((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[sarah^_^cool]

لووووول فديتج حياتي اي تفتنين عشان تييني فرح و تاكلني خخخخخخخخخخخخخخ <<<<اتغشمر مو تصدقين عشان ما اشرب من دمج هههههه :lololoe:

 

[Ms.dndona]

Toma Yallaaa Plzzz :S

 

[ღ TőOőma ღ]

لووووول فديتج حياتي اي تفتنين عشان تييني فرح و تاكلني خخخخخخخخخخخخخخ <<<<اتغشمر مو تصدقين عشان ما اشرب من دمج هههههه :lololoe:

ههههههههههههههههههههههههههه لالا لاتخافين منها صج كاوليه بس مو لهدرج خخخخ

شكلها بتذبحني انا:dddds:

فدييتج حووبي:ggdw:

 

[ღ TőOőma ღ]

toma yallaaa plzzz :s

حبيبتي دندووونه انا بالمحاظره الحين

وانشالله العصر انزل البارت الياي نطريني اوكي

 

[عاشقة المسك]

توما عاد طولتي حبيبتي

 

[sarah^_^cool]

تومما حوبي يلا لا يوقف <<<< حنه حنه ادري

 

[jojowa]

:ggdw: يالا يا تام توووم ناطرين بارتج لا تطولين الوقت يمر و الاعصاب حدها و الترقب حده و التوقعات هم حدها و الشخصيات الي انا حاطتهم في بالي مو يطلعون مو صج ترى ازعل :0bee2e8d89: لأني وايد استانست عليهم و بس انتي شطورة و ماراح تنطرينا أكثر :33_1185028183: ​

 

[ღ TőOőma ღ]

الجزء العاشر


سعود قاعد بغرفته يبدل حق النادي..تذكر ان بدر كان داق عليه جم مره واهو نايم((اكيد تأخرت عليه وراح بروحه..او يمكن بعده ماطلع خل ادق عليه اتأكد...))..

سعود:الووو ها بدير..

بدر:لاا لاااا...غلطان توالناس..سعودو وينك انت ادق عليك ماترد؟؟ترا طولت علي ماقدرت انطرك الصراحه و رحت بروحي

سعود:ايا النذل احين عشان تأخرت نص ساعه تخليني وتروح؟؟يصير خير

بدر:ههههههههههه كاني تحت انزل ناطرك

سعود:انت ماتيووز عن سوالفك هههههههههههههه

بدر:شسوي يعني لازم اكشن شوي..!!

سعود:يلا تت الحين دقايق ونازلك.....


((سعود كان لابس تريننغ...اسود بأبيض على شعار يووفنتووس))..



بالسياره سعود و بدر.....

((بدر كان لابس بنطرون تريننغ اسود فيه خط اخضر فاتح وتي شيرت اخضر عشبي على Puma))


بدر:مره ثانيه لاتخيس نوم هالكثر شنو ماتشبع نوم؟؟

سعود:شسوي بعد من التفكير...

بدر:لايكون على نفس السالفه؟؟

سعود:أي نفسها في غيرها؟؟

بدر:وليييي عاد انت لي متى جذي؟؟موغصب اهو تمشي كل شي بمزاجك افهم شكلها مومالت هالسوالف

سعود:انا ادري شقاعد اسوي ومينون اذا ضيعتها من ايدي...واصلا شكلها بدت تستجيبلي خخخخ

بدر:ههههه أي انا بسكت بس اذا صار شي قولي لاني مالي خلق مخك القفل

سعود:تكفه دكتوره فوزيه فكنا الحين وسوق وانت ساكت..!!

بدر:آآححمم...الشرها على اللي يسولف وياك ادق على الحب احسنلي

سعود:يكون احسن بعد...ههههه مادري شلاقيه فيك حلايا زلفك

بدر:عاد كلش ولازلفي لاتغلط عليه

سعود:ابلع العافيه بس

بدر:..بلعتها...زين جب بدق عليها

سعود:دق منو رابطك هههههههههه

بدر:اعلمك بس خل اخلص....

سعود:اقول ودني البقاله اللي يم بيتنا دقيقه

بدر:بييييييه طفناها شفيك مفهي؟؟!!

سعود:زين روح أي وحده بالفريج..

بدر:اووكي هناك في وحده انطر...

((وصلو بقاله كانو متيمعين فيها نص هنوود وشغالات الفريج..))

سعود:شدعواااا بقاله ولا السفاره الهنديه..هههههه

بدر:ههههه شسالفتهم الظاهر قامو توهم بيقصون الشريط...خخخ

سعود:اقوول خل انزل انا لانتأخر...

((نزل سعود ودش داخل البقاله وخنقته الرييحه))..

سعود:ايييفففف شهالريحه بقاله ولامسلخ...

راح خذاله2ريد بول ويا ككاوه المفضل سنيكرز وتويكس حق بدر...

طلع برا دور بدر مالقاه....

سعود:اووهووووو وين ذلف هذا ومخلي الـ......

