((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[صب القفشه]

مسآآآآآء الخييير

شلونج توووماااا

 

[ღ TőOőma ღ]

انا اللي فديييتج والله :*

يلا الحين بنزله

 

[ღ TőOőma ღ]

انونا فدييتج فهمت خخخخخخ

خلاص انزلكم البارت واحط الصفحات

 

[ღ TőOőma ღ]

الجزء الرابع عشر


ميس:......................

سجى:شفييج ميس شقالج؟؟؟

فجر:ميس شفيج تكملي شقالج هالمينون..؟

ميس سكتت ومره وحده قامت تبجي حييل:...يـــ.....قـــــــ...ول...بــيــ...دق....عــ..لــ...ـى....امــ...يـ.......

سجى:شوي شوي ميس هدي...هدي شوي وقولي شقالج

ميس ماقدرت تتكلم بس تبجي...

فجر انعلفت:ميس قوليلي شقااالج شفيييج...؟؟

بهالحظه وصل مسج من مشاري....

بطلته فجر ولاتقراه((موانتي اللي تلعبين علي يازباااله يالـ(..)..انا ادوس عليج وعلى اللي يابوج فاهمه...بس والله شوفي شراح اسوي فيج يالـ(..)..نطري اللي راح اييلج مني موشويه... تفو عليج يالـ(..)..))

فجر منصدمه:ســـجـــى..!!بسرعه اقري شكاتب...

سجى:عطيني....امـــبــــيــه...!!من صجه هذا..؟؟انا بدق عليه

ميس تبجي ميته من الخوف...وفجر قاعده تهدي فيها

سجى دقت على مشاري....

مشاري يصرخ..:انتي شتبين يالـ(...)

سجى:انت هي...ترا ميس مواصغر عيالك تقعد تمصخر فيها وتهزأها...انت من شنو مخلوق ماكو احساس..؟؟دامك مو واثق فيها ليش تكلمها..وبعدين تعال ترى وايد مصدق نفسك انت شكو تهدد..تدري ان هذا اسلوب يهال..الحين اثبتلي صج انت موريال...صج مالت عليك انت مو كفوو ميس يالوصخ

مشاري عصب وللحين يصرخ:انتي يالـ(..) الثانيه هذا موشغلج ولاتخليني ادخلج بالسالفه بعد مع الخرا القذره رفيجتج اللي موشايفه خير بس انا حلفت والله اعلمها وراح ادق على امها واقولها كل شي

سجى:اذا ناوي على عمرك روح سوها ودق راح تطلع مو بس حقير وهم موريال هذا ابسط شي انك ((مو رياااااال))والله انت مكانك مستشفى الميانين

مشاري:اكلي خرا يالـ(..)بس خلج قد كلامج ويصيير خييييييييييير لايكون حسبالكم بسكت...والله انا حلفت واعلمها والحييين بروح اطلع برنت عشان احذفه بويه امها مره وحده واعطيها صور بنتها الشريفة اللي مادري على شنو مأذيتني فيها..ذلفي

سجى:هههههه روح طلع بس والله راح ترد نفس الجلب تبوس ايدها عشان تسامحك وتذكر كلامي ياااأخ ميشووو...مالت على الرياييل اللي نفسك مااالت عليييك((وسكرته بويهه))

سجى:وييع مابقى الا هالاشكال...انتي بعرف شلووون طحتي علييه هالزبااله...ولاتخافين حبيبتي خلاص بسج بجي قال راح يطلع برنت..وبعدين راح يتأكد انج مظلومه وراح يرد يبوس ايدج

ميس:سجى ليش يصير معاي جذي..شنو اللي سويته غلط عشان اييلي واحد مثل مشاري يهزأني...انا قايله هذي حووبه حمود

فجر:انسي حمود خلاص...اصلا حتى هذاك زباله ومايستاهل..بس ميس خلاص..انسي اللي طاف ولاتفكرين وايد جذي اتعبين عمرج عالفاضي..ومشاري هذا اصلا اللي راح اييله موشويه بس نطري والله مايضيع حق احد

ميس:بس حمود كان غير كان يحبني وولامره قال كلمه تزعلني بس كلا مني اناا

فجر:لومي نفسج بعد جنج مينونه..!!السالفه خلصت من زمان بعد لي متى بتعيدين فيها..؟؟انتي ماكنتي تكلمينه عدل وبس تهزأين فيه على ابسط الاشياء.شفتيه ساكت ومحترمج مصختيها لمن زهق وهدج

ميس:خلاااص فجر خلااااااااص...لاتحسسيني بالذنب..انا ماكنت حاسه بقيمته وماحسيت فيها الا عقب مافقدته..بس والله اللي مشاري قاعد يسويه فيني حوبته

سجى:نامي ارتاحي الحين انسي سالفة حمود فكينا منها..ولاتخافين مراح يدق على امج..بيطلع برنت اول شي..خلاص خليه يولي

ميس:والله خايفه يسويلي سالفه...اهو كل مره يهددني جذي عالطالعه والنازله..

سجى:خليه يولي لاتبينينله انج خايفه منه..اهو قاعد يستغل هالشي لصالحه..

فجر:أي عدل كلامها انتي بينيله ان موهامج ولاتخافين من هالاشكال واذا على امي لاتخافين احنا نقولها ان ماشفنا عندج شي

سجى:ميس انتي معطته صورج؟؟

ميس:أي بس من زمان..ليش

سجى:قاعد يهدد فيهم..وانتي شلون تدزيله صورج؟؟؟يعني تدرين فيه مينون وموصاحي ماخفتي على نفسج؟؟

ميس:سجى شسوي..؟؟ماتوقعته لي هالدرجه نذل ولله والله لو ادري جان مادزيتله ولاشي ولا حتى دقيت عليه

فجر:ماينفع الندم الحين بس خلينا نفتك منه اول شي

ميس:شلووون والله كل ماقوله ماابيك يقعد يسوي سالفه ويقولي انتي تكلمين..واكيد عنج شي وانا راح افضحج عشان ماتفكرين تكلمين من وراي..تبعت والله تعبت صج لي متى بقعد اكلمه خوف منه؟؟موحب هذا والله صج مووحب

