اذا بيوم انتهى حبي لك...> تأكد انه يوم موتي< (قصة كويتية)

[ღ TőOőma ღ]

لوووووووووووووووووووووووووووووووووووووول حلوا هذي ههههههههه

يمكن تهده شدراج لووول

يلا ويت فوور مي حوووبي

 

[Findy Girl]

sure
enshallah

 

[اسيرة احزاني]

يعطيج الف عافية
وبانتظااارج

 

[ღ TőOőma ღ]

يعااافيج حووبي نورتي

 

[اسيرة احزاني]

توما متى تنزلين بار يديد ؟؟؟

 

[ღ TőOőma ღ]

انشالله باجر اذا مو باجر عقبه على حسب

 

[Findy Girl]

loooooooooooool ambay madrey shfeny fa9la
7saaaafaaaaaaaa laish 3ogob bacher ;(
Yla 3adey hhhhhhhh bacher barou7 mal3ab il9aboun 2a2Eeweeeeeeeeey looooooool
y3ney mara7 y'9rney:dddds:
y36each il 3afya

 

[n00ni]

don't stop

 

[FoOwFoOwa]

ثانكس عالبارت:eh_s(22)::eh_s(22):
فديتج تومز :fun:
ناطرتج ..​

 

[ღ TőOőma ღ]

loooooooooooool ambay madrey shfeny fa9la
7saaaafaaaaaaaa laish 3ogob bacher ;(
yla 3adey hhhhhhhh bacher barou7 mal3ab il9aboun 2a2eeweeeeeeeeey looooooool
y3ney mara7 y'9rney:dddds:
Y36each il 3afya

لووووووووووووووووووووووووووول خلاص روحي وردي اذا لقيتي بارت اوكي اذا مالقيتي خيرها بغيرها خخ

 

[ღ TőOőma ღ]

don't stop

Jen :eh_s(3):

 

[ღ TőOőma ღ]

ثانكس عالبارت:eh_s(22)::eh_s(22):
فديتج تومز :fun:
ناطرتج ..​

يوو ولكم حووبي :hjy5jewf:

فدييتج توو :eh_s(22):

خخ وتنطرين غصبن عليج :ggdw:

 

[Miss^_^CoOoL]

:ggdw: يسلمووو ع الباااارت

 

[ღ TőOőma ღ]

يوو ولكم حوووبي نورتيي

 

[اسيرة احزاني]

بانتظااااااااااااااارج لاتطولين علينا حبوبة

 

[Findy Girl]

حثاااااافه

 

[dlo3t^baba]

we waiting
لوووووووول تصدقين انا مسافره الحين وقاعده اقرا القصه ككككككككككككككككككككككككككككككككككك ^_^

 

[a7la kraikra]

يلاا متى بتكمليييين الصراحة قصة رووووعة

 

[ღ TőOőma ღ]

خخ يسلموو كلكم عالردوود فدييتكم

الحين بكملها

ودلوعه بابا الحمدلله عالسلامه لووول

اقري روايتي الثانيه انا كاتبتها

يلا برب اكمل خخ

 

[ღ TőOőma ღ]