((شاف حوالين سياره بدر متيمعين خدم الفريج ومطيحله سوالف وياهم))


بدر مخلي فرح عالخط و مسند ظهره على سيارته يكلم الهنديه:يعني انت في ماما كبير بس؟؟ماكو نفر بجا..؟؟

الهنديه:ماما وازد كبير مريييز و كلا بجا في زوز<<<تزوجو

بدر:ماكويسوي جنجال..؟؟..ليش بابا كبير ماكو نوم في بيت..؟؟

سعود طقه:انت هيييييي شنو فاتح مكتب خدم هني؟؟شفيكم ميمعهم جذي جنك بتحازيهم هههههههه صج موصاحي

بدر:انت طولت داخل قلت خل نسولف شوي خخخخخ

فرح عالخط:انتي هيييييييييييييي

بدر نساااهااا وقعد يضحكون اهو وسعود ودشو السياره وكل الهنود يأشروله ويسوونله باي...

سعود:هههههههههههه الحمدلله والشكر ليش انت موصاحي؟!!

بدر:اصلا يحصلك حبيبي

سعود:زين يحصلي امش وانت منطم...هاك اشرب

بدر:زييين فكرت فيني

سعود:ييبه ييبه صج انك موكفو

بدر:هههههههه نتغشمر شفيكم كلش روحكم مو مرحه خخخخ

سعود:ههههههههه والله موصاحي انت....جنه تلفونك قاعد يطلع اصوات؟؟؟

بدر تذكر:اووووووووووووووف شلووون نسيييتها هذي هههههههههههه

سعود ميت من الضحك...

فرح معصبه حدها:الحيييين صارلي سنه مخليني عالخط ومجابل الهنووووووود؟؟؟انت شنوووو ماتفهم

بدر:ههههههههههههههههههههههههه اسف والله نسيتج ههههههههههههههههههههه وليش ماصكرتيه عيل هههههه

فرح:لاوالله وتضحك بعد؟عاجبك اللي سويته يعني..!!ناطرتك جني حماره عالخط وانت مطيحله سوالف ويه الخدم؟؟؟(((تصرخ))شنووووووو ماااكو احساااس

بدر:هههههههههههههههههه خلاص يبا درينا قلنا اسفين اخ فرج حقك علينا..

فرح:والله ماكو فايده فيك...موصاحي انت ولا موصاحي؟؟اذا موصاحي تعال قولي..!!

بدر:هه هه هه يمه يمه بموت من الضحك هههههههه

فرح:وااااااااااااي

بدر:ههه خلاص مصختها اسف..خل اصكره الحين اذا طلعت من النادي ادق عليج اوكي

فرح:آآآف زين زي نيلا باي

بدر:باي ههههه

سعود:مادري على شنو تبيك ويه ويهك

بدر:اسملله عليك مقصر انت يعني...ههههههه

سعود:اقول انطم بس







((عند فطوم وفجر))....

فجر:امبي حلفييييي هههههههههههههه حرام مسكين وانتي صج خبله شهالفلم اللي مألفته اشكره فلم هندي و تأليف بس اهوا الغبي اللي صدق

فطوم:أي والله صيده ماتوقعتها تمشي عليه ولا انا كل مااشوفه يتجاوب قاعده ازيد الجيله خخخخ

فجر:وواااي اهم شي ريحتيني الله يريحج

فطوم:بس ماتوقعته خواف جذي ههههههههههههه

فجر:أي تصدقين كان مسوي نفسي قوي..!!طلع خرطي

فطوم:مالت عليج وعلى حبيبج اللي نفس ويهج يالفلبينيه

فجر:انا فلبينيه؟؟اوكي...طلعي بره

فطوم: هئ اطلع برا؟؟!!قدها..؟؟

فجر:أي قدها

فطوم:حــلــفي؟؟

فجر:وااااللللللل

فطوم:شفتي شلون خوافه ههههه

فجر:اكلي تبن لانج بنت خالتي بسامحج بس

فطوم:هعهع عبالي بعد

فجر:وييييييي ماقتلج شصاار مع ميسووووو

فطوم:شصاار

فجر:امي طاحت عليها للمره الالف تكلم مشاري تخيلي؟؟وفوق هذا بغت تييبها بيتكم

فطوم:امبييييي..!!حلفي؟؟؟لا حرام جذي والله لي متى يعني؟؟وليش تييبها بيتنا؟؟

فجر:بغت تسويلها سالفه شطولها وتفضحها بس مادري شصار بعدين

فطوم:وعليه عليها...فجور والله ميس تكسر الخاطر..!!تلقاها من محمد ولا من مشاري؟؟

فجر:عاد محمد سالفته سالفه بس لو مومشاري جان ميس الحين ميته اسملله عليها؟!

فطوم:هاو ليش؟؟..لاتنسين ان مشاري كان له دور كبير بسالفه محمد وميس يعني لو مومتعرفه على مشاري اختج هالهبله جان ماصار كل هذا وجان للحينها ويا محمد...بس اهي صج غبيه هذا عقاب لها من الله يعني تحب واحد وتكلمه تروح تكلم واحد غيره ليش..؟شنو ستفادت من ورا هالمشااري...؟؟


فجر:عدل كلامج...حتى اهي ماكانت تعامله عدل..اهوا عطاها ويه واهي قامت تتمادى ياما نصحتها بس ماكو فايده

فطوم:انا كرهت اختج الصراحه من معاملتها ويا محمد وتستاهل اللي سواه فيها لان اهيا ماعرفت تحافظ عليه

فجر:أي صح تستاهل...بس تدرين هم حرام..ماشفتي حاالتها شنو كانت لمن تزوج...والله تكسر الخاطر صج تحبه وبيني وبينج الواحد مايحس بقيمة الشي الا اذا فقده

فطرم:زين اهي ليش تكلم مشاري وتبيه للحين عقب اللي سواه فيها؟؟

فجر:يمكن لان اهوا اللي عوضها عن محمد.!!

