((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[فيلجـ كول ـاويه]

بصراحه قصه روعه يلا كملي بلييييييييييز بسرعه​

 

[ღ TőOőma ღ]

يلا توتي لايووقف لايوقف لايوقف

فدديييييتج:eh_s(6):

 

[ReeMoh]

toooma 7ayati **** elpart tara nan6rich 3ala nar!!nazliii now etha 5la9tay plz

 

[ღ TőOőma ღ]

تومااااا ههههه تدرين امس سهرت لين الصبح يعني المفروض ما اقوم الا العصر ! وانا قمت الحين بس عشان الرواية
هههههههههه والله متشوووقة ابي اعرف شبيصيــر

امي تضحك على شكلي اول ماقمت رحت رركض ع الللاب توب ههههههههههه

هههههههههههههههههه:dddds:

خربت نومتج يعني خخخ

انتي حووووبي والله فديييييييييييييييييييييييييييييييييييتج مممواااااح مممواااااح ممموااااااح

بنزلها مبجر عشانج وعشان تروحين تنامين اول ما تخلصين منها حبيتي والله :tek:

 

[ღ TőOőma ღ]

ناااااطررين

انشااالله شوي وانزلها عشان ابدي في البارت اللي بعده لعيونكم:ggdw:

 

[ღ TőOőma ღ]

بليييييييييييز توتو لاتطولين ناطرينج

انشااالله حوووبي شوي وانزله البارت :*

 

[ღ TőOőma ღ]

بصراحه قصه روعه يلا كملي بلييييييييييز بسرعه​

حبيبتسي نورتيييي فديييتج:ggdw:

ويشرفني ان تكون اول مشاركه لج بروايتي:ggdw:

ومرووورج الرووووعه وانتي عسسسسل واحبج

 

[ღ TőOőma ღ]

toooma 7ayati **** elpart tara nan6rich 3ala nar!!nazliii now etha 5la9tay plz

ريووومتي حوووبي انشالله بعد شوي انزل البارت اوكي ممواااح :*لووف يوو

 

[دكتوره دلال]

تووووما ويييييينج نبي باااارت

 

[ReeMoh]

ريووومتي حوووبي انشالله بعد شوي انزل البارت اوكي ممواااح :*لووف يوو

fdaaaaitich mmwaaaa7 ana a7biiich akthaaar wallah

 

[ღ TőOőma ღ]

حبيبتي يلا شوي وانزله

 

[ღ TőOőma ღ]

fdaaaaitich mmwaaaa7 ana a7biiich akthaaar wallah

واااي حيااتي انتي والله:eh_s(6): يالله شوي وانزله

 

[FoOwFoOwa]

لاتحنووووووووووووووووووووووووووووووووووووووووووووووووووووووووووووووون ;Pp

وربي دقايق و تحطه الي تحن مااخليها تقرا البارت ههههه ,,

خليكم صبورين ماتقدرون تنطرون ثواني ؟

 

[عاشقة البحر 93]

ناطرينج حبوبة

وحدي متشوقة حق الاحداث ان شاء الله دلال تتقبل الموضوع وسجى اتحب يوسف حرام اهوا يحبها

على قولة عبدالمجيد عبدالله >>>> يارب رجع كل حبيب لحبيه سجى ويوسف

ودلال وسعود وميس مع محمد ان شاء الله

 

[ღ TőOőma ღ]

سووري بالغلط

 

[ღ TőOőma ღ]

هايوووو حووووبي شلوونكم :eh_s(6):

انا وعدتكم اني انزله ابجر وعشان جذي خلصته بسرعه :ggdw: بس سوري الموقع كان معلق صج بط جبدي:eh_s(14):

وانشالله يعجبكم الباارت....




الجزء السادس عشر

دلال عيونها غورقت اللي كانت حاسه فيه طلع صج:.....

سعود:دلال...تكفين سمعيني قبل لاتقولين أي شي

دلال تبجي:لا سعوود..لاتقول....!! انت مو ولد جيرانهم

سعود:مبلا انا

دلال قامت تبجي

سعود:والله وغلاتج عندي ماكنت ادري انكم رفيجات وان كل شي صار صدفه صدقيني كنت بقولج بس نطرت الوقت المناسب...

دلال ماتدري شتقول:شتبي مني الحين..؟؟

سعود:دلال شفيج؟؟هدي شنو شتبي مني..تكفييين فكري عدل حرام نخسر بعض عشان هالسبب بس

دلال انفعلت:شلووون؟؟هالسبب تشوفه بسيط؟؟شلوون اخذ حبيب اعز رفيجاتي..ليش مااقلت من قبل ليش تخليني احبك واتعلق فيك اكثر

سعود:دلال تكفين فكري..عيل انا شقولج؟؟والله العظيم متضايق وحاس بالذنب اكثر منج بس اللي صار صار مانقدر نسوي شي الحين خلاص سجى عرفت وانتي هم عرفتي كل شي انكشف

دلال تبجي:سعوود قوولي شسوي

سعود:ابي منج تفكرين بعلقج مو قلبج..خنشوف ردة فعل سجى وعلى اساسها نتصرف انتي هدي الحين..

