اللي قدمو للهيئه العامة للصناعة

[xxxx7]

بنات بقولكم جم شغله

** اول شي احب اطمن اللي مادزولهم .. اللي تخصصهم قانون ومحاسبه ترى ليلحين ماحطولهم المواعيد فتطمنوو

** شوفو ترى اهم مرتبين المقدمين حسب درجاتكم مالوت الاختبار الانجليزي اللي قدمتوه .. يعني اللي مسويه زين وواثقه انها توب بالامتحان مقدمه خل يكون عندها امل .. واللي مو مقدمه عدل كلش خل تفقد الامل

** وشوفو في وحده هني قالت عن كتيب مالهم روحو اخذوه اذا تقدرون عشان تقرون عنهم انا بعد وصلي هالخبر انه هالكتيب هذا مفيد واول ماقالولي تذكرت اللي قالت بالمنتدى .. راح يسالونكم شنو تعرفون عن الهيئه

وبس موفقين ..

يعني مهندسه راح ينادون الكل ولا بس الي طايف درجه معينه بامتحان الانقليزي (لنا اعتقد ينادون الكل لني اعرف نفسي نص نص بامتحان الانقليزي فبصراحه انجاز اعتبره بالنسبه حقي لو نادوني حق المقابله عشان طايفه درجه معينه بالانقليزي)

مهندسه لمن سويتي المقابله الاعلان الي طاف كانو يسولفون معاج يسألونج بالانقليزي ولا لا

بنات عندي اقتراح اشرايكم ممكن الي تاخذ الكتاب تاخذ نسخه ذياده وتحطه بأي تصوير بأي جمعيه عشان انروح انصور منه انا والله ماقدر اطلع من دوامي الا بالحسره :krkrkr: وخاشه استئذاني حق المقابلة

 

[OM.7moooodi]

بنات المقابله بالانجليزي ولا العربي ؟

 

[xxxx7]

بنات كل وحده تكتب متى مقابلتها وشنو تخصصها

نظم معلومات 26-7

 

[xxxx7]

بنات اذا بييب واسطه منو انكلم داخل الهيئه يعني منو الي لهم كلمه داخل الاداره بالتوظيف

 

[Fa6oM]

موووفقين وعئبال مايدقووون عالاعلاميييين

 

[ام شباصه]

بنات
انا هندسه وباجر مقابلتي
ادعولي
وبقولكم شنو يصير معاي اذا مانسيت من الخرعه

 

[xxxx7]

موفقه شباصة

عفيه نبي باجر تقرير مفصل

حاولي اتعرفين منهم متى نتائج المقبولين ومتى يباشرون العمل

بالمقابله دشي عليهم مثل الاسد اذا شافوج مثل الارنب كلوج خليج اسد تغذي فيهم قبل لايتعشون فيج



الله يوفقج ووفق كل بنات المنتدى

 

[ام شباصه]

موفقه شباصة

عفيه نبي باجر تقرير مفصل

حاولي اتعرفين منهم متى نتائج المقبولين ومتى يباشرون العمل

بالمقابله دشي عليهم مثل الاسد اذا شافوج مثل الارنب كلوج خليج اسد تغذي فيهم قبل لايتعشون فيج



الله يوفقج ووفق كل بنات المنتدى

شكلي بصير ديايه هههههه
لالالالا بدش عليهم مصارع انا اوريج فيهم
وان شاء الله بقولكم كل شي يصير معاي
ومشكووره عالدعوه اجمعين ان شاء الله
بنات في احد معاي مقابلته باجر؟!؟!؟!

 

[xxxx7]

العفو يا اسد

 

[OM.7moooodi]

ام شباصه قالولج المقابله بالعربي ولا الانجليزي ؟

 

[q8palooma]

موووفقين وعئبال مايدقووون عالاعلاميييين

اميييييين ان شاءالله :>


بالتوفيق للجميع

 

[[المهندسة]]

xxxx7
لا شوفي يعني مثلا لكل تخصص يحطون 30 افضل متقدم ويرتبونهم الاول يكون اعلى واحد بدرجه الاختبار وبعده الثاني وجذي
بس اللي ترتيبه 30 ماعتقد يقبلونه اصلا بس يكون نادوه للمقابله عرفتي ؟
فللتوظيف لم بيختارون يزيدون درجه المقابله على درجه الاختبار وياخذون احسن اثنين او ثلاث اعتقد جذي يعني
صراحه لم سوولي المقابله كانت بالعربي بس هم خايفه واحس يمكن غيرو الحين انا اعرف انجليزي بس ماعرف اتكلم جدام احد لووول اتعومس الله يستر بس
اذا ماتقدرين على الكتاب دشي السايت
وعلى سالفه منو تكلمين كلمي شخص له مركز او مسؤول شي جذي يعني له دخل بالتوظيف
موفقين الله كريم يارب يقبلونا انشاءالله

