شلونج فديت روحج شخبارج انشالله تستانسين بسفرتج ..........................
بقولج بالنسبة للأوت لت ترى موذاك الزود انا بالنسبه لي لأن تعنين ساعتين و لا ثلاث وما تلقين مقاسات معينه لأن بهلفتره كل شي مخلص ناس وايد وانا منهم تروحله وترجع موشاريه ولا شي بس يكون ان فرصة ان شفتيه واغلب بضاعته ستوكات تتححسفين تقطين لو تزيدين على فلوسج شوية تشترين اشياء توها نازله أحسلج و بعدين هو عباره عن شارع اكسورد مصغر ]...........................................
هلا والله حبيبتي ام بدوره
صح كلامج مو شرط كل شي حلو
بعد انا مابي شي قديم ابي شي حلو وبنفس الوقت ابي سعره زين لان مابي اشتري شي وواحد غالي واخلص فلوسي
بس بنروح له عن الحسافه ونشوف شنو فيه لانه قاعين شهري عرفتي يعني بنطول,,
اي نسيت اقولج شي يافديت روحج يدتج يصلح تودونها مجمع اليديد اسمه ويست فيلد وايد حلو حقكم كلكم وانشاللة يعجبكم.................
اي صح كل من ييقول عنه بنشوف نوديها
المشكله انها تمووووت على السوق وتحب تشتري حتى مكياج حقها تضحّك هههههههههه ومشكلتها ما تقدر تمشي وحناااااااااااااااااااااااااااااااااااااااااانه ماشالله عليها مسكينه كبرت وقامت تأذينا وتحب تشتري وبنفس الوقت تتعب وطول الطريج تتحلطم وبنفس الوثت ماتبي تقعد تبي السوق وتقول ليش ماتودوني هههه
يعني مو قادرين نتمشى حتى بالاكسفورد لان ابوي يدزها بالعربانه وكل شوي تبي تاكسي
حبيبتي فديت روحي آنا أقولج خلي يوم سوق ويوم أماكن ترفيهيه وبالنسبه حق الآوت لت آنا ماأقولج السوق يهبل وبتروحين تخمينه بس فيه شغلات أرخص يعني أعطيج مثال ولدي كان يبي كرفتات ماركه بسيلفريدج الماركات المعروفه والله على 60 و70 دينار وهي أقصاها كرفته وبالآوت لت شريتله فرساتشي ب20 دينار ودولتشي آند غابانا ب15 دينار والتي شيرتات ماركة شيروتي ب17 دينار وقمصان بيير كردان وتي شيرتات بولو سبورت كله مايزيدون عن ال17 و16بس روحي شوفيهم بسيلفريدج وباقي المحلات بكم!بس لاتزعل الأخت أم بدرا آنا ما أقول كلامها غلط بس يمكن هي رايحتله بالصيف فيكون زحمه ومافيه شغلات وايد أوالجو حار آنا علشان رحت بشهر 4 كان الجو روعه يهبل والمكان حلو حق التمشي وماكان زحمه بعدين هو مونفس طريقة محلات أكسفورد يعني مو محلات كبار وشوارع وسيارات لأ المحلات صغيره من بره تشوفينها جنها بيوت صغيره وماكو سيارات تدخل بين المحلات آنا شخصيا عجبني المكان كسياحه أول مره أشوفه وروحوله بالقطار أحسن من باص أو تكسي! وعندج كوفنت غاردن هم سوق حلو حق التمشي ومريح وفيه كافيهات وهذا بالتاكسي أو بالباص!! بس شوفي اذا شفتي شي عجبج وماكو منه ألا قطعه أو قطعتين أخذيه ساعات ترجعين ثاني يوم ماتلاقينه! ومثل ماقالت الأخت أم بدر ويستفيلد مول حلو لاتطوفونه!
اي فاهمه قصدج ,,صح كلامج 1000% لا محد يزعل ,,يعني مو كل شي ينشرى من الاوت لت ,
بس عن الحسافه بنشوف
انزين واليوم قلنا بنروح لندن eye
اشرايكم؟ نبي اليوم مكان ترفيهي
