[size="5"][/size]حمولتج ناشبوج على الحمال خصوووصا اول بيبي؟؟!!!!

[ghalaha]

انا حماتي العوده كل مادقت علي او زرتهم تسألني وتقولي يالله شدي حيلج ترا اخوي مافيه شي اخاف الاخت فاحصته وانا مادري غثتني:23_asmilies-com: واحنا من 5 شهور متزوجين :nbvppw: صراحه مبجر علينا و انا سكت لها جم مره وبعدها قلت حق ريلي جان يعصب قال احنا بكيفنا مو مستعيلين

انتوا شنو تعليقكم واذا وحده منكم مرت بنفس السالفه؟

 

[noo7a]

وي من صجج
انا خالتي من ثاني يوم عرسي سالتني بس طبعا على غشمره
اول فتره خو لازم كل ما شافتني تسال
بس ما الومها ريلي اول واحد من عيالها يتزوج و فرحانه فيه

 

[ريتااجي]

رد : [size="5"][/size]حمولتج ناشبوج على الحمال خصوووصا اول بيبي؟؟!!!!

ردي عليها وقولي لها

أنا وريلي مانبي الحين ماحنا مستعجلين

 

[لوكي 22]

ذكرتيني خصوصا حماتي ناشبه ابلعومي يالله متى تحملين طولتي
الاخت شايفه الحمال بجيبي
انتي ردي عليها وقولي مابي الحين توالناس بستانس مع ريلي

 

[ghalaha]

رد : [size="5"][/size]حمولتج ناشبوج على الحمال خصوووصا اول بيبي؟؟!!!!

مادري عنها عاد بنتها متزوجه من سنه ونص وماحملت لان اهيا ماتبي الحين ليش ماتناشبينها اهي عاد اخر مره بطيتها قلت لا حملت فلانه ان شالله انا وراها لوووووووول:eh_s(9):

 

[هاديهـ&مطيعهـ]

رد : [size="5"][/size]حمولتج ناشبوج على الحمال خصوووصا اول بيبي؟؟!!!!

مادري عنها عاد بنتها متزوجه من سنه ونص وماحملت لان اهيا ماتبي الحين ليش ماتناشبينها اهي عاد اخر مره بطيتها قلت لا حملت فلانه ان شالله انا وراها لوووووووول:eh_s(9):

هههههههههههه قوية ناس ما تمشي الا بالعين الحمرا

آنا للأمانه قعدت 10 شهور ماحملت ما سمعت منهم اللي يضايقني الكلام أسمعه من الناس اللي بره

 

[Miss McDonald]

@@!
.
اسسستغفر آلله اشهلقآفه !
آلحمدلله والشششكر لهدرجة يتدخلون خلاص بطلت ما بي اتزوج !
بس عجبتيني زين سويتي فيهآ !
..
آلله يرزقج ويرزقهآ آلذرية الصصآلحة < عقب ما تستانسسسون

 

[BABY MASTER]

انا بالعكس سبحان الله عقب عرسي ياتني دورة وحده وعقبها حملت

اصلا كانوا بياكلوووني مابقى احد ما درى عني

لا وياريت حبوا حمالي بالعكس استلعنوا علي و زاد خبثهم حسبي الله ونعم الوكيل يبه ترى تأخر الحمال نعمه ع الاقل تعرفون بعض مو انا حملت شهرين طلبت طلاقي لان للاسف ما ينعاش معاهم حسبي الله ونعم الوكيل فيهم بنات لا تحملون بسرعه اكلوا مانع لي كم شهر ليما تعرفون الريال واهله عدل!!

ادري شطيت عن الموضوع خخخ عسى الله يرزقج وويوفقج ياقلبي و توج ماصارلج الا كم شهر عسى الله يرزقج الذريه الصالحه

 

[ghalaha]

رد : [size="5"][/size]حمولتج ناشبوج على الحمال خصوووصا اول بيبي؟؟!!!!

حبايبي ماقصرتوا على ردودكم فديتكم حياتي لا امي ولا اختي ناشبوا حريم اخواني بالعكس مخلينهم براحتهم على قولة امي الله يهني اسعيد بسعيده:s142: امي كوووووول تقول خل يعرفون عيالي عدل وبعدين كيفهم فديتها اشتقت لها المهم ولا والحمدالله الحين اشزينهم البيت تارسينه احفاد اسم الله عليهم والناس والله ماتحب احد مرتاح (البعض) ايننون بالواحد والله يرزقنا على قد نيتنا يارررررب:hjy5jewf:

 

[أم فتوته]

رد : [size="5"][/size]حمولتج ناشبوج على الحمال خصوووصا اول بيبي؟؟!!!!

