الرضاعة الطبيعية .... جد واجتهاد

[وردة النرجس]

سلام عليكم

شلونكم ؟؟؟

انا بنتي للحين خشمها مصكر حبيبتي بس شوى احسن قاعده أعطيها القطره 3 مرات باليوم

وإنشالله تتحسن

بس سؤال يا أمهات يامرضعات الله يطول بعمركم عادي الحين أدخل أعطيها حق الغازات يانسون مثلا وبابونج ؟؟

الدكتوره قالتي عطيها هالشغلات إذا فيها غازات

مادري إنتوا شرايكم ؟؟

 

[وردة النرجس]

ينات نا بصراحة المصاصة حاتطتها للطوارئ

يعني إذا إستعسرت كلش أو ليما بتنام

بصراحة الحل الأريح لي ولها

 

[أم حيدر]

السلاام عليككم

نرجس- انا حق الغازات على الله وعلى ماي مرقدوش يخلي الياهل يفلت من فو وتحت عزكم الله لوووووووووووووووووووول 1/2 قفشة استكانة بالرضعه شوييييية مفعوله سحري
وخلطة اعشاب شاي الاطفال اذا تعرفوون حواي نظيف ، انا ماخذتها من حواي جمعية الفيحا هم وايد اوكي

غموضة - حبيبتي مشكوووورة على هالدعوة الحلوة وعسى الله يسعد أيامج وايام وليدج ويبيض بختكم ياااااااارب. وبالنسبة للشوفه انشالله بس خلتضبط ظروفي حياتي الاجتماعية صفررررررر بسبة دوامي من 8-4 . ألف حمد وشكر لك يا رب العالمين

 

[الشيخه فطامي]

صح قطن الصدر بيجون موشي معنه مجيس بأكياس بس حده يسرب

الحين استخدمت جونسون احسه احسن
بس بنات لا تخلون القطنه وايد حاولو بين جم رضعه غيرو القطنه احسن

 

[أم حيدر]

اي فطامي انا جونسون معاي اوكي ودايما ابدل يعني باليوم غيارين

 

[الشيخه فطامي]

ام حيدر بسألج عن الشفط

مااقدر اشفط وايد شسوي يا الله يا الله يوصل 60 او مميه وحده لا او من صدرين بعد ؟ّ

 

[بحر الغموض]

حبيبتي فطامي شوفي اكلج

وبعدين يام حيدر مسويه لحيدر وحسون بتوقيعج وبتول ليش مالها شي؟؟؟؟؟؟؟؟
انا مارضى عليها ترى

 

[الشيخه فطامي]

بحور شلون على اكلي يعني ؟


في اشياء معينه لا زم اكلها

 

[ام الداده]

منو سألت عن حلمات السيلكون؟؟

يابنات ريحتني بشكل

وخف الالم

وبنيتي مستانسه عليه

رغم ان شكلها كبير

بس لما تمص

ينتسرس السيلكون بالحلمه

شي غريب


وبالنسبه لقطن الصدر

انا استخدم مال دارلينق

حلووو

بس انا ماينقط صدري الا نادرا

 

[ام الداده]

ياحلوات انتوا لما تشفطون جم ساعه ؟

انا مايطلع الا نص

رقم

وتأكدت ان بنيتي ماتشبع

عشان جذي كله تبجي

وامي اشترت لي رهش؟؟؟

تبي تكثر الحليب

ههههههههههههههههههههه

 

[وردة النرجس]

السلاام عليككم

نرجس- انا حق الغازات على الله وعلى ماي مرقدوش يخلي الياهل يفلت من فو وتحت عزكم الله

إنزين وشلون أخلي لها بالرضعه وإهي تشرب من صدري ؟؟

وبالنسبة لحفاظات الرضاعه أنا أرتحت على بيجون زين وماشي معاى أحسن من جونسون ودارلينق

 

[أشبـاهـ المطـر]

مساء الخير ... بنات لالحين بنتي تعبانه والله تعبت الحين تاخذ كمامين للحنجرة ولصدر وتعبانه من البلغم ماتقدر اطلعه اللهم اليوم طلعته
والي قالتلي عن الحلبة شلوون طريقة استعمالها ؟؟؟؟ الي تسال عن الجفاف والحبوب بشرة طفلها انا بنتي جذي قالي الدكتور غيري حليبها
صرت اعطيها نان بتركيبه خاصه اظن اتش ون بنطر لين يخلص حليبها واعطيها

 

[أشبـاهـ المطـر]

آآب

 

[لوكريسيا]

مساء الخير على الحلوين

شلونكم ؟؟ بشروني عنكم ؟؟

مراسي ----> انتي نفس حالتي و الله معاناة.. الله ياجرنا ان شاء الله .. و الله ساعات افكر افطمه بس يكسر خاطري .. بس ترى المرهم دكتارين و قطارة مايكوستاتين وايد زينين انا اعطي يسافي نص قطارة بس 4 مرات باليوم

و على طاري الشفاطة اليوم شريت الشفاطة اليديدة ماركة مديللا السوينغ .. بس للامانة ليلحين ما جربتها

أم الدادة .. مشكورة حبيبتي .. جربت الحلمة السيليكون من جيكو و مانفعتني

وضح النقا .. قصدج الحلبة التي باق ؟؟ عادي حطي التي باق بكوب ماي حار و خليها تنقع 5 دقايق و شربيها مرتين او 3 مرات باليوم

