طالبات كليه الطب ساعدوني وبردوا قلبي عسى الله يوفقكم

[ودي***أفرح]

السلام عليكم

أنا عندي استفسار بسيط وأبيكم تساعدوني بالرد اللي يبرد الجبد ........

عندي ولدي تخرج هالسنه من الثانويه ونسبته 93 وحلمه من كان صغير يصير دكتور بس الظاهر هالحلم ما راح يتحقق

والسبب امتحان القدرات لأنه أمس امتحن ( انجليزي - كيمياء - رياضيات ) بس اشتكى من امتحان الرياضيات وقال

إنه صعب حييييل ومستحيل إنه ينجح فيه وهو محبط من أمس ونفسيته زفت ( وللعلم هو مريض بالسكر والنفسية تأثرعليه)

والله إني خايفه عليه ومو عارفة شسوي معاه لانه يقول إذا ما نجح بالمواد الثلاث ما راح ينقبل بالطب ( صج هالكلام)

طيب إذا ما نجح شتنصحونه يسوي ....الله يرضى عليكم ردوا علي بسرعه ودي أطمن قلبه ....

ملاحظة ( هو رافض الدراسه بره ومو متقبل الفكره بالمره ويزعل إذا طريناها)

 

[أم منيـرة]

صح امتحان الرياضيات أمس صعـب حييـل ..!
وخليه يحط بالرغبات أول شي كلية العلوم الطبية ، وان شاء الله يقبلـوونه ،
ومع ان البعثات الخارجيه ممتازة يعني بهالنسبة ضامن له مقعـد ،
اما جامعة الكويت مو مضمون قبـوله بالطـب ، لان نسبهم تعجيـزيه مع القدرات ..!

اتمنى البنات يساعدونا الي عندهم خبـره ..

 

[د.ساره]

وعليكم السلام
و الله ما عندي فكرة اذا سقط بوحدة من المواد
وصح أمس امتحان الرياضيات كان صعب
بس ان شاء الله ... الله يسهل
وحبيت أرفع الموضوع
بالتوفيق يا رب

 

[أدووويا]

يحط الرغبة الاولى مركز العلوم الطبية

يحط الرغبة الثانية الهندسة

يحط الرغبة الثالثة العلوم

و بعدين يحول الى مركز العلوم الطبية

و الله يوفقة

 

[ودي***أفرح]

مشكورين خواتي على المرور ..وعسى الله يوفقكم ويحقق آمالكم...

 

[ودي***أفرح]

يحط الرغبة الاولى مركز العلوم الطبية

يحط الرغبة الثانية الهندسة

يحط الرغبة الثالثة العلوم

و بعدين يحول الى مركز العلوم الطبية

و الله يوفقة

سمعت إن التحويل صعب من الهندسه للطب ...افيدني حبيبتي إذا عندج أي معلومه

 

[د.ساره]

انا سألت وحدة بالمنتدى قالتلي ما في تحويل من الهندسة للطب ؟

 

[أصدق شعور]

خل يعيد القدرات اذا ماحصل معدل مكافئ يأهله لدخول الطب

والله يوفقه ويححق حلمه ان شاء الله من كل قلبي اتمنى له التوفيق

 

[ودي***أفرح]

خل يعيد القدرات اذا ماحصل معدل مكافئ يأهله لدخول الطب

والله يوفقه ويححق حلمه ان شاء الله من كل قلبي اتمنى له التوفيق

شكرا أختي على المرور .....عندي سؤال متى يعيد القدرات ؟؟؟؟؟؟؟ اللي قدمه يوم 4\7 كان آخر امتحان هالسنه..

يعني يقدر يطنش هالسنه ما يقدم للجامعه ...ويقدم امتحان القدرات السنه الجايه ليما يجيب المعدل المطلوب

ويقدم للجامعه السنه الجايه ....

 

[أدووويا]

http://nuksq8.com/?page=transfer#medicine

 

[ii DareeN ii]

انا اختي انقبلت فوري طب وطفشوهم وراحت الحين الخليج بالبحرين ومرتاحة الحمدالله بالكويت عندهم نظام تصفيات يعني حتى لو تنقبلين تظلين في تعب نفسي

 

[Dr.Q8aweya]

انا كبر ولدج ويبت نسبه قريبه منه
ونفس الشي ابي ادخل كلية الطب
بس امتحان القدرات كان حفرة بالنسبه لي
فأنا خذيت دورة امتحان قدرات والحمدلله إن شاء الله تمام
لكن بما ان طاف وقت الدورة ومايقدر ولدج ياخذها
فأنا انصحه اول شي يحط كلية الطب
بعدين خل يحط كلية الهندسه(االتخصصات الأخرى) لان سهل إن يحول من الهندسه لـكلية الطب
وبعدين خل يحط كلية العلوم لان اعتقد هم ينفع تحويل
ورابع رغبه خل يحط طب مساعد يعني ع الاقل قريبه من الطب
هذا الي اقدر اقوله وإن شاء الله ربي يوفقه ويدخله بالمجال إلي يبيه ياااااااارب
وقوليله يمكن خيره والله كريم.

 

[غروري ضروري]

انا اقولج شنوو يسوي..

اذا ما نقبل بكلية الطب خليه يحط رغبه ثانيه طب مساعد..

لان هذي الكلية هي الاقرب اللي يحولون بينها وبين الطب

لان دراستهم اول سنه وحده مثل المواااااد بالضبط

لايروح هندسه لان صعب التحويل بين الكليتين

وخليه يستخيييييييييييييييير يمكن خيرة انه مايدخل طب.. وترى الطب المساعد حلووو وبعد تخصصاته حلوة

خصوصا للشباب رووووعه..

 

[ودي***أفرح]

الله يعطيكم العافية حبيباتي ...........وما قصرتوا على الردود الطيبه

هو يبي يستخير والله يقدم اللي فيه الخير إن شاءالله