خبراتكم مطلوبة عن مدرسة دسمان ثنائية اللغه

[bedour18]

هلا بنوتات

ودي أسألكم عن مدرسة دسمان ، منو موديه عيالها فيها و شنو خبراتها عنها ؟ خصوصا اللغه العربية و القرآن . و اكيد التعامل

أسعار المدرسة موهينة و أنا خايفه بصراحه ان ولدي يتخرج و ما يعرف عربي عدل !!!!!!!

 

[New Mum]

ما عندي فكره والله حبيبتي إنشاء الله يفيدونج

 

[bnt q8 in usa]

شوفي انا سمعت في ناس تمدحها حق الصغار بس لي كبروا كلش موشي
وفي ناس قالولي كلششششششششش مو شي
فحبيت افيدج

 

[سارا ديور]

شوفي حبيبتي

حماتي مدخله بنتها وولدها وإللي اسمعها منها انها واااايد مرتاحه لها

ومدرسه قويه

وهم صديقتي مدخله بنتها فيها وااااايد تمدحها

بس مبناهم إيييب اليهد

 

[طيبة الكويتية]

عندج الرؤيه وايد يمدحونها.
انا ما دخلت اعيالي فيها لأنهم بيكونون في الامارات لكن اخوي كله يقولي تموا بالكويت و دخلي اعيالج الرؤيه لأنه ربعه يمدحونها وايد.

 

[bedour18]

مشكورين بنات

أنا اتصلت على الرؤية بس مو مضمون يدخل ولدي لأنه الأولوية لأخوان الطلبة هناك ، قالوا بيحطونا على لسته الانتظار يعني هين

 

[q8engineera]

انا مدخلة ولدي فيها من أولى روضه والحين اسم الله عليه بأولى أبتدائي....شوفي اهو بالروضه ما حسيت بمستوى التعليم..بس من دخل الابتدائي فرق عليي وايد وقوموا يشدون عليهم بالتدريس ومستواه وايد صار زين بالمحادثه الانجليزي والقراءة والكتابه والرياضيات...وبالنسبه للعربي هم زينين تدريسهم مدرسته سوريه ووايد زينه وشديده شوي بس انا اقول احسن الشده مطلوبه حق هالعمر بس مو معناته انها امكرهه اليهال فيها لا بالعكس واايد حبوبه....واللي اكثر منها حبوبه المدرسه الدايمه اللي معاهم بالصف اللي تدرسهم الانجليزي والرياضيات الانجليزي والعلوم الانجليزي وهي على فكرة عربيه بس ولا ولا ولا مره سمعتها تتكلم عربي حتى لما اتوهق ساعات أكلمها بالعربي ترد عليي بالانجليزي...وهذا وايد زين حق اليهال عشان لغتهم.. وفي عندهم حصه الرياضيات العربي تعطيها أبله ثانيه ...وفي عندهم مادة التربيه الوطنيه ومادة الكمبيوتر ويوم بالاسبوع يروحون المكتبه...وفي يوم رياضه ويوم سباحه.
وبالنسبه للدين هم لاتحاتين كل يوم عندهم حصه كامله دين ما عدا يوم واحد بالاسبوع والمنهج مال الحكومه طبعا ويحفظونهم القران.

اي صح والعربي ساعات يكون عندهم حصتين ورا بعض باليوم...يعني زين فيه تركيز من ناحية العربي والدين...

ومثل ما قالوا البنات مبنى المدرسه قديم مال مدارس أول وهذا بس العيب فيهم ...جان زين يرممونه ولا يبنولهم مبنى يديد...بس اشوه الكلاسات من داخل شكلها حلو والابلات مهتمين فيها.

وانشالله ناويه السنه اليايه أدخل ولدي الثاني أولى روضه....

اتمنى اكون أفدتج واي سؤال انا حاضرة:eh_s(17):

 

[bedour18]

انا مدخلة ولدي فيها من أولى روضه والحين اسم الله عليه بأولى أبتدائي....شوفي اهو بالروضه ما حسيت بمستوى التعليم..بس من دخل الابتدائي فرق عليي وايد وقوموا يشدون عليهم بالتدريس ومستواه وايد صار زين بالمحادثه الانجليزي والقراءة والكتابه والرياضيات...وبالنسبه للعربي هم زينين تدريسهم مدرسته سوريه ووايد زينه وشديده شوي بس انا اقول احسن الشده مطلوبه حق هالعمر بس مو معناته انها امكرهه اليهال فيها لا بالعكس واايد حبوبه....واللي اكثر منها حبوبه المدرسه الدايمه اللي معاهم بالصف اللي تدرسهم الانجليزي والرياضيات الانجليزي والعلوم الانجليزي وهي على فكرة عربيه بس ولا ولا ولا مره سمعتها تتكلم عربي حتى لما اتوهق ساعات أكلمها بالعربي ترد عليي بالانجليزي...وهذا وايد زين حق اليهال عشان لغتهم.. وفي عندهم حصه الرياضيات العربي تعطيها أبله ثانيه ...وفي عندهم مادة التربيه الوطنيه ومادة الكمبيوتر ويوم بالاسبوع يروحون المكتبه...وفي يوم رياضه ويوم سباحه.
وبالنسبه للدين هم لاتحاتين كل يوم عندهم حصه كامله دين ما عدا يوم واحد بالاسبوع والمنهج مال الحكومه طبعا ويحفظونهم القران.

اي صح والعربي ساعات يكون عندهم حصتين ورا بعض باليوم...يعني زين فيه تركيز من ناحية العربي والدين...

