اللي راح يكون معانا دوم بيصير رشيق اليوم ( تم الاقفال )

[aBoOoRa]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

هااااااي بنااااااااااااااااات

للحين منصدمه اني غلطت بالوزن احين اسبوع رجيم ومادري شنو ومادري جم نزلت

عالعموم ابي اسالكم الاعشاب الي تمشي البطن او الحبوب تنفع للرجيم والا لا

لان حريم عمامي يقولون انها تخرب المعده ولاتسوي شي ؟؟؟؟

انتو شرايكم !!!

وسمسميه اذا حسيتي باليوع كثري من السوائل الماي الشاي انسكافيه عرفتي عشان ماتخلين معدتج فاضيه وتحطين حرتج بالاكل

طبعا اليوم غداي دياي مشوي وخبز << للحين مو قادره اقطعه ​

 

[supermarket]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

سمسمية يقولون لج فرشي اسنانج بسرعة بالليل

علشان ماتاكلين شي

حطي يمج بطل ماي وكل ماتميتي شوي شربي منه

 

[jolie_q8]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

مساء الخير

اشلونكم رشيقات 2007 والنفانيف السنعه

والله فشلانه منكم!! مريت على الردود بشكل سريع

بس اكيد عاذريني !!

شخباركم

انا وضعي للحين مثل ماهو (لويه وحوسه)

رجيمي مادري شنو !! ما طلع له اسم للحين

اليوم ما تريقت ولا تعشيت

وتغديت دياي وسلطه ودايت

باجر اما ارد على الاسبوع الاول بالكيميائي

او اسوي الرجيم اللي عطيته ديما

مع تغيير بسيط (العشا ) بدال سلطه (راح اكل حبه فاكهه)

اشرايكم؟

ابي اراءكم قبل لا انام

 

[jolie_q8]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

بنات عفيه شوفوا النص اللي بالشريط

لا يطوفكم قمه الاحباط- توني اشوف بيغست لوزر ينزلون اقل شي 5 باوند!!!!!!

وانا نص كيلو!!

لول

 

[ساره ستايل]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

سمسمية : لا توزينا يامعوده:eh_s(14):
ابروحنا على اطريف هالحزة .. عصافير بطننا اتصوصو
انا قبل ساعتين اكلت افنديتين - وقبل ساعة اكلت شابورتين
واذا صكني اليوووووووع كف:eh_s(13): .. بروح اسويلي نسكفيه

عبورة : حبوب ايزيلاكس ممتازة تمشي البطن وزينة للريجيم لأنها تعتبر مكمل غذائي ومكوناتها طبيعية 100% حتى من ريحتها اتحسين جنج داشة حواي (عطار):eh_s(6): .. انا مجربتها لما سويت ريجيم من سنتين والحمدلله كانوا ممتازين جدا
حتى دطالب الشمري يوصفهم حق اللي يراجعون عنده

 

[aBoOoRa]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

يسلموو ساره انا خالتي تروح عند يوسف الخضير هم معطيها ايزيلاكس بس خايفه انه يضر المعده​

 

[ساره ستايل]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

عبير ما ااااااااايضر
انتي شمي ريحته وتقتنعين انه ما يضر

جولي : انا نفسج نزلت هالاسبوع بس نص كيلو


بناااااااااات
دشوا هالرابط
حطيت موضوع عن حبوب زينيكال لأنقاص الوزن
انشالله تستفيدون منه
http://q8yat.net/showthread.php?t=57384

 

[حنتوشه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

انا معاكم خلاص والله توبه

من هالاسبوع بصك هالحلج صك

عالاقل في 3 اسابيع اصك حلجي

 

[ღ•»الًـجٌـوِرٌيّ«•ღ]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

مبروكييييييين بناات الي نزلووو

انا غداي ليوم كليت كوسه محشيه

وافندي

وعشاي 2 بيض مفيوح + صون اسمر + حليب قليل الدسم

وبسسسسس

 

