التجمع الثاني .. مسافرات امريكا 2009 ... حياكم

[white**angel]

شلونكم بنات شخباركم
ام البنين
سماسم
بينق وين
سيمبلي
ميسوره
عروس
امواج
وايت
عذروني اللي ماذكرتهم

والله ولهت عليكم
روونه

امس احنا رحنا

اهلا جووري شلوونج ولهنا علييييج شلونج وشلون امريييكااا

سماسم ماكو شغل تبين تحجزين تذاكر ديزني قبل لاتحجزين الفنادق
والله لج ويهه (تزهب الدوى قبل الفلعه)

بافي دشي السايت وشوفي جم يوم يناسبج وعلشان تاخذين فكره على اسعارهم
اذا عندج يهال يفرق السعر

الجوري هاف فن كثر ما تقدرون

وايت ماتدربتي لقيادة السياره ولا حده مو وقته

لا والله ميسوره ما تدربت علساس امس يطلعولي الاستماره بس خالتي اطلبت جوازي فقلت حق ابوي لمن ارجع من السفر ادرب قال اوكي اووف انا حدي متشوقه على السواقه

 

[ميسوره]

خلاص عيل تدربي هناك واجري سياره مره وحده

 

[semaasem]

هلا هلا هلا هلا فيكم بنااااات


تو ما نور المنتدى بطلتكم البهية اللي مية مية (عادتني ميسورة)


بافي

خلاص جهزي فليساتج انتي بعد لووول (قاعدة احوش لي فلوس حق السفرة)

اللي تبيني اعلمها شلون تحول لي 30 دينار على هالحساب 12345678910 وحجزكم راح يكون مضمون100%




وايتونه

هابي بيييييييرثداي تويوووو كل عام وانتي بخيييير وعقبال مليون سنة ومتى تقززينا بالحب؟؟؟



الجوري

أسفرت وأنورت واستهلت وامطرت هلا فيج قلبي بشري عنج شخبارج لج وحشة كبيرة



ميسورة

تصدقين راح افقد نجرتج وسوالفج الحلوة لما اسافر...تهقين أكنسل علشان اقعد وياج؟؟ لوووول مالج أمل قعدي بروحج وانتي اللي فقديني

بس عورني قلبي وانا اودع البنات ماكو وحدة تودعني غيرج لووول

بعدين منو قالج موحاجزة حاجزة فندق اورلاندو بس بقى نيويورك واذا كلش كلش ننام بالشارع يعني شفيها؟؟

ومرة ثانية شي ماتعرفين له لا تتعبثين فيه مفهوم خلي الشغل لنا (صدقت)



وايتونه متى الليسن؟ شرايج تستفتحين وتسوقين بامريكا

 

[مهفة]

قوووة بناااااااااات...
مهفة من واشنطن تحيييييييييييييييكم....
تونا واصلين من 3 ساعات بالسلامة.....
انا عاليونايتد والطياارة حدها لوعة.... الكراسي ضيجة والنووووووومة كسيفة بس من التعب نمنا شوي..... حطيت ولدي ينام بالأرض عند مكان ريولنا وانا خذيت كرسيه مع كرسيي ونمتلي شوي :0bee2e8d89: والمضيفين نفس شينة والطيارة فل مافي مجال اتمقطين ابدااااا
وطبعا بالمطار اسألونا أسئلة عادية ولا تأخرنا ولا دقيقة... وبالنسبة لموضوع الانفلونزا الغبرة الله يسلمكم حاطين بس ورقة عند مكان تختم الجوازات انه اذا فيك اقعد بالبيت ولا تعطس بويه أحد وبسسسسسسسسسسسسس!

احنا ألحين بالفندق... دايخين شوي بس ما ينفع انام ألحين ....

