نفسيتكم بعد العمليه "السليف. التحويل. الحلقه"

[مظلومه ياناس]

اخت القمر هونيها وهي تهون وان شاءالله عالشعور راح يروح قريبا وتفرحين بنزول وزنج ................قدامج العافيه ان شاءالله :ggdw::ggdw:
انا مركبتها صارلي سنتين والحين انا وياها ربع توالمنا وتعودنا على بعض وبعد يومين بنتفارق بشيلها:0bee2e8d89: واسوي تحويل مسار :krkrkr:
ادعولي بنااااااااااااااااااااااااااات الخوف مسيطر علي وعلى اعصابي اااااااااااااااااااخ منك يالخوف

 

[إخت القمر]

بعد عمري يامظلومة وان شالله ماتكونين مظلومة

انا قاعدة اقرى موضوعكم اذا مسويه تحزيم شاركيني وقريت قصتج من البداية وانتي ياعمري اسم الله عليج كنتي مستانسة لما سويتي العملية انا حايشتني كآآآآآآبة مو قادرة اتقبل مادري شفيني

تخيلي اني قاعدة على نار انطر الساعة تصير 5 عشان ادق عالعيادة اقول حق الدكتور تكفى الله يعافيك شيلها مابيها


مو متقبلة ابدا اني اتم جذي

مو اني ابي اكل بس فيني ضيجة والله والله شي قاضب قلبي ماني قادرة اقعد بمكاني


الله يسهل عليج ويقومج بالسلامة يارب ويعطيج على قد نيتج

 

[miss_Ba6oOo6a]

لا عمري لاتفكريييييين اتشيلينهاااااا كلش لان شي عادي الكابه هاذي انتي مسويه عمليه مو رجيييييييم عشااااان اتشيلينه وهاذي فتره واتروووووح كلنا مرينا فييييييييييها بس اتشوفين الوزن ينزل النفسيه والله راح اتعدل وبعدين اتقولين لو مسويه العمليه من زماااااان سالي مجرب وانا لي هاذي 2 عمليه وكلش مو متحسفه اولى ما علي صحتي وجسمي وخلج قويه وقولي انا الي بغيييييت هالشي وتحديدت وجازفت وادري راح يصير الي بالي خلج قويه وراح تنسيييين وطلعي استانسي انسي وعمري المتن بروووووحه كابه والرجيم كابه انتي بس قنعي نفس وانتي ماسويتي هاذا كله عشااان اتردييييين مثل قبل

 

[إخت القمر]

مس بطوطة ماقصرتي على كلامج الطيب

صاجة انا اللي كنت مصرة على هالشي وعاندت الكل وسويت العملية من غير ما احد يدري

بس مادري شفيني ياني هالاحساس اني مابي هالشي داخلي

انا ماحس بألم بس بطني منشبن بالنص تعرفون احساس جنج شافطة معدتج حيل؟؟؟ انتوا صار معاكم جذي؟؟

راح يروح هالشعور وماحس جنه صخرة على قلبي؟؟

ونومتي بالحسرة مادري شلون انام
شكثر احن بس والله مو مني

مس بطوطة انتي كنتي مسوية تحزيم ليش شلتي الحلقة وسويتي تحوير ؟؟ قوليلي قصتج

 

[فيلوفوفيا...]

الله يستر اخت القمر بروحي متردده كلامج خوفني حييييييييييل يا جماعه قولوا شئ شرايكم طمنوني ترا ما بقى شئ على العمليه حيرتوني ناس تقول ياريت سويتها من زمان وناس ندمانه يا جماعه ترا الصحه مو لعبه ابي نصيحتكم يا مجربين الساعه ترقض ودقات قلبي اسرع منها كلام اخت القمر خلاني ارجف من الخوف خواتي انطركم

 

[فيلوفوفيا...]