[دنيــا الولــه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

بنوتااااات يصير اشااارك ويااااكم ؟؟

انا بديت من الاسبوع الي طاف دايت ونزلت 2 كيلو بس ماانتبهت للموضوع ولا جان شاركت

تكفووون ردوووو يصير ولا قفلتو البااااب

المهم اذا يصير باحط معلوماتي

 

[Maneena Manaana]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

دنيا الوله .. اييي يصير
كل يوم كتبي شنو اكلتي وشلون كان نظاامج وكل سبت كتبي شكثر ضعفتي
وحيااج معانا

 

[رواحل]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

اليوم انا سويت لي وجبة فريه

نظامي اليوم عبارة عن:

الريوق موزة
الغدا : 4 ملاعق عيش
بطاط محموس مع جبن وفطر وبصل
حليت كليت وفل وشربت كباتشينو

وراح اشرب شاي وماراح اتعشا ان شاء الله
وان شاء الله امشي نص ساعه

 

[دولتشي]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

مرحبا بنات اشلووونكم

انا اليوم قمت متأخر ماتريقت فتغديت على طول بس كليت نص غداي ما قدرت اكمله جبدي كانت تلوع
وبعديييين طلعت من 4 ونص لي 9 ونص يوم رديت هلكااااااااااااااااااااااااااااااااااااااااااااااااانه يووووووع

جان جان


جان



اخاف اقول






هزئووووونيييييييييييييييييييييييييييييييييييييييي





شفت اختي تبلع مجبوس دياي يامال الشفاحه بالليل ومجبووووس فجأة حلالها المجبوس وقت ريجيمي

جان اطب وياااااااهااااا

والله حدي متحسفه
هزئوني

وبعدين عقب ماشبعت ندمت ورحت شربت شاي رويال وكاني قاعده انطر مفعوووووله للحين ما ابتدى تكرموووون

بس باجر ان شاء الله بصووووم يعني اعتبر هذا ريووووق وعشا وسحوووور

بس هزئوووني تكفوووون

 

[دنيــا الولــه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

انزين

انا وزني كان 74

الاسبوع الي طاف نزلت 2 يعني الحين انا 72

الدايت حقي السوائل + رياضة المشي واحيان الرقص

والوزن المطلوب 62

يعني ابي انزل 10 كيلووو ويصير مجموع النزول 12 كيلوو

خلال شهر او شهر ونص ان شاء الله

 

[دنيــا الولــه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

بنااااااات عفيه ابي تشجيييييييييع

مو متشجعه ابدددددددددد مع اني ماراح اطول بس شهرين او 3 ان كثرت واوصل للوزن الي ابي لكن حدددي مالي خلق

 

[jolie_q8]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

صباح الخير

ها نحن عدنا ننشد الهولوووووووووووو على ظهر السفينه

اشلونكم بنات

انا توني وديت اليهال مدارسهم والحين قاعده اشرب ماي دافي

وقاعده اصبغ اظافري (فراغه)

وبعد شويه بتريق جبن وشاي

والغد : ناويه تونه وسلطه

بعد ما يندرا

وبروح مساجي

اي ووزني ثابت لليوم الثالث على التوالي

وسلامتكم


دنيــا الولــه

شدي حيلج .. وان شاءالله بتشوفين النتيجه اللي ترضيج

بس اهم شي امتنعي عن الاشياء اللي تمتن (حلاو-كاكاو-كيك....الخ)


دولتشي

حسافه !! انزين خلاص انسي هاليوم وابدي من يديد ولا جنه صار شي :eh_s(13):

ولا تعيدينها


رواحل

عليج بالعافيه ..انا السبت خذيت فري من بعد اسبوعين رجيم .. والفري الياي هم باخذه عقب اسبوعين


Maneena Manaana

ازيك يا عسل ...وايه اخر اخبار الرجيم بديتي اليوم والا لا!


!+!بنت القبايل!+!

