تكفووون اللي عندها نفس الفوضى اللي عندي ولقتلها حل تدخل لان بمووت (بالصور)

[الفنانه79]

السلام عليكم

اولا خلوووووني اشرح لكم الوضع اللي في بيتي

بيتي يتكون من ثلاث غرف

غرفة ماستر مالتي

وغرفة اعيالي الصبيان

وغرفة تبديل كلللللللللللللللللها كبتااااات

وصاله كبيره ومطبخ وحمامين تكرمووووون

المهم

العدد انا وريلي واعيالي ولدين وبنت اصغيرونه وخدامتين

المهم

ان عندي دثررررررررررررررررررررررره العاب اعيالي شي لايطاااااااااااااااااااااااااااااااااااااااااااااااااااااااااااااااااق

اقولكم ليش ببساطه انهم يشترون العاااب وبالاصح امي الله يخليها لي ماتبي يقولون آآآه الا اهو الشي عندهم

يعني يروحون ينامون عندها واتروح اتوديهم فانتسي ووورد او ستي سنتر او سنتر بوينت وتشتريلهم العاااااااااااااااااااب بالهبل شي مووووووووووووووووووووطبيعي

واذا قتلها يايمه مايصير تزعل بعد قلبي وتبجي واتقولي انا ماابي احرمهم من شي انا الله ماعطاني الا انتي ماتبين ادلل اعيالج بعد

اسكت بعد شقووول الله يطول بعمرها بس

المهم

واللي زااااااااااااااااااد الطين بله توني امسويتلهم عيد ميلاد في بروي

وطلعنا من يوم المبلاد ورانا (4 عربانات العاااااااااااااب ) ياويح قلبي شسوي بعمري والله سيااارتين شالوا الابعااااااااااب

وخليتهم يفتحوونهم وشلت ثلالث ارباااعهم

بس المشكله مااااااااااااااااعندي مكان

وكل شهر اسوي تصفيه واقط 3 اجيااااااااااااااااس زباله او اوديهم حق لجنه

وهم بعد دثره وانا بموووووووووووووووت احس ودي اقط البيت كله بره خخخخخخخخخخخخخخخخخ

شنو الحل وماعندي مكان تخزين

والمشكله الاكبر انهم يحبون العابهم ويلعبون فيها على طوووووووووووووووول يعني موتقولون مايلهبون فيهم عادي ينقطون لا لا على طول يلعبون فيهاااا

بوريكم الصور


انتوا حكموا وابي منكم حل تكفووووووووووووووووووووووووووووووووووووووون

[/url][/IMG]

[/url][/IMG]

[/url][/IMG]


واهني غرفة التبديل وهداااايا يوم ميلاااادهم

[/url][/IMG]



الحلللللللللللللللللللللللللل ؟؟؟؟

ياويح قلبي ​

 

[^^ ريان^^]

ويييييه اللي يعينج علي الدثره <
عندي لج فكره الالعاب اليدد اللي بكراتينهم اللي ما يبونهم عيالج ليش ما تغلفونهم وتخلين عيالج بقدمونهم للاطفال اللي بالمستشفيات واللي بدور الرعايه راح تزروعون الفرحه بقلوبهم وبجذيه يتعلمون عيالج علي العطاء والرحمه وتكسبون اجر

 

[الفنانه79]

ويييييه اللي يعينج علي الدثره <
عندي لج فكره الالعاب اليدد اللي بكراتينهم اللي ما يبونهم عيالج ليش ما تغلفونهم وتخلين عيالج بقدمونهم للاطفال اللي بالمستشفيات واللي بدور الرعايه راح تزروعون الفرحه بقلوبهم وبجذيه يتعلمون عيالج علي العطاء والرحمه وتكسبون اجر

اي والله خووووووووووووووووووووووووووووش فكره

انزين عادي نقدر نزور اللي في دور الرعايه وانقدم لهم هالالعاب ؟؟؟؟؟؟


الله يعطيج العافيه على هالفكره الحلوه اللي فيها اجر



بعد بنات عطووووني افكار بعد

 

[ريماا]

