ابي اسوي ليزك؟؟؟؟

[lazaward]

السلام عليكم ورحمة الله وبركاته

بنات انا البس نظاره وتعبت عيوني من العدسات لانه انا عيني حساسه بسرعه تصير حمرة من العدسات واتعورني
وابي اسوي ليزك بس ماني عارفه وين ابي دكتور زين ومضمون​

 

[قطوتي]

د. حسين العباد انا مسويه عنده وايد زين وشاطر واهو استشاري

انا حاطه تجربتي بس ماادري الحين الموضوع وين .. سوي سيرج يمكن تلقينه

اهو بموضوع وحده من البنات اهي سالت وانا كتبتلها تجربتي

 

[اخوي كشخه وكيوت]

اب اب انا بعد ابي اسوي يمكن اسوي عند محمد ربيعه شاركم فيه بنات وحده من جماعتنا مسويه عنده وتمدحه

 

[ma3moolah]

روحي حق سلطان المطيري اللي عيادته بخيطان وااايد يمدحونه وانا بصراحة ليحين ما سويت الليزك بس إحتمال اسويه عند سلطان وموفقة حبيبتي صج إحنا محتاجين هالعملية أحس نفسي والله بدون عدسات عميوش ههههههههههههههههه

 

[Heaven Light]

سلطان المطيري ..

انا سويت عنده وصارلي 3 اشهر .. والحمدلله امس كانت اخر مراجعة لي وقال لي خلاص صار نظرج 6/6

العملية 450 مع فتح الملف على ما اظن ..

العملية ما تاخذ 10 دقاايق ما تحسين بشي ..

كل مراجعة تدفعين 10 دنانير ما عدى المراجعة اللي بعد العملية بيوم ..

انا كانت قرنيتي رقيقه فما صارت لي الا الليزر ..

هي ما تختلف عن الليزك الا شووي مو بسرعة تتشافين ..

بس اول شي خل ينتبه اذا فيج جفاف ولا لأ .. لأن انا ما انتبه له فتعبت فترة طويلة على ما صار نظري اوكي ..


وموووووووفقة ..

 

[ورود وبس]

سلطان المطيري ..

انا سويت عنده وصارلي 3 اشهر .. والحمدلله امس كانت اخر مراجعة لي وقال لي خلاص صار نظرج 6/6

العملية 450 مع فتح الملف على ما اظن ..

العملية ما تاخذ 10 دقاايق ما تحسين بشي ..

كل مراجعة تدفعين 10 دنانير ما عدى المراجعة اللي بعد العملية بيوم ..

انا كانت قرنيتي رقيقه فما صارت لي الا الليزر ..

هي ما تختلف عن الليزك الا شووي مو بسرعة تتشافين ..

بس اول شي خل ينتبه اذا فيج جفاف ولا لأ .. لأن انا ما انتبه له فتعبت فترة طويلة على ما صار نظري اوكي ..


وموووووووفقة ..

الحمدلله على سلامتج

بس عندي سؤال
انتي جم كانت سماكة قرنيتج اذا اتعرفين ؟؟
وجم كان نظرج ؟؟

 

[راحـيـل]

طابت اوقاتكم




الحمد لله على سلامتج ( تعبت لين قلت بس )



و الله يسامحكم ,,,, صار لي فترة اسأل عن هـ الدكتور و ما لقيت من يدلني عليه !!!




حطيت موضوع هنا في قسم العمليات الجراحية اسمه ( يا ليت القى جواب )




بس للأسف ما عرفت اوصل له




اختي يا ليت تقولين لي وين عيادته ؟!






.

 

[Heaven Light]

هلا حبيبتي ..

سمك قرنيتي ما قالي بس قالي رقيقه ما يصير لها ليزك فسوآلي ليزر ..

ونظري كان احم احم ...وحده 6 على 120 ووحده 6 على 160 >> كان يقوول لأهلي ترى بنتكم حدها ما تشوووف

والحين صااار 6/6


-------------------

راحيل .. حبيبتي سامحيني ما شفت موضوع لأن انا امتنعت عن النت فترة طويلة بسبب العملية ..

العيادة في خيطآن .. مقابل اليونيكوم .. بعمارة فيها محل اصباغ الجوتن .. تلون العيادة 24741515


واي استفسار عالخاص ..

اخآف انسى لا امر هني .. اليوم مريت بالصدفة ..​

 

[فازلين أبيض]

عندي سؤال ،،،
صج اللي تسوي عملية الليزر أو الليزك ماتقدر تلبس عقبها عدسات(قصدي الملونة)؟؟؟

 

[نظـــرات حـــائرة]

أنا سويتها عند دكتور محمد وجيه الديب بدار الشفاء

دشي ملفي وتعبثي فيه بتلقيني متكلمه وايد عن عمليتي


فازلين

إمبلا تقدرين تلبسين عدسات ملونه عقب العملية بشهر

أنا صارلي 8 شهور من سويتها بس للحيني ما جازفت مع أني عادي أقدر

إن شاء الله ع العيد بطلع نيو لوك لأول مرة ألبس عدسات ملونه ههههههه *_*

 

[Heaven Light]

عندي سؤال ،،،
صج اللي تسوي عملية الليزر أو الليزك ماتقدر تلبس عقبها عدسات(قصدي الملونة)؟؟؟

العدسات والسباحة بالحووض او البحر بعد ثلاثة اشهر من عملية الليزر .. ويمكن هالكلام ينطبق على الليزك بعد

 

[lazaward]

هلا حبيبتي ..

سمك قرنيتي ما قالي بس قالي رقيقه ما يصير لها ليزك فسوآلي ليزر ..

ونظري كان احم احم ...وحده 6 على 120 ووحده 6 على 160 >> كان يقوول لأهلي ترى بنتكم حدها ما تشوووف

والحين صااار 6/6


..​

انا بعد نفسج :eh_s(6):
وفي ناس يقولولي لا اتويتها شحقه مالها داعي
بعدين راح تردين تلبسين نظاره حق القراءة ولا بيضعف نضرج من الكمبيوتر
بس انا مصره اسويها لاني تعبت من العدسات

 

[Heaven Light]

انا بعد نفسج :eh_s(6):
وفي ناس يقولولي لا اتويتها شحقه مالها داعي
بعدين راح تردين تلبسين نظاره حق القراءة ولا بيضعف نضرج من الكمبيوتر
بس انا مصره اسويها لاني تعبت من العدسات

لا بالعكس والله سويها

وانا سألت الدكتوور عن نظارة القراءة جان يقول هذي ظاهرة طبيعية للأنسان بعد سن الاربعين .. يعني حتى لو ما سويتي ليزك هم بعد سن 40 سنه تحتاجين نظارة ثانية للقراءة غير مالت الشووف ..

وانا قلت له اقعد عى الكمبيوتر 12 ساعه ما قالي لا تقعدين راح يرد نظرج !! ابدا ما قال بس قال ديري بالج من الجفاااف وحطي قطرات مرطبة ..

يبه سويهاا وما عليج .. الحياة بدووون نظاااااااارة عجيبه .. ​

 

[doooora]

وين بالضبط بخيطان ؟

 

[doooora]

اي لقيت الرقم في مشاركة (تعبت لين قلت بس ) ،،،،،،شكرا

 

[miss_lymoona]

الصايغ يسويها اتوقع ب 300 بنت عمي توها مسويه