أصلا هذي خصوصيات بس النآس مآترحم آنا خآلتي كانت وآيد تسألني بس كنت أرد عليها متى ما الله كتب وبعدين يوم حملت استانست وآيد وبجيت حبيبتي والله كله تقولي يلاا بشوف عيالكم قبل لا أورح من هل دنيا الله يطول بعمرها انشالله

أم فتوته

 

[روحي تحبه غصب]

بنات لاتلومونهم بيفرحون لولدهم

انا الحمدلله حملت بعد عرسي بجم شهر وكانوا حمواتي يستبشرون يعني اذا صار اي موقف يقولون يالله فال خير انشاء انج حامل

بس ماحسيت انها تنغز او حنا عالحمال

 

[سارووونه22]

انا طولت سنتين ونص ما حملت اهل زوجي اصلا ماسألوني ولا احرجوني الحمدالله بس كنت اسمع حجي من برى العايله

 

[منيتي اسعده]

أنا صارلي سنه متزوجه
الحمدلله علي كل حال ماحملت
وامه عمرها ماسالتني ولايابت طارئ الموضوع معاي خير شر
بس يدته ذبحتني هههههه
للامانه ماقالت شي يغث
كل ماتشوفني تدعي وتقول الله يرزقج انشالله
ماالومهم بصراحه بيفرحون بولدهم خصوصن انه البجر
الله يرزقني انشالله تكفووون قولي امين
رحت الشهر اللي طاف الطبيب وخذتلي سونار وقالت مافيني شي
الحمدلله
وقالتلي اذا نزلت الدوره هالشهر تعالي أخذي تحليل هرموني
عاد امس نزلت الدوره وانا تضايقت شوي الحمدلله اللهم لا اعتراض
ودي اروح اليوم اسوي التحليل بس ريلي راااااااااافض
يقول مافينا شي خل ننطر بعد
وانا وااااايد احاتي
مادري شسوي!!
شرااااااايكم؟؟؟؟؟؟

 

[منيتي اسعده]

انا طولت سنتين ونص ما حملت اهل زوجي اصلا ماسألوني ولا احرجوني الحمدالله بس كنت اسمع حجي من برى العايله

حبيبتي سوري علي اللقافه
بس تقدرين تقوليلنا شنو اللي اخر الحمل عندج؟؟
يعني بدون سبب ولا عالجتي لأني وايد احاتي

 

[So0oKaRa]

تو الناس عليكم توج متزوجه 5 شهور
ودام ريلج مو مستعيل ريحي بالج قوليلهم ريلي اللي مايبي حاليا ومو مستعيل عاليهال

 

[Talyan Rose]

لاحقه عالمغثه حبيبتي
أنا اكره ما عندي اللقافه واااااي أنتو شكو أنا وريلي ننياز
أنا بعد مسئولي اول ما تزوجت بس حطيت حد لهم بس قبل فتره صغيرة حصلت نغزة بس ماكو احد ما ظحك عليها

 

[مربربة]

توج متزوجة اسانسي صج
بجسمج بلبسج
ومع زوجج
وبعدين ان شاء الله
بتحملين بالوقت المناسب الي الله كاتبه لج
وبتشوفين عيالج والله يجعلهم من الذرية الصالحة
وبتفرحييين فيهم معاريس يارب
والله يرزق كل البنات الذرية الصـــالحة

 

[G!RLooNa]

واااااي اكره هالسالفه اللي يحنون عالحمال انتو شكو انتو اللي بتحملون انتو اللي بتولدون انتو اللي بتربون انتو اللي بتصرفون عليهم

 

[cherry67]

الحمدالله اهله مالهم شغل بس هوكله يحن وبس تييني الدورة يطنقر ويطلع من البيت شنه الحمل بيدي استغفرالله وعالجت علشانه وبعدين حملت الحمدالله

 

[سيدة الذوق]

لاوالله عمرها امه ولا خواته سالوني

بس اذكر مره قالت لي حماتي الكبيره

انها بتروح حق مره تعالج تروحين معاي

قلت لامشكوره

وبس..!