رد: بنات الادبي يدخلون بليز 
هلوو
آنا خلّصت 11 أدبي ، و بروح 12 ان شاء الله
و ان شاء الله يارب أرفع معدّلي و أدش الجامعه و الكليّه اللي أبيها
بصـراحه آنا بـ 11 لعبت شوّيه ، بس على آخر شيّ درست و ييبت زين الحمدلله
فـ للبنات اللي بيدشّون 11 أدبي
الجغرااافيا أهم شي درسووه أوّل بأوّل والله يحتاااج دراسه لأن آنا أهملته أوّل شي و بعدين توّهقت و حتى دشّيت امتحان الفاينل و آنا مو دارسه الفصل الأخير ، بس الحمدلله يبت زين تقريباً
أمّا باجي المـوّاد كلهم أوكي ، و الفرنسي إيّنن أول شي حده سهل مال يهالو بس بعدين يتعمّقون فيه بس همّن سهل و حلوو بس احنا أبلتنا فرنسيّه كانت و ما تعرف تترجم لنا شيّ عشان جذي ما استوعبنا الماده عدل
و التاريخ حده عجيييب آنا حبّيته بصرااحه و درسته مثل القصّه لأن اهوا يحتاج جذي , يعني الدروس ملووته فهمتهم و كأنه قصه و سبحان الله كان سهل وايد
أمّا علم النفس فإهيا أحلى مااده عندي والله إتيّنن حدهااا :*****
وااي ذكّرتووني
أوّل فتره كنت مو فاهمه المااده مع إن الابله إتيّنن حدها و تفهّم بس آنا موو فاهمه الماده قاعده اقول يعني شنو هذا مو فاهمه شي , و يبت بالفتره الاولى 35 من 50 طبعن لأني مو فاهمه و مادري شالسالفه ,, بس مع نهاية الفتره الاولى حبّيت الماده و صرت أفهمها و أمووت على الابله و قمت أشد حيلي و يبت تقريبن 84 من 100 زييين آنا استانست وايد , و بالفتره الثالثه حبيت الماده اكثر و كله أييب فل مارك بالقصير و دفتري كان حده عجيب عااجب الابله و كتبت لي فيه اني بالمرتبه الاولى بين 3 فصول حدي استانست و قمت كله أييب زين فيه :$
و بعد شنوو .. العربي غثيث استغفرالله
و الانجليزي حلوو القواعد نفس ما اهيا كل سنه يعطونا نفس القواعد الحمدلله و الشكر ,, بس السنه اليايه راح يكون الكتاب كويتي و يقولون صعب so الله يعيننااا و يوفقنا ان شاء الله
و الاسلااميه أحسّه كله اشياء مفهوومه و نعرفها لأن اصلن احنا قاعدين نتعايش معاها فـ حده سهالات
و الاحصاء واايد حلوو و ماشاء الله سهل ما فيه شيّ يعني أسهل من الرياضيات بواايد
امم .. مادري راح يعطونكم دستوور بعد ولا لأ , بس الدستور حلوو ما فيه شي بس قعدي و حفظي و كلها أشياء حلووه يعني عادي
و الحاسوب بس حفظي التقويم و دشي الامتحان هذي معروفه
بس العملي دايماً اخرّف فيه لوول
اممم بس .. و بالنسبه للاختياري ,, أنصحكم بالبدنيه ( كرة صالات ) و صحّه نفسيه بصرااحه بالنسبه لي حلوو و يبت فيهم 100 بعد
..
ان شاء الله اكون عطيتكم نبذه ولو بسيطه حق البنات اللي رايحين 11 أدبي و الله يوّفق الجميع ان شاء الله
اييه و فيه شي بعد .. شدّوا حيلكم من أول فتره والله أول فتره اهيا اللي تنزّل و تصعّد ترى ديروا بالكم آنا أول فتره تقريباً خرتها و بعدين قمت أييب زين بس درجاتي إنزلت لأني بالفتره الاولى ما كنت يايبه واايد زين فيها .
وأي استفساار آنا حاضره .
