ملفي الخاص للأطباق الرئيسية المميزة ..

[روحي رياضية]

خوش اطباق .. ما شاء الله ..

 

[جوري وبنفسج]

السلام عليكم

خوش اطباق .. ما شاء الله ..

حياج الله يا قلبي ومنورة الموضوع بطلتج الحلوة

اليوم سويت طبق سمج صج بنات خواتي عجبهم بس أنا ما عجبني وايد فقررت أني ما راح أنزله لأني ما أرضا إلا بأفضل الأطباق مذاق . وأن شاء الله باجر بإذن الله بسوي الربيان بس يعتمد على السوق أذا في ربيان حلو راح أشتريه وعلى طول أنفذ الطبق وأصوره وخصوصاً أن بنتي كل يوم تحن علي تبيني أسويه ​

 

[قانونية]

تسلم ايدج

صج روعه واستفدت من الموضوع عشان رمضان

تسلمين يالغاليه

متابعه دائمه لج

 

[زهرااا]

مشالله عليج صراحه ابداع

 

[غروب]

ماشاء الله تبارك الرحمن، عساج سالمه يارب شغلج حلو ومتنوع وفناتق
الله يحفظج، وأكيد راح استفيد من وصفاتج،.

 

[جوري وبنفسج]

السلام عليكم

تسلم ايدج

صج روعه واستفدت من الموضوع عشان رمضان

تسلمين يالغاليه

متابعه دائمه لج

حياج الله يا قلبي :hjy5jewf: ومرورج الأروع يا الغالية . وتسعدني متابعتج

مشالله عليج صراحه ابداع

تسلمين يا قلبي :hjy5jewf: وسعيدة بطلتج الحلوة

ماشاء الله تبارك الرحمن، عساج سالمه يارب شغلج حلو ومتنوع وفناتق
الله يحفظج، وأكيد راح استفيد من وصفاتج،.

تسلمين يا قلبي ونورتي الموضوع بطلتج الحلوة :hjy5jewf: وحتى أنا شغلج كله يعجبني وحفظت كل الوصفات علشان أطبقها كلها ويحفظج الرحمان يالغالية

واليوم بحط لكم وصفتين مرة وحدة أنتظروها بالرد التالي _03BA:​

 

[جوري وبنفسج]

أهداء خاص للغالية athora

السلام عليكم

واليوم موعد متجدد لطبق جديد

وهو أهداء خاص للغالية على قلبي athora


* باستا بالخضار وكريمة اللبنة والبيستو *

الطبق حلو وخفيف وفيه طريقة جديدة أستخدمتها ... قبل كنت أستخدم للصلصة = طحين محموس + ماي + حليب . كبديل خفيف للكريمة أو القيمر ... واليوم توصلت لطريقة حلوة وخفيفة وأحلى وأسهل بعد وهي = لبنة + ماي ... وطبعاً مع الأضافات وعلى حسب الطبق تصير عندج كريمة لذيذة _03BA:


والحين نبدي بمكونات طبق اليوم

أول شيء نحتاج مكرونة صغيرة



وهذي صورة قريبة للنوع اللي أستخدمته قبل لا أسلقه



نسلق المعكرونة ونصفيها من الماي ونحطها بطبق الفرن




ونكون بالوقت نفسه مجهزين خضرتنا وهي

كوسا حلقات مشوية + فلفل بارد مشوي ومقطع + جزر مبشور




والحين نجي لللصلصة نحتاج

لبنة كي دي دي التركية > أخترتها بالذات لأنها متماسكة + صلصة البستو




ونحتاج
كركم + ملح بالثوم + التتبيلة الإيطالية + بقدونس مجفف



والحين لأعداد الصلصة نحط جدر على النار ونضيف له ماي ولبنة




نخلط اللبنة مع الماي وبعدين نضيف لها الأعشاب والبهارات والبستو ونخلطهم عدل مدل لحد ما تصير عندنا صلصة قوامها مناسب وبعدها نشيلها عن النار



>> يتبع لحد يرد ​

 

[جوري وبنفسج]

وهذا شكل الصلصة لما صارت جاهزة





والحين نضيف شرايح الكوسا والفلفل البارد والجزر فوق الباستا










نصب الصلصة فوق الباستا




وللمسة لذيذة نهائية نحتاج الأجبان التالية = جبن تشدر مبشور + جبن موزاريلا مبشور + جبن بارميزون مطحون





نضيفهم للباستا وولمسة جمالية للطبق نضيف فوق الجبن رشة بقدونس مجفف وبعدها ندخلها فرن نكون فاتحين النار فوق



وهذا شكل الباستا بعد ما ذابت الجبنة




وأستمتعوا بأحلى مذاق للباستا وتقدرون تغيرون بمكونات الخضرة ونوع المعكرونة على حسب ذوقكم

وأتمنى أن يعجبكم ... وصحتين وهنا على قلبكم ​

 

[جوري وبنفسج]