اليوم الثاني الساعة 2 الظهر رن تلفون سارة
سارة: هلا فهد
فهد: هلا فيج شلونج
سارة: تمام وانت
فهد: انا بخير بس عويس كلش مو بخير عفيه كلمي فطوم حاولي فيها
سارة: ما اقدر اخاف تعصب عليي اهيا قالتلي سكري الموضوع ولا تكلميني فيه
فهد: انزين عشاني حاولي انتي قلتي امس انج بتكلمينها
سارة: اوكي بعدين اكلمها
فهد: لا مو بعدين الحين دقي عليها يلا انطرج
سارة: اوكي باي
سكرت سارة الفون وقعدت تفكر
فهد كان مع عيسى وجاسم
فهد: بتكلمها وتدق
جاسم: خل ترضى لا يصير بالولد شي
عيسى: تدرون انها قاعده تخليني احبها اكثر
جاسم: من صجك خلاص فهود دق على سارة وقولها لا تكلمين فطوم
عيسى: طالع هذا مو جذي قصدي
فهد: هههههه انزين لا تعصب
مرت نص ساعه وسارة ما دقت
عيسى: مو جنها طولت وايد
فهد: مادري يمكن قاعده تحاول فيها
عيسى: انزين دق شوف
دق فهد ردت عليه سارة ودورتلها عذر بسرعه
فهد: هاا طولتي شصار
سارة: دقيت عليها ما ترد
فهد: انزين دقي على بيتهم
بنفس الوقت يت سارة مكالمة وكانت فطوم الي داقة
سارة: كاهي دقت اكلمها وارجع ادق
فهد: يلا اوكي بس لا تطولين باي
سارة: باي.. الو
فطوم: هلا سوير مع منو ويتنق
سارة: مع عادل
فطوم: اها سوري دخلت عرض
سارة: لا عادي شفيج ليش صوتج جذي
فطوم: مادري تقدرين تمريني
سارة: اول شي قوليلي شفيج
فطوم: مادري سارو مادري شقولج
سارة: قولي ترى خرعتيني
فطوم: ....
سارة: قولييي
فطوم: عيسى الي امس
سارة انصدمت: شفيه
فطوم: مادري نظراته كانت غريبه وامس طول الليل وانا افكر فيه مادري ليش
سارة انصدمت اكثر: شنو يعني؟
فطوم: مادري سارو قاعده احس بشعور غريب مادري شنو اهو
سارة حست بالذنب لنها جذبت على فهد: فطوم بقولج شي بس لا تزعلين مني
فطوم: شنوو قولي
سارة: توعديني ما تزعلين
فطوم: اوعدج قولي
سارة: عيسى كلم فهد عنج وقاله انه يبيج ويبي يكلمج وقالولي ادق عليج بس انا جذبت وقلتلهم اني كلمتج وما رضيتي
فطوم: من صجج ؟
سارة: اي من صجي ليش انتي تبينه
فطوم: خلج من هالسالفه الحين ممكن اعرف ليش جذبتي وتصرفتي بشي يخصني من غير ما تقوليلي
سارة: انتي وعدتيني ما تزعلين مني
فطوم: انا ما زعلت بس انتي مو شايفه ان تصرفج يضايق
سارة: امبله سوري فطوم انزين انتي شرايج بالموضوع
فطوم: انتي تصرفتي وخلصتي الحين تبين تعرفين رايي
سارة: فطوم قلتلج سوري ادري اني غلطانه
