شوفي حبيتي احنا بجماعتنا معروفين بدزه لازم انودي دزه عندنا / احنا تنونا امودين دزت اخوي قبل مده اطلعت اتينن وايد
حلو وراقيه اول شيء شرينا الصناديق من الرحاب المحل الموجود في السرداب عنده اشياء انتيكان وسوالف مفارش يبيع
الصناديق مع طقمه المفرش وتلبيسه الكلنكس وصوانيهم وطبعا الصندوق املبس خام شمواه ومطرز عليهم كلهم شغل ايطاليا
المعازيم واهل العروس اسئل عنهم خذينا الطقم كامل قلنا العروس تستفيد منهم بعدين وتحطهم بصالته حطينا بصناديق عبايتين
كلهم شك وحده من بيت حناين والثانيه من الفيصليه مع شيلاتهم و شرينا اربع لفات املونين و فيهم اشوارفسكي من حناين
الامارات و حطينا طقم اجناط مع شوزاتهم ماركات وحده من قوجي الفنار والثانيه من قصر الجلود وشرينا من الرحاب
طقم افوط بعلبتهم و خذينالها قمصان نوم جم قطعه من الطاهر وانور وفصلنالها ثوب صلاه وجنطته وزينا القران و
شرينالها بدلتين طلعه من الفنار حطينالها طقم دهن عود امزين من الفودري و ستات عطور فرنسيه كان كلشيء محطوط بعلبته
مازيناهم قلنا جذي احلى وحطيناهم بصناديق هذا غير الدبله الالماس شرينالها من مجمع ليلى غليري وحطينها مع دبله
اخوي بصينيه الطقم اللي يايه مع الصندوق وغير صندوق المهر اللي فيه البخور ودهن العود و اسامي المعاريس والله
احنا تعبنا فيها وكلفتا فوق 1800 دينار اهم شيء انها اعجبت العروس ( احنا انودي الساعه ماركه او شبكه اصغيره انسميها نيشان يعني ان البنيه صار بسم الصبي ان الناس اتعرف لاحد يخطبها ).
يؤيؤيؤيؤ
مااتااخذوني عرروسه ثاانيه لاخووج ههههههههههه
بجذي العرروسه ماتحتاج تجهز شي ..كل شي جبتووه وريحتوهااا
والله مكلفين ع روحكم فوق المهر هالاغراض اللي لها اول مالها تالي
صراااحه تونسووون حبيتكم وانا ماعرفتكم
اختي الكبيره حاطينه المهر لها بظرف بنك التسليف خخخخخخخخخخ
اخووي لمى دزينا مهر مرته اتذكر كان صندووق مزين وخام ستان من داخل وورد مجفف فيه بخور ودهن عود وعطر ومصحف والمهر طبعا<< تلقين الصندوق جاهز بالسووق جذي يعني احنا مازدنا شي
لاتكلفين ع رووحج وتزيدين خاتم والا سااعه ..المهر كاااافي ؛<<<جعصه خخخخخخخخخخخ:tomato2:
والله يوفقكم