فجر:طوفي انتي بعد لاتصدقين كل شي ترى الكلام سهل

سجى:أي صاجه الكلام سهل..ولاتاخذين كل كلامه على انه جد..خلاص الحين نامي وارتاحي بس تأكدي ان اهو الخسران

ميس:شلون انام والله موقادره صج خايفه حدي

فجر:ميس وبعدين؟؟قلنالج مراح يسوي شي انتي نامي الحين وباجر يصير خير

سجى:أي صج يعني تلاقينه اهو مستانس ليش خلاج تخافين منه بس خلج قويه وواثقه من نفسج

ميس:انشالله

((طول الليل قعدو فجر وسجى يكلمونها ويقنعونها لمن نامو كلهم))



((ثاني يوم))


سعود كان نايم عند فواز..

سعود طول الليل يفكر وكل ماقدر ان ينام يفز من نومه ويفكر شراح يسوي....

سعود يفكر((يعني اقول حق دلال..؟؟جذي راح تكرهني وتقول اني من زمان ادري وساكت...اقول حق سجى..؟؟شلون اجرحها واخليها تشيل على رفيجتها وتفكر انها خاينه..؟؟ياربي شسوي..؟؟اول وتالي راح يدرون يعني اثنينهم بينجرحون وبكون انا السبب..))

رن تلفونه..

شاف الرقم انصدم..!!






((بيت بو بدر))

بدر كان قاعد بالصاله يطالع تلفزيون وياكل كورن فليكس...

بدر:هذي وبعدين وياها الدعله هذي..صارلها دهر عندهم جنه ماعندها بيت..يبيله اروحلها واسحبها من شعرها

توه مسك تلفونها ولا يوصله مسج من فرح..

((انا بنزل تحت اوكي؟؟يعني اذا مارديت عليك لاتقعد تحن جنك ياهل))

بدر ضحك:هههه شفيها حتى بمسجاتها دفشه.. و زين بعد ماتستأذن مني لمن بتروح الحمام..

دزلها مسج((اوكي لاتطولين وديري بالج على عمرج..وشرايج تمسكين النعال وتكفخيني فيه احسن))

فرح((هههههه شكوو خو تحت فبيتنا مو طالعه انا..ولاحشاك شدعوا))

بدر((شدراني عنج نزلي تحت شسويلج يعني..؟؟وشنو المشكله انج تاخذين تلفونج وياج..اخاف مواعده؟؟))

فرح((لاااا شكو مواعده اقولك فبيتنا امبيه بدور شنو بديت تشك فيني؟؟وخلاص باخذه بس لاتقعد تدز مسجات 24 ساعه..))

بدر:والله مو صاحيه هالبنيه...دزلها مسج((ههههه اقولج ماكو ثقه بعمرج انتي..خلاص اسف..))

شوي ولا يدق على سجى.....

بدر:شفيها ماترد هذي....

سجى بالغصب تتكلم:...الو...

بدر:شفيج نايمه؟؟

سجى:اووه بدر شتبي داق الحين كل مااكون نايمه تتسلط علي؟؟

بدر:والله غريبه بالعاده يوم السبت تقومين قبل الدياي..

سجى:اضحك؟؟خلص شتبييي بناااام

بدر:نامت عليج طوفه..ترى وايد قزرتيها..شنو ماعندج بيت انتي..؟؟اليوم اذا مارديتي والله انا اللي راح ايي اخذج

سجى:اوووووه ادري ادري..اليوم برد كلمت امي امس وقالتلي خلاص ارتحت؟؟

بدر:أي ارتحت وتكلمي عدل لا اشق حلجج...طسي يالله

سجى:آآف باااي

بدر:بايات




((ديوانيه فواز))

سعود شاف الرقم انصدم..:شروق؟؟شتبي هذي

اول شي ماكان يبي يرد عليها..بعدين حس انه محتاج يكلم احد ومانسى ان شروق اول حب بحياته واهي اللي فاهمته...

سعود:الوو

شروق ماصدقت انه رد عليها:سعووود...

سعود:نعم

شروق:سعود تكفه كلمني عدل...الله يخليك افهمني شوي

سعود:شروق

شروق:عيونها...

سعود:والله تعبااان

شروق استانست ان بدى ياخذ ويعطي معاها:سلامتك فيني ولافيك انشالله...شفيك من شنو تعبان؟؟

سعود حس ان مخنووق وموقادر يتكلم:شروق والله انتي الوحيده اللي فاهمتني

شروق:حبيبي اذا انا مافهمك منو تفهمك؟؟قول شفيك قاعده اسمعك

سعود:شروق انا احب

شروق حست جنه احد معطيها طراق ماتوقعت ان كلامه هذيك المره يطلع صج..:..شنو؟؟

سعود:اقولج انا احب..!!

شروق غارت وعصبت وحست انها بتموت:زين وانا شسوي؟؟..قدرت تحب غيري جذي بهالسهوله نسيت منو شروق؟؟

سعود:انتي خليني سااكت لاابطل صفحات قديمه ازعلج بكلامي..تدرين ان حبج كان غلطه..

شوق:الله يخليك لاتقول جذي..والله قاعد تعذبني

سعود:المهم مو هذي سالفتنا

شروق:سعود ممكن اخر طلب وماتردني؟؟

سعود:قولي شعندج؟؟

شروق:ابي اشوفك...!!

سعود:وبصفتي منو اشوفج؟؟

شروق:انت قول اللي عندك وانا اقول اللي عندي وتأكد انها بتكون اخر مره اطلب منك شي وعد تكفه سعود طلبتك لاتردني

سعود حس انه وده يشوفها عشان يطلع اللي بقلبه حس انه محتاجها حيل:..خلا ص اوكي

شروق ستانست ومومصدقه:صـــج!!متى ووين؟؟

سعود:انا ادق عليج واقولج متى..!!