يااااحلوهم ويااحلو امويمتج الله يخليها لج كلش ولا زعلها الله يطول بعمرها ويعطيها الصحة ويخليج لها ياااارب
ماادرى انا من راى اول شى شيلى كل الالعاب الرخيصة والمتكررة وتبرعى فيهم
وفى اسلال للملابس للى تيج على خاامة واشكال عيون وهالسوالف تيى طويلة صفى ثنتين وحطى فيهم الالعاب بدال الصناديق الشفافة الانها تستوعب اكثر وشكلها مرتب
انا بصورها لج بس موعارفة للابتوب زوجى بس افهملة انزلج الصورة

 

[حيوته]

صح والله كلامج يا ريان خوش فكرة وانا بعد وياكم

 

[الحراير]

صاجه عطيهم حق المرضي والايتام

 

[ريماا]

 

[aengineera]

حبيبتي غرفة نومهم اهيا غرفة الالعاب
ليش ما تستغلين وحدة من الطوف اللي تكون فاضية يعني مو الدريشه ولا الباب
تسوين فيها مكتبه كبيره نجاره على كبر الطوفه
وتحطين فيها هذول الكراتين و والالعاب اللي بكراتينهم
راح تصير الالعاب مرتبه

يوم كنا صغار امي مسويتلنا جذي بغرفة الالعاب

 

[ريماا]

هذى اهى الفنانة عرفتيهااا

 

[+بسبوسة+]

وي الله يعينج..

شوفي اول شي خلي امج على راحتها..لاتقولين يختربون لا خليها
بس خل يعرفون ان امج غير وانتي غير..

اخذي كمية من الالعاب حتى لويحبونها وحطيها بقواطي البلاستك الكبار وخشيهم عنهم فتره وشي خليه

اخذي الي بقواطيهم وتبرعي ابعضهم سألي اذا صندوق اعانة المرضى ياخذهم او روحي على الاميري يوم
ووزعيهم على المرضى..لان دور الرعاية ماراح يخلونج تدخلين الا بشروط وموعد وغير ان المساكين اهناك كل شي عندهم الا الاهل ):
مرة مريتهم سألتهم اذا بجيب شي لليهال شجيب..قالت لي المسؤولة لاتجيبين يكفي تجين وتلمين جم ياهل..آه ياقلبي نكدت عليج الموضوع سوري.

وخذي بعض الي بالقواطي خشيهم للحاجة..يعني تعسر ولدج عطيه..سوى شي زين عطيه بس موكل ساع عشان ماترخص بعينهم.

وفكرة الي قالت عن الكبت هم حلوة.

 

[الفنانه79]

يعطييييييييييييييييييييييكم العافيه

ريما ياقلبي اي عرفتهم في عندي منهم وبعد متروسييييييييييييييييييييييييييييييييييييييين ونسيت اصورهم

الله يعطيكم العافيه بس بالنسبه للكبت ماااااااااااااتكفي غرفتهم اني اسوي فيها كبت زياده

والهدايا ماعندي مكان تخزين علشان اخشهم والله تعبببببببببببببببببببببببببببببببببببت من الدثره وانا احب الترتيب

 

[رغوووده77]

الله يعينج ...

ليش ماتحطين الالعاب بالتعليقات الملونه الي بايكيا عرفتيها على الاقل ما تاخذ مكان بالارض

والله يخليلج امج ويطول بعمرها ...

 

[شانييل]

ووااي أنا نفس الحالة بس مو الألعاب لأ إهدومي والمشكلة كلها يدية خو أنا أشتري وأقط............وعل وعسى ألسهم ويا كثر ماراح اللجنة
أنا عيالي ماشاء الله عليهم ما يقى لعبة ماقطعوا ريل وكسروا السيارة ولا ضاع الريموت مالها..........فعادي كله بالزبالة
عندي فكرة شيلي نص الألعاب حطيهم عند الوالدة بغرفتج لي رحتي الزوارة عندها يلعبون فيهم.
سوي خزانة بس عااااالية يعني الربعالفوقاني من الطوفة ليش علشان يصير فنتك وما يحشر اليهال ولا يسوي ضيج
لا وخليه لون حلو أو ملون وحطي الألعاب فيه على شكل مسكر أو أرفف مفتوحة عليها العلب الملونة الكبيرة
شكلي أنا بسويها ههههههه, أنا سويت جذي بغرفة الأوتي وحطيت تحته علاق للملابس بعد ما تكويهم , بس ما قمت نزلت الملابس بالأرف لأنها عالية ههه تصلحلج عدل مدل

