Smile تصدقين احساسك بجنس الجنين ولا السونار ولا احلامك

[يادنيا ياغراابه]

السلام عليكم
وش تصدقين احساسك ولا كلام الدكتوره او مفسرين الاحلام
انا سبحان الله العظيم حاسه بجنس الجنين اللي في بطني ومهما احد يقولي غير اللي انا حاسته سبحان الله مااصدق هالحمل بس مع ان اول بعيالي الاولين كنت اصدق على طول
يمكن هذا شي من ربي
ابي تجاربكم مع احساس الام بجنس الجنين يصدق ولا لا؟؟؟؟؟؟؟؟؟؟؟؟؟؟؟؟


منقوووووووووووووووووووووووووووووووول

 

[صديقت قوقل]

صراحه صراحه
اول شي ....اصدق الاحلام لانها رؤى من الله
ثاني شي ... الاحسااااااااااااااااس

بعدين السونار

 

[توكلت على الله 22]

اصدق احلاامي وووالسوناااااااااار

 

[يادنيا ياغراابه]

انا سبحان الله احساسي واحلامي شي والسونار شي ثاني

 

[يادنيا ياغراابه]

صراحه صراحه
اول شي ....اصدق الاحلام لانها رؤى من الله
ثاني شي ... الاحسااااااااااااااااس

بعدين السونار

طيب وشلون اعرف انه رؤيا من الله ولا حلم شيطاني

 

[الأميرة جوري]

انا اعرف نوعه من احلامى ....ويتاكد اكثر بالسونار ..

 

[مفرفشة ومنعنشة]

انا هالمرة احساسي شي والسونار شي ثاني
وسبحان الله اول مره احساسي يصير جذي موقادره اقتنع بالسونار
مع ان حملاتي الي قبل من يقولون لي نوع الجنين بالسونار اصدق ويطلع صح
بس هالمرة كله ببالي انه السونار غلط
ياااااارب يكون السونار غلط

الله يرزقنا الذرية الصالحة السليمة المعافاه

 

[حرم_الغلا]

السوناار::::‏ أنا كان أحسااسي بنت يمكن عشاان أتمنى بنت وأخر شي طلع ولد فديته

 

[@سيدة نفسي@]

السونــــــــــــــــــــار أولا وأخيراااا ..

لأن الأحلام عن تجربة مو دايما تصدق الا اذا كثرت على نفس النوع

وأحد ثاني شاف رؤيا فيني اهني ممكن أصدقهااا

 

[FJ style]

بس السونار

 

[popo]

انا عني ما اصدق اسونار ولا احلامي ولا احساسي ما اصدق الي اذا طلع البيبي من بطني هههه
لنه احلامي مرو ولد ومرة بنت فحس من كثر ما افكر
اما احساسي احس مافي احساس هههههههههه
اما اسونار ما صدق معي الي بثامن وتاسع واما باقي اشهور كان نوع الجنين كله يقلولي غلط

 

[غــ Q8 ــزلان]

السونار وممكن يكون خطأ بعد ،،

اما الاحساس والاحلام ماقدر اصدقهم

 

[فلفل اسود]

طبعا اصدق السونار.


وديما يطلع صح

 

[بـ ع ـثرة آحاسيس}~]

الله تعالى اعلم سبحانه

انا بكريه واول حمل لي والسونار باكثر من مستشفى خذيت وقالوا لي شي

واحلامي تدل على انه شي ثاني

وربي سبحااااااااانه اعلم والي يجي من الله حياه الله اهم شي الصحه والسلامه والخلقه التامه

 

[بحرينيه كوول21]

انه يوم كنت حامل حلمت ان داخله محل وفيه برجه سباحه وكنت مستغربه ان شلون محل وفيه برجه
ودخلو بنات خالتي صغار قبلي ووتوني بدش الا أجوف على جهه اليمين دجاج ثنتين في قفص وعلى جهه اليسار ديج ابيييض وعرعوره حمر
عاد انه فالصج اخاااف من الطيور عموما وخفت بالحلم بعد وسكرت الباب وتميت بره وقام الهندي راعي المحل وفتح الباب وطلع لي الديج بره وانه ميته من الخوف عاد مادري شلون صار الديج في كارتون بس مطلع جناحه بره وشوي الا زوجي حمل الكرتون وانه خايفه اقول حق زوجي حاسب لا يطلع من الكرتون وطاح الكرتون بالديج من يد زوجي
طبعا انه فسرت الحلم ان انه حامل بولد وفعلا سقطت والله راح يرزقني بتوم بناات الا اهم الدجاج الثنتين
لكن في وحده بالمنتدى فسرت لي الحلم شي غير عن التفسير الي فسرته انه
ادري عورت رأسكم بس ذكرت الحلم ذي لما كنت حامل *

 

[om 7sony]

انا صدق احساسي

فيً احساسين ييون حق الام
في وحده تحس انه فيها جذي
وفي وحده تتمنى ان فيها جذي
في فرق ،،،، اعتقد احساس الام يصدق
وشي ثاني ،،، السونار ،،، طبعا ما اعتمدت عليه ١٠٠٪

بالنسبة للاحلام
ممكن تصدق اي
بس ممكن التفسير يكون غلط

انا كنت احلم بحلم ،،، وقالولي فيج بنت ،،، بس طلع ولد الله يخليه

يعني تعتمد الام عالحلم ،، اذا كان التفسير متاكده منه

وبالاخير ،،، انا عندي اكثر شي يصدق ،،، لم يطلع البيبي وانتي تشوفين بعيونج هو شنو ولد ولا بنت

 

[يادنيا ياغراابه]

انا سبحان الله قالولي بالسونار بنت واحلامي واحساسي يقول ولد والله يابنات اني اموت على البنات ولا اكرها البنت حتى انني اتمنى اجيب مثل امي بنات كثر لكن الاحلام كلما اقنعت نفسي انه بنت يجني حلم وافسره يقولون ولد اصلاً قبل افسره وضح ان تفسيره ولد
بس احس اني جنيت من ها الاحلام

 

[يادنيا ياغراابه]

اب اب اب

 

[شنوووفه]

انا احس انه احساس الام غييير واهوه صح :>
كنت حاسه انه فيني ولد ويبت ولد والحين احس اذا حملت رااح اييب بعد ولد
وانشالله ربي يرزقني ويرزق كل محروومه

 

[يادنيا ياغراابه]

اب
اب
اب