شروق:اوكي

سعود:يالله الحين مشغول..باي

شروق:باي عمري






((بيت بوسعود))


ام سعود دشت على غرفة ميس عشان تقعدهم..

ام سعود:ميس سجى فجر يالله قومو..

ميس نقزت من نومها ميته من الخوف:...أأ....

ام سعود:شفيج خايفه جذي...؟؟

ميس:ها...لا بس كنت حلمانه حلم موزين..

ام سعود:يالله قعديهم ونزلو تحت تريقو..

ميس:انشالله

نزلت ام سعود تحت وميس ارتاحت انه مشاري مادق على امه...

ميس على طول قفلت الباب وبطلت التلفون ولا تلقى 9 مس كول و 9 مسجات...ماتت من الخرعه وترددت قبل ماتبطلهم...

اول مسج((يازباااله انا اعلمج الحين رايح اطلع برنت ومارتاح الا اذا كانت فضيحتج على ايدي))

ثاني مسج((تفو عليج ياوصخه))

ثالث مسج(( ))

رابع مسج((اسف ))

خامس مسج((والله بموووت انا حيوان انا زباله انا مينون انا كل شي بس ردي علي))

رابع مسج((ميس عشان العشره اللي بينا ردي..))

خامس مسج((والله اسف عسى لساني القص اذا قتلج جذي مره ثانيه بس تكفين ردي))

سادس مسج((والله من حبي لج سويت جذي..لاني مابيج تروحين حق غيري..))

سابع مسج((اسف اسف اسف والله اسف قاعد امووووووت رديييييي تكفييييين))

ثامن مسج((انا اسف احبج تكفين ردي علي لاتخليني..انتي تدرين اذا عصبت اقط كلام بدون مااحس))


ميس ارتاحت من المسجات وهم ماقدرت ترد عليه لان مايستاهل..

ميس قعدت سجى:سجى...سجووووو...سجى قوومي

سجى:ميس بنام تكفين خليني شوي...

ميس:ماكو نوم خلاص بتصير 12

سجى:آآف كاني قمت خلاص...

ميس:سجى شوفي...((عطتها التلفون..))

سجى قرت اللي دازه:شفتي شلوون؟؟قتلج راح يرد نفس الجلب..وياويلج اذا رديتي عليه فاهمه خليه يولي لاتحسسينه انج رخيصه ولعبه بين ايده متى مايبيج ردلج ومتى مامل منج يخليج..

ميس:لا مابي ارد عليه هالمره لان مصخها صج..المهم قعدي فجور انا بنزل تحت قبلكم اوكي

سجى:خلاص اووكي

ميس:مو اطولوون..

سجى:جييين

((بدلت ميس ونزلت تحت تدور سعود تبي تكلمه مالقته خافت وقامت تحاتي...))

ميس معقوله من امس مارجع؟؟..:يوسف سعود وينه للحين مارجع؟؟

يوسف:مادري عنه مو موجود بداره اكيد موهني...

ميس:اهاااا..

يوسف:اموت واعرف انتي شقايلتله..؟؟

ميس:موشغلك سالفه بيني وبينه

يوسف:اعلمج بس والله راح اعرف كل شي

ميس:اوكي اسكت عني شوي

يوسف يخزها:بسكت بس راح اعرف سالفتج اول شي بعدين اتفرغ حق سعود

ميس خافت وحسسته انها مو مهتمه..:أي اوووكي



((عند فواز رفيج سعود))

فواز:انت من صجك..!!

سعود:لو انت مكاني شتسوي؟؟

فواز:بس مو جذي شكو تواعدها..؟؟وبأي صفه ليش تعطيها امل انك ترجع لها؟؟؟

سعود:ومنو قال ان بيصير هالشي؟؟رجاءا فواز مو فاهم شي لاتقعد تتفلسف..

فواز:انا بسكت بس راح اشوف اخرتها وياك

سعود:اووكي انا برجع البيت اتسبح وابدل وبعدين يصير خير

فواز:براحتك بس عطني خبر قبل لاتروح

سعود:ليش بتيي وياي؟

فواز:لأ..بس بعرف

سعود:خلاص ماشي..يلا تبي شي

فواز:لاسلامتك دير بالك

سعود:يالله مع السلامه...

فواز:الله يسلمك




((بيت دلال..))

دلال قامت من النوم شافت تلفونها استغربت سعود مو داق عليها...

دلال:اكييد نايم..بس خل ادق عليه رنتين اتأكد

دقت عليه دلال..ورد عليها بسرعه

سعود:هلا والله

دلال:انت قااعد؟؟

سعود:أي ماصارلي وايد ليش؟؟

دلال:وليش مادقيت علي؟؟

سعود:اسف حبيبتي قلت اخليج تنامين ولمن اوصل البيت ادق عليج..

دلال:اهااا..سعود انت من امس موطبيعي قولي شفيك..؟؟

سعود((والله حاسه فيني بس شقولج..كل شي بوقته وراح تعرفين بعدين))..:لاحبي مافيني شي لاتحاتين..بس لاني كنت تعبان شوي الحمدلله الحين احسن

دلال:تعبان؟ليش شفيك؟؟

سعود:اقولج مافيني شي لاتحاتين..

دلال:اكيد؟؟

سعود:اكيييد..يالله انا شوي واوصل البيت اتسبح وادق عليج اوكي

دلال:اوكي حبيبي..دير بالك

سعود:انشالله..يالله باي

دلال:باي....



طول الطريج سعود يفكر بشوق مايدري ليش ارتاح لمن كلمها...

رجع سنتين ورا.....

((شروق:لاماني طالعه مكان اليوم

سعود:والله غريبه هههه خلاص عيل اذا بتطلعين قوليلي

شروق:انشاالله وليش غريبه عاد صج اليوم مالي مزاج اطلع بقعد فبيتنا بنت عمي بتيي عندي اليوم

سعود:خلاص عيل..انا بروح عند رفيجي اذا بتطلعين قولي

شروق:اكيد بقولك ودير بالك على نفسك

سعود:اوكي حبيبتي انتي بعد ديري بالج..