 

[محتاره بحياتي]

مشكورة المهندسه

ام شباصه الله يوفقج قولي لنا شنو قالووووووووووووووووولج

 

[OM.7moooodi]

المهندسه حبيبتي انتي شنو تخصصج ؟

 

[دي حسن]

ام حمودي المقابله بالعربي شلون انجليزي !!

 

[أوكسجين]

الله يوفق الجميع

 

[ام شباصه]

بنات رحت المقابله
لالالالالالالالاتحاتون عاديه جدا
طبعا كانو اكثر من واحد يمكن 10 او اكثر بعد من بينهم حرمتين
وسالوني اساله عاديه وماطولت اقل من عشر دقايق وكانت بالعربي
الاسله:
-تكلمي عن نفسج وعن تخصصج <<< ممكن واحد ينطلج ويسالج عن تخصصج او يقولج تكلمي عن هالشغله
-تكلمي عن مشروع التخرج
-شنو البرامج الي تعرفينها
-تستخدمين البرامج بشكل يومي؟
-عندج مانع تسافرين او تطلعين مواق عقب الدوام ومن هالحجي!
-سؤال عرض: اشرايج بدخول الحريم المجلس وحق منو صوتي؟!؟!
واخر شي قال عندج شي تبين تسالين عنه عاد انا مادري ليش راح عن بالي كنت بسال متى التوظيف وجذي مادري شفيني تخديت!
بس بنات بشكل عام لاتحاتون واذا تذكرت شي بقولكم

بس لاحظت شغله .... شفت تقريبا كل الي مقدمين الامتحان يعني معقوله كلهم مسوين زين؟!؟! مع اني اعرف واحد مايعرف ارضه من سماه وكان موجود.... فمادري مقابلين الكل ولا شسالفه

 

[[المهندسة]]

لووووووووووووول ام شباصه ضحكتيني على مايعرف ارضه من سماه الله يستر بس

قتلكم مقابلين اول ثلاثين مثلا بس مو معناته راح ياخذونهم بس جذي

انا السنه اللي طافت نادوني امتحان ومقابله وبعدين كشتو فيني مع انه معدلي حلو حمدالله بس مادري حسيت شغل واسطات

لا بس جذي مسوين مقابله للكل عشان محد يتحجى بس مو معناته الكل مقبولين

 

[Laymo0ona]

بنات رحت المقابله
لالالالالالالالاتحاتون عاديه جدا
طبعا كانو اكثر من واحد يمكن 10 او اكثر بعد من بينهم حرمتين
وسالوني اساله عاديه وماطولت اقل من عشر دقايق وكانت بالعربي
الاسله:
-تكلمي عن نفسج وعن تخصصج <<< ممكن واحد ينطلج ويسالج عن تخصصج او يقولج تكلمي عن هالشغله
-تكلمي عن مشروع التخرج
-شنو البرامج الي تعرفينها
-تستخدمين البرامج بشكل يومي؟
-عندج مانع تسافرين او تطلعين مواق عقب الدوام ومن هالحجي!
-سؤال عرض: اشرايج بدخول الحريم المجلس وحق منو صوتي؟!؟!
واخر شي قال عندج شي تبين تسالين عنه عاد انا مادري ليش راح عن بالي كنت بسال متى التوظيف وجذي مادري شفيني تخديت!
بس بنات بشكل عام لاتحاتون واذا تذكرت شي بقولكم

بس لاحظت شغله .... شفت تقريبا كل الي مقدمين الامتحان يعني معقوله كلهم مسوين زين؟!؟! مع اني اعرف واحد مايعرف ارضه من سماه وكان موجود.... فمادري مقابلين الكل ولا شسالفه

ما اسألووج عن الهيئة؟؟؟ وحده سخيف سؤال المجلس!!!:dddds:

 

[[المهندسة]]

اي وبعدين اهم تقييمهم اكثر شي على درجه اختبار الانجليزي يمكن هذا انجليزيته وااايد زينه يجوز يمكن لوول