بالعافيه


حنتوشه

ولكم باك .. ومو تنحاشين !! بنربطج هالمره


ساره ستايل

الاسبوع الياي نبي ننزل 3.5 :eh_s(9):


aBoOoRa

اعتقد ايزلاكس (الياف + اعشاب) تلين البطن وتحسسج بالشبع


supermarket

اشلونج واشلون دايت كير وياج ... انا احتمال الشهر الياي ارد وياهم

بصراحه يهبلون وكافي اكلهم لذيذ


*سكون*

مبروك النزول .... وان شاءالله رسامتنا تسجل النتيجه


سندريلا

اي والله تأخرتي ...احنا كل سبت نحط النتايج

اتعوض الاسبوع الياي تكونين نازله نزله سنعه

سمسميه

ماكو على الماي والنوم بكير- احسن شي لمقاومه الجوع


الغنادير

:eh_s(13):


وين ديما !!! ونيو مام !!

وبنت الديره !!

والداعيه والغاليه نونو !! كلش ما بينو

عسى ماشر

وناطرين يومياتكم لا تبطون

 

[الغنادير]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

صبحكم الله بالخير

دنيا الوله حياج الله بينا

والبنات اللي مخبصين مثل حلاتي يلاشدوا الهمه وصكوا الحلج

انا اخذ فايتوشيب احس اني تعودت عليه بدى مايأثر وايد سويت خطه اني اقسم الحبتين على اليوم وحده الصبح والثانيه العصر وبجرب يمكن يسد هالمعده اللي ماتنسد

بس امس حطمني الدكتور لأن معاي ربو يقول الكرتيزون يحبس الماي بالجسم ويزيد الوزن بمووووت قهر

فطوري شربت جاي وعقب باكل سندويج

والبقيه تالي خخخخخخ​

 

[GAP]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

supermarket
عزيزتي الغاليه شالفرق بينهم وبيت دايت سنتر مو نفس الشي؟؟؟

وبالنسبه حق تفريش الاسنان مبجر هذي انا اسويها من تصير الساعه 8 ركضت على طول افرش

دنيا الوله
حياج الله اختي... اهو بالبدايه تحسين مالج خلق بس اذا حطيتلج هدف بتتشجعين انشالله
------------------------------------------------------------------------------
بنات انا للحين صامده ... صامده .. صامده ... وخايفه بعد كل هالصمود اخر وابلع الاكو والماكو هذي سوالفي

بنات شوفوا الطموح ماخذه صوره جسم فكتوريا بيكهام و لازقتها على ويهي
اختي تقولي هذا مو هدف هذا رعب.... راسي شكبره وجسمها شصغره

امييين يا رب العالمين ان شاء الله كلنا نوصل للوزن اللي نبيه ونثبت عليه

 

[GAP]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

صبحكم الله بالخير ​

دنيا الوله حياج الله بينا​

والبنات اللي مخبصين مثل حلاتي يلاشدوا الهمه وصكوا الحلج ​

انا اخذ فايتوشيب احس اني تعودت عليه بدى مايأثر وايد سويت خطه اني اقسم الحبتين على اليوم وحده الصبح والثانيه العصر وبجرب يمكن يسد هالمعده اللي ماتنسد ​

بس امس حطمني الدكتور لأن معاي ربو يقول الكرتيزون يحبس الماي بالجسم ويزيد الوزن بمووووت قهر ​

فطوري شربت جاي وعقب باكل سندويج ​

والبقيه تالي خخخخخخ​

الله يعينج اختي :eh_s(17):

 

[jolie_q8]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

بنات انا للحين صامده ... صامده .. صامده ... وخايفه بعد كل هالصمود اخر وابلع الاكو والماكو هذي سوالفي

بنات شوفوا الطموح ماخذه صوره جسم فكتوريا بيكهام و لازقتها على ويهي
اختي تقولي هذا مو هدف هذا رعب.... راسي شكبره وجسمها شصغره

امييين يا رب العالمين ان شاء الله كلنا نوصل للوزن اللي نبيه ونثبت عليه

هاهاهاها ضحكتيني عاد فكتوريا!! العصله..جان نقيتي وحده اهون منها

يعني مثلا جي لو والا بيونسيه اهون لول

مسكي روحج كلها 3 اسابيع واحنا مخلصين ما يدش شهر 3 الا كل هدومج كبار ..علشان تجهزين هدوم يديده حق الصيف