الرضاعة الطبيعية .... جد واجتهاد

[مراسي الحب]

ام حيدر خلي احد غيرج يعطيها الممية يمكن تاخذها ... خلودي من يومين سوى نفس الحركة بس قولي خلودي معلمته من قبل على الممية ... وهم مني ما يرضى يلف ويهه عند صدري ... عطيته امي خذاها ... عطيته الخدامة ياخذ الممية .. بس انا ما يرضى .. حبيبي \

وقاعدة اسوي نفسي حقل تجارب حق شاي الاعشاب اللي قرينا عنه حق زيادة الحليب ... اذا نفع بييب منه

 

[مراسي الحب]

والله يا بنات العلم نور .. قاعدة اسوي بحث عن الموضوع طلع احنا يا غافلين لكم الله .. الاجانب طايحين له جاي اعشاب ووصفات عجيبة غريبة واحنا ما ندري المشكلة يحدني اسم العشبة بالانجليزي والعربي

 

[مراسي الحب]

ايييييييييييييي ضروري اقول لكم هالشي وضروري اتسوونه

زيارة طبيب الاطفال كل شهر ... عمر البيبي شهر ، شهرين ، 3 شهور ، اربع شهور ، خمس شهور ، ست شهور ـ وبعدين 9 شهور ... وبعدين سنة ... وسنة ونص .. وسنتين .. وسنتين ونص ... وثلاث سنين ... وبعدين بالسنة مرة لازم الدكتور يجيك على الطفل .. طول وزن ... قدرات يعني مو خسرانين شي

 

[opera]

هلوووو افري بودي

اي والله بودي ولدي الطبيب بجيك عليه

 

[بحر الغموض]

ام حيدر منج ما راح تقبل لان تدري وتشم ريحه صدرج انا بعد سوى فيني جذي مرتين مووووووووراضي ياخذها يدزها يبي صدري


انا الحمدلله كل شهر تقريبا مرتين الطبيب

 

[بحر الغموض]

بالنسبه لحساب البراعم او حساب الاطفال مال الوطني ايا كان

ترى الاب له صلاحيه انه يسحب الحساب كله باي وقت يبيه له الحق لانه الاب

لو حبيتي خلي احساب توفير باسمج طبعا وخلي فلوس ولدج فيه وبجذي تتطمنين الوالد مايسحب الحساب لاي ظرف كان

اناابوولدي حاطله حساب البراعم بس انا اخش له من عندي حاطتله حساب باسمي توفير حق ولدي بس

مع انه طبعا معطيني رقم السري للبطاقه بس صلاحياتي فقط اني اسحب منه ولكن اهو يقدر يسحب بكيفه ويقفل الحساب بكيفه

انتبهو ترى وايد امهات صارت لهم مواقف يوفرون لعيالهم من افلوسهم ولوصار شي او مشاكل بين الام والاب راح الاب وسحب الحساب كله حتى لو كانت الام فاتحتله

وبالنسبه للبنوك ماكو احسن من بيت التمويل حتى بالفوائد احسن واعلى وقوته بالسوق
لكن الوطني فشخره وقص على عقول خلق الله واكثر من مره يبوقون من الحسابات وحصل انهم باقوا مني 100 دينار اشكره تشتكين وتعفسين ماكو فايده زهقوني اعيال اللذينه الله لا يوفقهم ووايد يغارون من بيت التمويل لانه منافس كبير لهم

انا اتمنى اطلع من الوطني بس لاني بالتربيه هالوزاره اذا بغير البنك راح تبهذلني جم شهر يالله ينزل الراتب

 

[أشبـاهـ المطـر]