شروق:انشالله عمري



بسوق شرق..........


سعود كان يتمشى فوق صوب المطاعم ويا رفيجه...لمح شروق مع بنات صوب باسكن روبنز قاعدين يسولفون وانصدم..((هذي شروق..؟؟لي متى هالحركات البايخه هذي عشان تعرف بس ان ماكو شي ينخش...انا اعلمج يالحقيره))

سعود:ايا النذله..

فواز:منو؟؟شفيك

سعود:تقولي ماتبي تطلع..؟؟يصير خير...

فواز:منو..شفيك

سعود:انطر شوي...

دق عليها واهو يراقبها من بعيد...شافها تدودهت لمن مسكت التلفون عطته بزي جان تدزله مسج...((سعود حبيبي خالاتي كلهم فبيتنا زحمه مااقدر ارد عليك الحين..))

سعود قام يضحك:توا بنت عمها بتيي الحين صارو خالاتها...

وراح صوبها....

سعود:قوه..؟؟

شروق سمعت صوته ماستوعبت اول شي بعدين انصدمت..لفت عليه ولا اتنح مومصدقه....:ســ....ــ...عــ....ووود...!!انت..هنــ..ــي...!!

سعود:لا والله..؟؟ اشوفج هني؟؟ وين اللي ماتبي تطلع وبنت عمها بتييلها.. وخالاتها عندها

شروق:سعود والله ماكنت بقولك لان...

سعود صرخ بدون شعور جدام الناس..:لان شنو؟؟؟؟تجذبين علــــي...؟؟؟ليش شعندج ؟؟((صرخ))بــتــواعــديــن؟؟

شروق خافت منه:سعود لاتصرخ الناس قامو يطالعون..ووالله وغلاتك عندي ماعندي شي بس ماكنت بقولك لان كل شي صار بسرعه وخفت بعدين اقولك و تفهمني غلط والله هذا الصج اسألهم

سعود:اكلي تــبــن...!!انتي جذابه بس والله اعلمج مو انا اللي اخر عمري بنت تلعب علي..خلج قد هالحركه

شروق:سعود اقولك لاتفهم بكيفك..ماكان قصدي شي...والله موقصدي شي..

سعود صرخ:انا شقاايلج قبل...؟؟جم مره تطلع منج هالحركات وانا اسكت..؟؟بس والله يصير خير

شروق:سعووود...الله يخليك تكفه لاتفهمني غلط حرام عليك سعود والله انت موفاهم شي والله

سعود مشى عنها معصب والناس كلهم ملتفين حواليهم...

فكر ان يصير نذل نفسها...

شاف بنت كانت تطالعه من اول ماصعدو فوق..مشى صوبها وكلمها

وشروق قاعده تطالعه ودموعها بعيونها..موقادره تسوي شي...

سعود قام يكلم البنت ويضحك معاها عناد عليها...بعدين خلاها تطلع تلفونها وتسجل رقمه...

لما كان بيمشي لف ويهه صوب شروق وضحك...

فواز:سعود شهالحركه اللي سويتها؟؟

سعود:تستاهل

فواز:ليش ترى مهما يكون حرام عليك

سعود عصب:فواز انت موعارف شي تكفه اكرمنا بسكوتك..وثاني شي منو قالك بكلمها؟؟انا عطيتها رقمي القديم حتى لو دقت راح تلاقيه مفصول بس انا سويت جذي عشان تحس شوي وايد تحملتها وتحملت طفولتها

فواز:حتى لو..مايصير جذي بجيت البنت

سعود:تستاهل خل يشتغل الاحساس عندها شوي لان ميت من زمان

فواز:والله امرك غريب..الله يهديكم ))



وعى سعود على نفسه يبي يحاول ينسا اللي صار وياها....

وصل البيت ودش الصاله تمنى ان سجى ماتكون موجوده لان قام كل مايتذكرها يحس بالذنب...

سعود:السلام عليكم

الكل:وعليكم السلام

ام سعود:وينك يمه من امس؟؟شفيك وين كنت

سعود:ماكو يمه كنت عند فواز ونمت عنده ماحسيت بنفسي

ام سعود:زين يوعان تبي اسويلك شي؟؟

سعود:لايمه ماكل هناك مشكوره

بوسعود:شفيك شكلك تعبان

سعود:لامو تعبان لاتحاتي بس دايخ شوي مونايم عدل

يوسف يطالعه:شلونك اليوم

سعود:تمام..انا صاعد فوق تبون شي؟؟

ميس كانت قاعده ويا سجى...

سجى تساسر ميس:ميس سعود شفيه من امس احسه مو طبيعي.!!شنو شصاير شقايلتله اللي انعفس جذي..؟؟

ميس:لا ولا شي لاتحطين فبالج بس الظاهر في سالفه شاغلته..!!

سجى:اهااا...

سعود ناداها:ميس امشي فوق ابيج..

ميس:انشالله كاني يايه...

صعدت ميس وراه والكل قاعد يطالعهم مو فاهمين شي...

ام سعود:شفيهم هذول شعندهم؟

يوسف:لا مساكين هالايام وايد مضغوطين الظاهر بيحلون قضايا مجلس الامه

فجر:ههههه يوسف تضحك تصدق

يوسف:هه هه هه اقول سكتي انتي

بوسعود:انت وبعدين وياك؟؟

ام سعود:لاصج شعندهم اهو وميس صايرين موطبيعيين

سجى:لاخالتي ميس تقول في سالفه شاغلته الظاهر ويا واحد من ربعه

ام سعود:والله جايز ليش لأ..؟؟

يوسف((فديتج انتي اللي يشوفج يقدر يتضايق؟؟))..قام يغني..:هااك شفني بعت عقلي وجيت بجنوون اتبعك..

فجر:الحمدلله والشكر انت لازم تختمها بفاصل عنائي

بوسعود:خليه موصاحي

سجى ضحكت تستانس عليه لمن يغني..

