بليز تجمع للمصابين بالقولون وامراض واضطرابات المعده والجهاز الهضمي

[وصية ابي]

السلااااام عليكم



قوه بنات


عندي مموعد منظار قريب 20-8

وبصراحه ودي أأجله ليما بعد العيد


لاني خايفه وبنج كامل واحاتي


شرايكم بنات أأجله لما بعد العيد


صج بغيت اقولكم انا كنت مسويه منظار


اخر 6 وما بين عدل بالمنظار

وقالت الدكتوره نعيد المنظار


شرايكم بنات


وبعدين اذا بغيت أأجل الموعد عند منو اروح


عفيه بنات لا تخلوني


ردوا علي

 

[سارونهh_a_z]

السلااااام عليكم



قوه بنات


عندي مموعد منظار قريب 20-8

وبصراحه ودي أأجله ليما بعد العيد


لاني خايفه وبنج كامل واحاتي


شرايكم بنات أأجله لما بعد العيد


صج بغيت اقولكم انا كنت مسويه منظار


اخر 6 وما بين عدل بالمنظار

وقالت الدكتوره نعيد المنظار


شرايكم بنات


وبعدين اذا بغيت أأجل الموعد عند منو اروح


عفيه بنات لا تخلوني


ردوا علي

ياحياتي ليش الخوووووووف


بالعكس افتكي سويه من الحين قبل العيد علشان تتطمنين


ترا والله ماتحسين بشي عادي وخاصه انتي بتسوين بنج كامل


وانصحج سويه ياعند خالد المخيزيم او وفاء الحشاش لانها دكتورة علشان لاتستحين


وامانه طمنينا عليج​

 

[رفاعية19]

حبيبتي نصييييييحتي لج سووووييييييه عند دكتور محمد الشمالي واللله اييييننن هالدكتووووور انا رحتله عشان الغازات اللي بالقولون تكرمين وسويت منظار وعطاني ادوية والحمدلله طبت وارتحت واااااااااااااااااااااااااااااااااااااااايد..

 

[الجادل الطرقا]

السلام عليكم ورحمة الله وبركاته
شلونكم بنات إن شاء الله بخير؟
انا توني ألقى هالتجمع بالصدفه وحبيت أفضفض لكم وأرد عالأسئلة :

متى حاشج؟
أتوقع من صغري كنت مهيئة للإصابة بهالمرض لأنه كل ما أتعرض لموقف يثير فيني مشاعر الخوف أو القلق والتوتر
على طوووول أحس بمغص ببطني وهالمغص يختفي بمجرد انعدام هالمشاعر فكان الوضع عادي بالنسبة لي
بس لما كبرت وزادت علي الضغوط خصوصا الكورسين الي طافوا (كانت دراستي الجامعية على المحك وأحاتي المعدل الي برفعه والتخرج)
قمت أنتبه لعوار غريب ببطني يجيني جم يوم ويختفي ويرد بعد فترة ومادريت إنه القولون العصبي إلا من 3شهور تقريبا

شلون بدا؟
أقوى مره حاشني على نهاية شهر5 أيامها كانت نفسيتي زفت وأول ما قعدت من النوم حسيت بدوار ولوعة جبد وعوار ببطني وانتو بكرامه بالغصب قمت رحت الحمام
وقلت أكيد نزلة معوية صايره فيني من قبل بس الغريب إنه هالأعراض ما استمرت معاي طول اليوم !!
الصبح حسيت فيها وباقي اليوم منسدحه بالفراش واليوم الثاني مافيني شي !! والعادة النزلة المعوية تحوشني يومين عالأقل
بس ظل ببطني عوار خفيف استمر أسبوع وخلاني آكل نص أكلي اللي دايما آكله باليوم ما اقدر أكثر

شنو اعراضه؟
فقدت شهيتي للأكل ونزلت 5كيلو - مرات أحس فرقه ببطني من كثر الأصوات
أغلب الأيام أحس بإمساك - صار عندي شعور دايم بمغص خفيف ببطني يزيد إذا تعرضت لموقف ينرفزني حيل وعلى طول الحمام وانتو بكرامة