السلام عليكم

الطبق الثاني

* الربيان المشوي بتتبيلة المنجا والصويا *



وهذا الطبق الي عجب بنتي الكبيرة وكل يوم تقول لي متى تسوينه مرة ثانية واليوم طبقت الخطوات وصورتها وحطيتها علشانكم



أول شيء نحتاج ربيان جمبو مقشر ومغسول





ولصلصة التتبيلة نحتاج = زيت زيتون + بقدونس مجفف + تتبيلة خضروات الحديقة ( شاريتها من الأفنيوز ) + صلصة صويا + جتني المنجا الحلو > مو المالح >> نحط مكونات التتبيلة بالخلاط


نتبل الربيان ونخليه بالثلاجة لمدة 3 ساعات ... وبعدها نشكه بأسياخ خشب ونشويه على الشواية





وهذا الشكل النهائي للطبق اللذيذ




وأتمنى أن يعجبكم الطبق وصحتين على قلبكم

ملاحظة >> أذا ما توفر عندكم تتبيلة خضروات الحديقة أستخدموا التتبيلة الأيطالية وضيفوا لها كم عشبة

وأنا ضفت شوية ملح بالثوم للتتبيلة .​

 

[ABEER FLOWER]

ما شاء الله تبارك الله
كل طبق أروووووع من الثاااني
إبدااااع بمعنى الكلمة
الله يعطيج ألف عاافية و يوفقج و يخليلج عيالج

 

[ABEER FLOWER]

السلام عليكم



فديتج يا قلبي على المرور الحلو والكلام العسل :hjy5jewf:

وأذا ما تحبين اللبنة عندي خلطة ثانية حلوة وعجبت بنتي الكبيرة أكثر من الربيان اللي مع لبنة وخلال هاليومين راح أطبقها وأنزلها بالموضوع ​

و عليكم السلاااام
إنتي العسسسسسل حبيبتي

تسلمين يالغالية ما قصّرتي
يعطيج ألف عااااافية على مجهودج الراائع:hjy5jewf:

 

[أم حموووود]

تسلم إيدينج يالغالية على الأطباق الحلوة وننتظر المزيد

 

[*نور الكويت*]

وااااو شغل عجيييب ماشاالله تسلم ايدج

حبيبتي ابي اعرف من وين خذيتي هالأشياء:
صلصة البستو
الملح بالثوم
التتبيله الإيطاليه
البقدونس المجفف
ويعطيج العافيه

 

[جوري وبنفسج]

السلام عليكم

ما شاء الله تبارك الله
كل طبق أروووووع من الثاااني
إبدااااع بمعنى الكلمة
الله يعطيج ألف عاافية و يوفقج و يخليلج عيالج

و عليكم السلاااام
إنتي العسسسسسل حبيبتي

تسلمين يالغالية ما قصّرتي
يعطيج ألف عااااافية على مجهودج الراائع:hjy5jewf:

فديتج وفديت مرورج الحلو يا قلبي :hjy5jewf:

وجهودي تثمر بتشجيعكم الحلو ​

 

[حور الحلوة]

تسلم ايديج يالغاليه

احبج في الله ... :friends:


:s142:

 

[جوري وبنفسج]

السلام عليكم

تسلم إيدينج يالغالية على الأطباق الحلوة وننتظر المزيد

يسلم لي مرورج الحلو يا قلبي :hjy5jewf:

وأبشري بالمزيد بإذن الله ​

 

[جوري وبنفسج]

السلام عليكم

وااااو شغل عجيييب ماشاالله تسلم ايدج

حبيبتي ابي اعرف من وين خذيتي هالأشياء:
صلصة البستو
الملح بالثوم
التتبيله الإيطاليه
البقدونس المجفف
ويعطيج العافيه

يسلملي مرورج الحلو يا قلبي :hjy5jewf:

وبالنسبة للصلصة البستو + التتبيلة الإيطالية >> موجودين بمركز سلطان واللولو هايبر ماركت

وملح الثوم والبقدونس المجفف >> بس موجودين بمركز سلطان >> فرع السالمية وشرق والفحيحيل الصناعية

وعندي طريقة للبقدونس أسويها أحسن من اللي أشتريه من مركز سلطان >> أشتري بقدونس أفرنجي أغسله وأجففه وأستخدمه أحلى وأرخص من اللي نشتريه من المحلات

وراح أحط لكم موضوع مخصوص عن تجفيف الأعشاب في قسم مطبخ كويتيات

وأذا عندج أي أستفسار ما يردج إلا كيبوردج :eh_s(6):​

 

[جوري وبنفسج]

السلام عليكم

تسلم ايديج يالغاليه

احبج في الله ... :friends:


:s142:

فديتج يا قلبي :hjy5jewf: وأحبكي الله الذي أحببتينا فيه :hjy5jewf:

وجعل ربي يسخر لج عباده وملائكته ويجعلج من أولياءه الصالحين ويرزقج الفردوس الأعلى مع النبيين والصديقين والشهداء ​

 

[حور الحلوة]

امين .. امين

ولج بالمثل يالغاليه

 

[looooly89]

امممممممممممممممم تسلم ايدج
صراحه :s142: