اللي عندها اي استشارة قانونية تدخل وانشالله بتلاقي حل

[Om_Fisal_123]

يزاج الله خير أختى ويعطيج العافيه

 

[داريني]

بالنسبة للابناء اولاد او بنات وكم اعمارهم وهل هو متزوج ولا لا ؟؟

وهل عليه قضايا مالية ام لا ؟؟

ارجو الرد لكي يتسنى لي كيفية الرد

عندها بنت 14 سنه و ولد 12 سنه
واهوه تزوج حاليا
وعليه قضايا مالية وسبق دش السجن بسبب شيكات بدون رصيد ونصب واحتيال

 

[بنت الأصايل]

عندها بنت 14 سنه و ولد 12 سنه
واهوه تزوج حاليا
وعليه قضايا مالية وسبق دش السجن بسبب شيكات بدون رصيد ونصب واحتيال

دام ان عليه قضايا ماليه وقضايا تمس الاخلاق مثل النصب والاحتيال فبإذن الله موقف اختج قوي وراح يكون صعب يسقط عنها الحضانة لأن هو انسان غير امين على ابناءة

 

[بنت الأصايل]

مشكوره ياقلبي بنت الاصايل على الرد وعلى طاري الموضوع رفيجتى اشرحت واستانفت الحكم تخيلي بس ماكان عندها محامي للاسف وطليقها يايب محامي بس المفروض المحكمه تكون عارفه انه المؤخر مو معاها لانه ملجه

بس في سؤال ثاني :

مارديتى علي مالومج من كثرت الاسئله ادري دوختج

وسؤال الثاني هم المحكمه الجعفريه
حضانه الطفل عمره 7 سنوات تقدر الام تاخذه وطلع محامي كبير ولا لازم دليل مثل ماقلتي الشرب او يسافر وشنو الدليل انه مايهتم فيه

اختي العزيزة طبعا لازم دليل على ان انسان لايستطيع ان يرعى رعاية جيده وان انسان مشغول في حياته او متزوج من وحده ثانية او عنده عدد كثير من العيال عشان المحكمة تقتنع ان هذا انسان اذا اخذ الطفل ماراح يقدر يوفي جميع احتياجاته ولا تنسين ان القانون الجعفري نص خاص بالنسبة لسن الحضانة فعشان تخالفين هذا النص لازم يكون عندج شي او دليل بحيث ان ماينطبق على حالتج النص الموجود في القانون الجعفري

 

[بنت الأصايل]

السلام عليكم..أختي العزيزه عندي بنت خالتي كويتيه تزوجت من واحد ايراني طبعا بس ملجه يعني مادخل عليها وبعدين اهيه سافرت وراح طلقها غيابي واخذ المهر كله من اهلها يعني كان معطيها 2000 دينار كلهم اخذهم...شنو الاجراءات اللي لازم تسويها؟؟؟ ومشكوره وايد على جهودج...صج نسيت اقولج البنت والولد شيعه يعني المذهب الجعفري

المذهب الجعفري يعطيها حق ان هي ترفع عليه دعوى نفقة عدة فقط ترفعها بالمحكمة وتطلب منه نفقة عده 3 شهور

 

[^ دلـــــوعـــــه ^]

قوااااج الله يا بنت الاصايل

 

[بنت قبيلة]

مرحبا ينت الاصايل
انا اجبرت على بيع سيارتي لأخي من قبل زوجي ،وانا ولما وقعت عالبيع غيرت توقيعي ،يعني توقيعي مخالف للبطاقة الشخصية ،
وبعدين في شي ثاني قانون المرور عندنا يشترط حضور البائع والمشتري شخصيا ،وانا ماحضرت
هل اقدر ارفع دعوى على ادارة المرور ؟
وكم نسبة نجاحها ؟وشنو ممكن اطلب تعويض ؟
يعني ارجاع السيارة ،ولا تسديد اقساطها مع العلم ان باقي على اقساطها 5 سنوات ونص ،واخوي شهرين يحط بحسابي القسط ،بس انا متوهقه لاني ماقدر اخذ سلفية واطلع سيارة مرة ثانية ؟
ارجو الافادة
والله يجزاج خير

 

[وردة-الكويت]

مرحبا ينت الاصايل
انا اجبرت على بيع سيارتي لأخي من قبل زوجي ،وانا ولما وقعت عالبيع غيرت توقيعي ،يعني توقيعي مخالف للبطاقة الشخصية ،
وبعدين في شي ثاني قانون المرور عندنا يشترط حضور البائع والمشتري شخصيا ،وانا ماحضرت
هل اقدر ارفع دعوى على ادارة المرور ؟
وكم نسبة نجاحها ؟وشنو ممكن اطلب تعويض ؟
يعني ارجاع السيارة ،ولا تسديد اقساطها مع العلم ان باقي على اقساطها 5 سنوات ونص ،واخوي شهرين يحط بحسابي القسط ،بس انا متوهقه لاني ماقدر اخذ سلفية واطلع سيارة مرة ثانية ؟
ارجو الافادة
والله يجزاج خير