ومثل ما قالوا البنات مبنى المدرسه قديم مال مدارس أول وهذا بس العيب فيهم ...جان زين يرممونه ولا يبنولهم مبنى يديد...بس اشوه الكلاسات من داخل شكلها حلو والابلات مهتمين فيها.

وانشالله ناويه السنه اليايه أدخل ولدي الثاني أولى روضه....

اتمنى اكون أفدتج واي سؤال انا حاضرة:eh_s(17):

بعد عمري تسلمين صج تبردين القلب

بس ابي اسأل اشلون يعطونهم رياضيات بالعربي و الانجليزي ؟
و بس الرياضيات و لا العلوم بعد ؟ أخاف مخ الولد يتشتت

انا كل خوفي انه اذا لا سمح الله صارت لنا ظروف و اضطرينا نطلع الولد ، ما ابيه يتوهق جنه محمد المنصور في مسرحية ضاع الديك

يعني احنا لو شنو نسوي عرب و لازم نتكلم و نقرأ و نكتب بالعربي .

صج شنو رسوم الابتدائي و الروضه ؟

 

[q8engineera]

بعد عمري تسلمين صج تبردين القلب

بس ابي اسأل اشلون يعطونهم رياضيات بالعربي و الانجليزي ؟
و بس الرياضيات و لا العلوم بعد ؟ أخاف مخ الولد يتشتت

انا كل خوفي انه اذا لا سمح الله صارت لنا ظروف و اضطرينا نطلع الولد ، ما ابيه يتوهق جنه محمد المنصور في مسرحية ضاع الديك

يعني احنا لو شنو نسوي عرب و لازم نتكلم و نقرأ و نكتب بالعربي .

صج شنو رسوم الابتدائي و الروضه ؟

هلا حبيبتي...لا بس الرياضيات اللي بالعربي والانجليزي..العلوم يعطونهم بس بالانجليزي....اهو بالبدايه صح صار فيه تشتت يعني ولدي قام يكتب أغلب الارقام العربيه بالمقلوب بس شوي شوي قاعد يتحسن من هالناحية...

وبالنسبة للرسوم:

اولى وثانيه روضه 1200 دك

الابتدائي من اولى لما خامسه 1825دك


لو تلاحظين المبلغ وايد طمر من الروضه لي الابتدائي...لان بالابتدائي يكون التدريس جد ويركزون عليهم بالواجبات وامتحانات وشهادات وهالسوالف....

 

[bedour18]

ثانكيو حبيبتي ام جاسم

 

[جاكليت]

هلا حبيبتي
انا دخلت اعيالي الروضه عندهم
بصراحه روعه وابلاتهم يهبلون

 

[ام ربى]

بغيت اسال وين صايره المدرسة؟

 

[سيدة الكويت]

هذى المدرسه تقريبا يم مستشفى الأميرى من الخلف

تقريبا بجانب المستشفى اليديد مال السكر

 

[frfr]

انا ولدي الحين اب اولى روضه عندهم والله احسها خووش روضه ومهتمين فيهم بس مستواه عندي ما فرق لانه كنت حاطته بحضانة افنان ويوم وديته دسما ما فرق معاي يمكن بس بالمحادثه صار احسن يتكلم ويفهم انجليزي والعربي عندهم زين بس مو قوي وايد مثل يوم كان بحضانة افنان حتى لمن يتكلم لغه عربيه صاايره شوي على سوري ههههههه بس ماشي حالها وحتى انا امشركته في الباص يودون وييبونه خدمتهم وايد حلوه ودقيقين بالمواعيد

 

[omhaneen]

مرحبا هذي أول مشاركة لي بالمنتدى ..حبيت أفيدكم عن مدرسة دسمان بصراحة انا مدخلة عيالي فيها عندي بنتي العودة الحين ثانية ابتدائي دخلتها المدرسة من ثانية روضة بصراحة كنت مدخلتها على اولى روضة مدرسة قالولي انها قوية بس الله لا يوريكم كلش اسلوبهم ما مشى مع البنت من اولى روضة واجبات وامتحانات تقولون جامعة مو روضة!!! البنت تعقدت قامت تشق الدفاتر وتشخبط وتكره الروضة فأخذتها على دسمان وقلتلهم المشكلة قابلوها قالولي البنت ممتازة بس تحتاج لمعاملة حنونة خصوصا انها وايد خجولة ودخلت المدرسة من ثانية روضة وبصراحة شخصيتها تغيرت للاحسن والأهل كلهم لاحظوا الفرق ....المدرسة يا اختي ثنائية لغة عندهم قسم دراسات اللغة العربية ملتزمين بمنهج وعدد حصص الوزارة وبنتي الحين بالعربي والدين وايد زينة غالبا تكون ياية من المدرسة حافظة سور القرآن اللي بكتاب الدين لأن ابلة الدين تقعد بالصف تحفظهم بالطريقة الصحيحة...بالنسبة للانجليزي المنهج امريكي كتبهم تينن الادارة عندهم زينة المديرة بريطانية وناظرة الروضة والابتدائي امريكية وعندهم مدرسات امريكيات وبريطانيات وجنسيات مختلفة وكلهم يهبلون.... بس لأنهم يدرسون الرياضيات بالعربي والانجليزي هذا شوي يخربط الياهل بس اعتقد لي ثالثة ابتدائي بعدين يصير كله بالانجليزي...بعد عندج المبنى قديم بس الصفوف ماشي حالها......
نصيحة مو بس تختارين مدرسة زينة القرب مهم يعني تكون قريبة على البيت او الدوام يعني انا اخترتها عشان القرب وتغاضيت عن امور كنت حابتها... انشالله أكون افدتكم.