... ظـلـــــم الـمخــصـصـــــــــات ؟؟

[باقة ورد]

اهلين انا ييت لندن اول 7 و بعدين مشت المخصصات الاسبوع الجاي راح ابدا الابر و الله ماني حاسه بكلام البنات بس الله يكون في عونهم

الله يسهل لج انشالله وما يضيع تعبج يااارب...حبيبتي بس عندج فكرة اذا لا سمح الله ما حملنا من اول محاوله يمددون لنا لمحاولة ثانيه و لا خلاص يوقفون المخصصات و العلاج؟؟

 

[um katkot]

انا اقولج اتكلي على الله وانشالله تنجح من اول مره يا رب حبيبتي سالت لكم و قالو مسموح لكم محاولة وحدة فقط ما يدفعون حق محاولتين و اصلا الوقت ماراح يمديج الا حق مره و يادوب
مسموحلكم شهرين و يمدد شهرين
الله كريم حبيبتي اذا بتروحين لا تفكرين عشان لا ياثر على نفسيتج العلاج يبيله نفسيه حلوة و مرتاحه و احنا راح ندعيلج يارب و حق البنات اللي يبون الله يرزقهم
rain fall الله يوفقج يارب و يتمم عليج انشالله سهالة من الله و تحملين يارب و ما يضيع تعبج أمين

 

[اشتاق الى الجنة]

انا اقولج اتكلي على الله وانشالله تنجح من اول مره يا رب حبيبتي سالت لكم و قالو مسموح لكم محاولة وحدة فقط ما يدفعون حق محاولتين و اصلا الوقت ماراح يمديج الا حق مره و يادوب
مسموحلكم شهرين و يمدد شهرين
الله كريم حبيبتي اذا بتروحين لا تفكرين عشان لا ياثر على نفسيتج العلاج يبيله نفسيه حلوة و مرتاحه و احنا راح ندعيلج يارب و حق البنات اللي يبون الله يرزقهم
rain fall الله يوفقج يارب و يتمم عليج انشالله سهالة من الله و تحملين يارب و ما يضيع تعبج أمين

انا وصلت لندن م تاريخ 22/6 وباجي 10 ايام تقريبا واكمل الشهرين

ازين اشلون وانا من جيت ماصار شي كان عندي تحليل دم واحد ويطلع بعد اسبوعين وعلى اساسه يقررون العملية يعني حزتها اكمل الشهرين
اشلون يوقفون علاجي والا شنو والله ما فهمت وحدة تقول شهرين بس حتى لو ما سويتي شي ووحدة تقول لج محاولة وحدة بس

تكفون يا بنات ريحوني وقولولي بالضبط شراح يصر معاي تراني متضياقة والنفسية زفت من سمعت عن هالقرار

 

[tenten]

حبيبتى ... عادي انتى توج جاية يعنى في لج تمديد شهرين ..؟؟ وعلى حسب تقرير الدكتور يبين كل شي



اتكلو على الله يابنات ......... كل شي بيد رب العالمين سبحانه

 

[باقة ورد]

انا اقولج اتكلي على الله وانشالله تنجح من اول مره يا رب حبيبتي سالت لكم و قالو مسموح لكم محاولة وحدة فقط ما يدفعون حق محاولتين و اصلا الوقت ماراح يمديج الا حق مره و يادوب
مسموحلكم شهرين و يمدد شهرين
الله كريم حبيبتي اذا بتروحين لا تفكرين عشان لا ياثر على نفسيتج العلاج يبيله نفسيه حلوة و مرتاحه و احنا راح ندعيلج يارب و حق البنات اللي يبون الله يرزقهم
rain fall الله يوفقج يارب و يتمم عليج انشالله سهالة من الله و تحملين يارب و ما يضيع تعبج أمين

جزاج الله خير حيبتي على الدعاء...
والله افتر راسنا كل وحدة حالتها غير ولا فيه احد فاهم لا بالكويت ولا بلندن يقدر يبين لنا شنو وضعنا بالضبط..
اي علاج هذا و اي نفسية تقدر ترتاح و احنا قاعدين على اعصابنا بسبة هالقرارات الغبية ...الله لا يبارج فيهم حرقوا اعصابنا...
الله يرزقنا ويرزقكم يا بنات ...ياااااااااااااااارب