فطوم:خوش تعويض..من اول ماكانت ويا محمد شوفي ولا مره امج طاحت عليها بس مع مشاري عدي وخربطي..!!وهم تبيه هالغبيه

فجر:فطوم لو مكانها بتحسين..موسهله تنسين احد لازم تعوضين نفسج بواحد عشان تقدرين تنسينه ترا هالشي مو سهل والله خصوصا اذا كنتي تحبينه واول حب بحياتج.!!

فطوم:انا معاج بس...ماادري ياربي اختج تغيرت وايد من عقب سالفة محمد..احس كلا من مشاري اهوا السبب الرئيسي بالي قاعد يصير..

فجر:أي صح بس شلون؟؟

فطوم:غبيه انتي...؟؟اول شي خلاها توقف قيدها عقب اول سالفه اللي صارت لمن امج بغت تين حتى طلعه كانت ماتخليها تطلع...ولمن درى انها تكلم محمد وقام يسبها وسوالها سالفه ودق على امج وقام يغلط ويسب ويطول لسانه جنه واحد من ربعه مو كبر امه...وو لمن يعصب على ميس ويتبلى عليها ويغلط ويسب ومادري شيسوي والله لو بتكلم لي باجر مراح اخلص انتي عايشه معاها وتدري بلي قاعد يصير..!!

فجر:أي صح والله لو مكانها جان خليته يولي..فوق كل هذا للحينه يضرط ويقول انتي وانتي ومادري شنو وانا متحملج مو جنا اهي الي تحملته وللحينها ساكته...بس مو حبا فيه انا ادري انها قاعده تكلمه لان اهو اللي قدر يعوضها عن محمد

فطوم:أي عاد هالكلام صح 100%..فجور ميس ماعندها احد يقدر يعوضها لاتقولين انتي اخوانج امج ابوج ترا هالاشياء مايقدر يعوضها غير وااحد طقته وانتي فاهمه يعني شقصد؟؟فاهمه ولا لا؟؟

فجر:فهمت أي بس...شنو يعني واحد طقته؟!

فطوم:يعني مثلا حبيتي واحد وهديتيه...منو يقدر ينسيج ياه؟؟اكيد حب ثاني..يعني تحبين واحد ثاني فهمتي؟؟

فجر:اهااا..اي أي فهمت..والله ترا محد حاس فيها كثري..ماتعرفون شنو حالتها والله العظيم من حزت السالفه اللي مع محمد وكل يوم بليل انا اسمعها تبجي بغرفتها..حتى اغراضه للحين حاطتهم بجيش بغت تقطهم بس مخليتهم عندها مادري شحقه..!!

فطوم:عاد انا موفاهمه شي واحد اهو ليش سوا جذي مره وحده؟؟يعني شلون شنو كان صاير بالضبط هذا اللي مافهمته عدل...؟؟

فجر:يالخبله لان شاف ولــ....

((ام سعود دشت تناديهم عشان ينزلون))

ام سعود:فطوم يمه جعفر برا ينطرج

فطوم:اووه هذا صج غبي قايلتله ابراار بتييني

فجر:دقي عليه قوليله خل يروح

فطوم:آآف اوكي خل انزله احسن عشان بالنعال مره وحده





((بيت بو بدر))...

ام بدر تنادي بدر كان توا راد وصاعد غرفته:بــــدر...بــــدور احاجيك انا شفيك ماتسمع

بدر يتكلم بالتلفوون:فرووح انا اخلص من امي وادق اوكي

فرح:اووكي انطرك مو تطول..

بدر:اووكي باي

بدر:هلااااا ام بدر وينج من زمان مادري عنج شدعوا لاحس ولاخبر ماتسألين ماتقولين عندي ولد اسأل عنه اشوفه ميت عايش شيبي شنو مايبي...

ام بدر:بس بس موقت هالسخافه الحين تعال اقعد ابي اكلمك بموضوع...

بدر:افا والله...وبسرعه ترا حدي مستعيل

ام بدر:اقعد بكلمك اول

بدر:يعني من غير ماتقولين ادري شتبين تكفين احنا عندنا غير هالسالفه؟؟

ام بدر:زين تدري...

بدر:أي واقولج زواج الحين ماني متزوج فهموو عاااد

ام بدر:انت بكيفك اخاف؟؟اسمع عن منو قصدي بعدين تكلم..البنت تطيح الطير من السما..جــ..

بدر:ياااخي بعرف شي واحد بس..منو اللي يبي يتزوج انا ولا انتي؟؟

ام بدر:انت اللي افهم...بفرح فيك بشوف عيالك يه مايصير جذي صارلي سنتين ساكته عنك ماكو فايده شتبيني اسويلك يعني

بدر:يمه تكفين لاتحنين علي لا اهون كلش وماكو شي غصب قايلج مابي يعني مابي الحين انسي خلااااص لي فكرت وقررت اني بتزوج راح ايي واقولج تروحين تخطبيلي زين جذي يلا مع السلامه

ام بدر:بـــــدر...

((بدر مشى عنها وراح غرفته دق على فرح))

فرح:هلاا بدووري

بدر:هاا طولت

فرح:أي شوياا..شتبي امك؟؟

بدر:شتبي بعد ماكو غير هالسالفه تزوج وتزوج..كل يوم طالعتلي بوحده يديده..

فرح:ولااايكون وافقت؟؟؟

بدر:ههههههههههههههه شنو اوافق ليش اهما يايين يخطبوني؟؟؟ههههههههه مادري ليش لمن اكلمج احس اني مره..!!

فرح:اووه وانا شقايله؟؟؟قلت شي غلط؟؟يعني شيقولون اكيد بيقولون جذي ولا في كلمه ثانيه مثلا؟؟

بدر:هههههه لا اسف اخوي حقك علي...انا الغلطان خخخ

فرح:واااااي بـــدر..

بدر:عيوووونه

فرح:لاتسوي جذيييي

بدر:ههههههه انشالله وتكفين مولايق عليج الدلع لاتتدلعين احسن خخخخ

فرح عصبت:اعلمك

بدر:أي ماقلتيلي دادي شنو قالج لمن شريتي التنوره هذيج؟؟ماعاقبج وخلاج توقفين يم الطوفه؟؟

فرح:هه هه هه تتطنز حظرتك؟؟

بدر:هههههه شدراني عنج بعد تسولفين سوالف مادري شلون...؟ تحسسيني ترف خخخ

فرح:زين بسك تحلطم...عااد تدريييي خذيتها ومازفني بس زعل مني مادري ليش

بدر:ويييييه؟؟حلفي؟؟زين الحين شبتسوين مايسيييير جذي

فرح:والله مادري شسوي يعني برايك اتأسف؟؟لاماكوفايده

بدر:لالاعندي حل احسن...

فرح بلهفه:صــــج؟؟!!شنوو قوول

بدر بدا يتنرفز بس مستانس منها يحسها بريئه:شرايج..تشتريله ورده..

فرح حست ان يطنز عليها:لااااا بدر!! لاااااااولله ؟؟؟

بدر:شدراااااني عن امج!!!اقولها لاتسولفين جذي وهم تسوولف ماكو فايده ههههههههههههه والله بيبي انتي

فرح:أي شايف بحلجي مصاصه وامشي

بدر:هه هه هه تنكتين حظرتج؟؟

فرح تضايقت:...أأ..شكو...

بدر:ههههههههههههه شنو انتي ماكو ثقه بنفسج

فرح:اوووه بدر انت تحبطني شسوي

بدر:تعالي شلون سيارتج..تصدقين شتقتلها خخخخ

فرح:ههههههههه شفيك على سيارتي انت بسك ملاقه مادري جنه محد عنده رنج بالكويت غيري

بدر:مو عن سيارتج بس عن لونها الحلي جنه سيلانيه مسويه تان.. يعني مادري شنو كنتي تفكرين فيه لمن خذيتيها كااااااااك

فرح:اووه لاااتعيب على سياااارتيييييي...

بدر:شسوي باطه جبدي وشوي شوي بطيتي اذوني..!!

فرح:وانت شكوووووو خوو سياارتي شحاارك انت

بدر:خووو كيفييييي شتبيييين انتيييي ههههههههههه

فرح:اووه

بدر:ههههه شكثر تتحلطم هالبنيه....

فرح:كيفي...انا بروح الحمام وارد وصخت ايدي كلها ككاو كان ذايب ههههه

بدر:ياااهل انتي تاكلين وتوكلين هدومج وتوصخين وحالتج حاله جم عمرج سنتين..؟؟هههههه..روحي انشالله ينقفل عليج باب الحمام خخخخ

فرح:اوووه بدووووور ترا تنرفزززز

بدر:انتي كلا متنرفزه ومنغثه ومعصبه متى كنتي صاحيه انسه كاوليه خخخ

فرح:آآف...زين خلاص بسكت

بدر:هههه اتغشمر يالصخله اسف

فرح:دفش ياربي دفش شنو صخله اوووووف لاتنرفزني شنو شايفني ريال حسسني اني بنيه اووف؟؟

بدر:ههههههههههههههه شسوي احب اتحرش فيييج تونسين...شلون احسسج انج بنيه يعني؟؟؟نسولف عن الشعر ولا الصبغ ولا شتبين عادي كل شي اعرف...!!

فرح:ههه هههه هههه زين سولف نفس الاوادم..

بدر:..أحــــبــــج..

فرح قلبها ذااب:.........انا بعد احــبــك









((غرفه ميس...))..


سجى:شافته الله يسلمج بفرايديز لمن كانو طالعين ذاك اليووم مع سموو لمن قلتلج تذكرين؟؟وجذي بدا يصادفها لمن قبل جم يووم شافها بالجمعيه!!كان عند باب بيتهم تخيلي؟؟ولاا بعد عطاها رقمه و هم مطلع كل شي عنها شوفي الحب ومايسوي مو احنا مالت علينا ههههههههه

ميس حست جن احد طقها طراق:.............سجى...؟؟لحظه شوي شوي مافهمت...!!الحين وين شافها اول مره؟؟

سجى:شفيج قايلتلج السالفه انا..!!بفرايديز اول شي

ميس صبرها بدا يقل:زين؟؟؟؟؟؟؟بعدين وين؟؟؟؟

سجى:بعدين صادفها بمرينا وبعدها بجم يوم كان يلحقها من بيتهم لي الجمعيه..عاد هني عطاها رقـ...

ميس منصدمه((دلااااااااال؟؟))وعيونها غورقت:............

سجى:مــــيـــــس؟؟؟؟شفيج قلت شي زعلج؟؟؟

ميس لمتها وقامت تبجي((دلال؟؟دلال؟؟؟؟؟ليش سعود شمعنى رفيجة سجى والله بتموت اذا درت..ليش لييييييييييش..اللي قاعد يصير موطبيعي..انشالله اكون بحلم ياربي مستحيل كل هذا يكون صج..))

سجى خافت:ميس ردي علي شفيج؟؟؟ليش تبجين شقلت انا؟؟؟؟ميس ردي علي ردييييي..!!

ميس:..................................

سجى خافت عليها وقامت تبجي:ميس شفيج؟؟؟؟؟قوليلي شفيج؟؟؟

ميس مو قادره تتكلم:..............

سجى تبجي:ميس الله يخليج لاتسوين بنفسج جذي..مااتحمل اشوفج بهالحاله عشاني لاتبجين....بس قوليلي شفيج تكفين ميس عورتي قلبي..

ميس((شقوولج سجى شتبيني اقووول؟؟))..:سجى...وعديني انج ماتخليني برووحي..ومهما يصير لاااا تتضايقين والله محد يستاهلج سجى.....انتي ماكو منج.....حرااااام اللي قاعد يصييير خلااص بمووت والله مااتحمل مااااااااااتحمل

سجى موفاهمه:ميس اسملله عليج..!!ليش تقولين جذي؟؟؟موفاهمه شي شنو اللي مااستاهل..؟؟ميس تكفين ردي علي خلاص...

ميس:خلاص....مــ....ممــ..ـافيني شــ..ــي..!! تكفين سجى...ابيج توعديني

سجى:اوعدج بشنو؟؟

ميس:انا خايفه ان بيوم من الايام الله لايقوله يصير فيج مثل ماصار فيني وتنكسرين...وعديني سجى ان مهما يصير اتمين قويه لاني والله خايفه عليج...

سجى:صج ماعندج سالفه الحين هذا اللي مضايقج...؟؟وانا قويه اصلا خخخ...وبعدين شفيج تفكرين جذي يعني انا متى حبيت احد او كلمته..؟؟لاتخافين ما احب احد غير واحد وانتي عارفته عدل ومااتوقع منه هالشي ههههه...

ميس تحس روحها بتطلع((تكفييين لاتعورين قلبي زياده..اللي فيني كافيني وزود..شقوولج؟؟.تبيني اقولج ان سعود يحب دلال؟؟...ولا اخش عليج لمن تعرفين بروحج وتلوميني؟؟شلون اخلصج من هالمصيبه اللي طيحتي نفسج فيها؟؟..شسوي.!!احترت والله احترت...))

سجى:ميس مسحي دموعج خلاص وامشي معاي خنقعد تحت موحلوا 24 ساعه فوق يشكون بعدين وانتي موناقصه ولاتنسين يسوف متحلف فيج..

ميس((محد هامني الحين..!!بقا شي ماصار..؟؟........يوسف!!..شبيسوي اذا درى انج تحبين سعود..؟؟آآف يااربي انا شسويت بدنيتي عشان كل هذا يصيرلي...؟؟))


سجى:ميس...ميس...!!

ميس:وياج

سجى:قومي غسلي ويهج يلا...انا انطرج تحت...!!

ميس:والله مشاري محتاجتك.......محمد ليش خليتني بروحي...يارب اموت وافتك من هالعذاب اللي انا عايشه فيه..!!





سجى نزلت تحت بالصاله كلهم كانو موجودين....

سجى شافته قلبها طق:السلام عليكم...!!

الكل:وعليكم السلام...

سعود:هلا والله سجى..شفيكم منخشين فوق مانشوفكم ههههه

سجى مستانسه((وااي والله حتى انا ودي اجابلك 24 ساعه..))..:ههه مادري استحي

يوسف((من اشووفج انسى كل همي والله..))..:شدعوا تستحين منا؟؟

ام سعود:وين ميس ؟؟

سجى:ميس بالحمام كاهي نازله وراي...

بوسعود:أي خل تنزل من زمان مو قاعد معاها مادري شسالفتها صايره مو نفس قبل...؟؟

يوسف((انا اللي راح اعرف شسالفتها..))..:لاا ظرووووووف

ام سعود((وفتكم هذا..))..:أأ..فجر ماما قومي نادي ميس...

فجر:انشالله...

سعود:تعالي يالفلبينيه...

فجر:آآف خييير..

سعود:تعالي..ولاتأفأفييين لااصووقج كووع اطير ويهج..ييبي تلفوني من غرفتي يالله..

فجر:مكتوب على يبهتي ميري انا..؟؟

يوسف:هه ههه وه وه وه قامت تنكت بعد ههههههههه

بوسعود:يوز عن اختك..

فجر عصبت وراحت فوق...

سمعت صوت ميس تبجي بغرفتها.....