دلال:انا بروح حق سجى..بكلمها

سعود:يابنت الحلال خليها هاليومين خل تهدى وبعدها روحي وتفاهمي معاها لاتتوقعين انج تقدرين تكلمينها واهي بهالحاله

دلال:مااابي مااقدر والله مااقدر..ودني سعود برد البيت

سعود:دلال قبل لااحرك بسألج سؤال وردي علي بصراحه

دلال:شنو؟؟

سعود:للحين تحبيني؟؟

دلال:سعود انت تدري انك صرت كل شي بحياتي..مو بس احبك انت صرت شي مني مااقدر اعيش من دونك..بس الحين عقب شنو تسألني؟؟

سعود خاف من ردها:شنو يعني عقب شنو؟؟

دلال:ممكن توديني الحين؟؟

سعود مسك ويهها و لفه صوبه:دلال...تكفين لاتسوين فيني جذي ترى اللي فيني مكفيني...قوليلي شقصدج يعني ماتبيني؟؟

دلال:سعود..!!ودني الحين وبعدين راح تعرف

سعود:بس...

دلال:اقوووولك ودني خلاص لاتضغط علي...

سعود ماقالها شي حس ان مراح يقدر يتفاهم معاها واهي للحينها مصدومه..وصلها عند سيارتها بمسافط الجمعيه ونزلت بدون ماتقوله شي...

دلال اول مادشت سيارتها قعدت تبجي وتكلم نفسها..:اسفه سجى...كنت حاسه ان اهو نفسه سعود بس ماقدرت اسوي شي الا لمن اتأكد والحين تأكدت..اتمنى انج ماتزعلين مني والله موقصدي..

طول الطريج تفكر بسجى وموعارفه شتسوي..حاولت تدق على سجى بس ماترد..دقت على بيتهم الخدامه ردت وقالتلها انهم راحو الطبيب..دلال استخفت تذكرت ان ميس نفسها اخت سعود وعلى طول دقت عليها...




كانت عند سجى في الغرفة مع ام بدر وبدر...

ميس شافت رقم دلال على طول طلعت برى وردت عليها:الوو

دلال تبجي:ميس سجى شفيها

ميس:دلال حبيبتي هدي..مافيها الا العافيه بس تعبانه شوي

دلال:كلاا مني والله ادري ان للي قاعد يصير فيها كلاا مني..ميس انتي تدرين مالي ذنب ومادري عن شي صح..؟؟

ميس:اكيد ادري ان مالج ذنب ولو تدرين عن شي جان مافكرت ادق عليج واوصيج ماتييبينلها طاري..بس هدي نفسج الحين وانشالله اول ماتطلع اخليها تكلمج

دلال:ميس قلتيلها ان مالي ذنب؟؟اهي تدري صح؟؟زين وينها الحين تكفين بكلمها..

ميس:دلال تكفين هدي شوي..ولاتخافين تدري ان مالج شغل بكل هذا وماتدرين عن شي...حالكم حال بعض اصلا والله العظيم اني دريت بالصدفه عشان جذي دقيت وقلتلج بعدين كلمت سعود وقلتله...يعني اهو بعد ماله ذنب دلول اهو محتاجج يمه والله حالته مايعلم فيها الا الله..لاتخلينه

دلال:مادري شقولج والله...انا احب سعود وبنفس الوقت يعز علي اسوي جذي برفيجتي واختي..شراح تقول عني؟اصلا انا اطلع حقيره وانانيه اذا سويت هالشي

ميس:واذا اهي بنفسها قالتلج عادي؟؟

دلال:عادي بشنو؟؟ان انا وسعود نكمل ويا بعض؟

ميس:أي هذا قصدي

دلال:ليش اهي قالتلج شي؟؟

ميس:ماقالت شي بس انشالله راح تقتنع وانتي لاتحاتين..انا اكلمها لمن تهدي واعطيج خبر

دلال:انا بكلمها ميس والله موقادره انطر

ميس:لاتستعيلين اذا ييتي وكلمتيها الحين راح تكبرون السالفه لازم تهدا حالتها شوي بعدين يصير خير ولاتحاتين انا بطمنج عليها

دلال:أي تكفين طمنيني..وانشالله يارب تفهمني وتقدر وضعي..مشكوره ماقصرتي صج

ميس:العفو ماسويت شي حببتي..بس انتي ارتاحي ولاتشغلين بالج..اهم شي سعود لاتخلينه بروحه واهو بهالحاله..

دلال:انشالله حبيبتي...يالله مع السلامه

ميس:باي



((بيت ام سعود))

يوسف توا قاعد من النوم مسك تلفونه ونسى كان بيدق على منو...

يوسف:شفيني صرت قفل انا..؟؟على منو كنت بدق؟؟.....اييي تذكرت

دق على علي رفيجه.. مارد توه بيسكر الخط ولايرد..