فطوم: بس ما قلتيلي ليش سويتي جذي
سارة: مابيج تقربين من عيسى
فطوم: ليييش ليكون....
سارة: لا لا مو الي فبالج
فطوم: ها عيل
سارة: انا مو متأكده اذا راح اكمل مع فهد ولا لا عشان جذي مابيج تكلمين عيسى ويصير فهد قريب مني علطول
فطوم: وليش لما فكرتي جذي ما قلتيلي ليش ما صارحتيني ليش تصرفتي من غير ما ادري
سارة: فطوم اذا انتي تبينه الحين ادق واقولهم
فطوم: لا لا تدقين ولاشي مدامج ما تبين هالشي انا مابيه بعد
سارة: يعني شقولهم الحين اهم قالولي حاولي فيها مرة ثانية والولد ناطر
فطوم: قوليلهم لا
سارة: انزين فكري شوي
فطوم: سارة شفيج امس ما تبين هالشي واليوم تحنين عليه
سارة: ... فطوم انتي زعلتي صح
فطوم: لا مو زعلانه بس هذا ردي واخليج الحين بنزل حق يدتي
سارة: لحظة فطوم
فطوم: هلا
سارة: بليييز لا تزعلين
فطوم: اعتقد اني قلتلج الف مرة اني مو زعلانه ممكن تخليني بروحي
سارة: اوكي الي يريحج
فطوم: باي
سارة: باي
فطوم سكرت التلفون وظلت مده مو مستوعبه الكلام الي قالته سارة (معقوله سارة بنت خالتي الي وثقت فيها وعديتها مثل اختي واكثر تفكر جذي معقوله تسوي جذي عشان مصلحتها وما تفكر فيني) نزلت دمعه من عينها وضاق خلقها حيل
بيبي طقت الباب وقالتلها تنزل تتغدا
فطوم: قوليلهم مابي غدا
بيبي: جين
......
سارة لما سكرته كانت تدري ان فطوم متضايقه من الي سوته بس هم بنفس الوقت كانت مستانسة انها سمعت الرد الي تبيه من فطوم رجعت دقت على فهد
فهد: هااا شقالت
سارة: مو راضية كلش
فهد: معقوله اهيا عنيدة لهدرجة
عيسى التفت وفهم انها ما رضت طلع برا الدوانيه
فهد: لحظة عويس ..
جاسم فهود عطني: الو
سارة: الو
جاسم: قوة سارة انا جاسم
سارة: هلا جاسم
جاسم: سارة ممكن تعطيني رقم فطوم
سارة: قلتلكم البنت ما تبي شتبون برقمها
جاسم: انتي ما عليج عطيني رقمها وانا اتصرف
سارة: بس اخاف تزعل عليي
جاسم: ماراح تزعل اذا عرفت شكثر عيسى حبها
سارة: اوكي (عطته سارة رقمها)
جاسم: يلا باي كلمي فهد
فهد: هلا سارة
سارة: هلا فيك .. (دق عادل) ... فهد انا بسكره الحين امي تناديني
فهد: اوكي بس رجعي دقي عليي
سارة: اوكي باي
فهد: باي
سارة: الو (طبعا سارة وعادل كانو متهاوشين بس لما تذكر عيد ميلادها دق عليها وراضاها)
عادل: هلا سارونتي منو ويتنق
سارة: فطوم
عادل: انزين قوليلي شلون كانت الحفله امس






