Ysl rouge pur shine review

[روبي قطر]

هلا بنات شخباركم ؟؟؟؟

اليوم باتكم عن روج ايف سان لوران YSL ROUGE PUR SHINE REVIEW

و هاي شكله خذت هاي اللون بالضبط على فكره

رقمه 32 و اسمه frozen mango مع انه كلش مب لون المانغو ,, لونه وردي على مشمشي و هاي من الواني المفضله !!


كوفر الروج وايد حلو راقي ذهبي

سعره ب 30 دولار امريكي او 8-9 دينار مادري على حسب لان ف امريكا يكون ارخص ,, يمكن بعد 10 لا تستغربون المحلات فالخليج حراميه

ال finish ماله : تحسين انه rouge gloss بما انه rouge pur shine و انا احب الارواج اللي فيهم لمعه الشفايف تطلع وايد حلوة و ناعم شكله

الوان هالروج تينن و بالذات هاللون وايد وايد وايد حلو و يناسب البيضه و السمره ,, وايد قريب نت ارواج كيم كارداشيان البينك اللي تحطهم

مشكلته انه كل كم ساعه لازم تحطين مره ثانيه لانه وايد غلوسيي ف يروح بسرعه

و يخلص بسرعه اذا انتي من النوع اللي تعتمدين على لون ناعم واحد و دايماً تحطينه و مالي استخدمته ما بين ال 50 -60 مره و شوي بيخلص


اعطيه 9/10 جيد جداً جداًً !


و شكراً

كتبوا اذا عجبكم او ماعجبكم او اذا جربتوه من قبل و اذا ما عندك شي بس سوي اب عن خاطري

 

[UNICORNA]

شكله رووووعه احب هالالوان

ويعطيكك العافيه

 

[وافرر]

يعطيك الف عافية شكلو نايس يسلموو

 

[روبي قطر]

اووو unicorna الشهييرة تشووف موضوعي تشرفت

 

[بنت العقربيه]

بس على قولتك لونه في النت غير عن الطبيعه لان كل لون اشوفه بالنت واروح اشوفه بالمحل يطلع غيرمشكورة

 

[روبي قطر]

لا هاي نفسه بس اللون مب قوي قوي نفس ماك لا يعني لون شفايفج + لون الروج = مشمشي على وردي حلوو و خفيف و ناعم

 

[روبي قطر]

حرام عليكم توني مسويه هالريفيو و ما تعطونه ويه !!! :"(

 

[مـزآج ــــية]

احب هالدرجات


يسلمو

 

[BaiTotia]

عندي اللون اللي قلتي عنه

وايد حلو أحط معاه محدد غامج

 

[حلوه ولمآحه]

يعطيج العاافيه شكله حلوو،~

 

[Ms.Mia]

تسلمين والله يعطيج العافيه

 

[زوجة عزيز]

يعطيج الف عافيه ماقصرتي تسلم يدج