علي توه قاعد من النوم:خره بشكلك يعني الواحد مايقدر يتهنى بنومه؟؟

يوسف:اكل تبن اذا عمك قعد انت تقعد غصبن عليك...

علي:عمة عينك..شتبي مقعدني من عز نوومي

يوسف:والله كيفي عندك مانع

علي:ههه خلصني

يوسف:والله ماكو ودي اطلع ضايق خلقي

علي:مداك توك قاعد من النوم لك خلق تطلع؟؟كل شغلك حار بحار انت

يوسف:بتيي معاي ولاشلون

علي:ماكو فايده فيك خلاص بعد ساعه مرني

يوسف:ههههههههه صيده انت بسرعه تقتنع

علي:مشكور

يوسف:يعني زعلت مع ويهك..انطرني ساعه واكون عندك

علي:ههههه اوكي باي

يوسف باي


((تحت بالصاله))

ام سعود قاعده تكلم اختها بالتلفون...

ام سعود:أي والله..قامت تبجي عورت قلبي..كل هذا عشان سعود يحب مادري منو..معني مومقتنعه بالعذر بس مايندرى يمكن صج..

((يوسف كان توا نازل تحت لابس بنطرون جينز مع بلوزه بولو بيضه..))

يوسف يستعبط: هااي ممي.....منو اهي اللي تبجي..؟؟

ام سعود توهقت تدري ان يوسف يحب سجى:...خلاص عيل قبل لاامركم ادق عليج...الله يسلمج انتي بعد سلمي..يالله مع السلامه...

يوسف:ايي ماقلتيلي..منو اللي تبجي

ام سعود:وانت شكو قاط اذنك معانه؟؟شهالحركات هذي؟؟

يوسف:شدعوااااا قاااط اذني ههههههههه اللي يسمعج يقول سامع كل شي تقولونه مالقطت غير قامت تبجي عورت قلبي وبعدين يبتي اسم سعود...فهميني شوي شوي خل افهم

ام سعود:افهمك شنو؟؟انت شكو بسوالف الحريم؟؟

يوسف:الحين سعود صار من ضمن سوالف الحريم؟؟ليش اسمه سعود ولاسعديه ههههههههههههههههه

ام سعود:عن الملاقه الزايده مو وقتك ترى..استح على ويهك هذا اخوك الكبير..

يوسف:انا اسف حقج علي

ام سعود:وين رايح هالحزه شنو ماتعرف تقعد دقيقه في البيت؟؟لمن تنام تطلع ولمن تقوم تطلع؟؟ماترتاح

يوسف:شلون لمن انام اطلع هههههههههه الله يهداج بس شكلج بديتي تخرفين

ام سعود عصبت:استح على ويهك

يوسف:شكلج توها تييج الحاله خخخخخ...سن اليأس اسمها ولاشنو؟؟هههههههههههههههههههههه

ام سعود تنرفزت:قووم اطلع بس فكني موناقصتك انا..خلاص مصختها مادري امك ولا واحد من الربع عشان تكلمني جذي

يوسف:هههههههههههههههههههههههههههههههه حلوا هذي واحد من الربع..خلاص تبين جذي ولايهمج ((وقرصها بخدودها))

ام سعود تتنرفز منه بس حركاته تضحكها:هههه يوز عني ويالله روح..

يوسف:ماتقدرييين تعصبييين علي عشان تعرفين قيمتي عدل

ام سعود:زين فهمنا...ماقلتلي وين رايح؟؟

يوسف قام يغني:وين رااايح..بهالسهووله هانت العشره عليك..ويين راايح..انجرح صووتي وانا انادي علييييك

ام سعود:درينا صووتك حلوو..ماتيوووز كلش..اطلع مابي اعرف وين خلاص

يوسف:هههههههههههههههههه بس تتحلطم..يبه بطلع مع عليوي مادري وين للحين ماقررنا

ام سعود:زين دير بالك على نفسك

يوسف:انشالله يالله تبين شي؟؟

ام سعود:سلامتك

يوسف:الله يسلمج يالله مع السلامه

ام سعود:مع السلامه دير بالك




((بيت بوبدر))

كانو توهم رادين البيت وسجى حدها موحاسه باللي حولها بس تبي تنام..

ميس:خالتي انا بطلعها فوق عشان تنام بعدها اروح بيتنا ولاقعدت دقو علي عشان اييلها

ام بدر:بعد عمري يمه ماقصرتي تعبناج ويانه

ميس:لاخالتي لاتعب ولاشي بالعكس سجى حبيبتي واختي لازم اوقف معاها واهي بهالحاله

ام بدر:ميس حبيبتي اول ماتنزلين تحت تعالي عندي بكلمج شوي

ميس تدري عن شنو تبي تكلمها:انشالله خالتي

راحت ويا سجى حطتها بسريرها وغطتها توها بتروح ولا سجى تمسكها...

ميس:سجوي قاعده..؟؟شفيج حبيبتي بغيتي شي؟؟

سجى بالغصب تتكلم تحس نفسها تعبانه:ميس...تكفين لاتروحين..خلج يمي

ميس:منو قال بروح اصلا مااقدر اخليج بروحج...