جاسم لما عطى التلفون حق فهد طلع حق عيسى برا لقاه بسيارته ركب معاه
جاسم: عويييس من صجك قلتلك راح اخليها تكلمك ولا مو واثق فيني
عيسى: يبا البنت ما تبيني مابي الشي ايي غصب
جاسم: والي بخليها تكلمك
عيسى: جسوم تكفه خلني بروحي شوي
جاسم: افاا تطردني وانا خذيت رقمها عشان احاول فيها
عيسى التفت على جاسم:.....
جاسم: شفيك منصدم صج خذيت رقمها شرايك انت تكلمها
عيسى: لا مابي اخاف تردني جذي كافي
جاسم: اوكي خلاص عيل بتنساها يعني
عيسى: اي
جاسم: متأكد
عيسى: اففف جسوم الي فيني مكفيين لا تزيدني
جاسم: مادري عنك بسرعه استسلمت اذا صج تحبها تحاول مو تستسلم جذي بسرعه ما توقعتك جذي
عيسى: لما تنحط بمكاني راح تعرف
جاسم: اوكي يمكن يكون كلامك عدل بس ماراح اخليك تستسلم
عيسى: شسوي قولي؟
جاسم: لا تسوي شي بس ممكن اكلمها بالموضوع للمرة الأخيرة
عيسى: ......
جاسم: فكر ناطرك .. جاسم ياي بينزل من السيارة
عيسى: خلاص كلمها
جاسم ابتسم: اوكي من عيوني جم عويس عندي
فهد طلع: هاا كلمتها
جاسم: لا انا بكلمها
عيسى: جسوم سكر الباب
فهد: وين بتروح ما تغدينا
عيسى: شبعان بالعافيه بااي
سكر جاسم الباب ومشى عيسى راح البيت
فهد: امش نتغدا
جاسم: لا ما اشتهي برجع البيت
فهد: شنو تحب انت بعد
جاسم: ههههه عقب الي شفته لا يمكن احب او افكر احب حتى
فهد: انزين وين بتروح خلك معاي
جاسم: يوسفو بييلك بعد شوي يلا اشوفك على خير باي
فهد: اوكي باي
ركب جاسم سيارته ورجع البيت وبالطريج كان يفكر شنو يقول حق فطوم وشلون يبدي معاها لنه ما يعرفها ولا كلمها
فطوم بدارها وضايق خلقها تفكر بلي سوته سارة وتفكر بعيسى بنفس الوقت كانت متضايقه حيل وودها تكلم احد حست انها بتنفجر دقت على دانه بس جهازها كان مغلق لنها كانت نايمه فطوم ظلت متضايقه وما تدري شتسوي (ابي احد اكلمه حدي متضايقه وتعبانه اذا سارة الي دايما اشكيلها اهيا الي جرحتني هالمرة منو اكلم منو) بنفس الوقت رن تلفونها وكان رقم غريب شافت الرقم ما عرفته خلته يرن لين تسكر كان جاسم الي قاعد يدق رجع دق سكرته فطوم دزلها مسج (ممكن تردين علي انا جاسم رفيج عيسى) عقب ما دز المسج رجع دق علطول ردت فطوم عقب ما رن مده
فطوم بصوتها الحزين: الو
جاسم: قوة فطوم
فطوم: هلا جاسم
جاسم حس ان صوتها فيه شي بس كان بيتأكد: اممم مادري عادي اقولج فطوم ولا لا
فطوم: عادي
جاسم بقلبه (لا البنت فيها شي صوتها مو طبيعي): شفيج ليش صوتج جذي؟
فطوم: ما فيني شي
جاسم: متأكدة
فطوم: اي سارة الي عطتك رقمي
جاسم: اي ضايقتج؟
فطوم: لا عادي بس ممكن اعرف ليش خذيته
جاسم: كنت بكلمج بموضوع عيسى وبعرف ليش انتي مو راضية تكلمينه
فطوم: .....
جاسم: ليش ساكته انزين في احد تحبينه
فطوم: لا
جاسم: عيل ليش رافضة
فطوم: مادري
جاسم: فطوم انتي مو طبيعيه شفييج؟
فطوم: وليش حاس جذي قلتلك مافيني شي
جاسم: لا تنسين انا سولفنا مع بعض بالحفله امس وكنتي غير كلش عن الحين
فطوم: شنو الي غير
جاسم: نبره صوتج.. اسلوبج انا حاس ان في شي مضايقج
فطوم: .....
جاسم: سكوتج يأكد كلامي انزين قوليلي يمكن ترتاحين
فطوم: ......
جاسم: اوكي تبيني اسكره بتكلمين سارة اكيد اهيا تفهمج وتعرف شفيج
فطوم (لا تقول سارة تعور قلبي أكثر):....
جاسم: الو فطوم انتي معاي
فطوم واهيا ماسكه بجيتها: اي معاك
جاسم: انزين بتكلمين سارة
فطوم بجت: مابي اكلمها لا تييب طاريها
جاسم: شصار بينكم شفيييكم ليش تبجين
فطوم غصب تتكلم: سوري بسكره
جاسم: ماراح تسكرينه وانتي جذي لين تقوليلي شفيج؟
فطوم: ...
جاسم: فطوم فتحيلي قلبج قوليلي شفيج انا لاحظت انج انتي وسارة حيل مع بعض ولا انا غلطان
فطوم: لا مو غلطان واهيا مثل اختي بعد
جاسم: عيل شفيكم
فطوم: .....
جاسم: صدقيني الي بتقولينه ماراح يطلع حق احد بس قوليلي شفيج
فطوم: سارة جرحتني
جاسم: شلون؟؟
فطوم: سارة طلعت انانيه وتفكر بنفسها ولا تفكر فيني هذا وانا احبها ودايما ابديهاعلى نفسي
جاسم: انا مو فاهم شي انزين هالكلام له علاقه بموضوع عيسى
فطوم ليلحينها تبجي
جاسم: فطوم اهدي لا تبجين كلميني ردي عليي
فطوم: اي له علاقه
جاسم: اوكي ممكن اعرف شلون بس اول شي توقفين بجي وتغسلين ويهج







