخذ قرض لأنه بدون

راتبه ضعيف

عيالج راح يكونون بدون

يعني ماكو مدارس ولا مستوصفات ولا سفر

يعني انسي السفر اللهم لما تسافرين بروحج

اوكي يصير مدارس بس خاصه

وكله ع راتبج هذا إذا كنتي تشتغلين اتوقع تدرسين

وراح تصير حياتكم ع الفلوس

واكيد ما راح تتحقق كل احلامج كونج متزوجه بدون


حبيبتي فكري بالعقل ولا تفكرين بالعواطف

هذي حياتج
واهلج

ترى مالج إلا اهلج

ولا تنسين تكلمينه وتحبينه >>>>>> خاينه الثقه إلي عطوج أياها اهلج <<<<<

محد يحبج ويبي مصلحتج غير اهلج

يا قلبي يا حياتي فكري عدل

والله ما ابي غير مصلحتج

ادري ما راح تتقبلين هالكلام وراح تطنشين

بس فكري فكري عدل

وفكري بمصلحتج وبأهلج

وترى الله فوقج


بدون والله يعينه شنو يسوي هذي الظروف
واهي إلي تسوي بالأنسان جذي ​

والله انا وياها ترا تفكيرها منطقي

والله يوفقج ويهديج

 

[احلى غلا]

والله ما صدمني بهالموضوع الا شي يعني بدون ماله رب ليش حرام؟
اوكي صح انها الي مسويته غلط بس مو شرط ان الصبي قاعد يلعب عليها عشان جنسيتها حرام تظلمونه يمكن الصبي يحبها وشاريها وربج الي خلاه بدون مو اهو حرام عليكم مو لهدرجه
وبعدين وربي لو بدون وما عنده جنسيه ويحبها خلاص كافي وين بهالزمن تلقين احد يحبج ويصونج

 

[still_waiting]

علاقتج من الأول غلط وسوري على هالكلمه انتي طيحتي بنفسج بمشكله ولاازم تطلعين منها او تحلينهاا

 

[تبقى حبيبي..!]

مشكووراات ع المروور..وادري انكن خايفات علي وتبن مصلحـتي ..بس سبق وقلت اني حاولت وحاولت وحاولت اني اتركه بس هم ماقدرت.. احس رووحي بتطلع من دونهـ


ع العموووم..اسعدني مروركن

 

[العين الكحيله]

مدام تعرفين ان اهلج ماراح يوافقوون خلاص انسيه يااقلبي

والله يوفقــــــج.......

 

[الصعيريه]

البناات كفوا ووفوا عسى الله يهيدج ...
ويكتبلج اللي فيه الخير سواء معاه ولا مع غيره..

 

[سلحوفه]

سنتين شوي في غيرج 5 سنوات 7 سنوات وافترقوا

لا تقولين ماقدر اهتمي بدراستج اذكري الله قعدي مع اهلج واخوانج سولفي وياهم لعبي معاهم درسي اخوانج اللي اصغر منج شوفي التلفزيون

وجذي بتقدرين

اوك فرضا صار عندج فراغ وذكرتيه وبجيتي لمتى بتبجين يوم يومين ثلاث وبعدين من نفسج بتبطلين انج ماتبجين وتقولين خلاص

صار عادي ابتعدنا وخلاص كل واحد راح في حال سبيله


اوكي اهوا طيب بس ماتدرين الله اعلم مايمثل الطيب عليج وتلقينه مع اهله مطلع عيونهم ؟!

انتي مو عايشه معاه 24 ساعه حدج تكلمين ساعه او ساعتين اذا كلش 3

والله حبيبتي تقدرين تتركينه باردتج

الحين اللي افترقوا عن بعض وعلاقتهم 5 او 7 سنوات

اكيد الظروف ماجمعتهم وقرروا ينهون العلاقه لان ماكو امل من العلاقه شنو بيستفيدون دام الاهل مو موافقين

اتمنى ماضايقتج واسفه ع الاطاله​

 

[Anwary-24]