سجى ماهدتها وتمت ماسكه بإيدها لمن نامت....

ميس تاكدت ان سجى نامت نزلت تحت وراحت عند ام بدر واهي قاعده تفكر بعذر تقوله لها..

ميس:امري خالتي شبغيتي

ام بدر:ميس..انتي اكثر وحده مع سجى واكيد تقولج كل شي يصير وياها..وانا متأكده انج تدرين شفيها

ميس:أأ...اي صح كلامج

ام بدر:قوليلي شفيها سجى؟؟

ميس:ماكو بس..صارت سالفه قويه بينها وبين رفيجتها صار بينهم سوء تفاهم واهي فهمتها غلط...انشالله اليوم بتزورها وبتفهمها كل شي

ام بدر:اهاا..ماتدرين شنو السالفه؟؟

ميس:لاخالتي ماقالتلي..انشالله اذا سألتها اقولج

ام بدر مومقتنعه وايد:اسفين يمه تعبناج اليوم

ميس:لاخالتي شدعوا..يلا تبين شي

ام بدر:وين؟؟توالناس

ميس:لاخالتي برد البيت الحين تلقين امي تحاتيني

ام بدر:اوكي سلمي على امج وديري بالج على نفسج

ميس:انشالله خالتي..مع السلامه

ام بدر:مع السلامه



((شارع الخليج))

يوسف:خلصني وين تبي تروح

علي:انت مطلعني لازم انت اللي تقول وين

يوسف:بدينا سوالف يهالوو..خلاص عيل وين ماروح تنطم وماتتحلطم

علي:اعرف لعانتك اذا بتوديني شارع المطاعم اقولك من الحين ردني البيت

يوسف:كان ودي اتليعن وياك بس حسافه لاعت جبدي منه

علي:الحمدلله هههههه

يوسف حط اغنيه يسألوني مالت راشد الماجد علا عالصوت وقام يغني معاه...

علي:الحمدلله والشكر هههههههه...

يوسف:الحب ومايسوي

علي:أي شالاخبار؟؟

يوسف:ماكو...نفس الحاله ماتغير شي..

علي:لي متى بتم جذي؟؟لمن تروح منك وتتزوج وانت للحينك ماسويت شي

يوسف:ومنو قالك مراح اسوي شي؟؟

علي:ليش على شنو ناوي؟؟

يوسف:ماكو..بس بكلمها

علي:شلون؟؟

يوسف:موشغلك

علي:افا

يوسف:عاد والله مفكر اني اكلمها بس ماادري

علي:والله اذا شايف جذي ليش لأ عالاقل تدري انك تحبها

يوسف:الله كريم بس انشالله تحس فيني وماتقص ويهي

علي:ربك يسهل واللي الله كاتبه بيصير




((بيت دلال))

دلال دشت البيت وشكلها كانت توها باجيه

كانت شجن واخوها قاعدين بالصاله..

شجن:انتي وينج توج تردين امي ذبحتني واهي تسأل عنج

فيصل:دلول شفيج

دلال:مافيني شي

شجن:دلووول؟؟منو مزعلج؟؟ليش كنت تبجين

دلال:لاتحاتون قلت مافيني شي بس تعبانه شوي

هدتهم وراحت غرفتها....

فيصل:شفيها..؟؟

شجن:ماجري بقوم اشوفها..

راحت شجن غرفة دلال وطقت عليها الباب..

دلال:شجن تكفين لاتأذيني مالي خلقج

شجن:ماني رايحه الا لمن تقوليلي شفيج...

دلال تذكرت سالفتها وقعدت تبجي

شجن على طول قامت و سكرت الباب:دلاال..؟؟شفيييج قوليلي..شصااير

دلال:سعووود

شجن:شفييه سعود..؟؟تحجي شفيييه

دلال واهي قاعده تبجي:طلع اهو نفسه حبيبت سجى..

شجن انصدمت:شنوو؟؟شدراج...؟

دلال:اهو قالي اليوم..ماكان يدري..بس شسوي مع سجى وشقولها والله استحي اطل بويهها الحين...

شجن:هدي شوي شوي خل افهم...الحين طلع اهو نفسه اللي تحبه سجى...!!اوكي ليش ماقالج من اول؟؟وسجى تدري ولا لأ؟؟

دلال:لا ماتدري..توها درت وهذي المشكلهالحين تفكر اني انا خذيت حبيبها منها عشان جذي ماكنت اقولها واضيع السالفه كل شي صار ضدي

شجن:أي بس ميس طلبت منج موبكيفج

دلال:ايي الحين شلون سجى تصدقني..؟حتى لو ميس قالتلها ماعتقد راح تسامحني

شجن:لا بالعكس سجى خوش بنت وعقلها كبير مااعتقد بتزعل عشان سالفه تافهه مثل هذي..يعني كل شي قسمه ونصيب وسعود مومن نصيبها

دلال:شجن حرام عليج انتي ماتدرين شكثر تحبه..تمووت فيه كل سوالفها عنه ماكو الا سعود على لسانها وفوق كل هذا تبينها ماتزعل اكيد بتزعل

شجن:خلاص الحيد لاتحاتين وانشالله اذا هدت السالفه شوي قبل لاتكملينها اهي من كيفها راح تتفهم الوضع وتقول سعود حلال عليج خخخ

دلال:انا ويين وانتي وييين..سجى عندي اهم..