صباح الخير امهات يامرضعات وبطلات ورشيقات <<<اهم شي
شلوونكم شخباركم بنات ديروووا بالكم من العطووور لعبت بنوووتي لعب حبيبتي ياها التهاب بالحنجرة وكمام ودخلنا المستشفى وتبهذلت صراحه مااقدر انااام فيني خووف موطبيعي الحمد الله الذي عافانا امراض تخوووف الله يديم علينا الصحه و العافيه ... الحين بنتي اشوا بإذن الله بس لالحين تحك كحه قووويه ومعطيني قطره خشم وبصراحه ماااستعملها وايد وايزبكت بخلص والمشكله لالحين تكح بنتي بنات بليز الي عندها خبره تفيدني لاني والله لاليلي ليل ولانهاري نهار فديتها صارت تاكل بطاط ورب ماانغشمر لوووووووووووووووووول عجبها والفارليز كاهو بالكبت وسريلاك ماعطيتها قلت خل اعطيها بطاط استانست عليه بس مااكثر اخااف يصير فيها شي يالله كفايه سوالف لي هني بالرد الثااني اكمل ماافي جعبتي

 

[أشبـاهـ المطـر]

صج لاقالوا لو تدري امي بسنيناتي جان ولمت كفيناتي ... التسنين بروووحه موضوع لحاله مع اني سمعت ان الدكاتره مايعترفون بالهالشي ؟؟؟!! الحين الامووره تسنن مااتخرج الا سهال وانتوا بكرامه فترة الصبح بس لي اليوووم الثاني الصبح يعني كل 24 ساعه وكسرت خاطري بس تعضني لوووووووول صدري للحليب وعضاضه ماكو شغل شرايكم اشتريلها عضاضه ولامووزين ؟؟؟؟!!! اي صج انا الحين معطله فا صاارت بنتي مااتشرب صناعي على طووول بصدري اللهم بالليل فقط ....

 

[وردة النرجس]

عادي ليش ماتعطينها عضاضة حرام عليج على الأقل تريحها حطيها بالثلاجة فتره وبعدين عطيها تصير باردة وتصير مثل المخدر على اللثة

 

[بحر الغموض]

عطيها عضاضه اللي بداخلها سائل هذه تحطينها بالفريزر او الثلاجه وتقعد تعضعها تسويلها مساج عشان تطلع الاسنان بسرعه وبنفس الوقت البروده تخفف الالم
لازم وطبيعي تخليتها تعضعض اكسرت خاطري والله يعيني على ولدي

بالنسبه للصدر عليج بالحلبه عن تجربه اختي ولدها صارت فيه حساسيه لدرجه صار ياخذ كمام كل ساعتين فسالت وقالو الحلبه زينه صارت تشربه والحمدلله من وقتها والحين صار عمره فوق عشر سنين ماياله الصدر كلش الحمدلله
حتى لو انتي شربتي الحبله ترى راح توصله من حليبج
عطيها حلبه احسن لج وداومي عليها وماعليج من الريحه صحه بنتج تخلي الحلبه ريحتها ورد ولا قعده المستشفى وتعب بنتج

قطره الخشم لا تخلينها عالاقل تنظف خشمها وتخليها تتنفس لاتوقفين علاج بكيفج حبيبتي الا لو قالج الطبيب احسن لها
وبالنسبه للاكل الطبيب قالي بعد مايخلص الرابع كله والاحسن بعد الخامس اول ما تعطينه لازم سيريلاك الارز وقالي لاتغرين الاكل الا كل 3 ايام او 4 علشان تعرفين عنده تحسس منه والا لأ
وابتعدي عن البيض والسمج والمانجا والفراوله وشي بعد ناسيته

 

[opera]

منتجات الحليب بعد اللي اعرفه ماتنعطى للياهل قبل السنه

 

[بحر الغموض]

اشلون منتجات الحليب؟؟؟
يعني الروب لا؟

تاكدي حبيبتي وعطينا خبر وانا بسال للعلم اني اسمع وايد يقولون نعطيهم روب

انا اذا تذكرت بسال الطبيب

 

[أم حيدر]

صبحكم الله بأنوار النبي

شلونكم وشعلومك؟؟؟

بالنسبة حق بتولي سواءءا انا او اي احد من البيت يعطيها الممية ترفضها .. بنتي وااااااااعية سلم قلبها كاني داومت اليوم وقاعده احاتيها