 

[*&* المميزهـ *&*]

انا اقووووووول سوي تصفيه يعني
الالعاب القديمه واللي مالها داعي واللي مختربه

مكانه الزباله وانتي بكرامه ولا عطيهم عيال خواتج او اي احد تبينه

وردي رتبي الالعاب بصناديق كبااااااااااااااار متساويه وبس

ان شاء الله افدتج

 

[زلابيا]

الله يعينج لوانا مكانج جان يصير فيني شي .. فيني هوس ترتيب لووووول


اول شي انا اشوف الصناديق اللي لونهم ازرق واخضر صغااااار .. حجمهم ما يستوعب وايد العاب .. ليش ما اتحاولين تشترين الصناديق

الكبيره اللي اتكون شوي عميقه وتكفي اكبر كميه من الالعاب



الهدايا الزايده خلاص خشيهم عندج وعطيهم اياه كمكافأه لهم .. عشان لا يملون من كثرة الهدايا ..

او انج اتحطينهم في بيت امج وبدال لا امج تروح تشتريلهم العاب يديده خل تعطيهم من اللي موجود ...


وفي حل ثاني .. ان الألعاب اللي امج تشتريها لعيالج خل اتخليهم عندها في البيت . يلعبون فيها وقت لزواره .. احسن لج انتي عن الدثره واللويه


وعلى قولتج الالعاب القديمه وديها انتي وعيالج خل يعطونها حق فقير او لجنه ... والمكسره والمنتهيه صلاحيتها والمعدومه تكرمين بالزباله ...

والله يكون في عونج ويخلي لج الوالده ويطول بعمرها ويخلي عيالج

 

[خلود للابد]

ماكوووووووووووووووووووووو حل
عندنا وعندج خير وحاولت اعدل بس تعدل الوضع لمدة ساعه ورد الوضع على ماهو عليه

 

[الغاليه نونو]

شوفي ياقلبي ليش ماتتفقين مع امج تسوون لهم مكان هناك عندها مثلا غرفه مومستغلينها والا تسوون غرفه كيربي بس فيها عازل وديكور وتكييف حق اليهال والعابهم وتخلين الدثره هناك حتي بالزواره لي راحوا يلعبون بالغرفه ترتاحون من لويتهم الله يحفظهم


واذا تبين فكره بالبيت اخذى لج كبت كله رفوف وصفيهم فيه خليهم يلعبون بالالعاب القديمه ليما تنهري وقطيها وتالي طلعيلهم الالعاب اليدد علشان يتعلمون اشلون يحافظون علي اللعبه وقيمتها موكل شي يطلبونه اتيبونه لهم جذي الياهل مايتعلم الصح والغلط يمه

 

[OM_REETAG]

ذكرتيني يا الغاليه بمعاناتي لكن الحمدلله تغلبت عليها تدرين شلون ؟ انا اقولج

تعرفين الاسره الي بدورين ؟ انا شريت منهم 2 ( اعيالي 3 اسم الله عليهم) واحد من الاسره اثنين ينامون عليها الولد الكبير فوق والصغير تحت اما السرير الثاني فصاير السرير فوق تنام عليه بنتي وتحت مكان لعب مثل الخيمه بس انا شايلتها عشان تصير اشرح واوسع وحاطه فيها طاوله وكراسي لهم وكبت ادراج ملوت الالعاب الي عند ايكيا
حتى الكبتات حاطه فوقهم ارفف وصافه عليهم الصناديق الكشخه ملوت ايكيا يعني تخزين وديكور وبجذي صارت الغرفه عندي واسعه ومرتبه
ان شاء الله اكون فدتج

 

[نونو ام كشة]

انا بعد عندي نفس المشكله,, وامس قاعده افكر احط هالموضوع وانتي سبقتيني ..
وعندي
بس ولد واااحد ؟؟ والالعاب بكل مكان وما اقدر استغني عن شي منهم لانهم تسليته الوحيده بس اخش بعضهم مرات وبعد فتره اطلعه وعلى هالحاله ...

نبي حل؟؟ انا ابي صناديق كبيره حيييل وين احصل ؟؟

 

[عاشقة الكاكاو]

البناات ماقصروا حبيبتي

وحبيت ارفع لج الموضووع