فجر:ميس؟؟؟؟شفيج

ميس:فجر...((قامت تبجي زياده))

فجر خافت:ميس شالسالفه؟؟؟شفيج تكلمي؟؟

ميس:.........خلاص فجر خليني بروحي

فجر:وبعدين معاج مرا تشيلينه من بالج يعني كلام وتكلمينه بعد شتبين ناقصه سوالفه انتي؟؟!!

ميس((الحين شيارب طاري مشاري..انا وين وانتي وين))..:اوكي روحي الحين خل انزل لاتقعد امي توسوس موناقصه حدي..

فجر...:كييفج..وراحت غرفة سعود تييب تلفونه...


بالصااله....

ام سعود:ميس وين كنتي كل هذا؟؟

ميس:بالحمام...

بوسعود:تعالي قعدي يمي مشتاقلج

ميس:انشالله بابا..((منو يحس فيني غير محمد اهو الوحيد اللي كان يينسيني كل شي...انا استااهل))..

يوسف يطالعها..((يا انا يا انتي..)).:شفيج انتي صاير معاج شي بس شنو الله واعلم..!!

ميس:مافيني شي

ام سعود:انت متى بتيووز عنهم كل شوي مستلملك واحد ماتعرف تقعد وانت ساكت..؟؟

سجى انحرجت...:..خالتي امي تسلم عليكم..

ام سعود:الله يسلمها انشالله...

سعود:وينها هذي كل هذا تييب التلفون؟؟

ناداها سعود:فــــجـــــر..!!!


((بغرفة سعود..))


((فجر توها بتاخذ التلفون ولا يرن...طلت ولا رقم غريب قاعد يدق..))

فجر:بسملله مداني ايي القاه قاعد يرن هههههههههههه


خذته بسرعه وراحت تحت ركض.........

فجر:سعووووووووود تلفووونك يررررن

سعود:زين شفيج ينيتي شوي شوي لاتطيحين شنو اول مره تشوين تلفون يرن؟؟

فجر تاخذ نفس:خوو شدراني...بس......قلت...يمكن.....احد....ناطره....لان.....

سعود:زين زين خلاص...عطيني اشوف...

شاف الرقم((رقم منو هذا....اكيد فوازو كل شوي طالعلي برقم يديد خخخ..))

دق على الرقم....



بعد رنه....2...........3.............4

ياله صوت بنت بس كانت متوتره........

قام بسرعه وطلع بره....


....:الوو؟؟

سعود تنح:........

....:الو؟

سعود هالصوت موغريب:..هلا والله...منو معاي؟؟

......:أأ.....اناا.....

سعود:انتي منو؟؟؟

...:.....انا.....


سعود:تكلمي شفيج؟؟؟منو انتي؟؟


.....:سعود انا شروق....!!


سعود انصدم....:شرووووق؟!؟!؟!؟!

شروق:أي سعود انا كنت بقولك.....

سعود:انتي شتبيييين داقه؟؟؟يرحم امج شتبييين؟؟ماافتك منج يعني وراي وراي؟؟

سروق:سعود شفيك خلني اتكلم انت...

سعود:وقت اللي لقيت غيرج وبديت انساج تردييين؟؟ليش؟؟شذكرج فيني الحين؟!

شروق:مابي شي بس اشتقتلك سعود انا احبك موقادره انسااك افهمني..!!

سعود:اكلي تبن يالحقيره....عقب شنو تبيني؟؟عقب شنوووووو؟؟ لج ويه انتي..!!

شروق:اسمعني...انت فاهم غلط لان...

سعود:جب....مابي افهم منج شي ولا بسمع مبررات انا خلاص لقيت غيرج احبها وابيها انتي صرتي ولا شي عقب ماكنتي كل شي...

شروق:سعود حرام عليك انت فاهمني غلط والله ماكنتــ...

سعود:مااالي شغل فاهمج غلط فاهمج صح هذا مووشغلي الحين...كااااان يهمني اووكي بس الحين لأ فاهمه؟؟مابيج فهمي طلعي من حياتي بنسااج كافي شروووق كاافي

شروق:سعود الله يخليك اسمعني...

سعود:مااني ساامعج ذلفي ولااشووف رقمج....

((سكر الخط بويهها))........


توا بيدش ولا يدق عليه رقم غريب...مانتبه بالرقم من كثر ماهو معصب توعها شروق...

سعود:انتي وبعديـ..

....:الوو؟؟






((داخل بالصاله))


ام سعود وبوسعود صعدو فوق ينامون وفجر ويوسف وميس وسجى يطالعون تلفزيون...

يوسف:اقول سجى..

ميس((الله يستر))

سجى:هلا..؟

يوسف:شلون دراستج؟؟

سجى((شكله بيسولف بس مايدري شلون))..:الحمدلله ماشي الحال

يوسف:ايي زيين عالاقل تداومين مو قاعده فالبيت..