شجن:ايييي خلاااص عاااد بسج مناحه قومي غسلي ويهج واللي ربج كاتبه بيصير

دلال:الله كريم..

((نزلت دلال مع اختها تحت وقعدو كلهم يتغدون مع بعض..))





((بيت بوبدر))

سجى توها تقعد من النوم..كانت ناسيه شنو صار وياها بس لمن شافت بعض اغراضها عالارض تذكرت وقامت تبجي...

سجى:مااااامااااااااااااا

بدر:بطل عليها الباب:اسملله عليج سجى شفيج تصرخين؟؟

سجى:وين ميس..ليش خليتوها تروح

ام بدر:اسملله عليج يمه حبيبتي شفيييج..صرتي زينه؟؟في شي يعورج؟؟

سجى:لاتحاتين مافيني شي الحمدلله زينه..بس وين ميس ليش خليتوها تهدني وتروح

ام بدر:خلي البنت فشله من الصبح واهي مجابلتج مامداها ترتاح..انشالله ورا الصلاة ادق عليها تييج

سجى ساكته بس تنزل دموع من عينها:الله يخليج..ناديها الحين تكفين اذا تحبيني

ام بدر كسرت خاطرها:خلاص انشالله الحين اقوم اق عليها تييلج

بدر رن تلفونه...

بدر:سجى انا بغرفتي أي شي تبين ناديني والحين ميس تييلج اوكي..يمه لاتنسين تعطينها دواها

ام بدر:أي صج هااج بلعي هالحبتين

سجى:والله مافيني شي لاتغصبيني

ام بدر:لالازم تاخذينها

سجى بلعة حبتها وحطت راسها عالمخده..غمضت عيونها وقامت تبجي بس بطون صوت..

ام بدر:سجى...تبين تقوليلي شي؟؟

سجى:ابي ميس

ام بدر:والله بناديها حقج بس لاتبجين

سجى:انشالله

ام بدر باستها ونزلت تدق على ميس...

سجى بينها وبين نفسها تفكر((انت كنت كل شي بحياتي..ولاعمري راح اشيل عليك او اكهرك واتمنالك الخير من كل قلبي ودلال مالها ذنب بلي صار..صج صعبه علي وبموت ومستحييل اني انسى بسهوله بس بحاول..احبك والله وراح اتم احبك لي اخر عمري..الله يسامحك))




((بيت بو سعود))

ميس كانت حاطه تلفونها بمخباتها عشان تجيك عليه كل شوي بتعرف مشاري شدازلها..تخاف يهددها نفس كل مره اذا حقرته وايد...

كانو بالصاله قاعدين يطالعون تلفزيون...

فجر:ميسو وويعه يعني اذا دز بتقدرين تطلعينه جذي؟؟بالله احد شافج؟؟

ميس:سكتي والله ودي احذفه من الدريشه بس والله خايفه منه هالعله..

فجر:من شنو خايفه يمه..

ميس:يقعد يهدد موناقصه يسويها صج هالمره مو هذا مينوون عاادي

فجر:ياااعمي بالطقاق عالاقل لما تقطينه ماتدرين شدزلج..واذا بيدق نت تلفونج هذاك يلقاه مسكر وعند امي..شبيسوي مثلا يبوقج من البيت؟؟

ميس:سكتي ولي يعافيج بس..موناقصه انا..بعد شوي بروح عند سجى خالتي ام بدر دقت علي قبل شوي تيين وياي؟؟

فجر:شراايج يعين اكييد بيي..بعد عمري عمرها كاسره خاطري..

ميس:عيل انا شقول..لو تشوفين حالتها اليوم تبجين والله انا ماادري شلون مسكت نفسي

فجر:قوومي عيل نبدل

ميس:..فجووور وصلي مسج

فجر:شفيج مشتطه شوي شوي بياكلج يعني؟؟عطيني اشووف

ميس:مابي انا بشوف..

بطلت المسج ولاتقرا((انا وايد قطيت نفسي عليج بس يصير خير وانا اعلمج اذا ماخليتج تطلعين بعبايه من بعدي مااطلع مشاري))..

ميس خافت:فجر شفتي؟؟شقصده؟؟بيقول حق امي..؟؟يااربي شهالبشله آآآف موناقصته انا

فجر:يخسي..لو ريال خل يسوي شي شنو ماوراج اهل انتي؟؟؟لاتعطينه اكبر من حجمه وعلى قولة مادري منو اذا موواصله بإيده واصله بريله خخخ

ميس:ههههه موصاحيه..امشي خل نبدل وهذا اشوفلي صرفه معاه لاردينا...