فطوم: ....
جاسم: يلا فطوم قومي غسلي ويهج وكلميني ماراح اسكره انطرج
فطوم: اوكي
قامت فطوم غسلت ويها ورجعت كلمت جاسم: آسفه اذيتك معاي
جاسم: لا تقولين جذي يلا فهميني كل شي الحين
فطوم قالت حق جاسم كل الي صار ... فطوم: سارة آخر وحده كنت اتوقع انها تسوي معاي جذي
جاسم: والله مادري شقولج حتى انا انصدمت من تصرفها حسب كلامج انها حيل قريبه منج
فطوم: اي
جاسم: بس ما عليه يمكن تكون اهيا تسرعت وما فكرت يمكن ما كان قصدها تجرحج بس تدرين شنو الي انا مستغرب منه
فطوم: شنو
جاسم: انا كلمتها وما كان فيها شي كانت عادية كلش ولا كانت متضايقه
فطوم:...
جاسم: انا مو قاعد اقول هالكلام عشان ازيدج بس هذا الي لاحظته بس مهما يكون لازم تقعدين معاها وتكلمينها وتبينيلها غلطها يمكن اهيا ما حست بالذنب لنج قلتيلها انج مو زعلانه
فطوم: بس مو معقوله اهيا ما حست اني متضايقه اهيا تعرفني عدل وانا بعد اعرفها عدل
جاسم: اوكي بس انتي كلميها وماله داعي تبجين سارة تسرعت ويمكن ما كان قصدها انا مقدر شعورج ولو كنت مكانج كنت بتضايق مثلج بس هم مهما يكون تبقى غاليه عليج صح ولا انا غلطان
فطوم: صح
جاسم: بس تدرين ان ضيقتج هذي معناها انج تبين عيسى
فطوم: شلون شكو؟
جاسم: يعني لو ما كان عيسى يهمج ما همج الموضوع لهالدرجة
فطوم: بس انا ما همني الموضوع الي همني تصرف سارة انها ما فكرت فيني
جاسم: وهذا قصدي انتي قاعدة تقولين ما فكرت فيني يعني انتي قصدج انها ما فكرت اني يمكن اكون ابيه وتكون سعادتي معاه
فطوم: وشلون قدرت تفسرها جذي
جاسم: مادري بس تفسيري عدل ولا لا
فطوم: امم يعني
جاسم: ههههه ادري مستحية مني
فطوم: .....
جاسم: هههه خلاص يبا خلاص سوري اذا تدخلت بشي ما يعنيني
فطوم: لا لا تقول جذي بالعكس انا كنت متضايقه ومحتاجه احد اكلمه دقيت على اختي وكانت مسكره جهازها بس لو كنت مكلمتها ماراح تقدر تهديني مثل ما انت هديتني
جاسم: احرجتيني بصراحة
فطوم: انا الي منحرجه منك عورت راسك
جاسم: لا شدعوه عزيزة وغالية
فطوم: تسلم مشكوور وايد
جاسم: العفو بس اهم شي ارتحتي الحين
فطوم: اي الحمدلله
جاسم: اوكي ممكن اطلب منج طلب
