Rausch

[نوف الصقعبي]

السلام عليكم حبيباتي

موضوعي لباحثات الجمال اللي مثلي هو

مستحضرات رواش العشبية للعناية بالشعر والبشرة
ذات الفعالية الطبيعية


رواش ماركة سويسريه كبيره ومعروفه

بسأل عن الكبسولات اللي اهم ثنتين وحده لونها اصفر والثانيه اخضر

ومن فوايدهم

1 شعر كثيف وقوي
* جلد ناعم ومشدود
3 أظافر صحيه وقويه
4 حيويه وشعور جيد
5 ثلاث زيوت من زيوت الإوميغا عالية الجودة والنقاوة
6 ثمانية مكونات عشبيه أساسيه
7 إثنى عشر من الفيتامينات والمعادن


منو جربتهم



وهم عندهم اكثر من 50 منتج آخر

تتنوع من تونيك للثعلبه والصلع ومقوى لإنبات الشعر الميؤوس منه
ووقف التساقط وغزارة الشعر

وعندهم اكثر من شامبو وبلسم وعنايه فائقه للشعر وكل شي متخصص بشي معين

سواء للحالات الميؤوس منها مثل الثعلبه والصلع
والتساقط الغزير والشعر الخفيف وفراغات الشعر اشبه بالصلع

والشعر اللي بسرعه ينكسر وينقطع

عندهم

للشعر الناعم والحساس

للشعر الجاف والمتقصف

للشعر المصبوغ والمموج

للشعر الحساس والمتضرر

للشعر الدهنى وفروة الرأس المتعبه

وايد شغلات للبشره والجلد والشعر والتجاعيد والعيون

يالله نبي تجاربكم​

 

[نوف الصقعبي]

هم هذا الموضوع بيصك عدد المشاهدات 200 ومحد عطانى تجربته معقوله كل الناس للحينهم على الخلطات​

 

[نوف الصقعبي]

ناطره وحده حلوه ادش وتقول اعرفهم وجربتهم​

 

[عجينه]

ماعرفها للأسف


ممكن صورتها

 

[نوف الصقعبي]

اسعدنى مرورج

جان زين اعرف انزل صور​

 

[عجينه]

نوف

لقيت موضوع يتكلمون عن الشامبو وهذا الرابط

عن تجربه يوقف التساقط ويغلظ الشعر.. بالصور

 

[نوف الصقعبي]

فديت قلبج اختى عجينه ماقصرتي​

 

[نوف الصقعبي]

وااو فديتج شفتى التونيك اللي بالصوره مثل علبة الديتول هذا اللي شريته قبل يومين صارلي يومين استخدمه وايد متحمستله
مادري ليش​

 

[عجينه]

حاضرين للطيبين

وانا بعد دش راسي بأقرب فرصه اجربه :eh_s(15):

 

[نوف الصقعبي]

بعد ماخلصته حبيت احط تجربتي استفدت منه​

 

[<miss botamba>]

من وين شريتيه؟

وشلون كان شعرج وشلون صار ... ديتيلز بليز

 

[مصممهــ]

اب اب

 

[عجينه]

رررررفع وناطرينج :eh_s(9):

 

[نوف الصقعبي]

طال شعري بحجم اصبع السبابه مع استخدامى كان شهرين فقط

بس عطاني كثافه وانا ماشريته عشان طول كثر ماكان همى التساااااااااااااااااقط

ووالله يابنات بح وقف بفضل رب العالمين ومافي اى ريحه بسرعه ينشف حطيه على فروة الراس فقط وقعدى دلكي​

 

[نوف الصقعبي]

والحين بصراحه متحمسه على شامبو عندهم نفس هالماركه ماجربته للأمانه بس يمدحونه البنات والله اعلم بس مشكله اللي غثني حجم الشامبو مال سبحتين او 3 سبحات لان شعري كثيف والشامبو سعره اكثر من الكميه اللي فيه هذا اللي بط جبدي وماشريته ​

 

[نوف الصقعبي]

من صيدلية بوتس شريته مس مس​

 

[نوف الصقعبي]

انا لان صبغته قبل 3 شهور اشقر وتحسفت على كثر شعر راسي والله يابنات

وقمت شريت هالتونيك قلت خل اجربه وكنت غاسله ايدي منه بس شعري كان تساقط بالهبل بعد الصبغه وطلع لي شعر البيبي لان مكتوب انه ينبت بس الحين مارديت شريت تعبت وانا احط منه الصراحه قلت دامه وقف التساقط مانى حاطه منه​

 

[عجينه]

ماشاءالله تبارك الرحمن
والله يهنيج انشالله ويبعد عنج العين
يعطيج العافيه أخت نوف على ذكر تجربتج :eh_s(7):

 

[<miss botamba>]

رحت شريته بس للحين مابديت فيه

ولقيت الحبوب بعد


وكنت ماخذه اوميقا 3 بروح وبرايون ان جنه جذي اسمهم


جان تقولي ان نفس مفعولهم

 

[نوف الصقعبي]

اي والله شكل الحبوب ملوت الشعر والبشره من هالماركه يشووق بس ماسمعت احد حاط تجربته بالحبوب​