تدرين اذا رفعتي قضيه على ادراه المرور تسجنين الموظف الي سوالج المعامله حرااام يااختي اتقي الله ارفعي قضيه

على اخوج وزوجج موعلى موظف خدم زوجج ووثق فيه او وثق في اخوج أسالي ظميرج باجر اذا سحبووو الموظف

هل راح يرتاح ظميرج اذا سويتي جذي

 

[ابلة ديكور]

السلام عليكم

يعطيج العافيه اختي



اقدر ادز لج الاستفسار علي الخـاص .؟

 

[white~heart]

الله يجزاج كل خير على هالموضوع الطيب
انا دزيت لج على الخاص

 

[بنت الأصايل]

السلام عليكم

يعطيج العافيه اختي



اقدر ادز لج الاستفسار علي الخـاص .؟

بكل سرور عزيزتي ولكني هذه الايام انا مشغولة بالرد على استفسارات البنات ولكن ان شاء الله هذا الاسبوع سوف ارد على جميع الاستفسارات سواء ع العام او الخاص

 

[جـــواهر]

يعطيج الف عافيه عساه بميزان حسناتج

 

[العين الكحيله]

يعطيج العافيه
ومااقصرتى

 

[بنت الأصايل]

مرحبا ينت الاصايل
انا اجبرت على بيع سيارتي لأخي من قبل زوجي ،وانا ولما وقعت عالبيع غيرت توقيعي ،يعني توقيعي مخالف للبطاقة الشخصية ،
وبعدين في شي ثاني قانون المرور عندنا يشترط حضور البائع والمشتري شخصيا ،وانا ماحضرت
هل اقدر ارفع دعوى على ادارة المرور ؟
وكم نسبة نجاحها ؟وشنو ممكن اطلب تعويض ؟
يعني ارجاع السيارة ،ولا تسديد اقساطها مع العلم ان باقي على اقساطها 5 سنوات ونص ،واخوي شهرين يحط بحسابي القسط ،بس انا متوهقه لاني ماقدر اخذ سلفية واطلع سيارة مرة ثانية ؟
ارجو الافادة
والله يجزاج خير

هلا فيج عزيزتي اعذرني بالتاخر في الرد على استفسارك

شوفي اختي اذا بتنكرين توقيعك لازم ترفعين دعوى بطلان بيع وقتها راح تتهمين اخوج ان باع السيارة او حولها بدون ماياخذ توقيعج وهذا الموضوع فيه شوي خطورة لأن لازم المحكمة تسألك شلون تم التوقيع ومن تتهمين في تزوير توقيعك وقتها راح يكون اخوج متهم بالتزوير فالافضل انج ترفعين دعوى مطالبة اخوك بقيمة السيارة اذا كان يتاخر عليج بالسداد
هذا افضل وانجح

 

[بنت قبيلة]

مشكورة يابنت الأأصايل

بس بوضح شي ،انا الي وقعت بس غيرت توقيعي ،بعني مخالف للبطاقة الشخصية ،آنا أعرف اني ماقدر أنكر التوقيع ،لأن في خبير خطوط ،بس إلي آنا حابه استفسر منه،
‘ذا رفعت قضية على إدارة المرور لي حق أو لا ؟
وأخوي ما يتأخر بس آنا أبي سيارتي ، هو ماخذها غصب

 

[بنت الأصايل]

مشكورة يابنت الأأصايل

بس بوضح شي ،انا الي وقعت بس غيرت توقيعي ،بعني مخالف للبطاقة الشخصية ،آنا أعرف اني ماقدر أنكر التوقيع ،لأن في خبير خطوط ،بس إلي آنا حابه استفسر منه،
‘ذا رفعت قضية على إدارة المرور لي حق أو لا ؟
وأخوي ما يتأخر بس آنا أبي سيارتي ، هو ماخذها غصب

مالك حق على ادارة المرور

 

[عود ومسك]

السلام عليكم
ابي اعرف شنو اجراءات الحضانه..ابي اسوي حضانه بالمحكمه وما سويتها من زمان مع العلم ان بنتي كبيره الحين عمرها 8 سنوات
فا هل في اوراق معينه لازم اخذها معاي والا شنو بالضبط
ياريت تفيديني والله يجزاج الف خير

 

[بنت الأصايل]

السلام عليكم
ابي اعرف شنو اجراءات الحضانه..ابي اسوي حضانه بالمحكمه وما سويتها من زمان مع العلم ان بنتي كبيره الحين عمرها 8 سنوات
فا هل في اوراق معينه لازم اخذها معاي والا شنو بالضبط
ياريت تفيديني والله يجزاج الف خير

بالنسبة للاجراءات شهادة الميلاد والبطاقة المدنية وتروحين للمحكمة عند ضباط الدعاوي يرفعون لك الدعوى

 

[بنت الأصايل]

قوااااج الله يا بنت الاصايل

مشكورة ياقلبي وشاكرة مرورك الكريم

 

[بنت الأصايل]

يعطيج العافيه
ومااقصرتى

الله يعافيج غلاتي :eh_s(6):