شوفي حبوبه

مجرد ماتقعدين مع نفسج وتفكرين بفكره وحده بس

انه في ناس فقدت امها وابوها وماماتوا كاهما عايشين

يعني انتي حتى لو فقدتيه بتعيشين

حطي براسج مقارنه صغيره حييييييييييييييييييييل

أي اهون عليج فقدان اهلج بعد عمر طويل او فقدان هوو

انتي تقولين هالكلام لانه عواطفج مسيطره عليج

يومين ماتقدرين تفارقينه بس لو يكمل اسبوع صدقيني بيكون الوضع عادي

لانج تعودتي انج تكلمينه بكل لحظه يعني هذي مسألة تعووود

انتي تعودتي تكلمينه بس هذا مو حب

اتركي نفسج لحظه وحده اطلعي من كل احساس وشعور بداخلج وخلج مع العقل بس

صدقيني بتقدرين تتركينه لانه كل الظروف ضدكم مافي ولا شي من صالحج او لمصلحتج

عيشي بعقل واتركي الاحساس بالحب راح يجي مع الانسان الصح

مو هذا

تقبلي رايي

 

[Zaina Al-Zain]

حبيبتى انتى عارفة النهاية فاقطعى علاقتج معاه ودوسي شوووووي على قلبج وفكري بمستقبلج عدل

 

[some 1 love u]

هذا تعلق مو حب توج صغيــــــــــرة على الحب ياقلبي
البدون مشكلتهم مشكلة ،، اكيد بياخذج بالحجي وبصير طيب ومعاج وحبوب ويغفر لج كل زلة
لأنه بدوووووووووووون
يعني يدور مصلحته والمصلحه عنده انه يرتبط بوحده عندها جنسية تنفعه وتصرف عليه وعلى عياله ان خذاها
حبيبة قلبي نصيحه من اختج هديه وقوليله اذا صار لك مستقبل تعال اخذني اذا صار عندك شغل ومعاش تعال اخطبني اذا صار عندك جنسية حق عيالي منك تعال اخطبني ،،،
حبيبتي فكري بمستقبلج ودراستج ،، وخلي عنج هالسوالف اذا صج يحبج ما يربطج معاه واهو اسا مو متأكد من مستقبله

اولا احب اعلق على كلامج ومع احترامي الشديد لج . بس كلامج قمه بالتجريح حتى لو موقصدج .. لا تنسين في بنات بهالمنتدى من هالفئه .. يعني بالعقل يدفنون نفسهم البدون ولا شنو .. بصراحه اعذريني بس كلامج مافي انسانيه مع احترامي اختي اسفه لا تزعلين ..ربي حط هالفئه بينه عشان يعرف تصرف القادرين واللي عندهم شلون ترى كلنا محاسبين اذا ساعدناهم ولو بكلمه .... بصراحه اهما ناس حالهم حالنا لهم حق بكل شي ....
ويقدر يشتغل ويعيش على قد حاله واهي مو شرط تساعده تصرف عليه اساسا مو اهو المستفيد عيالها اللي مستفيدين لان ماراح ينقص عليهم شي لان امهم عندها جنسيه ...

بالنسبه لمشكلتج اختي .. اذا انتي من النوع اللي يتحمل ضروف الحياة اخذيه وخل يتوكل على الله ويتقدملج والله يكتبلج اللي فيه الخير يمكن اهو بييبلج السعاده ويحافظ عليج .. ويمكن اللي عنده جنسيه وفلوس يقطج ولا يهتم ولا يدري عن هوا دارج ....

اختي نصيحه استخيري واذا ارتحتي توكلي على الله

بالنهايه كل شي نصيب

والله يعين هالفئه على هالناس القاسيه اللي ماترحم


واسفه على ردي ..

 

[واشوقاه]

آلسلام عليكم ...:68_asmilies-com:

حتى صلاه احس بآلي مو معاي وانا اصلي استغفرالله,, والله اني حبيت هالانساان حب مو عارفه شلون اوصفه لكم ماعند احد اغلى منه بهالكون ..احب كل شي فيه هالانسااااااااان غييييييييييييييييييييييييييييييير..


بانتظار ردودكـن ^^

ترى هذا النوع من الحب يسمى شرك بالله .. ديري بالج حبيبتي ..

والله ودي اساعدج بس ماادري شقوولج ... خلي يتقدم لج وشوفي اهلج شنو ردت فعلهم ...

وادري انه صعب تلقيين مثل هالانساان بس اذا كان من نصييبج صدقيني بتتزوجيينه ..

 

[البرنسيسة غلا]

اصلا من الاول المفروض يكون عندج علم ان علاقتج فيه حرام لايرضاها ربج ولا رسوله ...
وبعدين انتي تدرين ان ظروفه صعبه ومتعلقه فيه لحد ألحين ...

حبيبتي قومي استغفري وتوبي وخلاص انسيه وعيشي حياتج وتزوجي ...