((يوسف مع رفيجه بفرايديز))

يوسف:تصدق من بعد اخر سالفه...صاير موطبيعي بس منفس وسرحان مادري شسالفته للحين ماقالي..

علي:يااخي يمكن سالفه تخصه شتبي قاط ويهك انت..؟؟

يوسف:مو اخوه؟؟ليش مايقولي؟؟

علي:مو كل شي ينقال..يعني انت تقوله أي شي يخصك؟؟مااعتقد

يوسف:....صح بس..سعود ماتعود يخش علي شي

علي:يمكن مالقى الوقت المناسب ان يقولك..

يوسف:مايندرى..بس مردي راح اعرف..تعال صج شصار على ضاري؟؟

علي:كلمته قبل شوي يقول اذا رديت البيت دزله مسج بإسمها الكامل..الظاهر جذي نسيت والله

يوسف:شكو بإسمها..لاابي طريقه غير جذي

علي:الله عليك..تصدق توني اكتشف انك غبي

يوسف:افا..ليش يعني

علي:شنو الطريقه الثانيه يعني..؟؟شلون تطلع رقمها بدون لاتعرف اسمها

يوسف:اووهووو..خلاص اخذه من اختي

علي:يعني بترضى تعطيك ياه؟؟

يوسف:لاتخاف اييبه اييبه..





((بدر في غرفته يكلم فرح))

بدر:زين وشالمطلوب مني..

فرح:الحين انشق حلجي وانا اكلمك اخر شي تقولي شالمطلوب؟؟؟

بدر:موقصدي بس..يعني شنو اقدر اسوي؟؟موفاهم شي تكفين تكلمي عربي

فرح:بدر وبعدين؟؟مو من صجك انت

بدر:فهميني اول شي..وحده وحده هههه

فرح:يعني اقولها تيي ولا لاء؟؟

بدر:يه..كيفج انتي بيتكم ولا بيتنا

فرح:بيتنا اهو نفسه بيتكم

بدر:ههههه بكيف اهلج اهو

فرح:بدر...ليش تتكلم جذي

بدر:والله اسف بس ساعات انسى نفسي واحسبج واحد من الربع خخخ

فرح:لاوالله..بدر بـــس

بدر:خلاص كملي عمري

فرح:اقولها تيي..؟؟موفشله.خوفك تفهمني غلط وتقولي عقب شنو

بدر:شكوو فيها تقول اللي تقوله اهم شي انج سويتي اللي عليج وبس

فرح:شايف جذي..؟؟

بدر:اكيد يعني..

فرح:بدوووري احبك

بدر:وانا اموووت فييييج والله

فرح:تعال صج..شفيها اختك ماقلتلي..؟؟

بدر:قلتلج تعبانه..

فرح:أي شفيها عسى ماشر

بدر:ماكو اليوم امي يت تقعدها ولا تبجي مره وحده وقعدت تكسر بالاغراض

فرح:ويييييه..بعد عمرييي ليش شفيها

بدر:والله علمي علمج..تقول صارتلها سالفه مع وحده من رفيجاتها

فرح:حيااتي..ماتشووف شر انشالله

بدر:الشر ماايج قلبي

فرح:بدر ممكن طلب

بدر:ههه اول مره تتكلمين بذرابه خخخ

فرح:اووووه

بدر:هههه خلاص امري شبغيتي

فرح:مايامر عليك عدو..ابي اتعرف على اختك

بدر:وليش..؟؟

فرح:اخت حبيبي وودي اتعرف عليها..حرااام..؟؟

بدر:ههههه لاموحرام عاد تصدقين كان ودي من زمان اني اعرفكم على بعض..بس وقتج مو حلو كلش انتي دايما تطلعين بأوقات مثل ويهج هههه

فرح:لاولله وشفيه ويهي شحلاته..

بدر:أي شلوونج بعد

فرح:تطنز؟؟

بدر:شلونج اقول

فرح بنفس:زينه

بدر:دووم ههههه

فرح:وياك..بدور تكفا من صجي

بدر:زييين شقلت انا؟؟بعرفج عليها بس البنت تعبانه خل تصير زينه بعدين اكلمها

فرح:متى تصير زينه يعني؟؟

بدر:ستغفرالله..!!شدراني انا

فرح:هههه زين عيل انطر شوراي..مممم اهي حلوه؟؟بشوف صورتها

بدر:يااليييل..شنو بتخطبينها..؟؟شفيج هالايام عليها هههههه خلاص اذا بشوفج على يوم اييبها وياي عشان ترتاحين

فرح صرخت:صـــــج..؟؟

بدر عصب:جم مره قايلج لاتصرخين انصمخت منج انا...

فرح:آآف بس يعصب..يعني عفويه طلعت شسوي

بدر:هههههه صارلج جم يوم مادري من وين تيبين الكلام الظاهر كل يوم توقفين جدام المنظره تدربين وتكلمين نفسج شكلي عقدتج هههههههه

فرح:زين اعترفت يعني..