ميس((وييييييع هالغثيث بدا يقط نغزات))

سجى((وقته هذا يعني..))..:ممم تعال انت شلون دوامك؟؟

يوسف:تمام ماشي الحال بعد

سجى:ميس شرايج نقوم ننام؟؟((وتغمزلها))

ميس:ايي والله حدي دايخه وهني الجو كئييب حدا

يوسف:زين قومي لااقومج بفناقر...كئيب ها؟؟يصير خيييير يصير خير

ميس:اوووهووو..يلا سجووي تعالي فوق سولفيلي عن السالفه اللي قبل شوي((وتخز يوسف))

يوسف((الحين شيسكت مخي...اموت واعرف سالفه شنو))..:أأ..توالناس

ميس((ههه اشتغلت الدوده عنده..يستاهل))..:يلا سجووي امشي

سجى فهمت عليها:هههههه اوكي يالله تعالي اسولفلج فوق بروحنا احسن من الصاله خخخ

يوسف((اعلمج يالتبن ادري فيج لعينه كل هذا عناد))..سوا نفسه مومهتم..:اييه عيل..تصبحون على خيير



((ميس وسجى مشو الغرفه واهما يضحكون عليه))...

سجى:والله اخوج يضحك هههههههههه نكته

ميس استانست حست ان في امل تحبه..:ههههههه أي من صجج اصلا يوسف خوش واحد..لاتشوفينه جذي ترا وايد فيه صفات حلوا كافي اخوي جميل خخخ

سجى:مو اجمل من سعود خخخ

ميس((ماقوول الا ماااالت على الحظ الردي))..:أي هه هه





((سعود يتكلم بالتلفون))....

...:الو؟؟

سعود قلبه يطق:الو؟؟؟

...:..أأ...انا دلال...!!

سعود قلبه نط من مكانه وده يصاارخ مومصدق:دلااااااال؟؟؟اخييرا سمعنا صوووتج؟؟ مابغيتي تدقيين والله ماتصدقين شكثر ونستيني والله..

دلال انحرجت اول مره تكلم واحد:أأ..سعود شوي شوي علي ترا مومتعوده..

سعود:فديتج والله شنو اللي معلقني فيج اكثر غير هالشي؟؟؟

دلال:...تسلم....

سعود:زييين فكرتي تدقييين..

دلال:أي شسوي..هههه

سعود:والله انتي غاليه مو أي احد يقدر يوصلج وياحظي انا اللي وصلتلج...

دلال استحت حدها تمنت انها مادقيت:ههههه...تصدق حتى انا حسيت فيك شي غيير..من اول ماشفتك فيك شي شدني

سعود استانست تجاوبت معاه:هههههه صج؟شفتي شلون؟؟قلبي على قلبج..!!



((تمو يسولفون مع بعض ساعتين بالتلفوون وماحسو بالوقت))





((غرفه ميس))

سجى:تصدقين قاعده ادق على دلول ويتنغ اول مره ماترد علي..؟؟الظاهر سوتها ودقت هههههه

ميس قلبها وقف:أي شدراج يمكن تكلم احد من اهلها او رفيجتها

سجى:لاا انا اعرفها لو احد من اهلها جان على طول ردت علي..بس شكلها لاهيه هههههههه زين سمعت كلامي...

ميس((اييي صح شلون نسيته سعود من اول مارد عالتلفون للحينه برا)) ماتدري شتسوي...:أأ...سجووي...بروح تحت اييبلنا ماي وارد اوكي دقيقه مراح اطول..

سجى:اوكي..؟؟في مطبخ هني ليش تحت

ميس:ها...لاء بس اللي هني مخلص ابي من تحت..يلا نطريني...



((نزلت ميس تحت واهي خايفه))

ميس:ياابي وينه هذا...((كاهو قاعد يسولف..بس انشالله مو اهي...ماري ليش قلبي ناغزني..انا متأكده انها دلال...))


ميس قعدت تتسمع ورا الدريشه اللي بالصاله تحت.....

سعود:ههههههههه تصدقين حتى انا فكرت جذي؟؟...........اي والله ادري وانا اسف صج بس حزتها ماكنت عارف شلون اتصرف............والله عاد من اول ماشفتج على طول دشيتي قلبي حتى انا مادري شصار فيني...!!



ميس شهقت ورجعت لي ورا:امبييي؟؟شلون الح....


ماوعت الا بواحد مسكها من ايدها.......


ميس:يــمــــه...!!!خرعتيني شفييج

سجى:ههههههههه..شدراني عنج قلت شفيها هذي كل هذا تشرب ماي شنو حاشج جفاف..!!خخخ

ميس:ههههههه لااء..بس..

سجى:ليش واقفه هني..؟؟شعندج قاعده تتسمعين على منو صارلج سنه تطلطلين من الدريشه..!!وخري خنطالع...وااي كاهوو سعوووود..ليــ...

ميس بسرعه:سجى ذكرتينيييييييي

سجى:بشنو ذكرتج؟؟

ميس:امشي فووووق بسرررررررعه..!!

سجى خترعت:اوكي



((بغرفة ميس))

ميس:اليوم مشاري قايلي كلميني بليل ضرووري مادري شعنده

سجى:صج..شيبي...؟؟

ميس:مادري..بس خل سعود يصعد غرفته ينام بعدين ادق..

سجى:ليش وينه سعود؟؟للحين براااا؟؟!!

ميس بترقع:أي مادري شعنده صايره سالفه حق رفيجه الظاهر وقاعدين يحلونها خخخ..

سجى:اهااا..!!


((رن تلفون سجى..))

سجى:هذي دلووووول.....الووو.؟؟انتي شفيييييج؟؟ادق عليج وماتردين؟؟كل هذا ويتنغ منو كنت تكلمين هاا؟؟اشووفج نسيتيني...