 

[ميسوره]

سماسم
مانفقد غالي انشاءالله بس راح اشتاقلج
تروحين وتردين بالسلامه
متى السفره باجر :krkrkr::krkrkr:
نومت الشارع مافيها شي على الاقل الواحد يتمتع بالهوى الطلق والنسيم العليل
ولا فيه فنادق تأجر غرفه بحمام مشترك (تكرمين)
والله ما تعبثت بشي قاعده مكاني ماتحركت كافه خيري شري
وشعلي من الناس واشعلا الناس مني

 

[ميسوره]

قوووة بناااااااااات...
مهفة من واشنطن تحيييييييييييييييكم....
تونا واصلين من 3 ساعات بالسلامة.....
انا عاليونايتد والطياارة حدها لوعة.... الكراسي ضيجة والنووووووومة كسيفة بس من التعب نمنا شوي..... حطيت ولدي ينام بالأرض عند مكان ريولنا وانا خذيت كرسيه مع كرسيي ونمتلي شوي :0bee2e8d89: والمضيفين نفس شينة والطيارة فل مافي مجال اتمقطين ابدااااا
وطبعا بالمطار اسألونا أسئلة عادية ولا تأخرنا ولا دقيقة... وبالنسبة لموضوع الانفلونزا الغبرة الله يسلمكم حاطين بس ورقة عند مكان تختم الجوازات انه اذا فيك اقعد بالبيت ولا تعطس بويه أحد وبسسسسسسسسسسسسس!

احنا ألحين بالفندق... دايخين شوي بس ما ينفع انام ألحين ....

هلا مهفه اشلونج
الحمدالله على سلامتكم

 

[semaasem]

مهفه


الحمدلله عالسلامة و حلوة تفاصيلج تبرد القلب هالله هالله بالاخبار

وارتاحي علشان تقدرين تستانسين وعقبالي يارب



ميسورة

جان زيييييييييين ماشفتيني اخر الجدول قلت ما اروح الا وانا مطمنه عالبنات كلهم انهم راحوا قبلي لووول

بس انتي الله يهداج اللي أجلتي سفرتج

 

[ميسوره]

ميسورة

جان زيييييييييين ماشفتيني اخر الجدول قلت ما اروح الا وانا مطمنه عالبنات كلهم انهم راحوا قبلي لووول

بس انتي الله يهداج اللي أجلتي سفرتج

الصراحه ما هان علي اسافر قبلج قلت لازم استفيد من خبرتج
واتعلم من اخطائج
ولاتحاتين البنات انا موجود وبضبط المغادرون (اودعهم) والقادمون (اتحمدلهم بالسلامه)
على ما اردين استلمج العهده

 

[semaasem]

هذا العشم فيج ميسورة ما تقصرين


وديري بالج على وايت بعد فتحي عيونج زين عليها صارت 18 سنة لا تاخذ السيارة وتطلع على كيف كيفها

 

[white**angel]

خلاص عيل تدربي هناك واجري سياره مره وحده

اي هذا الي كنت بسويه بس خالتي الله يهداها :0bee2e8d89: ريل خالتي بقى يطلعلي اجازه دوليه جان تقوله لالالا تدعم فينا مناك لووول خايفه على عمرها

وايتونه

هابي بيييييييرثداي تويوووو كل عام وانتي بخيييير وعقبال مليون سنة ومتى تقززينا بالحب؟؟؟










وايتونه متى الليسن؟ شرايج تستفتحين وتسوقين بامريكا

وانتي بخير حياااتي الليسن لمن ارجع من امرييكاااااا لووول قلت خالتي ما رضت

هذا العشم فيج ميسورة ما تقصرين


وديري بالج على وايت بعد فتحي عيونج زين عليها صارت 18 سنة لا تاخذ السيارة وتطلع على كيف كيفها

لوووووووووووووووووووووووووووووووول انا من الحين اقول حق ابوي يقول اشوفج تروحين مني مناك مني البيت لي الجامعه ومن الجامعه لي البيت ماكو مني مناك لووووول اقوله انزين اروح اتغدى مره وحده بالاسبوع بره يقول عطيني خبر :dddds:

 

[ميسوره]

سماسم افا عليج انعجبج
وايت بالحفظ والصون بس الخوف مو منها الخوف مني هالايام صايره مثل المراهقات ابي اقز
وايام المراهقات صايره تراودني بكثره الفتره الاخيره يمكن ماعشت طفواتي (شكو):eh_s(6):

 

[semaasem]

وايتونه


انتي الحين في احلى ايام عمرج عيشيها واستانسي فيها وعيشي الجو مع (الخطيب ) ترى هالايام بتذكرونها طول عمركم



