نادي %كويتيات% لهواة التصوير الفوتوغرافي

[SabaQueen]

هلا بنات و الله تأخرت عليكم واايد
سامحوني على التأخير ،، بالنسبة للدورات و الله ما اعرف حزتها بس جنه كل شهر لهم دوره
و حلو تشتركون كلكم في دروه و تطلعون رحلات تصوير ، أنا الصراحه ودي اشترك معاكم بس وقتي ما يسمح و عندي ياهال صغار ماقدر اخليهم

بالتوفيق ،،

 

[supermarket]

عيل مالج الا Slr

 

[supermarket]

اطلعي على الانواع واختاري اللي تناسبج


http://www.bhphotovideo.com/bnh/controller/home?O=NavBar&A=search&Q=&ci=6222

 

[Violetta]

المشكله انا طلبت نفس كامرتج :\ والله كريم

 

[سنا الفضه]

ماشاء الله عليج .. عيني عليج بارده تصويرج واايد حلو .. ليش ما تشاركين بموقع
www.arabiclenses.com

وتشوفين ارائهم بصورج ... والمصورين هناك واايد محترفين ويشاركون عالميا


من زمان حابة اصور الكوت ... بس ماعندي وقت والمكان دايم زحمه

مراحب بالحبايب

انا بصراحه مالي بالتصوير عندي كاميرا الومكس بس شريتها عياره وكاهي مترووسه صور بنتي الي متحرك والي مهتز والي والي:eh_s(22):

وخزياه بس

لكن:eh_s(2):

ياسمووو دخلت هالسايت www.arabiclenses.comجان القى اسم اخوي :eh_s(9):

فديييييييييته مرتز اسم الله عليه ولاه:eh_s(15): مسوين معاه مقابله باعتبار انه محترف

اخنقتني العبره وانا اقرى له:eh_s(2):

فديته اخوي الغالي :eh_s(17):

مشكوووووووورين كلكم وان شالله نشوفكم مصورات محترفات ترفعون اسم الكويت

بس لاتنسون تقولون من كويتات انطلاقتنا:eh_s(17):​

 

[Violetta]

عندي استفسار
شنو الاهم الزوم والا الوضوح ؟

 

[SabaQueen]

طبعا الوضووووح
وضووح الصوره
و الزووم ما اهوا إلا ادات لتقريب المسافه ..

 

[جاي وحليب]

supermarket

اي عدل طريقة الزوم .. بس تأكدي بالمنيو ان الديجتال يمه OFF
ترى طول ما ان اهوا ON فـ يخرب الصوره وتصير جنها مربعات ديري بالج..


====

Violetta

عسى ماشر ليش الاحباط؟
متحبطه علشان الزوم شويه؟؟ بس الزوم مو اهم شي بالكاميرا!!
الوضوح ونقاوة الصور وجودتها والالوان هاذي اهم شي ...
وبعدها تيي الاشياء الثانيه..
ومشالله A640 وضوحها 10 MP وتعتبر من ايد الكاميرات وبمميزات ممتازه ..

ممكن نعرف شنو اللي تبينه بالكاميرا من مميزات معينه ؟؟


===

SabaQueen
طلتج علينا بين فتره وفتره تشجعنا استاذه
وحلوه فكرة اللي نشترك كلنا بدوره فعلاً ودي هالشي يصير ونتفق كلنا..

 

[Violetta]

انا كنت مستانسه بالكامره يه و دقرني و عاد انا بسرعه يحوشني الاحباط لوول
بس خلاص بسكب بكلام ولد خالتي و بسمع كلامكم

 

[SabaQueen]

supermarket

===

SabaQueen
طلتج علينا بين فتره وفتره تشجعنا استاذه
وحلوه فكرة اللي نشترك كلنا بدوره فعلاً ودي هالشي يصير ونتفق كلنا..

ما عليج زود يا الفنانه الغاليه :eh_s(8):

 

[يالبا قلبي]

يا الحرفيات شرايكم بكاميرات Olympus
ولا الـ Canon احسن ؟

عفية خبيرة الكاميرااااااااااات تقولي

 

[جاي وحليب]

يالبا قلبي

انا من رايي ان كانون ونيكون من افضل الشركات للكاميرات
وجوده ووضوح صورها افضل من الباجي...
وبعدها اييون باجي الشركات..

بس ماادري سألي اكثر

 

[Layz]

يالبا قلبي ..
أحسن ماركات الكاميرات كانون و نيكون مثل ما قالت جاي و حليب .. و أزيد عليهم سوني ..

 

[SabaQueen]

نعم مثل ما قالت الأخت مس يلو ،، احسن شي كانون و نيكون و سوني
نصيحه اخذي من هذه الماركات مدام انتي شاريه شاريه فخذي الزين

 

[يالبا قلبي]

مس يلو

انا سألت وتقصيت
سوني كلش مو زينه وهذا الحجي قايلياه مصور محترف
قالي عندج الكانون والنيكون وبسسسسسسسسسسس

 

[Pink GirL]

الكانون والنيكون وبس .. اسأل مجرب

 

[جروح تبتسم]

السلام عليكم

بنات اللي عندها فكره عن كاميرا كانون

Canon EOS-1D Mark II

وهذي صورتها <<< (ماعليه شكلها يلوع الجبد ادري )

بس ابي اعرف جم سعرها وشلونها اللي مجرب طبعاااااااااااااا


انا سمعت انها ب300 اول مانزلت ؟؟؟؟؟؟؟؟؟؟؟؟؟:eh_s(13):


انتظر جواب.

 

[Layz]

مس يلو

انا سألت وتقصيت
سوني كلش مو زينه وهذا الحجي قايلياه مصور محترف
قالي عندج الكانون والنيكون وبسسسسسسسسسسس

بالعكس زينة و في مصورين محترفين يستخدمونها
بس الأكثر استخدام كانون و نيكون
بس عاد مو كلش مو زينة !

أنا بعطيج هالموقع عشان تدورين صور من الكاميرات و شوفي و حكمي =)
http://flickr.com/cameras/

و بالأخير المصور اللي يصنع الصورة و ليست الكاميرا =)

و كيفج اذا انتي مو حابة سوني خلاص مو غصب ..

 

[جاي وحليب]

جروح تبتسم .. الكاميرا وايد قويه وتصويرها موطبيعي
بس اللي اعرفه انها وايد غاليه .. مو300 اكيد قاريه الرقم غلط :_)

 

[يالبا قلبي]

بالعكس زينة و في مصورين محترفين يستخدمونها
بس الأكثر استخدام كانون و نيكون
بس عاد مو كلش مو زينة !

أنا بعطيج هالموقع عشان تدورين صور من الكاميرات و شوفي و حكمي =)
http://flickr.com/cameras/

و بالأخير المصور اللي يصنع الصورة و ليست الكاميرا =)

و كيفج اذا انتي مو حابة سوني خلاص مو غصب ..

لوووووووووووووول حلوة مس يلو خلاص مو غصب

انا اتفق معاج بس هم جودة الكاميرا مطلوبة لان جمالية الصورة ما تكتمل من غير كاميرا جيدة <<== يااااااااااااااعيني :eh_s(3):

فلكر اعرفه وكل ادش اشوف الابداعات :eh_s(22):

يالا الله يسهل واشتري كاميرا كويسه خو انا يومي بسنة :eh_s(20):