تجمع مستجدات كلية العلوم(رياضية وطبيعية)...حياكم...

[gzlan]

السلام عليكم ورحمة الله وبركاته

شلونكم بنات

اكيد كل وحده فينا متوهقه:krkrkr:

خل نخلي هالموضوع للمستجدات

عشان يفيدون خواتنا الي قبلنا:klhfl:


واي سؤال طرحوه اهني ان شاء الله نلاقي الاجوبه


اسألتي


انا ابي اتخصص فيزياء الهندسيه

شنو اخذ تمهيدي

وياريت الي تذكر المواد تذكر معاهم اسامي الدكاتره​

:gathering:​

 

[sindrella]

هلا والله حبيبتي


غزلان شوفي الفيزياء الهندسيه فيها 3 تخصصات فرعيه

النظم الرقميه و الاستشعار عن بعد و الليزر والإتصالات البصريه

بس شوفي اهما كلهم نفس المواد تقريبا أول سنه فإنتي إذا دشيتي الكليه وخلصتي أول سنه قرري شنو تبين من هالتخصصات الثلاثه


اول كورس طبعا إخذي تمهيدي رياضيات عند مها الهاجري أو فيه واحد هندي يفهم وحده عجييب


إسمه تسليم و إنجليزي عند فرانك أو تهاني

الكورس الثاني انجليزي 161
حسبان 1 بدر الشمري عبدالله العازمي
فيزياء 1 طارق الرفاعي
محتبر فيزيا1 أي واحد عادي
جبر خطي أوريل بيجانكو

و بالتوفيق

 

[gzlan]

تسلمين حياتي على ردج

خلاص خل اسجلهم

 

[gzlan]

سؤال


التمهيدي جم مدته؟؟

 

[غـبـروه]

يسلموو عالتجمع الحلو وانا هم متوهقه

ابي احول من العلوم لي العلوم الاداريه ومادري شنو المواد اللي اخذها

وساقطه بالقدرات بعد خخخخخ


اظن التمهيدي فصل كامل

 

[gzlan]

غبروه

ياهلا فيج

اشتبين بعلوم اداريه

 

[رمز الترف]

امبيه متى اتخصص اي كورس ؟؟؟

انا شكو مابي اتخصص لاني بحوول هندسة بإدن الله

 

[غـبـروه]

غبروه

ياهلا فيج

اشتبين بعلوم اداريه

لووووووووول اشحلاتها ومستقبلها حلو

 

[ms. hana]

لا اله الا الله عدد ما كان وعدد ما يكون وعدد الحركات والسكون

 

[sindrella]

يسلموو عالتجمع الحلو وانا هم متوهقه

ابي احول من العلوم لي العلوم الاداريه ومادري شنو المواد اللي اخذها

وساقطه بالقدرات بعد خخخخخ


اظن التمهيدي فصل كامل

حبيبتي بتحولين إداريه إخذي أول كورسس تممهيدي رياضيان وإنجليزي

وهاذي شروط التحويل نسختها لج من موقع العماده

كلية العلوم الإدارية

اجتياز الطالب عددا من الوحدات الدراسية لا يقل عن 24 وحدة دراسية ولا يزيد عن 45 وحدة دراسية.

اجتياز اختبار القدرات في اللغة الإنجليزية بنسبة 80 % على الأقل، أو ما يعادل مقرر (106 – لغة إنجليزية ) في الكليات الأخرى بتقدير لا يقل عن (C).

اجتياز اختبار القدرات في الرياضيات بنجاح، أو ما يعادل مقرر ( 098 – تمهيدي رياضيات ) في الكليات الأخرى.

ألا يقل المعدل العام للطالب عن 2.67 نقطة.

اجتياز الطالب مقررين من المقررات التالية بتقدير لا يقل عن (C) في كل مقرر :

(110 – 1020 ) مقدمة في المحاسبة المالية

(110 – 1030 ) مبادئ الاقتصاد الجزئي

(201 – 1011 ) مبادئ الإدارة


وبالتوفييق :ggdw::ggdw:

 

[gzlan]

لووووووووول اشحلاتها ومستقبلها حلو

انا ماافضل هالشي

دارسه علمي طول عمرج واخر شي تروحين اداري

وحتى العلوم مشاء الله ترى بكل مكان تتوظفين وبسرعه يوظفونج

وكل تخصصات الي بكلية العلوم تعتبر نادره

وكل واحد وطموحه

الله يوفقج ياربي

 

[gzlan]

رفع للأهميه

 

[غـبـروه]

انا ماافضل هالشي

دارسه علمي طول عمرج واخر شي تروحين اداري

وحتى العلوم مشاء الله ترى بكل مكان تتوظفين وبسرعه يوظفونج

وكل تخصصات الي بكلية العلوم تعتبر نادره

وكل واحد وطموحه

الله يوفقج ياربي

والله كان ودي احول هندسه بس خرعوني

واجمعين انشاءالله

 

[gzlan]

غبروه
نصيحه والله

خليج على هالشي

لان الحين لوتحطين ببالج

الكل اداري

والكل صار مهندس


اما لما تيين لمجالج

محد فيه نادر هالشي


نصيحه خليج

وعسى الله يوفقج ياربي

 

[غـبـروه]

غبروه
نصيحه والله

خليج على هالشي

لان الحين لوتحطين ببالج

الكل اداري

والكل صار مهندس


اما لما تيين لمجالج

محد فيه نادر هالشي


نصيحه خليج

وعسى الله يوفقج ياربي

لوووول بستخير واشوف شنو ادش
اجمعين قلبي

 

[gzlan]

اي والله

ماكو على الاستخاره

 

[غـبـروه]

اب
اب
اب

 

[gzlan]

بننات كليه العلوم
شويه شكلهم

 

[soosoo_q8]

مرحباا بنااتت
بغيت اسالكم
انا بالطب المساعد
ورفيجتي معاكم علوم رياضيه
في عندنا ماده فيزيا بالطب المساعد ناخذها العلوم
ورفيجتي تبي تحول هندسه
هل في مجال نكون انا وياها بنفس المحاضره اللي هي الفيزيا
والا مالهم شغل يعني الطب غير عن فيزيا الهندسه ؟؟

لان اذا نفسها بقووولها تحط عند الدكتوور اللي انا حطيت عنده

بانتظار ردكم اوكي

موفقين ان شاء الله

 

[gzlan]

ياهلا اختي

مادري بس

مادري اكيد فيزيا الطب غير وكلية العلوم غير