 

[opera]

صباحكم خير

بحوووره الاموره .. الروب عادي .. بس باجي الاشيا نوووو ممنوع


ام حيدر للحين معاناتج مع توته :\ واااي الله يعييينج .. كسرت خاطري تبي ماما ماتبي المميه

 

[الشيخه فطامي]

بنات بسألكم جم سؤال داشين عرض

اسم الله عليهم الصبيان تكرمون لمن يبولون لا اله الا الله يدمر كل مكان غير عن البنات بعض المرات ببدل الحفاظه بس ما بي اغسله بس بالوايبس يدمر شسوي ؟!!

بعدين ابي كلونيات حق الملابس ولدي جم يوم ماسبحته بس انقعه بماي عشان مطهرته او ريحته فايحه لووووووووووووول

فودي بكلونيات اللي نحطهم عل الملابس من وين ؟!ّ

 

[opera]

هلا الشيخه

انا ماحب لازم اغسل الولد :\


اما عن الكلونيات .. في حق اليهال تكون بارده حيل .. انا عجبتني ريحه ساره اللي بالجمعيه يبيعونه .. وفي مسك عند الشايع حلو خفيف.. بس ولدج وايد صغير عالروايح .. ترا يمكن صدره مايتحمل ديري بالج ..

 

[مراسي الحب]

صباح العسل على الامهات الحلوين الواعيين

اللي ممنوع:
تحت 6 شهور منتجات القمح بكل انواعها ... ممكن من 4 شهور تقدمين الرز للطفل بس الافضل تتاخرين ليه 6 شهور الا اذا شفتي الطفل عنده اهتمام وجاهز للتذوق ... نووني كانت اتطالعني وانا آكل وتتلمظ .. ولما عطيتها العيش كملت عليه .. يعني ما استنكرت وقامت اتلحس وتبلع .. اذا شفتي البيبي مو عارف يبلع الاكل المهروس معناته اهوا مو جاهز للاكل لا تستعيلين عليه... طبعا الرز فيه نوعين .. نوع مخلوط مع الحليب وطعمه حلو .. ونوع مافيه حليب انا استعملته حق نوني لأنه كان عندها حساسية من الحليب العادي مال الاطفال

بعد 6 شهور ممكن تقدمين سيريلاك العادي وكل منتجات القمح حتى البسكوت اللي يذوب ... يا دوب الجهاز الهضمي يكون جاهز للقمح وهضمه لان القمح ممكن يسبب حساسية .. اذكر يوم نووني عمرها 5 شهور واسبوعين اختي عطتها نتفة بسكوتة ... طبعا اختي بتطبق اللي اهيا اتعرفه ماله شغل فيني هههههههههههه .... ولا خدودها تقلب دوائر حمر .. طبعا للي ما اتعرف هذا دليل على التحسس من الاكل .. قلتلها الله يعافيج لا تعطينها شي بس كملت 6 شهور عطيتها سيريلاك صار اوكي

الخضرة والفاكهة ممكن من 4 شهور ... ولنا حوار آخر عن طريقة تقديمهم ...

وبعدين على 9 شهور اتقدمين اللحم والدجاج

وبعدين يا محفوظات السلامة ... بعد السنة .. انقدم منتجات الحليب كاملة الدسم فقط والعسل اييي ما يصير تعطين البيبي عسل والسمك بعد السنة ... ويفضل اتاخرين المكسرات لبعد سنتين

شاكلي بسوي موضوع ثاني عن أكل البيبي ههههههههههه

 

[مراسي الحب]

بنات منو تبي تطوع اتجرب شاي الحليب..؟؟ قصدي الشاي المدر للحليب؟؟

 

[الشيخه فطامي]

اوبرا اي ادري تو الناس بس قلت بعد الاربعين بحط عل الملابس رشه خفيفه ؟

 

[مراسي الحب]

بسوي تجربة انا بصراحة أثر فيني .. ولما ارجع ابي جم واحدة يجربون علشان اشوف صج يشتغل ولا بس انا