sony ericsson w980 >> شرايكم فيه ؟

[..may..]

sony ericsson w960 >> شرايكم فيه ؟

مرحبا بنات ..
(( سوري العنوان فيه غلط ))
هالفتره على بالي أغير مبايلي .. و ياي عبالي آخذ سوني أريكسون w960

شرايكم فيه ؟ جربتوه ؟

أدري بتقولولي أسود .. خذيلج شي بناتي .. بس أنا مليت من الألوان .. أحمر و وردي و بنفسجي و أخضر ... خاطري أعقل شوي

 

[سياسية]

ما أنصحج فيه..

جربته شهرين و زهقت منه

المسجات يا أما تكتبين كل حرف بالقلم على الشاشة...وساعات الشاشة ما تصيد شكل الحرف عدل يطلع لج حرف ثاني غير اللي تبينه ! و تقعدين تمسحين و تردين تكتبين ! أو إنج تحولينه كله بالعربي عشان تقدرين تكتبين بالعربي!

بطاريته تطير بسرعة

لا تكلمتي بالتلفون..الشاشة ما تنقفل! يعني لو ضحكتي وخدج حاش الشاشة..يحطه هولد او يسكره بويه اللي تحاجينهم ولا ساعات ينفتح السبيكر !

مو سريع بالتشغيل واستخدام الأوامر.

يعني يحطج بمواقف محرجة!

هذا من واقع تجربتي ..ويمكن في غيري يفيدج

 

[دهن العود]

عزيزتي مي

مثل ماقالت سياسية والحال من بعضه

انا بعد شريته وشهرين ما تحملته يعلق , وبسرعه يصير حار بالاستخدام , وبطاريته بسرعه تخلص خلال يوم فقط , وكاميرته 3.2 بس مو واضحة , وفوق هذا اذا تبين تبعينه غير مرغوب بالسوق وسعره يطيح يعني شريته 195 د.ك أعلى شي يشترونه منج ب 90 د.ك

اذا حابه تغيرين عن النوكيا جربي السوني اريكسون الأنواع الثانيه يعني يقولج W يتميز بالموسيقى T يتميز بالتصوير

أدري ردي متأخر بس أتمنى اني افدتك في الموضوع

 

[JaDeL]

:/ حلو شكله