فطوم: آمر
جاسم: مايامر عليج عدو ممكن تفكرين بموضوع عيسى مرة ثانيه
فطوم: بس انا عطيته ردي
جاسم: ما عليه فكري مرة ثانيه انا وعدته اني بحاول معاج للمرة الأخيرة
فطوم: انزين انت ليش مهتم وايد
جاسم: لني اول مرة اشوف عيسى بهالحالة وانا اكثر واحد يعرفه وعشان جذي انا واثق انه يحبج صج
فطوم: ....
جاسم: ممكن تفكرين مرة ثانية
فطوم: اوكي
جاسم: بس ابيج تحطين ابالج انج مهما تدورين ماراح تلقين واحد يحبج كثره
فطوم: بس اهو ما شافني الا مرة وحده معقوله لي هالدرجة حبني
جاسم: واكثر بعد لو تشوفين حالته تعرفين
فطوم: اوكي خلاص بفكر
جاسم: انطر ردج باجر
فطوم: باجر عاد؟
جاسم: اي باجر ولا بترديني
فطوم: لا ماراح اردك خلاص باجر
جاسم: اوكييي بس انشالله يكون الرد الي فبالي
فطوم: ههه شكلك وايد تحب عيسى
جاسم: عيسى اخوي الي ما ولدته امي
فطوم: الله يخليكم حق بعض
جاسم: تسلمين ويخليلج الي يعزون عليج يلا اخليج ادري تبين الفكة مني
فطوم: لااا لا تقول جذي بالعكس اصلن مو عارفة شلون اشكرك
جاسم: لا تشكريني ولا شي واذا بغيتي اي شي لا تترددين اعتبريني اخوج من اليوم ورايح وهالكلام ماله شغل بموضوع عيسى مهما كان ردج بتظلين غاليه
فطوم: مشكور على كل شي
جاسم: العفو تدرين عاد اني امس كنت قاعد امدحج عند عيسى
فطوم: شلون يعني
جاسم: كنت قاعد اقوله مبين عليها انها محترمة وايد مو مثل سارة
فطوم: لييش شفيها سارة
جاسم: لا ما فيها شي بس مادري انا ارتحتلج اكثر
فطوم: بس ترى سارة مثل اطباعي
جاسم: لا من قال والدليل انها ماتحب بدر المطوع
فطوم: ههههه
جاسم: دووم هالضحكة انشالله
فطوم: تسلم
جاسم: هههههه جني طيحت الميانه اذا ضايقتج قولي
فطوم: تدري انك الف مرة سألتني يبا والله ما ضايقتني بالعكس كنت محتاجة اكلم احد ومادري شلون فتحتلك قلبي وقلتلك كل شي
جاسم: مشكورة كلامج احرجني
فطوم: ههه العفو
جاسم: يلا اخليج تامريني على شي
فطوم: سلامتك بس ممكن اعرف شنو بتقول حق عيسى
جاسم استانس: اي ممكن ليش لا بقوله انج راح تفكرين وترديلي خبر
فطوم: انزين بس بلييز لحد يدري اني قلتلك عن سارة