منو شفتي من دكاتره؟ شنو جربتي علاج؟ توصلتي لعلاج؟
لحد الآن ما رحت لأي طبيب ولا جربت ولا علاج بس تأكدت إنه سببه نفسي لأني متى ما استانست أنسااااه ما احس فيه
بس أخوي راجع كذا طبيب لأنه يعاني منه بعد والحبوب وتغيير الأكل ما نفع وياه فيوم الأحد إن شاء الله بيسوي منظار وبشوف شيصير معاه

واذا ماتوصلتي شتسوين لاياج وشلون نفسيتج؟
الحمدلله الحين تخرجت وخلصت من هم الدراسة بس باقي هم الوظيفة والزواج وهالموضوعين قاعده أأجلهم كثر ما أقدر
لأني صايره ما أتحمل أي ضغط وأصلا بمجرد التفكير فيهم يشب علي القولون
وطبعا حزتها مالي خلق أحد كله منسدحه ما أتكلم ولا آكل ومرات أتجاهله وأحاول ألهي نفسي بأي شي عشان ما أحس فيه
بس الصراحه حييييل صعب أتحكم بنفسيتي لأني عاطفية حيل ومزاجية وإذا هالمرض مزمن صج الله يعينا عليه مادري شلون نتأقلم وياه
والله فاقده الراحة من زماااااااان أول شي بنفسيتي وبعدين بجسمي بس الحمدلله على كل حال


يعطيج العافيه يـ الاسطورية ع الموضوع
والله يشفينا ويشفي كل مرضى المسلمين

 

[سارونهh_a_z]

السلام عليكم ورحمة الله وبركاته
شلونكم بنات إن شاء الله بخير؟
انا توني ألقى هالتجمع بالصدفه وحبيت أفضفض لكم وأرد عالأسئلة :

متى حاشج؟
أتوقع من صغري كنت مهيئة للإصابة بهالمرض لأنه كل ما أتعرض لموقف يثير فيني مشاعر الخوف أو القلق والتوتر
على طوووول أحس بمغص ببطني وهالمغص يختفي بمجرد انعدام هالمشاعر فكان الوضع عادي بالنسبة لي
بس لما كبرت وزادت علي الضغوط خصوصا الكورسين الي طافوا (كانت دراستي الجامعية على المحك وأحاتي المعدل الي برفعه والتخرج)
قمت أنتبه لعوار غريب ببطني يجيني جم يوم ويختفي ويرد بعد فترة ومادريت إنه القولون العصبي إلا من 3شهور تقريبا

شلون بدا؟
أقوى مره حاشني على نهاية شهر5 أيامها كانت نفسيتي زفت وأول ما قعدت من النوم حسيت بدوار ولوعة جبد وعوار ببطني وانتو بكرامه بالغصب قمت رحت الحمام
وقلت أكيد نزلة معوية صايره فيني من قبل بس الغريب إنه هالأعراض ما استمرت معاي طول اليوم !!
الصبح حسيت فيها وباقي اليوم منسدحه بالفراش واليوم الثاني مافيني شي !! والعادة النزلة المعوية تحوشني يومين عالأقل
بس ظل ببطني عوار خفيف استمر أسبوع وخلاني آكل نص أكلي اللي دايما آكله باليوم ما اقدر أكثر

شنو اعراضه؟
فقدت شهيتي للأكل ونزلت 5كيلو - مرات أحس فرقه ببطني من كثر الأصوات
أغلب الأيام أحس بإمساك - صار عندي شعور دايم بمغص خفيف ببطني يزيد إذا تعرضت لموقف ينرفزني حيل وعلى طول الحمام وانتو بكرامة

منو شفتي من دكاتره؟ شنو جربتي علاج؟ توصلتي لعلاج؟
لحد الآن ما رحت لأي طبيب ولا جربت ولا علاج بس تأكدت إنه سببه نفسي لأني متى ما استانست أنسااااه ما احس فيه
بس أخوي راجع كذا طبيب لأنه يعاني منه بعد والحبوب وتغيير الأكل ما نفع وياه فيوم الأحد إن شاء الله بيسوي منظار وبشوف شيصير معاه