يوسف:شحااركم انتوو..شسوي اذا صوتي حلو خخخ






((بغرفة سعود))

ميس:من صجك؟؟؟ليش استعيلت ترى اللي قاعد تسويه غلط

سعود:شسوي احسها اهي اللي تفهمني

ميس:والله مادري عنك..كيفك اللي تشوفه صح سوه

سعود:خلينا من شروق الحين...سجى ماقالتلج شي..؟؟

ميس:لا ليش

سعود:والله كاسره خاطري..احس اني راح اكون السبب بجرحها

ميس:مادري شقولك..انشالله ربك يسهل ونلقى حل..انا راح احاول اييبلها الموضوع شوي شوي لمن من كيفها تستوعب..او شرايك اكلم دلال؟؟

سعود:لا دلال خليها علي..بس والله ماني عارف شسوي صج احترت...

ميس:خلاص لاتحط فبالك..

سعود:الله كريم..

ميس:متى بتطلع اليوم..؟؟

سعود:اتسبح واشوف وين وادق اقولها..

ميس:دير بالك وقولي شبيصير وياك....

سعود:انشالله...وتكفين حاولي تقنعينها ان كل شي قسمه ونصيب والله مابي اشيل ذنبها طول عمري..صج ماتستاهل

ميس:انشالله ولا تفكر وايد..خلاص سجى خلها علي..



لما نزلت ميس تحت نادتها ام سعود...

ام سعود:تعالي شوي

ميس ماتت من الخوف حست ان مشاري قالها شي:..خــ...يـــ..ر...مــ...ـا..مــ...ــ..ـا..

ام سعود:سعود شيبي فيج؟؟

ميس ارتاحت:ها..لا ولا شي بس صايرتله سالفه ويا واحد من ربعه وقاعد يسألني شيسوي..

ام سعود تدري بعلاقة ميس وسعود شلون انهم كل شي يقولونه حق بعض:اهاا..اوكي

ميس راحت عند سجى واهي تفكر شلون تفتح معاها الموضوع....

سجى:وينج ليش جذي طولتي؟؟؟شكان يبي منج...؟؟

ميس:ولاشي بس يسألني عن شي

سجى:شنو الشي؟؟

ميس:سالفه صايرلتله..

سجى:ويا منو؟؟

ميس:ويا واحد من ربعه..

سجى:ليش شصاير؟؟

ميس تنرفزت:اووه سجى..!!شنو تحقيق..

سجى:وااي شفيييج انتي..خلاص اسفه ليش سألت.. وصج نسيت اقولج ترى اليوم برد بيتنا

ميس تضايقت:لييييييش

سجى:امبي خلاص طولت هني وابوي وبدر اذوني كل يوم يدقون يزفوني خلاص صج مصختها ولاتخافين كل يوم بييلج كاهو بيتنا بس صفريلي اكون عندج خخخخ

ميس:ههه انشالله.عاد والله مكانج راح يبين

سجى:ههه ادري

يوسف سمعها وتضااايق:بتردين البيت؟؟

سجى:أي والله..

يوسف حس ان بهالجم يوم صارت قريبه منه حيل وكان يقعد فالبيت ومايطلع بس عشانها وانه صار مايقدر يتخيلها بعيده عنه:زين عاد زورينا ههه

سجى:أي اكيييييييد بطيح عندكم بعد مااقدر اخلي ميس بروحها((وشلون اوخر عن سعود عقب ماصرت اشوفه كل يوم))

يوسف ارتاح شوي:أي يكون احسن بعد ههههه








((بدر كان بالافنيوز ويا واحد من ربعه))

عبدالله رفيج بدر:توالناس شفيك بقى ساعتين عالفلم

بدر:اوووله وانا شينطرني ساعتييين..ليش خليتنا نيي مبجر صج انك خرطي

عبدالله:شفيك نتغدى وندش لازم حده قده..؟؟

بدر:تدري اني ماحب افتر وايد بالمجمعات..واليوم زحمه

عبدالله:دق على الحب خل تييلك شوفها قبل لاتدش خخخ

بدر:هههه لاوالله؟؟

عبدالله:أي شفيك ههههههه

بدر:وانت شكوو؟؟منو ياب سيرتها الحين..؟؟

عبدالله:شفيك يبا اسفين خلاص..

بدر تذكر:هههههههههههههههههه

عبدالله:شفيك؟؟

بدر:ماتدري اني طالع والله بتسويلي فلم هندي ليش ماقلتلها

عبدالله:شنو تستأذن منها حلايا الويه

بدر:لاتخسي

عبدالله:عيل ليش تسوي فلم

بدر:لانها كاوليه وفيها عقده من المجمعات مادري ليش هههه

عبدالله:والله حتى يوم انك حبيت حبيت وحده من طقتك

بدر:اشوفك وايد مصختها

عبدالله:زين بسكت انا

بدر دزلها مسج((ترا انا بالافنيوز صارلي ساعه تقريبا من وصلت..))

بدر:ههههه الحين تلفوني بينفجر

عبدالله:ههههههههههه

على طول وصله مسج من فرح((تحلف والله؟؟))

بدر((والله))

فرح((نـــعـــم؟؟ولييييش توك تقوول؟شنو توها مشت من عندك؟؟))

بدر:هههههههههههههههههههههه والله نكته هالبنيه

دزلها((أي والله توها ماشيه حسافه تمنيتج موجوده بس شسوي قاعده مع بنت خالتج مادري بنت عمج))

فرح(( :| ))

بدر مات من الضحك:والله اذا ضايق خلقي وبضحك اتحرش فيها شوف شدزت هههههههههههههه

عبدالله:ههههههههههه بدير حرام عليك تلعب بأعصاب البنت جذي

بدر:شسوي والله غصبن علي ههههه

دزلها((شفيج بابا اتغشمر معاج))

ماردت عليه...

دزلها مسج ثاني((والله العظيم اتتغشمر يالكاوليه))

فرح((هذي غشمره؟؟في احد يتغشمر جذي؟؟صج تنرفز انت خلاص اذا خلصت قولي الحين اخليك تقز على كيفك رقم لمن تشبع انا شكوووووو))

بدر:الحين منو ياب هالسيره الحمدلله والشكر والله فلم ههههه..

