شنو غداج اليوم ؟

[irresistible]

مشكورة ريمة عسي ما اضيع بس

 

[ريمه الكويت]

لووووووووووول انشالله تشوفينه بسرعه ترا اهو طريجه نفس طريج سوق الكويت الي بالديره بس اهو عاليمين واعلانه مبين انشالله تنتبهين

 

[ريمه الكويت]

غدانا من مطعم افراح الخليج



لازم الحمص بالواجهه لاني من عشاقها ههههههههههههه

والبقيه تاتي



دياي عالفحم





كباب حق بوالعيال عنده الكباب طبق اساسي



شاميات الصاج حق العيال محشيه فيليه وطلياني

والحلو اخيرااااااااااااااا سويت كيكه البرد مالت بنوكه

سويت كبيره بوديها زواره وحقنا ميني كيك








بعدي ماذقتها بس البنات بالمنتدى يمدحونها
وربي لك الحمد

 

[جرح الليالي]

بالعافية ريوووم

اليوم غدانا من برجر كنج


مالي خلق طبخ ولا نفخ


بس امس سويت رولات البف باستري وسينمون رولز


مادري اي سنه احط الصور




ارررررسستبل ويييييييييين غاطه يا حلوة ؟


الحين لما حفظنا اسمج قبيتي من الموضووع ؟؟؟


يالله شنو غداج سدحيه بسسسسسرعه

 

[ريمه الكويت]

الله يعافيج جرح انا اليوم مثلج ماخذه اجازه غدانا جاهز وذكرتيني اليوم شريت عجينه سبرنج رول حق باجر انتي شسويتي بعجينه البف باستري

كيكه وديتها الزواره

 

[أم ريوف 1400]

ريومة تسلم ايدك
ابي الكيكة بسرعة
شسوى واثقة بشغلك
ما شا الله

 

[ريمه الكويت]

ريومة تسلم ايدك
ابي الكيكة بسرعة
شسوى واثقة بشغلك
ما شا الله

لاتطوفج سهله ومايبيلها فرن وهذي ماخذه طريقتها من بنك قيرل

اهم شي يكون عندج الماعون السيلكون مال الكلك عشان تقدرين تطلعينها من الطبق

المقادير 10 اصابع كاكاو ارو( الارو الي فيه قطعه وحده) تحطينه بطاسه زجاج وتسيحينه بالمايكروويف
وتحطين الكاكاك الذايب في الماعون السيليكون وتحركين الماعون بيدج عشان توزعين الكاكاو على كل الاجناب

اللحين تحطينه بالفريزر عشان الكاكاو يتجمد يمكن ماياخذ ربع ساعه

تاخذين ايسكريم تقريبا لتر انا حطيت ايسكريم كي دي دي الفانيليا

ممكن تسوينه على لونين ايسكريم بونص لتر يعني تحطين فراوله وفانيليا يعطيج الوان حلوه


المهم خليه الايسكريم شويه بره علشان يلين شويه وتقدرين تحطين بوسط الكاكاو

بعد ماتحطين البريد على الكاكاو

اخذي اي نوع من الباوند كيك الجاهز قصصيه شرايح وحطيه على الايسكريم وخليهم بالفريزر جم ساعه على مايجمد الايكريم

وقت التقديم قلبيه بصحن وقدميه

بالعافيه _03ba:

 

[أحلى همبه كويتية]

انــــــــــــــــــا
Back to deit

عذاب :krkrkr:
رجعنا للرجيم مرة ثانية
غداي روب وخيااااااااااااااااااااااار
من طلعت من المستشفى وكاشتة بأبو الرجيم مع ان الدكتور محرص على وااااايد
بس صج بدعت هالشهر
الحين :0bee2e8d89:ستووووووب مرة ثانية :eh_s(14):


وعليكم بالعافية
وجرح هالمرة مسامحتك اخذتي الحلو كله


ريمة
المرة الياية الحلو كلهههههههههههههه حقي

 