جاسم: لا تحاتين الكلام الي دار بينا ماراح يطلع كلش
فطوم: اوكي
جاسم: واذا احتجتي تكلمين احد انا حاضر
فطوم: مشكور
جاسم: العفو بس ما سألتيني ليش انا اهتميتلج جذي
فطوم: كنت بسأل بس مادري انحرجت
جاسم: لا لا تنحرجين مني تبين تعرفين ليش
فطوم: اي
جاسم: لني ما عندي خوات عندي اخو واحد صغير بالابتدائي وانا عديتج اختي
فطوم: يشرفني هالشي
جاسم: وانا اكثر ومو تنحرجين مني مرة ثانية اي شي بتقولين قولي
فطوم: اوكي
جاسم: تامريني على شي
فطوم: سلامتك
جاسم: الله يسلمج انطر الرد باجر وقوليلي شصير معاكم انتي وسارة مع السلامة
فطوم: اوكي مع السلامة ........ سكرت فطوم التلفون وحست انها مرتاحة سرحت شوي تتذكر كلام جاسم عن عيسى وصلها مسج وكان من جاسم (لا تفكرين بشي الحين ولا تقعدين بروحج لما تحسين انج مرتاحة فكري بس فكري عدل)
ابتسمت فطوم وقامت نزلت تحت
ام فواز: شفيج ما تغديتي
فطوم: مافيني شي بس ما اشتهي
ام فواز: مريضة؟
فطوم: لا لا
ام فواز: عيل شفيج
فطوم: مافيني شي بس ما اشتهي دانو متى بترد
ام فواز: مادري عنها
.....
جاسم: قالتلي بتفكر وترد عليي باجر
عيسى: انزين شلون كانت طريقتها يعني ما حسيت من كلامها اذا تبيني او لا
جاسم: والله مادري بس اهيا مو مرتبطة ولا تحب
عيسى: اشووه انشالله ترضى عيل
.............
سارة بغرفتها قاعده تشوف الهدايا فتحت العلبه الي يايبتها فطوم وقرت الكرت (مابي اكتب اشعار وكلام مثل الي بقوله الكل لج بس ابي اقولج اني احبج واتمنالج السعاده دوم وانشالله تكون هالسنة من السنين الحلوة بحياتج يا اغلى اخت بهالكون)
سارة تفكر (فطوم كانت متضايقة لما سكرته مادري ادق عليها اخاف ماترد او تسكره او ترد وتجعمني اروحلها البيت اهيا كانت تبيني اروحلها)
طلعت سارة من غرفتها ونزلت حق امها تحت
سارة: يما ابي اروح عند فطوم
ام سارة: مالي خلق اقطج
سارة: يما عفيه ابي اروح
ام سارة: اففف سارة لا تحنين قولي حق فيصل يوديج
سارة: فصول هني
ام سارة: اي بالمطبخ
فيصل: لا مو بالمطبخ كاني آمري
ام سارة: قطها بيت خالتك
فيصل: انزين روحي بدلي على ما آكل
سارة: بس لا تطول
صعدت سارة ركض وبدلت بسرعه ونزلت
.........
فطوم: يما بروح بيت خالتي حنان
ام فواز: ليش؟
فطوم: شنو ليش مليت قاعده بروحي دانو هناك بروح
ام فواز: مالي خلق اطلع بهالحر
فطوم: اروح مع السايق مادري حق شنو نعطيه معاش
ام فواز: انزين بس خل دانو ترجع مصختها طول العطلة عندهم
فطوم: هههههه اوكي
صعدت فطوم بدلت ونزلت دقت عالسايق وراحت
........
سارة: فصول يلااا
فيصل: كاني كاني ذبحتيني يلا امشي
سارة: انزين لا تزف
راحت سارة ولما وصلت ودخلت
سارة: قوة ديده خالتي شلونج
ديده مريم: هلا يما
ام فواز: تمام امج معاج؟
سارة: لا يايه مع فصول قطني وراح فطوم بغرفتها؟
ام فواز: لا فطوم راحت بيت خالتج عند دانو وحصة
سارة: صج
ام فواز: ما قالتلج
سارة: لا
ام فواز: غريبة انزين انتي ما كلمتيها قبل لا تيين
سارة: امبله بس ما قلتلها كنت بسويها مفاجأة
ام فواز: خلاص قعدي هني وانا طالعه اقطج عندهم
............
فطوم وصلت فتحتلها الخدامة الباب
فطوم: وين حصة ودانه
الخدامة: كلو فوق
فطوم: اوكي
صعدت فطوم من غير ما يحسون كانو قاعدين بالصالة يطالعون مسرحية
فطوم: هااااااااااااااااي
كلهم التفتو
ناصر: هايااات
حصة: اهلييين
دانه: ليش ما قلتيلنا بتيين
فطوم: سبرااايز
ناصر: احلى سبرايز
دانه: وناااسة شرايج تنامين هني انتي بعد
فطوم: اصلن يقلبي امي قالت ترجعين اليوم