واذا ماتوصلتي شتسوين لاياج وشلون نفسيتج؟
الحمدلله الحين تخرجت وخلصت من هم الدراسة بس باقي هم الوظيفة والزواج وهالموضوعين قاعده أأجلهم كثر ما أقدر
لأني صايره ما أتحمل أي ضغط وأصلا بمجرد التفكير فيهم يشب علي القولون
وطبعا حزتها مالي خلق أحد كله منسدحه ما أتكلم ولا آكل ومرات أتجاهله وأحاول ألهي نفسي بأي شي عشان ما أحس فيه
بس الصراحه حييييل صعب أتحكم بنفسيتي لأني عاطفية حيل ومزاجية وإذا هالمرض مزمن صج الله يعينا عليه مادري شلون نتأقلم وياه
والله فاقده الراحة من زماااااااان أول شي بنفسيتي وبعدين بجسمي بس الحمدلله على كل حال


يعطيج العافيه يـ الاسطورية ع الموضوع
والله يشفينا ويشفي كل مرضى المسلمين

وعليكم السلام والرحمه


صاجة انا بعد مثلج احس اني مهيئة من صغري ان يصير فيني قولون عصبي
وايد اتوتر وعاطفية زيادة عن اللزوووم

وفترة الامتحانات لازم عوار البطن وتكرمين الاسهال\\


بس نصيحة مني لج لاتهملين نفسج يمكن فيج شي بسيط ويتعالج ماتدرين؟؟


والله يشفينا ويشفي كل مرضى المسلمين يااااااااااااااااااااارب



باجر عندي موعد الطب البديل اللي حطت رقمه وحدة من الاخوات ماقصرت ويااااااااارب استفيد ​

 

[DA3LOoOLA]

:68_asmilies-com:

شلونك حبيباتي ؟؟؟

نبدي .....


متى حاشج؟

 

[DA3LOoOLA]

حاشنى تقريبا من ايام الثانوية كنت دايما أحس بعوار في بطني ووزني وايد ضعيف حمدالله والشكر لان بهالفترة مريت بظروف شوي صعبة وبعدها الحمدالله صرت أحسن شوي ولكن رجع على العوار بعد جم سنة تقريبا باواخر 2003 وكان نزيف حاد مع الخروج تكرمون وحسبت هالشي عادي من بواسير بس زادت الحالة عندي وانا بالحج في شهر واحد 2004 طبعا بدا الدم بتزايد احس بضعف في جسمي وماقدر امشي واتعب باقل حركة ومجهود ابذله ودايما معاي عوار باسفل الظهر واحس برقعة ودوخه ولوعة مابي اطول عليكم بعدها راجعت عند:-
مستشفى المواساة عند د.محمود
مستشفى الهادى عند نسيت اسمه اسفه
وعند عيادة بوشهري كلينك عند د.هاني بوعليوه
واخر شي عند د.موسى خورشيد
طبعا سوالي منظار قولون وطلع فيني التهابات وتقرحات بالقولون بكل القولون وبعد المنظار بثاني يوم سافر ولاحتى عطاني علاج
وحالتي زادت سوء اكثر من اول خلال عشرين يوم تعبت تعب موطبيعي شفت الموت بعيوني والله فرحت مستشفى مبارك وطبعا بالواسطة طرشوني عند د.جابر العلي بس للاسف حزتها كان مسافر وبفضل الله ود.أحمد الفضلي وشهادتي فيه مجروحه هالدكتور المحترم العجيب باسلوبه تعامله الراقي مع المرضى اول ماشافني اخترع مسكين وقالي انتي عند اي دكتور قتله مطرشيني على فلان اهوه مسافر فقالي افا عليج انا اعالجج وانشالله على نهاية الاسبوع اسويلح منظار عشان اقدر اعرف احدد شنو فيج لان ماعتمد على منظار د.موسى خورشيد لان ماكان واضح من هني وانا تغيرت حياتي 180 درجه من عرفت الي فيني الحمدالله ارتحت وايد خذيت علاج الكيرتيزون ومه الاساكول والاميران واللوزك وميتيليم وبعدها صرت احسن الحمدالله على كل حال [/color]

 

[الاسطورية]

انا فيني قولون تارسني غازات ذبحني
من نفاسي
والسبب قالولوا ولدي فيه اشتباه الغده الدرقيه والحمدالله طلع مافيه
بس حزتها وتروني قمت افكر كثير وأحاتي
تخيلوا بنفاس وأهملت نفسي وبجري بعد
بس بسال الغازات الهوا ولدي أرضعه رضاعه طبيعيه يضره اييييه الهوا ؟
لأنه مسكييييين كله بطنه هوا وغازات مني ؟

هلا فيج اختي
ماتوقع الرضاعه لها دخل الحليب مافي شي وماله دخل بالقولون الياهل طبيعي بطنه كله غازات

وشلونج الحين

 

[الاسطورية]

عيل انا صارلي 3شهور اعاني من الم بالبطن بس فترة الصبح..