بدر:شفيج صريح انا...

فرح:بدور

بدر:عيووونه

فرح:احبك

بدر:وانا اموت فييج والله




((ميس وفجر توهم واصلين بيت بوبدر))

ميس:قوه خالتي..شلون سجى الحين..؟؟

ام بدر:والله توني نازله من عندها شكلها نايمه بس اشوا احسن من الصبح

ميس:الحمدلله

فجر:خالتي شلونج

ام بدر:هلا فجوره حبيبتي تمام وانتي

فجر:بخير الله يسلمج

ميس:احنا بنروح حق سجى خالتي اذا بغيتي شي نادينا

ام بدر:ماتقصرون يمه تعبناكم اليوم

ميس:شدعوا تعبكم راحه لاتقولين جذي..يلا عن اذنج

ام بدر:اذنج معاج حبيبتي



((غرفة سجى))

ميس بطلت الباب شوي شوي ولا تشوف سجى نايمه معطيتهم ظهرها ماتشوف منو داش..

ميس:قووه ياحلوه

سجى اول ماسمعت صوت ميس فزت من مكانها..:مــــيــــس...ويينج ليش اليوم رحتي وخليتيني بروحي ((لمتها حييل))..والله احس نفسي ضايعه بدونج

ميس:ههههه شدعوه...

فجر:آحم..وانا يعني مالي رب؟؟ولا موشايفتني

سجى:ههههه فديتج تعالي ابووسج

فجر:يه يه من قدييي خخخ

سجى:والله محد ينسيني همي غيركم

ميس:هااا شقلناا؟؟لاتقولين جذي خلاص اللي راح ننساه ومانفكر فيه بعد

فجر:شفيج صرتي جنج ابله ههههه

سجى:هههه

ميس:انتي بسج تعليقات مو وقتج...سجوو شلونج الحين

سجى:احسن الحمدلله

فجر:زين ضحكي جذي شحلاتج مو بس معبسه وتبجين

سجى عيونها قامت تنزل دموع لااإرادي تذكرت سعود:مـيـس

ميس:شفييج؟؟ليش قمتي تبجين

سجى:والله مااتخيله مع وحده ثانيه((لمتها وقعدت تبجي))

________________________________________
حـبـيـبـي تـخـيـل دنـيـتـي بـعـدك
كـيـف اعـيـش مـن دونـك
حبيبــــــــــــــي
حبيبــــــــــــــــــــــي
حـبـيـبـي تـعـال شـوف قـلـبـي الـمـلـهـوف
يـلـي نـسـيـتـنـي وبـعـدت عـنـي وغـيـري انـت لـقـيـت
تـعـال وشـوف حـالـي حـبـيـبـي مـن بـعـدك انـي انـتهـيـت
تـعـال وذوق الـمـر مـعـاي حـس فـيـنـي وبـالـعـذااااااب
كـل شـي فـي حـيـاتـي تـغيـر
مـن بـعـد مـا كـنـا احـبـاب
حـبـيـبـي تـعـال شـوف قـلبـي الـمـلـهـوف




فجر:خلاص عاد لي متى بتسوين بعمرج جذي..يعني الصج وبدون زعل..اهو مايابلج طاري ان يحبج ولا يبيج وما سوا أي شي يبين ان يحبج يعني ليش كل هذا ترا صج مايسوى

ميس حزتها وكلمتها من بيين اسنانها:انتي سمتي مووقتج

سجى سمعت كلام فجر قامت تبجي زياده حست انها تافهه

فجر:لاا ميس وقتي ونص بعد..خلاص لازم تدري ليش تعيش نفسها بوهم وتطلع سعود خانها وقص عليها؟؟لييش تأذين نفسج جذي

سجى:خلاااااص فجر خلاااااااااااااااص

ميس:فــجـــر..سكتي خلااص..اللي فيها كافيها

سجى واهيا تبجي:انتي عبالج اني ماادري عن كل اللي قلتيه؟؟ادري عن كل شي..ومتعذبه زياده لان عيشت نفسي بوهم واخر شي انصدمت صدمة حيااتي لو كان قايلي ان يحبني وبعدين خاني احسن بأمية مره من الي قاعد يصير فيني..انتي مووحاسه فيني مووحاااسه..

ميس:خلاص سجى عشاني بس ومالج شغل بكلام الياهل هذي

فجر حست انها قست عليها زياده عن اللزوم:اسفه سجى والله موقصدي بس عشانج قلت جذي سامحيني

سجى:...ماازعل منج بس كلامج اثر فيني شوي..معذوره اصلا انا الغلطانه ولازم اتحمل نتيجه غبائي

((قعدو فجر ميس تكلمون سجى ويحاولون ينسونها سعود..))



((سعود عند رفيجه فواز))

فواز:لي متى هذي حالتك؟؟جم مره افهمك واقولك انت مالك ذنب...

سعود:والله غصبن علي..جرحت قلبين بدون مااقصد..