ردوا علي
ردوا علي
ردوا علي

 

[إخت القمر]

فيلوفوفيا لاتخليني احس بالذنب

انا بس مكتئبة وبغيت افضفض

اقولج الصج والله شاهد على كلامي امس واليوم العصر لما كتبتلكم عن حالتي صج كنت ندمانه وتخيلي قاعدة اطلع ذهبي واقول حتى لو ابيعه بس اشيلها

الحين الحمدلله ربي لك الحمد والمنه انا واااااااااااااااااااااايد احسن وكله بفضل الله ثم كلام البنات اللي يريح القلب وقاعدة اقرى موضوعاتهم وتجاربهم من سنة 2006 وتشجعت

واقولج شي بعد

اللي شجعني اكثر ان العوار خف الحمدلله ووزني على الميزان نازل


اذا انتي مستخيرة ومرتاحة ماعليج من احد توكلي على الله اذا مفكرة عدل وقرارج عن قناعة

انا سويتها بسرعه وماكان احد يدري يمكن عشان جذي حسيت بالذنب واني مافكرت عدل

بس الحمدلله نفسيتي الحين احسن وصج كلشي بأوله صعب بس مسألة جم يوم ويصير كل شي طبيعي اقدر استحملها

الله يكتبلج اللي فيه الخير والصالح وسامحيني اذا خرعتج والله ماكان قصدي

 

[فيلوفوفيا...]

للرفع

 

[فيلوفوفيا...]

الله يوفقج يا اخت القمر طمنتيني بس ياحبيبتي احنا مساكين هالعمليه تعتبر مركب النجاه والكل بنى احلام عليها ملينا من السمنه اللي عيشتنا بعزله عن الجتمع والناس حتى ازواجنا اجاملونا ادري ان محد يحب السمنه بس شيسوون ابتلشوا فينا ازا انتي مو متقبله شكلج اشلون نبي الناس يتقبلونا غير التعب الاعراض اللي بدت تطلع من السمنه وامراضها والرجيم صار حلم صعب تحقيقه حق اللي مثل وزنا لا تلوميني يا اختي ابي بصيص من الامل اعيش عليه بالرغم من الرعب والخوف اللي يصاحب العمليه يارب تتحقق احلامنا ونصير رشيقات بعيد عن السمنه وامراضها والله يقومج لعيالج بالسلامه بس لا تنسيني بعد العمليه انواسي بعض ونساعد بعض يا اخت القمر ادري انج قمر لان كل وحده متينه قمر

 

[إخت القمر]

حياتي والله تدرين انا شفت البنات وايد يساعدون بعض وتجربتهم شجعتني وهونت علي وتخليج تحسين انج مو بروحج

وصج انا ماسويت العمليه الا لاني مليت من السمنة شبابي بيخلص وانا ماستانست عشرينات عمري راحت وانا متينه وماحب السوق وماحب اللبس وكله بالبيت ماحب اطلع وقلت ماراح ادش الثلاثينات وانا متينه

وعلى قولتج رياييلنا مايبون يكسرون بخاطرنا انا يعيب علي مرات ويطالعني ويقوللي ايييييييه كله من خيري ويناديني دبدوبتي بس لما كنت اقوله بسوي عمليه لان يخاف علي يقوللي انا احبج جذي ماحب الضعاف بس ادري انه يقص علي صح اهوة يحب المربربين بس مو المنفجرين وانا قبل لا اسوي العمليه كنت واصله اكبر وزن وصلته بحياتي يعني تخيلي وزني يوم العمليه نفس وزني بيوم روحتي المستشفى حق الولادة وانا بالتاسع .., ضحكتيني على سالفة القمر تدرين لما دخلت على الدكتور من غير ما اتحجى قاللي ادري تبين تضعفين قلتله دكتور ابي اصير حلوة من غير "بس" الكل يقول حلوة بس حسافه متينة .. الحين خلينا نشجع بعض عشان نصير حلوين من غير بس وانا ناطرتج تكتبيلي تجربتج والله يقومج بالسلامة ويعطيج اللي فبالج على صحة وعافية ومشكورة عالدعوة الحلوة ياقلبي لج مثلها ان شالله
وسامحيني مرة ثانية لاني خرعتج بس تدرين اول يومين شي يديد مو متعودة عليه تبين تحنين واحد يخفف عنج وانتوا ماشالله ماقصرتوا الله يجعله بميزان حسناتكم ان شالله

 

[فيلوفوفيا...]