[ريمه الكويت]

غدانا اليوم يلطويلين العمر ماخذه فكرته من مطعم نودلز فاكتوري اكلته وقلت لازم اجرب اسويه بالبيت والحمدالله ظبط معاي

واهو هالطبق




فرايد رايس مع الربيان والخضار



بقيت نفس ماعونهم ماحصلت




وسويت مسخن بس بطريقه يديده سويتها بالسبرتغ رول





تفضلو البيت بيتكم

 

[أحلى همبه كويتية]

عاشت ايدج
بالعاااااااااااااااااااااااااااافية
ريوم انتي عصلة ؟؟

 

[ريمه الكويت]

الله يسلمج همبتنا لامو عصله ولا متينه وسط واذا هديت روحي امتن عاد شسوي بالنهار اكل ادج بس بالليل احاول اكل خفيف مرات روبه ومرات سلطه بس اذا طلعنا مااقاوم المطاعم اعطي روحي اجازه لووووول

 

[اكسبلانكا]

اليوم عدانا مجبوس دياي يمي يمي

 

[أحلى همبه كويتية]

الله يسلمج همبتنا لامو عصله ولا متينه وسط واذا هديت روحي امتن عاد شسوي بالنهار اكل ادج بس بالليل احاول اكل خفيف مرات روبه ومرات سلطه بس اذا طلعنا مااقاوم المطاعم اعطي روحي اجازه لووووول

الله يتمم عليك بصحة وعافية

واااااااااااو يا كثر الأجازات - صارلي شهر باجازة عن الرجيم
امس ريلي زافني بدعت :krkrkr:
ماكلة 3 قطع ونص حلاوة جبن بس شنو كبيرة من البحصلي
كأنها مخدة من امس العصر اليوم الصبح يالله يعت اتصدقين ؟

واليوم بستحي على دمي ورجعت للرجيم

يا شماتة العدوين فيني :eh_s(14):

 

[ريمه الكويت]

لووووووووووول الهمبه واااااااااااي انا اموت على حلاوه الجبنه احلى شي ماله الرومي وفيه محل بالسالميه يظبطها نسيته اغيب معاهم مشكله انا معاي المعده ان كثرت معدتي وبطني بشتغلون علي بس الشيطان شاطر @@


________________--

اكسبلانكا بالعافيه بس يويلج من جرح قطيتي بدليه لووووووووول

 

[جرح الليالي]

ههههههههههههههههههههههههههه لووووووووووووووووول ريوم والله عاد ما انتبهت لها

مشكورة على التنبييييييييه


اليوم غدانا مجبوس دياي وسويت لي دياي بالصلصة



وفتوووش والحمدلله رب العالمين


البف باستري لفيته عقب ما حشيته دياي مسحب وبالفرن وعقب ما استوى حطيت شوية قيمر وجبن فوقه ورديته الفرن يتحمر شوية

وبث

 

[ريمه الكويت]

عليج بالعافيه جرح فكرتج حلوه بالبف باستري

 

[أم ريوف 1400]

يعطيك العاااااااااااااافية

 

[جرح الليالي]

ريووم اهي صج فكرة حلوة والاحلى انها لذيذة ما شالله تبارك الرحمن

يعني حق عشا والا حق رمضاان خليها باللسته


اليوم الغدا لي الحين ما قررت

 

[ريمه الكويت]

جرح اي والله يبلنا نسيف هالاطباق حق رمضان الله يعوده عليكم بصحه وسلامه

اليوم غداي






صينيه بطاط مع التوست بالصلصه البيضه

 

[كوارين]

جرح اي والله يبلنا نسيف هالاطباق حق رمضان الله يعوده عليكم بصحه وسلامه

اليوم غداي






صينيه بطاط مع التوست بالصلصه البيضه

ماشالله شكلها حلو
ممكن الطريقة يالغالية