 

[اشتاق الى الجنة]

اي والله يا باقة ورد انا عن نفسي افتر راسي وما ني عارفة مصيري

استغفر الله مصيري بيد الله سبحانه حبيبي ان اراد شيئا ان يقول له كن فيكون سبحانه

تصدقون حتى زوجي تعبته معاي بنفسيتي الخايسة الله يكون بالعون

 

[$غــ(ز)ــل$]

انا للحين ماسافرت وقاعده احاتي
شلون انتوا اللي متغربين عشان العلاج
عسى الله يكون بعوونكم ويااارب ماترجعون الا وانتوا حوامل ياارب

وان شااءالله يغيرون هالقرار على الاقل يخلونه 6 شهور وقابل للتمديد على حسب الحاله والظروف
يااااااااااااااااااااااااااااااااااااااااااارب ارحم حالنا

 

[um katkot]

مس جاوندوفلي حبيبتي تركي هالموضوع عنج فكري بروحج و فكري بزوجج و لا تحاتين الله سبحانه قادر على كل شي انا والله توني ساله قالو شهرين و تمديد شهرين
يعني انتي راح تاخذين التمديد شهرين
مايبون يقولون روحو 4 اشهر لأنه راح يضرون يحطون وراها تمديد
ماعليج منهم باختصار انتي رايحه 4 اشهر اذا حملتي تقعدين شهرين زيادة و انشالله بتحملين يارب انشالله
فانسي ولا تفكرين بس كل اللي عليج تسمعين كلام الطبيب و تكونين متفائلة يخسون يقطعون علاجج انا واصلة حدي راح اسوي فضيحة بالجرايد لا تخافين ماراح اسكت لو اخذ قرض و اطرشلج حواااالة افا عليج بس

 

[tenten]

مو هذي المشكله ... انهم حددو لنا فتره معينه حتى لو كانت 4 شهور .. والله يابنات ماتسوي شي اذا المحاولة الوحده بس يبيلها شهرين ؟؟ تخيلي يعنى مايمديج اتسمين بسم الله الاااا وخالصه المده ؟؟؟؟؟؟

وترا محاولتين بس مو مقياس للعلاج اتشوفين انه ماشي معاج والااا لا وحتى لو كنت مرتاح للعلاج وفي استجابه له هم تآخذ وقت يعنى اقل شي اتسوين ثلاث مرات ممكن انقول معقول ... على الاقل اتكونين مقتنعه في التجربه نفسهاااا

بس مادري شالحكمه من تحديد المده ؟؟ يعنى هل اهما سامعين او شايفين مرضى العقم بالسوق والاااا من ديره لي ديره ؟؟ خل يشوفون المرضى الثانيين اتحسين صج في ناس مآخذينها منها علاج وسياحه ؟؟ لاااااااااا وتسألج وين احسن سوق هنى .. ؟ شنو الشغلات الغريبه ؟؟

صدق اللي قال اللي ايده بالماي مو مثل اللي ايده بالنار



الله يرزقنى ويرزقكم بأذن الواحد الأحد

 

[um katkot]

