ماليزيا للمره الرابعه

[حلوى كويتيه]

خا استفيد السفرتي
يعني تنصحيني اروح على السريلانكيه او الاماراتيه
و مشكوره

اختي كلهم من داخل نفس الشئ وانا حاطه صور لها من داخل بس مادري على حسب رغبتج
وانا عن نفسي حاجزتها للمره الثالثه الحين وعاجبتني على الاقل نظيفه وتوفير

وانتي وكيفج

 

[maryam_q8]

احنا راح نقعد يوم ترانزيت بسريلانكا منو عندها فكره عن اهم السوقه عندهم

 

[حلوى كويتيه]

احنا راح نقعد يوم ترانزيت بسريلانكا منو عندها فكره عن اهم السوقه عندهم

نصيحه خلي كل التشري بماليزيا وريحي بالفندق واستغليه للنوم

 

[maryam_q8]

يوم كامل انام فيه بالفندق ودي استغل جم ساعه بالسوق

 

[غزل 2010]

[

بنات شرايكم تنصحوني أروح ماليزا أناماعمري رحت شرق أسيا الله يخليكم قوووووووووووليلي:0bee2e8d89:

 

[غزل 2010]

يارب ساعدني على ضيقتي ويفرج كربتي وكل محتاج

 

[حلوى كويتيه]

يوم كامل انام فيه بالفندق ودي استغل جم ساعه بالسوق

اصلا ليم تروحين من التعب بالطياره ادورين الفراش :dddds:

 

[حلوى كويتيه]

[

بنات شرايكم تنصحوني أروح ماليزا أناماعمري رحت شرق أسيا الله يخليكم قوووووووووووليلي:0bee2e8d89:

مايبيله كلام روحي حجزي ركض :ada: واستانسي وغيري نفسيتج و اهم شئ للنفسيه تغيير الفيس اللي تشوفينهم كل يوم :dddds:

 

[حلوى كويتيه]

شلونكم ياقروب ماليزيا يبتلكم اليوم صور الفندق اللي حاجزه فيه اللي بجنتنق والغرفه اللي قتلكم عنها بالصفحه الاولى صورة الغرفه وصورة الفندق من برا وشلون الالعاب تحته اللي مسقفه بالالوان مثل الفندق
وهذا موقع جينتنق علشان تعرفونها اكثر


http://www.genting.com.my/en/accommodation/firstworld_hotel/index.htm

 

[dl3sl]

عليج بالعافيه خوش رحله
بس بسالج شنو اسم السوق الي يبيع السااعات الماركات بسعر ارخص

 

[maryam_q8]

اصلا ليم تروحين من التعب بالطياره ادورين الفراش :dddds:

انا بالسفر ماحب النوم وغرامي السوووووووق معقوله اطب سيلان ما اشوف سوقها بس المشكلة انى ما عرف سوقتهم

 

[pama girl]

عليييج بالعافيه

بس لا تنسييين نبييي تقرير كامل عن الرحله


وانشاءالله تستانسووون

 

[pama girl]

الله يحفظج من كل شر يارب
عاد انا ادور طيران حق ماليزيا بس مابي طيران سيرلانكا اهي الطياره حليوه مافيها شي بس الركاب الله يعينج خيسسسسسه وازعاج توبه اسافر فيها ودي اسافر دايركت على الطيران الماليزي بس جنه اسعارهم وايد غاليه وبالنسبه للفيرست وورلد يبجنتنج السنه الي طافت حجزنا فيه واخذنا احسن غرفه كانت وسيعه ومرتبه بس العيب اللي فيه الزحمه والمطعم مال الريوق طابور جنج بسجن تنطرين دور اللحين فيه فندق يديد بانينه فوق فندق جنتنج هايلاند اسمه ماكسيم يمدحونه بس الاسعار نار
ابي انظم رحله زينه وفنادقهم مرتبه وابي طيران حليو مافيه ريحه هههههههههه:krkrkr: تدرين السقره لماليزيا طويله اهم شي الركاب لايكونون مزعجين تتاذين منهم

اي والله صاجه حتى انا كنت اشبهه بالسجن قعدنا فيه 4 ليالي ولا مره تريقنا فيه
كتئبت ليما شفت الزحمه و لووويه:dddds:

 

[حلوى كويتيه]

عليج بالعافيه خوش رحله
بس بسالج شنو اسم السوق الي يبيع السااعات الماركات بسعر ارخص

شوفي حبيبتي الاسواق اللي بالجزيره ارخص من العاصمه كوالالمبور وإذا لج روحه حق جزيرة بيننق روحي سوقهم الكبير واشتري منه الساعات

 

[حلوى كويتيه]

يوم كامل انام فيه بالفندق ودي استغل جم ساعه بالسوق

إذا تبين سوقهم دشي على قوقل واطلبي اكبر مجمع في سيرلانكه وراح يطلع لج

 

[حلوى كويتيه]

عليييج بالعافيه

بس لا تنسييين نبييي تقرير كامل عن الرحله


وانشاءالله تستانسووون

ان شاء الله إذا الله يسر راح ااذيكم بالصور

 

[bambena]

امس حصلت الاماراتيه اون لاين على 200 وشوي

ريمه الطيران الماليزي مايطلع من الكويت

ليش بنات تباتون في جنتنغ احس مو مال نوم انا اروح لها الصبح بالباص من محطه بودورايا لي التلفريك ونرد بالليل


شكرا لج حبيبتي على المعلومات

انا حسبالي بورت دكسن في جنتنغ !

 

[حلوى كويتيه]

امس حصلت الاماراتيه اون لاين على 200 وشوي

ريمه الطيران الماليزي مايطلع من الكويت

ليش بنات تباتون في جنتنغ احس مو مال نوم انا اروح لها الصبح بالباص من محطه بودورايا لي التلفريك ونرد بالليل


شكرا لج حبيبتي على المعلومات

انا حسبالي بورت دكسن في جنتنغ !

احسن انج تنامين فيها علشان تكون بالرده النزله خطره من الجبل بليل والحلو انج تشوفين السحاب من الصبح داش الفندق منظر يونس

 

[ريمه الكويت]

امبلا في طيران ماليزي يطلع من الكويت وتذكرتهم امس داقين على المكتب ب265 دينار اسمه مكتب المرجاح

بنات منو قعد ترانيزيت بسيرلانكا وبات يوم بفنادقهم شرايكم فيها

 

[حلوى كويتيه]

امبلا في طيران ماليزي يطلع من الكويت وتذكرتهم امس داقين على المكتب ب265 دينار اسمه مكتب المرجاح

بنات منو قعد ترانيزيت بسيرلانكا وبات يوم بفنادقهم شرايكم فيها

هلا فيج بنسبه حقي انا مانمت عندهم ولا مره لكن روحتنا هذي فيها نوما بالرده وكلهم يم المطار ودرجتهم4 نجوم لاتحاتين