ميسورة

غيرنا كلامنا الحين بوصي وايتونه عليج


وايت

عمري انتي ديري بالج على ميسورة ترى هي فاصلة هاليومين والله يستر منها

واحب اقولج ملاحظة داشة عرض ترى تعودت على صورتج اللي قبل

 

[white**angel]

سماسم افا عليج انعجبج
وايت بالحفظ والصون بس الخوف مو منها الخوف مني هالايام صايره مثل المراهقات ابي اقز
وايام المراهقات صايره تراودني بكثره الفتره الاخيره يمكن ماعشت طفواتي (شكو):eh_s(6):

لووول ميسووره انا الي بدير بالي علييييج :dddds:

وايتونه


انتي الحين في احلى ايام عمرج عيشيها واستانسي فيها وعيشي الجو مع (الخطيب ) ترى هالايام بتذكرونها طول عمركم



ميسورة

غيرنا كلامنا الحين بوصي وايتونه عليج


وايت

عمري انتي ديري بالج على ميسورة ترى هي فاصلة هاليومين والله يستر منها

واحب اقولج ملاحظة داشة عرض ترى تعودت على صورتج اللي قبل

لووول سمسوومه احس الحين صج احلى ايام عمري بالسفر
وعلى ميسووره خلاص خلاص اهيا بيد امينه :dddds:
وعلى الصوره لووول سالفتها سالفه امي تقول تشبهج اقولها حرام عليج تقولي والله فيها بوهه منج جان احطها

 

[white**angel]

يالله بنات حبايبي انا الحين بروح ابدل
معزومين بيت خالتي

 

[semaasem]

وايتونه


قولي آمين


الله يجعل ايامج كلها افراح وسعادة


و اذا خالج حلو سلميلي عليه لوووول

 

[زقرتيه_92]

يعطييكم العافيه

 

[&أمواج&]

شلونكم بنات
الجو حده عجيب في لوس انجولوس

 

[Simply_The_Best]

الســــــــــــلام شخبـاركـم يـا بنـات ؟


الجـوري .......... هـلا والله ..... شلونكم إن شاء الله مـرتـاحيـن ؟ ... العـروس اسبقتـج و اشبكـت

مهفـــــــــة .... المهم الحمد الله على السلامـة ..... و استـانسـوا و رفهـوا عن نفسكـم ....... تـرى هـو دوووم الطيـران متعب حتـى لو ماخذة درجـة أولـى .... السفـر قطعـة من العـذاب


أمـــــــــــــــواج ........... شخبـارج ؟ ............ عليكم بالعافيـة الجـو ...... اوصفي لنـا الأجـواء لو سمحتـي


بعـد روحـي ( ميسـورة ) الله يقــويـــج ........ والله ودي تـروحيـن اليـوم قبل بـاجـر !! معـورة قلبـي .... راح أحـاول أنقـل لـج نقل حـي live من هنـاك بنفـس اليـوم .... لقطـات فيـديـو .. أنزلـهم على الاكـونت مالي باليوتيـوب .... و أنـزل العنـوان هنـي حـق البنـات

 

[ميسوره]

وايتونه

قولي آمين

الله يجعل ايامج كلها افراح وسعادة

و اذا خالج حلو سلميلي عليه لوووول

امين يارب العالمين
وايامنا بعد

اشكلج انتي الي مو مضبوطه هاليومين
البنت معزومه بيت خالتها مو خالها
اشك فيج شي (الحر مأثر عليج)
وايت زوج خالتج وسيم سلمي عليه

يعطييكم العافيه

الله يعافيج ويخليج :68_asmilies-com:

شلونكم بنات
الجو حده عجيب في لوس انجولوس

هلا امواج اشلونج شخبارج الله يهنيكم بهالجو
كنت قاعده اطالع جنازة مايكل جاكسون مباشر من لوس انجلوس
وكسرت خاطري بنته لما تكلمت عن ابوها
وقالتله مشتاقتلك واحبك بجت البنت جان ابجي معاها
استخفرالله ياربي
الحمدلله الذي جعلنا مسلمين عادات وطقوس غريبه
يغنون ويرقصون والميت جدامهم عفيه قلب عليهم
(اكرام الميت دفنه) اشعرفهم

 

[ميسوره]

سمبلي يا علها دوم هالابتسامه