The Secret

[porscha]

السلام عليكم
اشلونكم يا بنات
يبتلكم فلم وثائقي شوفو و قولولي تعليقاتكم
الفلم مو كامل مدته 20 دقيقه
بس وايد مفيد و اذا جربتيه راح اتشوفين النتايج
بختصار اتكلم عن اشلون تاخذين الي تبينه اشلون تحصلين علي الي تبينه تجذبين الي تبينه
سواء حب زواج نجاح بالعمل فلوس الصحه النفسيه و الجسديه الثقه بالنفس و اشلون اتعرفين قيمتج و غيره
انا شخصيا جربته و شفت نتايجه

http://www.youtube.com/watch?v=_b1GKGWJbE8



واي استفسار انا حاضره

 

[akadenia]

والاحلى الكتاب

THE SECRET

وايد حلو وممتع انا قريته بالكامل مرتين

وايد حلو وايد مفيد وللاسف لما دورته بالكويت ماليقيته


يبته من بره الكويت


اللي تبينه اقدر احصل لها

وايد ناس قروه بالذات صديقاتي ووايد استفادوا


الموقع الرسمي للكتاب
www.thesecret.tv
صدقوني مجرب وحاولوا تستفيدون منه يعني طبقوه وشوفوا النتايج

 

[Miss 3asal]

موجود الحين فى مكتبة جرير او فيرجن... انا كنت طالبته من بره بعد و قريته والله يمكن 6 او 7 مرات صارت اشياء بغيتها و اشاء تصير بس بعد فترة طويلة بس عجيييييب

 

[Miss 3asal]

صار لى الحين تقريبا جريب السنة بس والله معظم الاشياء الى بغيتها تحققت بفضل الله

 

[المبدعة]

والله شوقتينا ودي

اشتري هالكتاب

بس عندي استفسار هو لغة الكتاب العربي و لا انجليزي ؟؟؟

تحياتي

 

[Miss 3asal]

اهو بالانجليزى بس يمكن مترجم عربى...

 

[akadenia]

متى حصلتي بالكويت
انا مازلت ادور عليه

رحت جرير
الفيرجن

 

[akadenia]

الكتاب بالانجليزي بس وايد بسيطة اللهجة يعني بسيطة وتنفهم

 

[porscha]

اشوه يعني صج له مفعول و ان في احد امجربه غيري لان وايد ناس استخفت في
انا عندي الفلم كامل الكتاب قريته انجلش بس بسيط بس الفلم ممتع صور و صوت و مواقف مدته ساعا و نص اينن
اول ما بديت اركز علي شنو ابي كان صعب بس بعدين بديت اقدر روحي اقدر انا شنو عندي شكلي اخلاقي مواقفي اتخليني اقول ابثقه من داخل و بره اقدر راح احصل هشي بالبدايه كان صعب اشويه لاني كنت مكتابه و احس بفشل لكن بعدين قدرت اصفي ذهني و اوصف روحي شكلي اخلاقس شنو مميزاتي عيوبي
وايد سهل علي وايد اشياء الشغل علاقاتي خلاني متفائله وايد الحمدالله و تصدقون اكثر وقت اقدر اني اركز في عقب الصلات
قبل كنت احط موسيقى هاديا و استرخي و اسوي جو و ليلحين ساعات اذا مضايقه بس والله يا بنات عقب الصلات عقب ما ادعي و اخلص اقعد افكر و اسرح

 

[akadenia]

صح كل الكلام الي تقولينه حصل معاي

انا كنت احسب الدنيا حظوظ وان الابواب تفتح لناس وناس

بصراحة انا طبقته على شغلات بسيطة مثل المواقف السيارات تخيلوا اخرها امس في الافينوز كانت الددنيا زحمة مو معقولة
والوالدة كانت معاي ف امي قالت : خلاص ماكو نصيب خل نطلع من المجمع ماكو مواقف
قلت لها : بلا في مواقف بس انا ابي موقف قريب الباب يعني علشان عربانة البيبي ما ابي مسافة طويلة
والله كل الي بالسيارة معاي ضحكوا وقالوا تحلمين

شوي واللا سيارة تطلع من الموقف ويم الباب واول موقف يم الباب هههه
سويتها .... قلت لهم


هذا لاني من اول ما طلعت من البيت قلت بطبق السيكرت ....
وقعدت اتخيل نفسي اشتري اللي ابيه وبالسعر اللي ابيه