tenten
الله يرزقج باذن الواحد الاحد يارب
انا اللي اعرفه شركات النفط كانو مبلشين علاج بالخاص على حسابهم حق اللي معاهم عقم و تتحقق فيهم الشروط للعلاج بس بالكويت مو بالخارج
فكان مسموح حقنا بالخاص 3 محاولات فقط بس انا اعتقد هذا كافي اعرف منه حالتي اذا ما تقبل جسمي الادوية من اول محاولة او صار معاي مضاعفات او مشكلة نتحاشاها بالمره اليايه
ليش ما يسون علاج بالخارج بغض النظر عن المدة مسموح لكم 3 محاولات و بس اعتقد حتى اذا ما نحجت الا عندنا تقرير سنع نعرف وين نروح و شنو لازم نسوي
و الا اشرايكم
انا شايفة كل بنت فيكم قاعدة تروح بره و تكتب لنا من هناك ان نفسيتها تعبانه و ما بلشت علاج ليلحين بس تحاليل و قلبها تحاتي تخلص المده و انا ما الومهم حرام ما يسوى عليهم والله يعورون القلب ليش نروح و كل وحده ايدها على قلبها
حتى لو يقولون كل واحد له مره وحده بس ماله شغل بالمده على الاقل تحصل فرصه عادلة هي مره وحده خل تاخذ فرصتها حقها حرااام تعبها يروح هي و ريلها
و على فكرة مو كل وحده ريلها يرضى يعالج تلاقين كل وحده غصب اقنعته و متغربه من غير اهلها ليش جذيه يسون فينا ليش
احس نفسي كانه احنا فئة مضطهدة ليش احس جذيه استغفر الله والله لو يخلوني اروح اجرب مره وحده و مستعده اسدد اللي علي اقساط بس خل نتعالج و مو بسرعة بسرعة خذوه فغلوه

 

[tenten]

tenten
الله يرزقج باذن الواحد الاحد يارب
انا اللي اعرفه شركات النفط كانو مبلشين علاج بالخاص على حسابهم حق اللي معاهم عقم و تتحقق فيهم الشروط للعلاج بس بالكويت مو بالخارج
فكان مسموح حقنا بالخاص 3 محاولات فقط بس انا اعتقد هذا كافي اعرف منه حالتي اذا ما تقبل جسمي الادوية من اول محاولة او صار معاي مضاعفات او مشكلة نتحاشاها بالمره اليايه
ليش ما يسون علاج بالخارج بغض النظر عن المدة مسموح لكم 3 محاولات و بس اعتقد حتى اذا ما نحجت الا عندنا تقرير سنع نعرف وين نروح و شنو لازم نسوي
و الا اشرايكم
انا شايفة كل بنت فيكم قاعدة تروح بره و تكتب لنا من هناك ان نفسيتها تعبانه و ما بلشت علاج ليلحين بس تحاليل و قلبها تحاتي تخلص المده و انا ما الومهم حرام ما يسوى عليهم والله يعورون القلب ليش نروح و كل وحده ايدها على قلبها
حتى لو يقولون كل واحد له مره وحده بس ماله شغل بالمده على الاقل تحصل فرصه عادلة هي مره وحده خل تاخذ فرصتها حقها حرااام تعبها يروح هي و ريلها
و على فكرة مو كل وحده ريلها يرضى يعالج تلاقين كل وحده غصب اقنعته و متغربه من غير اهلها ليش جذيه يسون فينا ليش ..


عدل كلاااامج حبوبة .. وصدقتى بكل كلمة قلتيها



بس انا عن نفسي سويت محاوله وحده هنى والله ماكتب لي فيها شي ( قسمة من الله ) مااكان فيها اي سبب طبي
فمن الدكتور نفسه اهو اللي قال لااااااازم انعيدها عشان نعرف السبب ليش ؟؟ بالله انا من وين اجيب له شهرين تمديد مره ثانية ؟؟؟

اذا المكتب الصحي مو راضي ؟؟؟ وانا وصلت لندن اهنى تخيلي عقب معاناة والله سنتين يالله وافقو انى اجي لندن اعالج
ولااااااتستهينين حبوبة بالنفسيه والله النفسيه نص العلاج ترفع هرمووون وتنزل هرمووون موشويه ؟؟ يعنى غير التعب النفسي همم بعد تعب عضوي والله يعينا ويآجرنا عليه
بس اذا قصدج آخذ تقريري واجيبه هنى بالكويت عشان ابلش علاج ؟؟
ليش يمه بايعه نفسي .. ؟؟ لا العلاج مثل الكويت ولا الابر اسمحيلي .. على كثر ماسويت اطفال الانابيب بالكويت الااا ويصر معاي عقب السحب ماي على المبيض ومضاعفات ... من كثر الابر والمنشطات .. بس هنى يالله لك الحمد غيييير والابر اخف ولااااااامضاعفات ولااااااشي .. هذا غير التحاليل اليومية عشان يشوفون نسبه الهرمون وقت التنشيط ؟؟ بالكويت بذمتج كانو يآخذون تحليل للهرمونات وقت التنشيط ويومية بعد ....