الم يقعدني من النوم..

رحت سويت منظار بالمستشفى وقالولي تقرحات بالمعده .. مع اني مااكل فلفل بس شكله من النفسيه..

عطاني الدكتور علاج بس ماقدرت عليه يسويلي رقعه بالقلب ويزيد عليي القولون (انتفاخ والم بالمعده)

فقطيت الدوه وانا من غبائي قطيت نتايج المنظار يعني حتى لو براجع دكتور ثاني لازم يسوولي منظار مره ثانيه..

سلامات

ردي سوي مكان زين احسن

 

[الاسطورية]

شفت وحده نصحتني مع كل وجبه
ماي برير
http://www.my-chef.org/cart/images/products/ProdPerrier03.jpg

 

[الاسطورية]

حاشنى تقريبا من ايام الثانوية كنت دايما أحس بعوار في بطني ووزني وايد ضعيف حمدالله والشكر لان بهالفترة مريت بظروف شوي صعبة وبعدها الحمدالله صرت أحسن شوي ولكن رجع على العوار بعد جم سنة تقريبا باواخر 2003 وكان نزيف حاد مع الخروج تكرمون وحسبت هالشي عادي من بواسير بس زادت الحالة عندي وانا بالحج في شهر واحد 2004 طبعا بدا الدم بتزايد احس بضعف في جسمي وماقدر امشي واتعب باقل حركة ومجهود ابذله ودايما معاي عوار باسفل الظهر واحس برقعة ودوخه ولوعة مابي اطول عليكم بعدها راجعت عند:-
مستشفى المواساة عند د.محمود
مستشفى الهادى عند نسيت اسمه اسفه
وعند عيادة بوشهري كلينك عند د.هاني بوعليوه
واخر شي عند د.موسى خورشيد
طبعا سوالي منظار قولون وطلع فيني التهابات وتقرحات بالقولون بكل القولون وبعد المنظار بثاني يوم سافر ولاحتى عطاني علاج
وحالتي زادت سوء اكثر من اول خلال عشرين يوم تعبت تعب موطبيعي شفت الموت بعيوني والله فرحت مستشفى مبارك وطبعا بالواسطة طرشوني عند د.جابر العلي بس للاسف حزتها كان مسافر وبفضل الله ود.أحمد الفضلي وشهادتي فيه مجروحه هالدكتور المحترم العجيب باسلوبه تعامله الراقي مع المرضى اول ماشافني اخترع مسكين وقالي انتي عند اي دكتور قتله مطرشيني على فلان اهوه مسافر فقالي افا عليج انا اعالجج وانشالله على نهاية الاسبوع اسويلح منظار عشان اقدر اعرف احدد شنو فيج لان ماعتمد على منظار د.موسى خورشيد لان ماكان واضح من هني وانا تغيرت حياتي 180 درجه من عرفت الي فيني الحمدالله ارتحت وايد خذيت علاج الكيرتيزون ومه الاساكول والاميران واللوزك وميتيليم وبعدها صرت احسن الحمدالله على كل حال [/color]

الحمدالله انج صرتي احسن والحينلازم تاخذين ادويه على طول؟

 

[الاسطورية]

بنات شنو نظامكم لرمضان خصوصا ان السحور يتعب المعده والقولون لان متاخر

 

[sa7ab]

بنات اللي فيهم كرونز

في وحده جربت سافرت بره على حسابها او على حساب الحكومه

وين راحت ؟ اي ديره واي مستشفى ؟

شنو احسن دكتور متخصص بهالمرض ( الكرونز ) وباي ديره ؟

ودي اطرش اوراقي وودي اسافر لان قبل فتره تعبت و قعدت فوق الشهر ونص بالمستشفى وكل شي سوولي واخر شي قالولي هذي نكسه من مرضج رجعتلج وسببتلي التهاب بالمفاصل

فودي اسافر ابي دكتور شاطر وين تنصحوني ابي خبرتكم خواتي

 

[بنت الاحلام]