وفعلا حصل

ووايد مرات زوجي ينوي يروح تايلند مع ربعه

قبل ما اقرى الكتاب

كنت اتهاوش واحرق البيت بالصراخ والهواش حتى لو كانت السفرة بعد شهر


وكنت احاول امنعه او اقنعه ياخذني بدل ربعه

بعد الكتاب


ماشاءالله ماشاء الله




والله يجي يقول لي بسافر بعد اسبوعين تايلند

تدرون
قمت ابتسم واقوله ويييه تو الناس حبيبي الف شغلة تتغير منو يدري اذا بتسافر اولا


وكنت بداخلي اطبق السيكرت واتخيله مسافر معاي ورايحين المطار واقعد شوي شوي اشتري الشغلات الناقصة للسفر



وفعلا تصير واسافر انا معاه واقوله : شفت قلت لك الف شغلة تتغير باسبوعين



للي ما قروا سكرت لازم تقرونه لانه ممتع



وياليت اللي قروه يحطون المواقف اللي طبقوا السكرت فيها

وسوري للتطويل

 

[Q8ya_nZ'3a]

بنات وين احصله؟؟

 

[المبدعة]

الله شوقتوني

و وين احصل على الفلم بعد ؟؟؟؟؟؟؟؟؟؟

ضروري ردوا علي

بلييييييييييييييييييييز

تحياتي

 

[M!SS CoFFee]

انا اذكر مرة سمعت دكتور حمد المطر قال انه قاعد يترجمه وان الكتاب للحين غير مترجم ,,

وكثير سمعت عنه وشفت اوبرا لما سوت لقاء مع المؤلفين وفهمت مضمونه وقاعد اطبق الخطوات الثلاث الحين في موضوع دراستي ,,

بصراحة قلت خليني اجرب انا مو خسرانه شي ,,

هو فيه 3 شروط طبقيها وتحصلين على اللي تبينه ,,

الاول : حددي انتي شنو تبين بالضبط ,,

التفوق هذا الكورس ,,

الثاني : صدقي انج راح توصلين للي تبينه ,,

صدقت اني بالتفوق واني قادرة عالتفوق ,,

الثالث : عيشي على ان اللي تبينه صار شلون راح تتصرفين شلون بتكون نفسيتج ,,

كل يوم اتكلم عن ان المواد سهلة واني متفوقه فيها واني انا A student

والنتايج الحمدلله :: انا مسجله 3 مواد رياضيات ,,

امتحان الفترة الاولى للماده الاولى جبت فيه 24 من 25

والمادة الثانية 21,5 من 25

والماده الثالثه 17 من 20

علما بان انا مستواي مو جذي قبل والحمدلله على كل حال وهذا انا للحين اطبق الشروط وكل يوم قبل لا انام اتخيل اني وانا رايحه اشوف النتايج اني ماخذه في كل المواد A وانشالله خير ,,

 

[المبدعة]

وااااااااااااااااااااي لا شوقتوني اكثر و اكثر

 

[قهوة برية]

هذا مو جنه قانون الجذب الي بعلم البرجمة اللغوية العصبية ..!!

تقريبا نفس الطريقة ....!!

 

[رهوف]

اهو نفسه قانون الجذب وتكلموا عنه ناس قبل هالكتاب مثل د ابراهيم الفقي ود صلاح الراشد

بس للاسف هالقانون اسلامي وما عرفناه الا من الغرب

قال الله تعالى في الحديث القدسي : أنا عند ظن عبدي بي فليظن بي ما شاء

وقال تعالى: ( ما أصابك من مصيبة فمن نفسك)

قال رسول الله صلى الله عليه وسلم : تفاءلوا بالخير تجدوه

 

[خاشووقه]

شوقتووووني على الكتاب
ضروووري اقراه

بس فيدوني الفلم وين احصله ؟

 

[akadenia]

شوقتووووني على الكتاب
ضروووري اقراه

بس فيدوني الفلم وين احصله ؟

روحي شوفيه بالفيرجن - المارينا مول

سمعت من شهر انه كان موجود

دقي عليهم وشوفي وقولي لنا شنو صار

ان شاءالله بتحصلينه

وانا ادبر لج اذا ما لقيتيه

 

[Made in q8]

مشكووووورة اختي ... يعطيج العافيه

 

[math2020]

شي حلو الصراحة انا دايما اطب هالاشياء واحط اهدافي جدامي ومافي شي صعب جدام الارادة والتحدي وماشالله كلشي احط جدامي احققه صج ترى مافي شي اسمه مستحيل
وانشالله اشتري الكتاب