فواز:افهم..انت مالك شغل كل شي صار صدفه..لاتحمل نفسك فوق طاقتك خلاص

سعود:فواز تكفه صكر السالفه مو ناقص..خلني بهمي الحين انا بس قاعد احاتي ردة فعل دلال

فواز:اذا تحبك راح تتفهم هالشي..عاد اذا بدت رفيجتها عليه هذا شي ثاني..

سعود:وقته؟؟...

فواز:لاتفهمني غلط..وشدراك يمكن سجى بنفسها ترضى انكم اتمون ويا بعض..

سعود:مو هذا اللي ذابحني..سجى

فواز:شكو بسجى انت

سعود:مهما يكون..مسكينه اهي شذنبها..؟؟

فواز:خلاص الحين انساها شوي.. شوف شبيصير بعدين لاتسبق الاحداث من الحين

سعود:على قولتك...

تذكر سعود ان تلفونه مسكر من زمان..قعد يحاتي اذا دلال تكون داقه عليه ولقته مغلق... اول مابطله وصله مسج من شروق..((قوه سعود شلونك عشاك بخير..؟؟..واسفه عالازعاج))

سعود:هذي شروق...

فواز:شتبي..وقتها الحين شذكرها فيك

سعود:تسلم وتسأل عني

فواز:لايكون ترد عليها بعد

سعود:ماني داق بدزلها مسج بس

فواز:ماراح اتدخل..كيفك

سعود دزلها مسج((ماشي الحال وانتي شلونج؟؟...حبيت اقولج على سالفة هذاك اليوم لمن شفتج..دلال درت عن الموضوع بس للحين ماردتلي خبر))

نطرها شوي ولمن ماردت عليه..قرر ان يروح البيت وينام لان صايرله جم يوم مونايم عدل..

سعود:فواز انا بمشي...

فواز:على وين

سعود:برد البيت حدي قفلت يمكن لمن انام الهى شوي

فواز:أي والله نام ريح جسمك وتفكيرك تعبت وانت تفكر وتحاتي..

سعود:الله كريم..يالله تامرني على شي

فواز:سلامتك الله وياك

سعود:ع السلامه

فواز:مع السلامه.....



((بيت بوبدر))....

سجى:خلاص كل ماتقولين اسمه انا قلبي يوقف

ميس:ويي اسملله عليج لاتقولين جذي

فجر:سجى هالكلام يفقرج موزين خلاص عاد

سجى:والله انتو موحاسين فيني..قاعده اتعذب صج قلبي تقطع مابقى فيني عقل..

((طقو عليهم باب الغرفة))..

سجى:تعالي يمه الباب مبطل....

...:انا دلال






هذا احدي بناات سوري والله قاعده احاول اخلي البارت طويل كثر مااقدر لان ماخذه صيفي ثاني وكويزات وشغل الدنيا انا قاعده انزلكم كل يوم عشان مااعلقكم وياي واحبكم كلكم ممموااااااااح:tek:
​

 

[FoOwFoOwa]

اول وحده ارد ايوااا عاشاو ههه ,,

فطوم البارت عذاب تحطيييييم حراااام سجى و دلال وربي يكسرون الخاطر

انشالله سجى تحب يوسف و دلال تكمل معا سعووود ,,

احبج تومز يابعدهم كلهم انتي ,,

و حتن لو ما تحطين بارت اسبوع احنا عاذرينج ,,

اصلا زين منج قاعده تحطين بارت كل يوم و انتي شغل الدنيا فوق راسج ,,

فديتج قلبوو ,,

 

[ღ TőOőma ღ]

اول وحده ارد ايوااا عاشاو ههه ,,

فطوم البارت عذاب تحطيييييم رحاااام سجى و دلال وربي يكسرون الخاطر

انشالله سجى تحب يوسف و دلال تكمل معا سعووود ,,

احبج تومز يابعدهم كلهم انتي ,,

و حتن لو ما تحطين بارت اسبوع احنا عاذرينج ,,

اصلا زيم منج قاعده تحطين بارت كل يوم و انتي شغل الدنيا فوق راسج ,,

فديتج قلبوو ,,

خخخ فدييتج حووووووبي انتي التحطيم واهم شي اني صدت بدليتج قبل لاتعدلينها ههههههههههه:dddds:

وانا بعد مممواااااااااااااااااااااااااااح

انتي اللي فاهمتني احبج حدي:eh_s(6):

 

[ReeMoh]

thnxxx elpart 7ada niiice
sorry t3bnaach m3ana

 

[FoOwFoOwa]

خخخ فدييتج حووووووبي انتي التحطيم واهم شي اني صدت بدليتج قبل لاتعدلينها ههههههههههه:dddds:

وانا بعد مممواااااااااااااااااااااااااااح

انتي اللي فاهمتني احبج حدي:eh_s(6):

لوووووووووووووووووووووووووول مداج هههههههههه ,,

لازم تفشليني :tomato2::tomato2: ,,

بس تمونين حياتوو قلبي انتي ,,

لا داعي لا داعي يعطيج العافيه _03BA: ,,

محاميتج انا ههه ,,