خليها على الله لاااا العلاج نفسه بالكويت ولااااااا حتى الدكاتره .. بس الواحد مايكون غير الحمد لله على كل حال

 

[um katkot]

والله اني معاج بس مو بيدنا قاعدة اقولكم القرار بس شكلي عشان جدام الناس احنا نرسل علاج للخارج
حسبالهم احنا رايحين نستانس و نتسوق و نتمشى ما يدرون ان المستشفى يوميا والله العظيم ان لو ما عشان فرص العلاج هناك احسن خبرة الدكاترة اللي هناك و التقنيات قاعدة تسوين العملية تتعبين بس مو مثل هني
انا جم مره صار فيني زلال و اعتقد غيري بعد جرب من المنشطات و لي طلبت تقرير من المستشفى مختصرة جدا و ما يكتبون عن المضاعفات اللي صارت او ليش كله حسبالهم بشتكي
و انا ابي تقرير مفصل عشان ما يتكرر معاي اللي صار
خاشين الملف و انا اللي دافعه فيه فلوس ....
انا لو اقدر على التكليف العلاج بالخارج والله جان من باجر بس معروف العلاج هذا غالي وايد وايد يعني بالكويت المتوسط حق العمليات تقريبا 3 تزيد او تنقص بس هناك لألألألأ نتكلم عن مبلغ فوق 10 الاف
و انا حالتي يبيلها مختبر و جينات وراثية يعني راح تكلف اكثر
انا ابي اروح ولا مره جربت بره اسوي عملية و صار لي 11 سنة و الحين قدمت اوراقي والله كريم انا ما حملت ولا مره و انشالله الله سبحانه راح يرزقني بس انا اذا رحت ابي يصبرون علينا على قولتج النفسية تلعب دور عايشين سباق
و اشمعنه شهرين و يمدد شهرين اللي حاط هالرقم ذابحني
انا احتر و ابجي مو عشان ماالله رزقني عيال الحمدلله هذا اختبار من رب العالمين
انا اللي حارني ان انا كويتية و ريلي كويتي و ديرتي يا بعد عمري ما تقصر لا حق قريب و لا بعيد و الله الكويت ام الخير بس الناس اللي تحط و تشيل و تلعب بهلقرارات
صدقني انا متاكدة الديرة ما عندها مانع و لا مشكلة انها ترسلنا كلنا للخارج و تعطينا المهلة اللي نحتاجها دام في تقارير و متابعة اول باول بس اللي ماسكين الوزارة ناس من كقة الوضان لا انت طبيب و لا تخصصك طفل انبوب انت شكو تط هالقرار و تذلف
و العمر يمشى و انا اكبر و كل ما اكبر تتصعب الامور و رحت هني يقولون لي اشحقه يايه
بالله شسوي ما في لجنة حق حالات خاصة اصلا شكله ناطرين يصير عمري 40 و يقولون لي ما تروحين
بقولكم شغلة تدرون ان قبل كانو يروحون على حساب الحكومة علاج بس ليش وقفواااا
كان في واحد رايح على حساب الحكومة مع زوجته و عياله 3 بو 5 سنين و بو 3سنين و بو اشهر
شيقول بيروح يعالج العقم و هو كان رايح يلعب و صادوه مكلف الدولة فوق ال250 الف صار له فوق السنتين معاشه ماشي و معاش زوجته و المخصصات
بس ما رفعو عليه قضية خلوه يرجع و يسدد اللي عليه
و من عقبها تسكر الباب هذا الخبر قريته بمقال من 8 سنين و احتريت و دعيت على الريال بس مو غلطتنا هو حرامي و المكتب الصحي وين التدقيق
احنا اكلناها ؟!؟!

 

[RAIN FALL]

بارك الله فيكم ان شاء الله يسهلها عليكم و تبشرونا الاخبار الحلوة
يالله يا بنات لندن وحدة تبشرنا خل نتفائل