عبدالله:شفيها؟؟

بدر:ولا شي امش خل نتغدى وندش هني ماكو شي

((راحو يتغدون ولمن خلصو دشو الفلم..وبدر قاعد يفكر بشي شاغله بس مايدري شلون يتأكد منه))




((بيت بوسعود))

سعود كان يكلم دلال سكره منها على طول دز مسج حق شروق...

((انا ببدل وبطلع الساعه 8 تكونين بماك اللي عالبحر نفس مكانه كل مره))

شروق دزتله مسج((اوكي من الحين راح اروح ولاتتأخر))




((ماك عالبحر))

شروق كانت ناطره سعود بآخر مكان شافته فيه وقعدت سرحانه وتفكر بللي صار...

ياها سعود من بعيد لمن شافها وقف شوي..((صج تغيرت...بس مستحيل اقدر انسى اللي سوته فيني و هم قاعده نفس المكان مستانسه على سواد ويهها))

سعود وقف جدامها...شروق رفعت راسها شافته دمعت عينها حست انها مشتاقتله..

شروق:سعود..

سعود:وقاعده نفس المكان بعد..مستانسه بماضيج الاسود

شروق:سعود تكفه اقعد خل نتفاهم

سعود:موياي عشان اتفاهم وياج..

شروق:عيل ليش تبي تشوفني

سعود قعد يمها:شروق..قايلج تعبان وابي احد اكلمه..انا قتلج تيين لانج انتي اللي فاهمتني ويمكن تساعديني

شروق ودها تلمه حست انها مشتاقتله:زين اعترفت بهالشي..واسمعك قول شنو اللي مضايقك

سعود:شروق..انتي تدرين انج كنتي كل شي..وتوقعت اني مراح احب وحده من بعدج بس للاسف اني حبيت المشكله وحده كنت ادور عليها من زمان لقيت كل شي ابيه واحبه فيها.. بس حسافه توني اكتشف ان هالحب غلطه..

شروق عورها قلبها على كلامه لان كان قاعد يجرحها وهم حابه تساعده:ليش غلطه؟

سعود:لانها طلعت رفيجه بنت جيرانه وللاسف بعد طلعت تحبني من زمان وانا مادري

شروق:منو اللي طلعت تحبك

سعود:بنت جيرانه

شروق:شدراك

سعود:اختي قالتلي..ولا فوق كل هذا اخوي يحبها

شروق كسر خاطرها:وييه!!شبتسوي الحين...؟؟

سعود:وانا ليش يايلج؟؟

شروق قلبها ماطاوعها تقوله بس حاولت:انت...انت تحبها..؟؟

سعود:دلال؟؟

شروق:الي قلت انك حبيتها

سعود:قولي عشقتها

شروق ودها تبجي:خلاص عيل حافظ على حبك لاتتخله عنه بسهوله وتصير نفسي.. وبنت جيرانكم راح تتفهم هالشي

سعود:اقولج رفيجات..دلال ماتدري اني انا نفسه ولد جيران سجى اللي تحبه..وسجى ماتدري ان انا حبيب دلال..

شروق:اسمها سجى..؟؟

سعود:أي

شروق:سعود..اذا انت تحب دلال خلاص لاتقعد تبدي غيرك على نفسك..اهي اذا تحب رفيجتها وتبيلها الخير واذا درت انكم تحبون بعض اكيد راح تتفهم هالشي وتنساك..

سعود:حراام اجرحها...ودلال مااعتقد اذا درت ان سجى تحبني راح تستمر معاي

شروق:اذا تحبك صج راح تستمر معاك..

سعود ارتاح من كلامها شوي:شسوي الحين؟؟

شروق:قول حق دلال

سعود:شقولها

شروق:مو انت تحبها؟؟خلاص اذا صج تحبها قولها كل شي واكيد راح تتفهم

سعود:تهقين؟؟

شروق:اكيد..وغلطانه اذا تخلت عنك..صج سعود غلطه حياتي لمن خليتك تروح مني صج انا اللي تحملت نتيجة غبائي

سعود:شروق اللي صار صار لاتقعدين تبطلين اوراق قديمه خلاص اللي بينا انتهى ومثل ماقلتلج انا الحين مو لج..انا لغيرج..

شروق سكتت قلبها عورها تمنت تموت قبل لاتسمع هالكلام ماتقدر تتخيل ان سعود حبيبها راح حق وحده غيرها..

سعود:شفيج سكتي؟؟

شروق:والله سعود ماكو منك..حسافه ضيعتك من ايدي

سعود:الحين حسيتي بقيمتي؟؟ماينفع هالكلام شروق..

شروق:سعود

سعود:هلا

شروق:تبيني اكلم دلال..؟؟

سعود:ليش؟؟وشتقوليلها

شروق:اذا انت ماتقدر تكلمها انا اتصرف

سعود:لا خلاص انا اذا لقيت الوقت المناسب راح ادق واقولها على كل شي

شروق:براحتك..

سعود:مشكوره ريحتيني بكلامج..

شروق:شدعوا ماسويت شي


سعود:انا بمشي تبين شي

شروق ماحبت تضغط عليه حست اللي سمعته كافي:لاسلامتك دير بالك على نفسك

سعود:الله يسلمج وانتي ردي بعد حق شنو قاعده

شروق استانست((للحين يخاف علي.))..:انشالله الحين اقوم وياك

((مشو شروق وسعود يمشون لي المسافظ وصلها لي سيارتها وراح سيارته واثنينهم يتذكرون ايامهم ويا بعض قبل لايتفارقون..))

سعود بالسياره يسوق واهو يفكر بشروق((احسها تغيرت بكل شي حتى اسلوبها وكلامها معاي..جنها موشروق الاوليه..كبرت ومبر مخها وتفكيرها..ليش سويتي جذي شروق ليش..؟؟انتي اللي ضيعتي كل شي وخسرتيني))





((بيت ام بدر))

سجى راحت بيتهم وحست ان ردت حق الفراغ اللي كان بحياتها..قعدت بغرفتها تفكر وتشوف الفرق بين اللي شافته فبيتهم وفبيت ام سعود...