أم حيدر .. سامعة ان عندج برنامج لإدرار الحليب ممكن اعرفه؟؟

مراسي .. انا بجرب جاي الاعشاب اللي بتسوينه

 

[مراسي الحب]

اللسلااااااااااااااااام

آخر معلومة من لبنان نص كوب عدس ... احمر ... او اللي بقشره ... ينطبخ بالماي الييييييييييييين ينضى ... وينشرب يوميا ... يقال والعهدة على الراوي ... اسبوع الا الحليب كثير ودسم يشبع الياهل .. ومن كثر ما الحليب يصير وايد ... لازم اتدلكين الصدر بزيت الخروع علشان ينزل ... طبعا كل هذا ما جربته ... بس ارجع الكويت اجربه هههههههه ...

علشان التجارب .. امس ما شربت الجاي ... حسيت الحليب خف ... اليوم شربته مرة ثانية ... والحمدلله صدري فيه حليب ز.. ورضعته حبيبي اليوم الكشرة من هني ليه هني انا وخلودي هههههههههه ...

انا اسويه من الصبح واحطه في بطل ماي نص لتر واكمل عليه ماي ... واظل اشرب فيه طول اليوم ...

يالله عندي ثنتين للتجارب .. منو بيتطوع بعد؟؟

 

[مراسي الحب]

مساء الخير ... بنات لالحين بنتي تعبانه والله تعبت الحين تاخذ كمامين للحنجرة ولصدر وتعبانه من البلغم ماتقدر اطلعه اللهم اليوم طلعته
والي قالتلي عن الحلبة شلوون طريقة استعمالها ؟؟؟؟ الي تسال عن الجفاف والحبوب بشرة طفلها انا بنتي جذي قالي الدكتور غيري حليبها
صرت اعطيها نان بتركيبه خاصه اظن اتش ون بنطر لين يخلص حليبها واعطيها

لا حبيبتي ... بدلي حليبها الحين ضروري .... نان اتش ون منخفض التحسس ... ما يسبب حساسية حق الطفل مثل الحليب العادي ... بدليه الحين ...

 

[مراسي الحب]

اللي تشفط وما يطلع حليب كافي :

- شربي ماي وانتي تشفطين
- وقفي الشفط شوية وردي عليه
- غيري زاوية الشفط
- رعصي صدرج ... والكلمة اللي ما احبها لأنها اتذكرني بالبقر ... احم ... حلبي صدرج مع الشفط
- اكلي لووووووووووووووووووووز ... يا جماعة اللوز عجيب ........ اشتري كيلو لوز ني مو محمص ... وكل شوية حطي لج جم حبة بايدج واكلي ... وراح يفرق عليج الحليب ... والبيبي راح يحب المكسرات ههههههههههه

 

[مراسي الحب]

وبعد شغلة ... جربي تشفطين بعد الرضعة ... يعني لو شوية ... علشان اتيمعين كمية

 

[بحر الغموض]

الشيخه فطامي طبقي كلام حبيبتي مراسي

وبالنسبه للاكل عندج نظام ام حيدر وايد زين

انا الحمدلله مافي اشكالات قويه بالرضاعه بس طايح ولدي بهالحركه اللي تنرفزني ماعرف اهو يلعب والا في شي غلط
يمسك حلمه ويشدها ويطلعها تقولون خلص؟ لا ماخلص لانه يرجع بمسكها ويرضع ماني عارفه واذا خذيت عنه صدري يبجي
بس يرجع على هالحركه للعلم ان اول مايرضع عادي وطبيعي وخوش ولد بس بعد اشوي تبدا هالحركات الماصخه ولاني عارفه للحين شنو يقصد فيها

مراسي شنو سالفته؟؟؟؟؟


مراسي انتي والده قيصريه؟ علي قولتي ولاده صناعيه؟

 

[ipink]

بنات حلمات سيلكون وين تنباع وحق شنو فايدتها سوري مافهمت قصتها حق شنو
وبالنسبه حق بنتي ماتشبع الكل يقول بس شسسسسسسوي ما ادري المشكله اب بيتنا وايد تصارخ والكل يقول يوعانه واشربها طول الوقت اما بشقتي عند ابوها تسكت ولا شي وانا اشربها وصدري يذبحني واترد تصارخ بس يي ابوها وشالها سكتت صايره عياره بس عند ابوها تسكت وماتنام بفراشها شنسوي جربنا كل حلول اندوخا ونقرى قراهن وادوخ ننطر وانهزها لين الفراش سيده تبطل عينها وتصارخ والمشكله انه تعودت عالهز والشيل
وشنو اكل عشان الحليب انا ابي بنفس الوقت ارضع واضعف ما ابي امتن لاتقولون رهش ولا سمسميه لانه ما ابي امتتتتن شلون يقولون اللي يرضع يضعف اشوف وزني يقل بس مو وايد شلون بنفس الوقت نحافظ على اكلنا وهم نضعف

وانا نفس فطامي المميه ماتكمل الا بالقطاره وكل شوي ابد صدر وماكو فايده شربتها المميه بعدين صدري وللحين يوعانه واصبر عليها وايد اخر شي تنام واشوف بس تمص ما احسها تشرب حليب كلش شالحل