حصة: ليييش
فطوم: لنها طول العطلة عندكم وبعدين انا كلا قاعده بروحي ما يصير جذي
دانه: خلاص حصو انتي تيين عيل
ناصر: لا والله وانا اقعد بروحي
دانه: تبينا نقولك تعال انت بعد لا يبا انســى
ناصر: نحيسة حدج
فطوم: هههههه وانتو كلا هواش
......................
صارت الساعه 7 ونص (يتب وناصر) صوت الجرس
ناصر: وينها هذي ما تسمع الجرس
فطوم: قوم انت بطل
راح ناصر فتح الباب كانت سارة الي يايه
ناصر: هلا سوير اكتملت الشله رحت فيها
سارة: هلا فيك فطوم هني
ناصر: اي قاعدين فوق كلنا شفيج دخلي
سارة :اي يلا
صعدو فوق فطوم كانت قاعده تضحك على سوالف حصة ودانه لما شافت سارة سكتت
سارة: قووه
دانه: اهلييين امبي وناسة كلنا هني
حصة: اكيد فطوم قالتلج تيين
سارة تطالع فطوم: انا رحتلها البيت اول بس خالتي قالتلي انها هني وقطتني توها
فطوم نزلت راسها وسوت روحها قاعدة تلعب بفونها
دانه: انزين ليش واقفة تعالي خل نقرالج النكت
سارة تطالع فطوم الي حاقرتها
دانه: يقولج في واحد................
فطوم خذت التلفون بتدق: حصو شفيه تلفونكم
حصة: خط فوق مفصول روحي دقي من تحت
نزلت فطوم تحت وقعدت تكلم دلال صار شوي نزلت سارة فطوم شافتها
فطوم: اوكي دلول شوي واكلمج
دلال: اوكي حبيبتي باي
فطوم: باي
سكرت فطوم التلفون وظلت ساكته سارة راحت قعدت عندها بس فطوم منزله راسها وما تطالعها
سارة: زعلانه
فطوم: لا
سارة: متضايقه
فطوم: لا
سارة: فيج شي
فطوم: لا
سارة: آسفة
فطوم:....
سارة: ادري الي سويته غلط وكنت انانيه وقتها بس صدقيني انا ندمت
فطوم:.....
سارة: انزين مدامج مو زعلانه ليش ما تردين عليي
فطوم: لن الموضوع انتهى وما عندي اي كلام فيه
سارة: بس انتي لما دقيتي قلتيلي انج فكرتي بعيسى وشكلج حبيتيه
فطوم: حتى لو كان هالكلام صح تتوقعين بتضايق عشان هالسبب
سارة: عيل ليش؟
فطوم: لأنج تصرفتي بأنانية وما فكرتي فيني هذا وانتي من اقرب الناس لي
سارة: بس انا اعتذرت ورجعت سألتج وقلتي لا
فطوم: سارة لا تلفين وتدورين وترجعين حق نفس الكلام قلتلج انا مو مضايقه عشان موضوع عيسى بس لن الي سويتيه خلاني افكر بثقتي فيج تعرفين شنو معناة هالشي
سارة: ادري جرحتج..بس صدقيني ما كان قصدي
فطوم: اوكي
سارة غرقت عيونها بالدموع: فطوم انتي تدرين شكثر اعزج واحبج وصدقيني لو ما كنتي غاليه علي جان ما ييتلج لي هني
فطوم: اوكي خلاص السالفة تسكرت وما يحتاي نتكلم فيها اكثر
سارة: يعني مسامحتني
فطوم: ....اي
سارة راحت لمت فطوم: أحبببج والله احبج فطوم
فطوم: وانا بعد
سارة: انزين بسالج سؤال بس اخاف تطقيني
فطوم: سإلي ما اطقج
سارة: جاسم دق عليج
فطوم: ا ي شكو تعطينه رقمي
سارة: اهو لزم
فطوم: بس يحليله وايد حبوب
سارة: انزين شقالج
فطوم: ولاشي بس قالي افكر بالموضوع وباجر ارد عليه
سارة: فكرتي؟
فطوم: لا ليلحين مادري
ناصر نازل من فوق: بالله ما تقولولي ليش يايين بيتنا اذا بتقعدون بروحكم
فطوم: ههههه كانا بنيي
سارة: لحظة
فطوم: هاا شنو بعد
سارة: اثبتيلي انج مو زعلانه
فطوم: يبا والله مو زعلانه وهذي بوسه بعد بس انشالله يكون لج درس
سارة: اكييد من صجج
..........................
صارت الساعه 11 دقت ام فواز على فطوم وقالتلها انها دزتلهم السايق عشان ياخذهم وصل السايق دانه ما رضت ترجع دقت على امها وقالتلها فطوم وسارة راحو فطوم وصلت سارة اول وبعدين راحت البيت لما دخلت كانو سعود وفواز وفيصل قاعدين بالصالة
فطوم: سلام
فواز: من وين يايه انتي
فطوم: رد السلام اول يايه من بيت خالتي
سعود: شلونج فطوم
فطوم: هلا سعود تمام
فيصل: عيل وين سارو
فطوم: قطيتها البيت لو تدري انك هني جان يت معاي
سعود: حياج تعالي اكلي معانا
فطوم: لا شبعانه شكثر كلينا بصعد غرفتي
صعدت فطوم غرفتها بدلت وصلها مسج من سارة (احتميت بظل قلبج عن متاهات الليالي .. وقت فرحي .. وقت همي .. صرتي لي ظهري وعوني .. من يعوضني مكانج لو خذاج البعد عني؟.. امة آدم في غيابج كلهم ما يعوضوني..)
ردت عليها فطوم: (الله لا يحرمنا من بعض) ودزت مسج حق جاسم (قوة حبيت اقولك ان انا وفطوم تصالحنا j ) رد عليها (صج الله يخليكم حق بعض وترى ناطر الرد) ردت عليه فطوم ( تسلم اوكييك j )​