wedding planner?

[contessa]

قوه بنات
شلونكم
ابي مساعدتكم
ابي واحد شاااطر يسويلي الكوشه و الدخله و الطاولات و الورد مع بعض
مثل ودينق بلانر
انا سمعت يسون 4000 دك
امبيه وايد يعني انا بقط على العرس 9 الاف مو وين ايب 4 حق اشياء بسيطه
لا تقولولي سويه بروحج لانه ما اعرف
و ابس شي لما يدشون القاعه يقولون صج وااااو
ساعدوني

 

[contessa]

و شلون شغل ناصر الراشد؟

 

[<miss botamba>]

الحين تبين اقل من 4000 والا عادي اكثر؟

 

[contessa]

لا اقل ما اقدر اكثر
ابي بحدود ال2000 يسويلي هل اشياء

 

[بنوته ستايل]

حبوبه ولله الي اعرفه وبالاسعار الي تبينها اتوقع عندج الفيصل وانتي ضيفي لمساتج..
يعني روحي وشوفي شغلهم اذا عجبج العبي بالالوان وغيري بالاضاءات وبـــس

في احســــن طبعا بس مستحيل تحصلين بـ2000 عرس كامل خصوصا مصممين معروفين ..
اعرف مصممه صج راح تقولين وااااو ع شغلها لانها ذوووق ..
اذا تبين رقمها ارسله لج خاص..وعلى حسب الصاله والشغل الي تبينه هي راح تقولج السعر..


موفقـــهـ,,

 

[contessa]

خلاص دزيلي اياه عل خاص
مشكووره حبيبتي و ما تقصرين
انا رفيحتي سوته كله ب 500
بس كللللللللللش كان مووووووو شي
ف مابي يصير فيني هل مقلب على بو مو غالي
عشان جذي ابي تجاربكم

 

[miss king]

Up Up لعيونج وبالتوفيق وإن شاء الله يطلع عرسج واو وكل الناس تكلم فيه قولي آمين معاي

 

[<miss botamba>]

شوفي الريف الهولندي

يمكن يسويلج بسعر رخيص

لان اهوا محل ورد ويسوي اوقات كوش


خليه اهوا يسوي الكوشه مثلا وبوكيهات الورد


المدخل سويه انتي اشتري فازات من الاسواق الشعبيه او من ايكيا وحطي فيهم كاكاو و بيض الصعو و حلاو بولو وعلوج

هذا سهل انتي تسوينه وهم توفرين من الميزانيه

اذا من بره عندج دري هم ممكن تشترين فازات وصخر من ايكيا وشموع


الكاكاو شوفي اوبرا سإليهم عن السبيشال يكون شوي اغلى من العادي بس يكون فناتق

او عندج رور الي في اولمبيا بس اغلى من اوبرا


حق القعدات الي جدام اشتري كاكاو صغار و مكسرات عندج كاستينيا الي بالافينيو عنده فناتق

بعرس اختي كنا ماخذين منه

عنده سبال مغلف زعتر وفي كاكاو صغار نفس بن مغلف كاكاو كان حلو روحي شوفيهم


هذا الي في بالي حاليا


شوفي هالصور حق افكار ممكن تسوينها بروحج

 

[cacaouette-qa]

حيااااااااااااااااااااااااااااااااااااااااااج الله بموضوووعي


ولاي استفسااااار عالواتس اب 99801443
http://www.q8yat.com/t931248.html

 

[زوزي الحلوه]

ان شاءالله يفيدونج

 

[طالبة1990]

خالد المالك يسوي لج بهالسعر

انا قبل ما اروح له خوفوني وقالوا غالي

بس لما رحت له وشرحت له اللي ابيه سألني عن ميزانيتي

قلت له الف مع ان ميزانيتي اكثر

فعطاني جم فكرة ووصلناها ل ١٧٠٠

بس عقب انا زدت شغلات وطاولات يعني دبلت العدد طلبت الدبل

فصار التوتال ٢٧٠٠

بس والله محد صدقني ان هذي التكلفة

الكل قال اقل شي ٥ او ٦ الاف

استخيري وروحي له


وعلى فكرة احنا كان تصميم جديد وافكار صعبة

يعني مشتغل معانا على قياسات القاعة

بس اذا بتاخذين من عنده شغل قديم راح ينزل لج بالسعر

 

[طالبة1990]

ايه صح نسيت اقولج

ان هالسعر مو شغل الكوشة بس

سوالي الطاولات يعني ما استخدمنا طاولات الفندق

وخذينا كراسي نابليون وسنتربيس واضاءة ليزر ومدخل وتزيين حمامات بفازات وورد طبيعي

وبست وغيره وغيره

هذا غير ان الفندق شرط عليه شروط للطاولات والكراسي

ان يحط تحتها نفس الربل

لان الارضية خشب باركية فخافوا يخرب عليهم الارضية

وماشالله عليه نفذ لهم طلبهم وشغله مضبوووط

 

[قلبهـ 86]

موووووفقه ،،،

 

[Miss Eteket]

مووفققه

 

[*peace*]

مره شفت كوشه بعرس من تناغرا تهبل صراحه الكوشه كلها ورد متروسه عجيبه

جيكي عليهم جنه كانت ب٩٠٠ تقريبا

 

[Janna-q8]

كل شي بسعره... اذا تبين شي يخطف الابصار لازم تقطين ...بس اذا تبين شي راقي بسعر مناسب لازم تدوورين و تدورين عشان تلاقين

 

[zain-alq8]

روحي لنبيله القندي عندها بوفيه وسيرفس ووايد شغلات اينن اينن شغلها الشخص ب٢٠ يعني حسبي ٢٠*١٠٠ شخص مثلا يطلع ٢٠٠٠ كل شي عندها

 

[contessa]

مشكوورين بنااااااااااااااااااات والله فيكم الخير و البركه مشكورين و ما تقصرون
فديتكم وحده وحده و انشاءالله :**

 

[contessa]

كل شي بسعره... اذا تبين شي يخطف الابصار لازم تقطين ...بس اذا تبين شي راقي بسعر مناسب لازم تدوورين و تدورين عشان تلاقين

حبيبتي انا ما قلت ابي شي رخيص
قلت ابي شي سعره معقول و يطلع حلو
انا بقط على القاعه من 8-10 الافف غير النفنوف و المكياج و الديجي و الكيكه
شي طبيعي مرح اقدر اقط 5 ولا 6 على تصميم القاعه لانه مرح اقدر
و انا ادري انه اذا دورت القى شي حلو و مو غالي مو كل شي غالي يكون زين و اللي سعره معقول ما يطلع حلو عشان جذي دشيت و سالت البنات
حياج و مشكوره على الرد

 

[نيكون]

evooiaمصممه كويتيه حته الحلو الصوانني شي خيال اخ\ي رقمها 65800706