سجى:الله يخليهم لبعض..صج استانست عندهم وما حسيت نفسي غريبه جني مع اهلي..

بطلت اللاب توب تلهي نفسها..وقعدت تسمع اغنيه جيتارا سرحت معاها وقامت تتذكر سعود



اشمعنى انت .. اشمعنى انت
ماخذني من هالعالم وكل الناس
قلبي تعلق .. فيك انت
صدقني والله العالم احبك بإحساس

من اول ماشافتك عيني حسيت قلبي يبيك
عقلي سرح في خياله تمنيت ايدي في اديك

اشمعنى انت .. اشمعنى انت
ماخذني من هالعالم وكل الناس
قلبي تعلق .. فيك انت
صدقني والله العالم احبك بإحساس

كل شي بحياتي تغير حبيت الدنيا اكثر
من يوم ماخذني هواك على بعدك انا ماقدر
اصلا لو لا وجودك وكلامك وكل وعودك
ماعرفت الفرح يوم ولا نسيت الهموم

اشمعنى انت .. اشمعنى انت
ماخذني من هالعالم وكل الناس
قلبي تعلق .. فيك انت
صدقني والله العالم احبك بإحساس
اشمعنى انت ...


http://www.4shared.com/file/121927150/9b611cf9/_-__.html?s=1


سجى قامت تدمع عيونها بدون ماتحس حست ان سعود صار كل شي بحياتها وانها ماتقدر تتخلى عنه بسهوله...



((بيت ام سعود))

ميس كانت قاعده ويا فجر بغرفتها يسولفون...

ميس:والله هذا اللي صار

فجر مو مصدقه:من صجج ميس؟؟؟شلون جذي

ميس:تسأليني؟؟

فجر:ليش ماقلتيلي؟؟وشبتسوين ترا سجى لازم تدري

ميس:ادري والله..ومالقيت الوقت المناسب شلون اقولج جدامها خو انتي فضيحه

فجر:ويييه..!!والله ماتستاهل..وحرام سعود يصير فيه جذي...ويسوف هالغبي مالقى يحب الا سجى..ترا السالفه كلها ماتدش المخلص،

ميس:سكتي اصلا انا ماكنت مستوعبه وموقادره اصدق شلون صار جذي بس اللي الله كاتبه راح يصير

فجر:الله كريم.تعالي صج.. ليش...

قطع كلامها صوت تلفون فجر يرن....

فجر:رقم غريب..؟؟

ميس:يمكن فطوم او وحده من رفيجاتج ردي شوفي منو

فجر:تصدقين..يمكن

ردت فجر:الوو؟؟

...:الو قوه

فجر:هلا والله منو معاي

..:انا جاسم رفيج محمد

فجر:منو محمد...؟ و أي جاسم؟؟

جاسم:محمد حبيب سجى قبل..

فجر انصدمت:من وين يايب رقمي وشتبي داق

جاسم:دقيت على رقم ميس مغلق وبعدها عطاني رقمج ..الصراحه انا داق بوصل كلام حقها من محمد

فجر:اهاا......ميس هاج واحد يبيج

ميس:منو؟؟؟

فجر تهمس لها:بسرعه ردي

ميس:الوو؟؟

جاسم:ميس شلونج

ميس:منو

جاسم:جاسم رفيج محمد تذكريني؟؟

ميس لمن سمعت اسمه حست قلبها قام يطق:ايييي..شلونك جاسم وشلون محمد...؟؟خير شصاير؟؟محمد فيه شي؟؟

جاسم:الحمدلله..ولاتحاتين مافيه الا العافيه..الصراحه اهو قايلي كلام يبيني اوصله لج

ميس خافت:شنو خير...؟

جاسم:مادري شقولج...







شنو تتوقعون يبي منها :eh_s(1):

وعطوني رايكم بالبارت قعدت سنه اكتب فيه اللي تقولي قصير يويلها

وفدييتكم كلكم حبايبي احبكم :tek:

يسلمو حق المتابعين القدم والجدد وخلف الكواليس ثااانكيووو فدييتكم :eh_s(6):

وحبيت اقول حق البنات اللي شاكين اني ميس..ارتاحو ترا مو انا واذا انا راح اقولكم لاتحاتون خخخ

بس شمعنى ميس يعني؟؟

واذا في اي بدليه طوفو بليز:dddds:

​

 

[انونا]

يسلمووووووووووووووووووو قلبي

فديتج والله

 

[ღ TőOőma ღ]

مسآآآآآء الخييير

شلونج توووماااا

تمام يااقلبي فدييتج سوري توني اشوفه :eh_s(6):

يلا نزلت البارت هاف فن حووبي

 

[انونا]

امبيه يهبل البارت عجيب بس شوقتيني ابي اعرف

عادي قوليي ماراح اعلم

والله يعطيج الفين عافيه امبيه لا يكون بيقولها ديري بالج من مشاري هالزباله

جان زين

فديتج وربي حياتي انتي مي توتو

 

[انونا]

هيه طلعت انا اول وحده اخلصه وناااااااااااااااسه خخخخخخخخخخخخخخخخخخخخخ

 

[FoOwFoOwa]

ووووووووووووووووووووي البارت اينن حدا فديتج تونزيي:eh_s(22)::eh_s(22):

و اوووووف مشاري وع وع وع مادري شلون مستحملته ميسوو :jumpon:

و بدر فديته :eh_s(22)::eh_s(22)::eh_s(22)::eh_s(22)::eh_s(22)::eh_s(22)::eh_s(22):

و شروق احسها مسكينه و على نياتها :eh_s(1):

يسلموووو فطوم عالبارت عجييييب ,,

و من الحين اقولكم لحد يحن عالبارت الياي انا راسي صدع هع هع :O_SHH_:​

 

[ღ TőOőma ღ]