للرفع

 

[إخت القمر]

تعالي صج انتي ماقلتيلي متى عمليتج ان شالله؟؟ وعند منو يالله قوليلي كل التفاصيل

 

[فيلوفوفيا...]

حبيبتي انشاالله عمليتي راح تكون يوم الثنين عند الدكتور سلطان التمياط بدار الشفا بس مرعوبه حييييييل كل خايفه على عيالي واحاتيهم وساعات احس اني انانيه بهالقرار وما فكرت الا بنفسي انا مجربه غرفة العمليات واكرهها وما اواطنها واكره البنج لان اخطر شي بالعمليات

 

[فيلوفوفيا...]

للرفع

 

[حياة زوجي]

حبيبتي انشاالله عمليتي راح تكون يوم الثنين عند الدكتور سلطان التمياط بدار الشفا بس مرعوبه حييييييل كل خايفه على عيالي واحاتيهم وساعات احس اني انانيه بهالقرار وما فكرت الا بنفسي انا مجربه غرفة العمليات واكرهها وما اواطنها واكره البنج لان اخطر شي بالعمليات

مرحبا حبيبتى انا دخلت بالموضوع بينكم ما يخالف ملقوفه
انا مادرى شنو عمليتج بس انا سويت تحويل مسار
صارلى 3 شهور والحمد الله وايد مرتاحه
تفاؤلو بالخير تجدوه يعنى لا تحاتين
خاصه دكتورج وايد زين وعنده خبره وانتى شايفه الزحمه عنده
صلى صلاة الاسخاره قبل العمليه علشان ترتاحين اكثر​

 

[فيلوفوفيا...]

حياة زوجي بالعكس على الرحب والسعه لا ملقوفه ولا شي احنا اهنيه خوات انواسي بعض ونستفيد من خبرات بعض والله يطمنج مثل ما طمنتيني يا عمري متى اخلص من هالكابوس (العمليه) واقوم بالسلامه لعيالي ومشكووووره حبيبتي على اللقافه الحلوه

 

[whitish]

فيلوفوفيا الله يوفقج ويسهل عمليتج ويتممها علي خير ان شاء الله
قاعده اقري ردودج وحسيت فيج حييييل بس باذن واحد احد يطمئن قلبج وتنزل عليج السكينة وراحت البال ونشوف موضوعج بعد العملية
وتفرحينا بالنتايج
اللهم امين

 

[jolie_q8]

غلاتي ,, الله يشافيج وتنزلين وتوصلين للوزن المثالي واتهنين فيه

بس ما قلتي عند منو مسويه العمليه وجم كلفتج ,شويه تفاصيل تفيدنا ,, لو سمحتي

ام فطوم منو هذا احسن دكتور اول مره اسمع عنه وين عيادته؟

 

[فيلوفوفيا...]

whitishتسلمين يا عمري والله يسمع منج يارب ويشافيج من كل عله واللي تحبين

 

[إخت القمر]

فيلوفو يعني اختصار ومدلعتج بعد شتبين


الله يقومج بالسلامة ان شالله ولاتحاتين


ماكو الا العافية وانتي ترى احسن مني والله

خلصتي المحاتاة والتردد قبل لا تسوينها

انا رحت حق الدكتور الاحد سويتها الثلاثا وماكنت حتى مفكرة فيها كنت رايحة اسأل عن البالون

بس سبحانك ياربي الامور تيسرت وجنها تمشي بروحها

وتدرين ليش تعبت نفسيا عقب العمليه ؟؟ لاني حسيت اني تسرعت ومافكرت عدل ووهقت روحي بشي ماعرفه!

يعني لو كنت داشه وقارية تجارب البنات وماخذه ومعطيه معاهم مثلج جان وايد ارتحت

عاد انتي الحين خلي عنج الوسواس ومدامج ساءلة عن الربو وقايليلج عادي لاتحاتين سهالات ان شالله

عسى الله يوفقج ويردج حق عيالج سالمة