Things i can't live without | مع الصور

[خرافية الهوى]

مرحبا بنات ..
بحط الأشياء اللي استخدمها تقريبا بشكل يومي ، وانا من النوع اللي احب ستايل النو ميكب .. والويه يكون صحي ومشدود واهم شي النضااااااره

فيه شي ماله داعي ع اليسار بالغلط حاشر روحه معاهم الا اهو الهيلثي مكس .. هالفاونديشن طيروه السما من المدح .. آنا ماحب جذي صراحة الواحد يصير واقعي شوي .. يمدح باعتدال !
بالنسبة لي بشرتي جافة و دهنية عند الخشم .. للأمانة اول ماتحطينه يعطي نضاارة صج بس بعدين ساعتين او اقل يبدا يختفي .. يتغير لونه .. وأحيانا يتقشر حتى لو ترطبين بشرتج ..
في الوسط بودرة كانيبو ، هالأيام هابة فيها .. فيييها قدرة سحرية على تغطية كلشي في ويهج خصوصا لما انتي تعبانة ومو نايمة عدل ، باختصار تعطيج ويه ثاني .. ولما تحسينها مغبرة ويهج بس ترشين عليها ماك فكس وتصير حلوة !
ع اليمين بلاشر nyx كريمييييي نتفة منه تصبغ لج ويهج كامل ..

الغني عن التعريف ماك فكس بلس ، طبعا اول ماشريته ماحسيت منه فايدة ، وفجأة وقعت في حبه لوول صججج صار من الاشياء اللي ماقدر اعيش بدونها .. الميكب صار فرش أكثر .. الويه مشدود .. مافيه شي مثل الطحين على ويهج أعطيييييه 10 على 10

فاونديشن ريفلون ستاي كلر الدرجة buff ليحين ماجربته .. بس قريت عنه في المواقع الأجنبية
اللي يمه شدو بييج من nyx بصراحة هالماركة وايد حلوة .. له استخدامات وايييد يعطي إضاءة للعين لما تحطينه بروحه .. اللي تحت مسكرا من ريميل هدية جربتها عادية تكثف شوي

هالكونسيلر ماركة امريكية اسمها touch profissional ، وايييد يعجبني ضليت فترة طويلة استخدمه
بعدين لما شريت كانيبو ماحتجته لأنها تغطي عدل

اهنييي بودرة اف سان لوران .. حاولت احبها .. حاولت اخلطها اشوووف لها صرفة .. وسعرها مو رخييص
حاولت اقنع روحي انها حلوة بس .. ماكو فايدة .. من أسوأ تجاربي !!
اللي يمها جيفنشي المربعات " البودرة خالصة ترى "لووول .. هذيييي الحب الأزلي ناوية عليها مرة ثانية
تغطيتها صج صج ناعمة .. بشرة بيبي على مخملية يعني لما تحطينها اوقفي جدام المنظرة وانسي رووحج .. اعطيها 11 من عشرررررة لووول

بناااات أبي دعواااتكم .. يلا أدعولي ما أوصيكم .. وان شاء الله اول ما احمل الصور الباقية انزلهم هني .. وانتو بعد حطو لنا تجاربكم وشاركونا عشان الكل يستفيد ..

تصبحون على خييير

 

[Zozowa j]

هييلثيي ميكس شريته ع المدح مثلج و كلش ما يازلي آبد
وعطيته امي بس الصدمة عجبها
شوقتيني ع الجيفنشي
الله يوفقج انشالله .. تسلم ايدج

 

[ޢޢޢإيمانޢޢޢะۣۨ>]

يعطيج العافية
ومشكورة على عرض تجربتج
وآنا بعد ما أستغنى عن بودرة كانيبو
مهما أجرب أنواع ثانية لازم أرجع لها ​

 

[ޢޢޢإيمانޢޢޢะۣۨ>]

نسيت أدعي لج
الله يوفقج ويحقق اللي في بالج ​

 

[أحترت أعبر]

عليج بالعافيه وتتهنين فيهم يارب ...عاد بودرة كانيبو انا جربتها من زمان بس اللي علبتها بيضاويه وتجيج البودره ريفيل ...وايد حلوه وكلامج بمحله عنها ...وماك فكس هذا ما يبي له كلام ...بسالج ماركة تش من وين ماخذتها

 

[خرافية الهوى]

عليج بالعافيه وتتهنين فيهم يارب ...عاد بودرة كانيبو انا جربتها من زمان بس اللي علبتها بيضاويه وتجيج البودره ريفيل ...وايد حلوه وكلامج بمحله عنها ...وماك فكس هذا ما يبي له كلام ...بسالج ماركة تش من وين ماخذتها

انا في البحرين طلبتها من مندوبة تبيعهم .. جيكي المندوبات اكيد عندهم وشكرا على الدعوات الطيبة

 

[وافرر]

يعطيك الف عافية قلبووو

 

[كانو معي]

اختي ماك فكس بلس تحطينة قبل المكياج

 

[أنثى تشرين]

يعطيج العافيه وان شاءالله بجرب ماك فكس وبودره كانيبو

 

[Gatwa DaloO3a]

مشكوره حبيبتي ...

بس انا الهيلثي مكس مره عاجبني للاستعمال اليومي وما قد تقشر معاي .. يمكن يفرق من بشره لبشره

 

[عذووبة]

عليج بالعافية على غريضاتج الحلوة
شيشتيني على بودة جيفنشي

 

[أسيرة_أحزاني]

كانيبوو تستخدمينها مع فونديشن ولا بروحها ؟ ودي اجربها من زمان بس مشكلتي دايما اخذ غير لوني

ويعطيج الف عافيييييه تتهنين فيهم

 

[UNICORNA]

عليك بالف عافيه واختيارات موفقه (=

 

[زوجة عزيز]

عليج بستين الف عافيه حبيبتي

 

[كانو معي]

يعني ولى وحده ؟؟

 

[الرقة]

مشكورة

و ودي اجرب بودرة جيفنشي

اي درجة اللي عجبتج.
2 ولا 3 و لا 4

 

[برازيليه سعوديه]

كانيبو جربت كريم الاساس مالهم والبودره بس من زماان وكنه اختفى الكريم اوتغير لان ماحصلته ..يسلمو حبيبتي وربي يوفقج وينولج اللي ببالج ....

 

[Sparkle]

عليج اب الف عااافيه
شوفي ال Healthy Mix حلو للصبح بس ما يتم فتره طويله مثل ما مكتوب على العلبه 16 ساعه @@ أنا أشووفه يظل 4-6 ساعات ومو واو عندي لوريال أحلى منه

 

[همسآت]

بالعافيه عليك اختي

 

[فديت حبوبي]

تهنين فيهم يا رب