قوه صديقاتي وزميلاتي بالمرض

الفطور افطر انا دايم لبن وتمر

واكل العيش والاشياء الي مو دسم واكثر سلطه


والسحور جبن وخفايف
وجذي ما تحسين بعوار صدقوني خلوكم نفسي

 

[وصية ابي]

لسلام عليكم

قوه بنات


شلونج سارونه


موعدي يوم الخميس منظار ان شالله


ادعولي خلاص غيرت رايي ما راح ااجله

بسسسسسسسسسس ادعولي مت من اليوع انا لحين على السوائل بس


احس بطني يتقطع من اليوع

ادعولي اني اقوم بالسلامه من المنظار

 

[الكرملين]

اليوم سويت منظار وطلع عندي التهاب معده وباجر بروح للدكتور يشوف نتيجة المنظار لاني مسويته بمستشفى حكومي

ممكن توضحون لي بنات شنو علاجه وهل في امل انه يروح كلش ؟

الاعراض اللي فيني:
غازات ونفخه بالبطن

حارج وضيق تنفس
امساك

 

[روروو]

يعطيكم العافيه
بنات مو تحسون تعب القولون نفسي اكثر من انه جسدي
عن نفسي احسه متعب نفسيتي اكثر بسرعه اخاف بس اتوقع الشر لو اقوم من حلم اقوم متضايقه صايره مااتحمل الكلام الزايد احس انزعج بسرعه لما احط راسي ع المخده اوقات احس اني بموت خايفه بنات من فيكم مثلي تطمني لااني بصراحه موسوسه واذا تعبت احس اني مااقدر اتقبل الاكل نهائي ​

 

[faith09]

بنات شلونكم وشخباركم

الأسطورية نور التجمع بوجودج ووجود الكل . سؤالج عن رمضان فى محله . أنا فى الفطور أبدى بالتمر وأصلى بعدين الشوربة . بعدين ارتاح بعد الشوربة وأحاول ما أكل لحد الشبع . فى السحور أنا احب المهلبية بقمر الدين عشان تعطينى طاقة حق ثانى يوم . أعتقد عشان تمشى الأمور فى رمضان لازم ندير بالنا من طريقة أكلنا .وأخيرا

مبارك عليكم الشهر وعساكم من عوادة

 

[faith09]

بنات اللي فيهم كرونز

في وحده جربت سافرت بره على حسابها او على حساب الحكومه

وين راحت ؟ اي ديره واي مستشفى ؟

شنو احسن دكتور متخصص بهالمرض ( الكرونز ) وباي ديره ؟

ودي اطرش اوراقي وودي اسافر لان قبل فتره تعبت و قعدت فوق الشهر ونص بالمستشفى وكل شي سوولي واخر شي قالولي هذي نكسه من مرضج رجعتلج وسببتلي التهاب بالمفاصل

فودي اسافر ابي دكتور شاطر وين تنصحوني ابي خبرتكم خواتي

حياج الله sa7ab

أنا من الناس اللى فيهم التهاب القولون التقرحى وهو من ضمن فئة الكرونز. أنا ما سافرت برة للعلاج بس قبل جم سنة صارت لى أنتكاسة وأنا فىأجازة فى أمريكا . وحزتها دخلت مستشفى فى شيكاغو شافنى دكنور وقال لى أن المرض هذى مزمن ماله علاج أهم شى أن نسيطر علي القولون من النزيف والأدوية اللى عندهم هى نفس اللى عندنا . وانتكاسة القولون مثل ما أنا وانتى نعرف لها عدة أعراض وكل اللى قدروا يسوون لى أياه أن يحطون لى دربات وزادوا لى جرعة الدوا لى قدرت أقوم على حيلى . ....

 

[وصية ابي]

سويت منظار اليوم الحمدلله بس تعبت حيل الدكتوره


الله يسامحها ما عطتني بنج بغيت اموت


بس اصرخ من العواااااااار


ليش جذي انتم تاخذون بنج ولا بس انا اللي ماخذيت


قبل هالمره سويت وما حسيت بشي وكان الدكتو ر مخيزيم مسويلي



صج نسيت اقولكم طلع معاي التهاب قولون

اول مره يصير معاي التهاب


شنو علاجه اللي جربوا ويروح ولا يصير مزمن معاي


عفيه بنات ردوا الله يعافيكم