دلال:هههههههه شوي شوي بسملله كليتيني...!!بس والله ماقدرت اسكره حسيت فشله..

سجى:ليش منو كنتي تكلمين؟؟

دلال:هههههه اللي قلتلج عنه..!!

سجى:حلفيييييييي؟؟زين شسمه وجم عمره ووين ساكن ووين يدرس؟؟!!

((قبل لاترد دلال ميس على طول نقزت عند سجى..))

ميس تصرخ:سجوووووب سكرييييييه بسررررررعه بكلم مشاااري

سجى:وييه ميس شفيج اليوم نطري...اي دلول.؟؟

ميس:اقوولج سكرييي الحيييييييين

دلال:هههههههه خلاص سجو اشوفج باجر واسولفلج عن كل شي

سجى:ههههههه اوكي بس خل اصكر حلج اللي يمي

دلال:ههههه باي وسلميلي عليها

سجى:الله يسلمج قلبي باي



ميس:واخيرا يعني؟؟؟

سجى:هههههه شفيج تحسسيني اني ريلج؟؟...هاااج دقي عليه خلصينا

ميس((آآف انشالله مايكون اللي فبالي صج وتطلع دلال اهي نفسها..كل شي صار يأكدلي هالشي..بس انا لازم اكلم دلال قبل لايوصل الخبر حق سجى...))

ميس:عطيني اشووووووف

((دقت على مشاري))...

مشاري:مااابغيتيييييييييييييي

ميس:شسوي والله بالغصب دقيت

سجى:يمه منج

ميس تأشرلها سكتي شوي...

ميس:شلونك؟وااي ولهانه علييك والله

مشاري:تمام حبيبتي ولاتخافين مراح تولهين علي مره ثانيه.!!

ميس ستغربت وخافت:لـيـش؟؟؟؟

مشاري:طلعي برا بسرعه..!!​

قعدت سنه عشان اكتب هالبارت لووول خليته طويل شوي انشالله يعجبكم سووري حووبي بس هذا حدي لان عندي البروجكت توني باديه فيه ادعوولي :ggdw: و ثاانكس للمتابعين القدم والجدد ووراء الكواليس فدييتكم كلكم:klhfl:

 

[ღ TőOőma ღ]

هههههههههه شفتي حاسه فيج خخخ

ولا تحاتين اخر الروايه بتعرفون منو الصجيين

انا حدي تعبت برووح انام شوي هااف فن حووبي وسووري اذا طولت عليكم

 

[jojowa]

يسلموووو يا قلبي صج هالبارت اينن و سوري عالحنه و الرنه بعد شنسوي اندمجنا حدنا ,,

يالا حبيبتي ريحي لأن وراج بارت أطول حق باجر خخخخخخ ,,يعطيج العافيه

 

[zqertya]

حبيبتي البارت حده عجيب مشكووووووووووره

ناطرررررررررررررررررررررررررررررررينج

 

[ام فهـــد]

روووووووووووووووووووعه ناطره على ناااااااااااااااار

 

[وردة الكون]

بالتوفيق حبيبتي
مشكورة عالبارت الحلوو

حبيتي toOOma ممكن سؤال
القصه باقي لهاا وااايد ؟؟؟؟؟

 

[n00ni]

وااااااااي

هالبارت عجيب
يسلمووووووووو خيتوو

يعطيج العافيه

 

[لورا الغرام]

البااااااااارت حددده حلووو

الله يوفقج حبيبتي :*

ناطرينج

 

[XOXO :*]

هههههههههههههههههههه يالشريره :dddds:

خلاص البارت الياي راح تعرفين ولاتحاتين وايد في اكشنات للحين ماصار شي خخ:ggdw:

انتي عسل والله حبيتج :ggdw:

قوووووووووه

طولت الغيبه اتغلى عليج شوي
حسافه ما مداني اقرا البارت اليديد
امس كنت ابي اقرا و ولد اختي يمي و اللابتوب بحضني الله لا يوريج اللابتوب بغى يطيح و كنت بقط ولد اختي وراه
لوووول
ازعجني ما خلاني اكمل بس اوعدج اليوم بليل انشالله اقرا الي طافني

و الحيييين انيي للمهم يووووووووووووووسف حبيبي
اذا كان من الشخصيات الحقيقه دليني عليه بسرعه
و كتبي عن قصتي انا ويااه

حياااتي انتي العسل و حبتج العافيه :**
و موقفه بالصيفي الي ماا ادري متى بيخلص مليناااااا

 

[sarah^_^cool]

ثنكس حبيبتي ادري واااااايد نحن بس والله حدنا مندمجين وسووري على الحنه و يله ريحي و الله يوققج انشاالله
وااااااااااااااااااااااااي تعرفين تلعبين بأعصابنه يعني لازم نهايه كل بارت تشوييييق ههههههه ترى ناطرينج على احر من الجمر

 

[mano0no]

يعطيييج العافيه القصه واايد حلوة انا توني اقراها وبليييز لا اطولين علينا :eh_s(6):

 

[Ms.dndona]

Way hl part 7daa 8weee mo 9j fe a7dath hmn mo 9j
oo allaah y3enhaaa sja etha 3rft alla ystr
yslmoooooo

 

[كادي::::]

القصة رووووووووووووووووووووووعة
يلا ناطرين لا تتلخرين