QUESTnet

[Zezoshty]

السلام عليكم ورحمة الله وبركاته


سامعين عن شركه كويست نت QUESTnet ؟؟

هاذي الشركه من شركات التسويق الهرمي وللي مايعرفون شنو التسويق الهرمي أعطيكم شرح مفصل :

يتلخص عملها في إقناع الشخص بشراء سلعة أو منتج على أن يقوم بإقناع آخرين بالشراء ،

ليقنع هؤلاء آخرين أيضاً بالشراء وهكذا ، وكلما زادت طبقات المشتركين حصل الأول على عمولات أكثر تبلغ آلاف الدنانير،
وكل مشترك يقنع من بعده بالاشتراك مقابل العمولات الكبيرة التي يمكن أن يحصل عليها إذا نجح في ضم مشتركين جدد يلونه في قائمة الأعضاء ،
وهذا هو ما يسمي التسويق الهرمي أو الشبكي ..

يعني مثال حصه اشترت من كويست نت شغلة ب170 دينار .. تروح بعدين تقنع سارة تشتري من الشركه
لما ساره تشتري حصه تاخذ 10 دنانير
وبعدين تروح ساره تقنع شهد تشتري من الشركه لما تشتري شهد ساره تاخذ 10 دنانير وحصه تاخذ 10 دنانير..

وكل ما اقنعت ساره او شهد احد انه يشتري من الشركه حصه تاخذ 10 دنانير عموله ووووووو..

وضحت ؟!!

حلوه الفكره صح ؟!





غلط !!


ليش غلط ؟

شوفوا كويست نت شتبيع ::




هذا اسمه
biodisc

في منتجات ثانيه بس هذا
ارخص شي ممكن تدخلين فيه الشركه وتصيرين وكيله على قولتهم

تدرون بجم هالبلاستيكه ؟؟؟

170دينار
ولا يقصون عليكم أداة منتجه للطاقه ومادري شنو

قطعه بلاستيك ولو صج ينتج طاقه ومنها فايدة

كنا سمعنا عنه بكل مكان وعمل ضجه وينباع بالصيدليات
بس ماينباع إلا بشركه كويست نت !!!!
اللي تبي تتأكد انه مقصه ولا منه فايده تكتب بقوقل

biodisc scam

وتشوف شيطلع لها ..

يعني اللي راح يصير لما تدخلين كويست نت هو ::

1- تشترين قطعه بلاستيك ب170 دينار .
2-تقنعين اهلج ورفيجاتج انهم يشترون قطعه البلاستيك ب170 دينار وشوفي منو بيشتري ومنو بيقولج
طيــــــــــــــــــري زيـــــــن.
3- راح تشتغلين مندوبه مبيعات بدون راتب ثابت والعموله ماتسوى ( 50 دولار على كل بيعه )

وتمر عليج 4 ولا 5 سنين يالله بطلعه الروح اطلعين اللي دفعتيه بالبايوديسك!!!


وسلامتكم حبايبي هالله الله بالردود ​

 

[Zezoshty]

شدعووة بنات 4 مشاهدات ولا رد !!!

 

[اسرار الغلا]

حرااااااااااااام هالشركه

 

[♥ąϻᴑŁ♥]

انا اللي اعرفه هالشركة حرام ..

وحاطين عنها موضوع مثبت .. القي نظرة عليه

 

[Zezoshty]

انا اللي اعرفه هالشركة حرام ..

