تجمع نادي (فت) الصحي بالـ(الدسمه)

[Eng.shosha]

السلام علييييكم

شلونكم حبوباات
سويت هالتجمع حق اللي عندها استفسار .. أو نسولف
عن المدربات والكلاسات ..

حياااكم الله كلكم ..

بغيت أسألكم إذا صار عندي عذر شرعي
خو ما اقدر اروح أدق عليهم أقولهم
ولا اهم بروحهم يعرفون اذا ما ييت يسجلونه علي ؟

ما ادري شلون الطريقه والله ؟

وبغيت أقولكم ترى في عرض الحين لي نهاية شهر 7
شهر ونص بـ 100 ..


وحياكم الله مره ثانيه :tek:​

 

[فووووشيا]

حبووبة ال3 اشهر بجم عندهم ؟؟؟


انا كنت مشتركه بتشامبينز وخلص اشتراكي وودي اغير بس اخاف اتحسف شراايج؟

 

[Eng.shosha]

والله ما ادري بجم ..

حتى انا العام كنت بتشامبيز
شوفي تشامبيز كان زحممممممه .. وآنا ما احب الزحمه
بس فت خفايف وهاادي .. مشكلته ان دور واحد بس الصالون فوق
يعني الحوض وحاطين حاجز وبعدين اجهزه ودار مداره كلاسات .. يعني مو نفس
مستوى تشامبيز .. بس حلو الصراااحه

 

[فووووشيا]

بروح اطل عليه باجر


ما تدرين حبووبة بجم ال3 اشهر ؟؟


وسؤال ملقوف شوي ليش غيرتي عن تشامبنيز


احس عندي ولاء لوول مو قادره اغير

 

[Eng.shosha]

هلا حبيبتي

لا والله ما سألتهم بجم .. باجر روحي شوفيه وبالمره سأليهم

اممم ما ادري قلت بجرب شي ثاني
وكنت متوقعه ان زحمه لأن اهو أكثر شي مرغوب ومكانه بالجابريه
فقلت أغير مع ان يمنا :>

 

[KG-Teacher]

هاي بنات انا حابه اشترك بفت وصراحة عجبني عرضهم للي شهر ونص ب 100 دينار

وهل صج مستمر لي اخر 7

وفي عروض غيره؟


واهم شي مواقفة وين صايرة وين تصفطون جنه لوية شكلهم من بعيد​

 

[q8 nono]

كنت مشتركه بس الحين انظميت لفلكس و النادي حلو مافي زحمه وايد و ونظيف بس مستواه عادي مو بقوة فلكس و تشامبينز بس ونيس والله

 

[ii DareeN ii]

180 الثلاث شهور

 

[Eng.shosha]

هاي بنات انا حابه اشترك بفت وصراحة عجبني عرضهم للي شهر ونص ب 100 دينار

وهل صج مستمر لي اخر 7

وفي عروض غيره؟


واهم شي مواقفة وين صايرة وين تصفطون جنه لوية شكلهم من بعيد​

اللي اعرفه ان لي شهر 7 هالعرض ... والله ما ادري اذا في عرض غيره .. لا مافي وايد مواقف
آنا يوديني السايق يعني حدي مرتاحه

كنت مشتركه بس الحين انظميت لفلكس و النادي حلو مافي زحمه وايد و ونظيف بس مستواه عادي مو بقوة فلكس و تشامبينز بس ونيس والله

صح كلامج مو بنفس مستوى فلكس والباجي .. بس هم مستواه حلييو :dddds:

180 الثلاث شهور

هم زين والله ..


مشكورين بنات عالمرووور

وليلحين ما لقيت أحد مشترك فييه :>

 

[ii DareeN ii]

انا مشتركة موقفة اشتراكي على اني ارجع السبت ان شاء الله صار لي شهر وباقيلي شهرين ومرتاحة الحمدالله فيه

 

[Eng.shosha]

يلا زييين

بسئلج .. اذا صار عندي عذر شرعي ما اقدر اروح

اهم بروحهم يوقفون اشتراكي ولا لازم أقولهم؟

 

[um fawaz]

شنو كلاساتهم ؟؟؟ وحمام السباحه نظيف ؟؟

 

[انصار]

بنات في زحمه ؟
ذاك اليوم مريت وانا طالعه من الجمعيه شفت وااااايد سيارات كان زحمه المواقف

 

[Eng.shosha]

المواقف زحمه بس لو تدشين ترى مو وايد

أكثر شي يصير زحمه المغرب ..

الظهر لا زين

آنا ما جربت الكلاسات الا واحد .. زين ..

والحوض كبييييير ومافي وايد يتسبحون عشان جذي ما يصير وصخ
بس وقت اللي يصير في وايد يتسبحون أكيد وصخ

 

[ii DareeN ii]

حبيبتي انا اشتراكي ثلاث شهور اقدر اوقف عندي شهر الحين وقفت اسبوع وباقيلي ثلاث اسابيع توقيف بخليهم حق رمضان

 

[Eng.shosha]

^
^
اهاااا زين تسويين

 

[كنوشة]

اي
صح بس ايقولون كلا بنات اصغار

 

[ii DareeN ii]

والله فيه من العيايز مشاء الله لي المراهقات من جميع الاعمار تحصلين بس العموم المشتركات حليوين

 

[Eng.shosha]

اي في صغار بس مو وايد
آنا اشوف أكثر شي العيايز والشابات ..

 

[ii DareeN ii]

بعد المغرب بروح ارجع اشتراكي ام عبدالمحسن طلبو منج صور مادري شحقة يبون صور