امبيه يهبل البارت عجيب بس شوقتيني ابي اعرف

عادي قوليي ماراح اعلم

والله يعطيج الفين عافيه امبيه لا يكون بيقولها ديري بالج من مشاري هالزباله

جان زين

فديتج وربي حياتي انتي مي توتو

واااي حبيبتي انتي العجييييييييييييبه فديييتج حووبي انونتي مممممواااااح

خخخ اقولج افا عليج

الحين يطقوني الباجي

ولا تابعي البارت الياي يمكن واي نوت

 

[ღ TőOőma ღ]

هيه طلعت انا اول وحده اخلصه وناااااااااااااااسه خخخخخخخخخخخخخخخخخخخخخ

ههههههههههههههههههههه اي هياا خخخ :ggdw:

فدييتج:eh_s(6):

ويت شنو قصدج يقولها ديري بالج انا استيعابي بطيء

 

[ღ TőOőma ღ]

ووووووووووووووووووووي البارت اينن حدا فديتج تونزيي:eh_s(22)::eh_s(22):

و اوووووف مشاري وع وع وع مادري شلون مستحملته ميسوو :jumpon:

و بدر فديته :eh_s(22)::eh_s(22)::eh_s(22)::eh_s(22)::eh_s(22)::eh_s(22)::eh_s(22):

و شروق احسها مسكينه و على نياتها :eh_s(1):

يسلموووو فطوم عالبارت عجييييب ,,

و من الحين اقولكم لحد يحن عالبارت الياي انا راسي صدع هع هع :O_SHH_:​

فدييتج حووووبي يووو :*

وصح بدر اينن فديته خخخ

فوفو حبيبتي حاسه فيني لوووووووووول ممموااااح

 

[n00ni]

واااااااااي
ياربي
هذا حمود من وين طلع بعد
مسكينه ميس مو ناقصه والله
اعتقد يبي يردلها

اول مره تعجبني ميس انها ماردت على مشاري
واخيرا حست ان عندها كرامه

احس غلط من سعود انه شاف شروق
لان يمكن يرجع يحبها خصوصا بعد ما لاحظ انها متغيره

بدر وفرح اليوم ماصار اكشن وايد بينهم
بس حلوه هوشه المسجات

سجى مسكينه كسرت خاطري وايد
خوصاصا مع الاغنيه
بغيت ابجي عليها
والله مو حلو هالشعور >>>>وايد اندمج ادري

البارت وايد حلو ومو قصير >>>اخاف تطقيني بعد

يسلموووووووو حبيبتي

 

[انونا]

لا قصدي محمد يقول حق ميس ديري بالج من مشاري ما ادري شلون بس جذي كيفي

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

حياتي ادري بطقيني بس متى البارت الياي باجر ولا اليوم والساعه جم بالدقيق والثانيه والساعه خخخخخخخخ<<<<<<< من كثر الشوق

 

[صب القفشه]

يسلموو ع البااارت الحلوو

حدييي حديي اندمجت و اللهــ يسترر ع الباجي و ما اتوقع بدر يتزوج فرج قصدي فرح خخخ

 

[ღ TőOőma ღ]

واااااااااي
ياربي
هذا حمود من وين طلع بعد
مسكينه ميس مو ناقصه والله
اعتقد يبي يردلها

اول مره تعجبني ميس انها ماردت على مشاري
واخيرا حست ان عندها كرامه

احس غلط من سعود انه شاف شروق
لان يمكن يرجع يحبها خصوصا بعد ما لاحظ انها متغيره

بدر وفرح اليوم ماصار اكشن وايد بينهم
بس حلوه هوشه المسجات

سجى مسكينه كسرت خاطري وايد
خوصاصا مع الاغنيه
بغيت ابجي عليها
والله مو حلو هالشعور >>>>وايد اندمج ادري

البارت وايد حلو ومو قصير >>>اخاف تطقيني بعد

يسلموووووووو حبيبتي

شفيج حمود متزوج شكو يردلها:eh_s(1):

بس تابعيها ليش لاء خخخ

وفرح وبدر مصخوها عاد قلت خل يخفون شوي اليوم:dddds:

وفدييتج حبيبتي يووو شدعوا اطقج وانا أأدر خخ:ggdw:

 

[ღ TőOőma ღ]

لا قصدي محمد يقول حق ميس ديري بالج من مشاري ما ادري شلون بس جذي كيفي

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

حياتي ادري بطقيني بس متى البارت الياي باجر ولا اليوم والساعه جم بالدقيق والثانيه والساعه خخخخخخخخ<<<<<<< من كثر الشوق

اهااا لووووووووول خيالج واسع

حبيبتي اخذي راحتج شدعوا

وانشالله باجر العصر انزله الحين بكتب شوي بعدين ادرس ويمكن اطلع عشان جذي مراح يمديني عرفتي:eh_s(1): والله كنت بنزلكم بارت ثاني اليوم بس مااقدر حووبي سوري

وانا كل يوم قاعده انزلكم لاتحاتون كل يوم بارت طوييل:ggdw:

فدييتج انتي توني اقول حق فووفوو هذي احبها فديتها :ggdw:

 

[ღ TőOőma ღ]

يسلموو ع البااارت الحلوو

حدييي حديي اندمجت و اللهــ يسترر ع الباجي و ما اتوقع بدر يتزوج فرج قصدي فرح خخخ

يوو ولكم حووبي :eh_s(6):

خخخخخخخ حلوا فرج شكلج اندمجتي معاه :dddds:

مادري يمكن ليش لاء

 

[dlo3t^baba]

اتوقع ان طلق زوجته ويبي يرد حق سجى << وايد خيالي واااااااسع

يسلمووووو توما لووووول البارت مو قصير طويل وحلو

 

[n00ni]

شفيج حمود متزوج شكو يردلها:eh_s(1):

بس تابعيها ليش لاء خخخ

وفرح وبدر مصخوها عاد قلت خل يخفون شوي اليوم:dddds:

وفدييتج حبيبتي يووو شدعوا اطقج وانا أأدر خخ:ggdw:

يمكن مرته ماعجبته

لوووووووووول

فديتج انا والله