وحاطين عنها موضوع مثبت .. القي نظرة عليه

صح الشركة حرام لأنها نصب واحتيال

بس في ناس وايد ماتعرف ليش هالشركه حرام

مشكورة على الرد حبيبتي

 

[toyo]

عفوا حبوبة انتي مومجربة هذا المنتج ؟؟؟

منو الي قالج انه بلاستيك ؟ لاحبيبتي هذا زجاج مو بلاستيك والي قال لج ما منه فايدة مو مجربه انا اعرف ناس من3 سنوات يستخدمونه ولا يفكرون يستغنون عنه


واذا قصدج تبين تحذرين البنات من الشركة حاولي بطريقة ثانية لان منتجاتهم وايد ممتازة وانا اكلمج عن تجربة


ارجو انج تتقبلين مروري

 

[Zezoshty]

عفوا حبوبة انتي مومجربة هذا المنتج ؟؟؟

منو الي قالج انه بلاستيك ؟ لاحبيبتي هذا زجاج مو بلاستيك والي قال لج ما منه فايدة مو مجربه انا اعرف ناس من3 سنوات يستخدمونه ولا يفكرون يستغنون عنه


واذا قصدج تبين تحذرين البنات من الشركة حاولي بطريقة ثانية لان منتجاتهم وايد ممتازة وانا اكلمج عن تجربة


ارجو انج تتقبلين مروري

انا مجربه المنتج
رفيجتي عطتني اياه قالتلي جربيه اسبوع

وخليته 24 ساعه معاي ولا فادني ولا شي !!!

مشكورة على الرد

 

[almazyoona]

ا نلس الشركة بالعقل حرام ومشكوك فيها

 

[الجود طبعي]

الشركة حراااااااااااااااااام

 

[الدنـ نور ـيا]

سئل عنها الدكتور الطبطبائي في برنامجه يوم الجمعة وقال حرام فسئلوا أحسن من باب الطمأنينة والأكل الحلال .

 

[Um NoUrA]

اول شي نظام ربح الشركه شبكي مو هرمي ...

الهرمي اهوه اللي حرام لان اللي يدخل اخر شي ما ياخذ ربح نفس اللي اول شي ..

اما الشبكي كلنا سواسيه اللي فوق نفس اللي تحت ..

والمنتج جزاااز وانا مجربته وبعدين الاخت اللي قالت ان خذته 24 ساعه وما سوه شي لانج اسااسا انتي مو مقتنعه فيها كفكره عشان جذي ماراح تسويلج شي ..

وتقبلوا مروووري

 

[Zezoshty]

اول شي نظام ربح الشركه شبكي مو هرمي ...

الهرمي اهوه اللي حرام لان اللي يدخل اخر شي ما ياخذ ربح نفس اللي اول شي ..

اما الشبكي كلنا سواسيه اللي فوق نفس اللي تحت ..

والمنتج جزاااز وانا مجربته وبعدين الاخت اللي قالت ان خذته 24 ساعه وما سوه شي لانج اسااسا انتي مو مقتنعه فيها كفكره عشان جذي ماراح تسويلج شي ..

وتقبلوا مروووري

بالعكس والله كنت متحمسه حق القطعه بس ماشفت اي تغيير !!!

ولما شرحتلي نظام الشركه توصلت ان بالنهاية اللي راح يصير :

1- اشتري شي ماله قيمه ب170 دينار.
2- اقنع اللي حوالي يشترون شي ماله قيمه ب170 دينار !! يعني انصب عليهم .
3- اشتغل مندوبه مبيعات بدون عقد ولا راتب ثابت ولا شهادة خبره !!!!

 

[ام خالد 78]

رررررررررفع

 

[kuwaitya_zoGaa]

انا بقول رايي

رفيجتى سألت اكثر من شيخ وحلولها ... اوكى وتقول ان طريقة السؤال اهيا اللى توضح الاجابه

يعنى تقول اغلب الناس لما تسأل المشايخ تكون طريقة الشرح غلط !! على شان جذية يحرمونها !!

بالنسبة لى انا مو مقتنعه بطريقة الشغل !! ولا بالمنتج وولا بسياسة الشركة

 

[سهرانه ليل ونهار]

والله احترنا يعني المنتج مفيد ولا لا

 

[Zezoshty]

والله احترنا يعني المنتج مفيد ولا لا

المنتج كلش مو مفيد والشركه نصاااابه ياجماعه !!!

 

[شيخة كويت]

وي وي وي فيدونا