Plz اللي عندها خبره بالجلاب تساعدني؛*

[soosa88]

''

بنات مسآعدتكم عندي جلب صارله 3 تيام
ابي اعرف شلون اعتني فيه من أ لي يآء
قبل عندي قطوه بس أسهل منه
مرات الجلب يكون حليو ويتلزق ومرات يخوفني منه لا اجيسه

وبعد اكو شي مو عارفه نوعه بنزل صورته للي تعرف نوعه
بكووووون شاكره لكم

 

[founkaa]

والله حبيبتي مالي خبرة بالجلاب

للرفع
اب
اب
استغفر الله واتوب اليه

 

[Qـويتية]

حبوبة الجلب جم عمره ؟ حطي صورته حخل نشوف نوعه أول، وحبوبة الجلب أول شي وآخر شي لا تحطينه داخل قفص !! مستحيل !!! خليه دااايما برا بالبيت يمشي عادي يلعب، تسبحينه مرة بالشهر أو مرة كل أسبوعين، إذا شفتيه شوي وصخ اخذي فوطة فيها ماي ومسحي عليه، لازن تقصين أظافره كل ما تطول علشان ما تضايقه في المشي، وتقصين الشعر الي تحت ايدينه وريوله علشان لا تتكود البكتيريا فيها، وتنظفين أذونه مرة بالأسبوع، وخشمه لي صار نزيف خفيف، وفوطة فيها ماي ومسحي حوالي حلجه تنظفين اللثة والشعر حوالي الحلج، تعطينه أكل 3 مرات باليوم والماي تغيرينه كل يوم له، تخصصين له مكان للنوم مع الفراش الخاص فيه ومع ألعابه والعضاضات المفيدة للأسنان واللثة وتنظفهم، وتاخذينه تمشينه على البحر أو حديقة البيت ساعة أو ساعتين باليوم وتلعبين معاه وتجابلينه ومرات تقعدين معاه تعلمينه خدع وأوامر وتطعمينه أهم شــــــــــــــــــــــــي التطعيم، نوعية الأكل لها دور في الصحة بعد، عطيه بعد مكمل غذائي، وانشالله بجذي بيكون عسل وانتي ترتاحين معاه بس أكيد إذا بتعلمينه أوامر إو إنه يقضي حاجته في مكان مخصص يبيلج صبر أكيد .
​

 

[....sh...]

حطي صورته؟ وجم عمره؟

 

[soosa88]

 

[soosa88]

كاهي صورته عطوني معلومات عنا ؛*

 

[soosa88]

والله حبيبتي مالي خبرة بالجلاب

للرفع
اب
اب
استغفر الله واتوب اليه

تسلميـن ولله ؛*

 

[soosa88]

كويتيـه

اول شي مشكووووووووووره فديتج
ثاني شي عمره ما ادري جم ؛$
بوديه عياده حق التطعيمات قاع يطلع صوت جنا يعاطس بس مو عارفه حق العيادات
نومته بالقفص بالحوش ويا كور

 

[Qـويتية]

وفديييييييييييييييييت قلبه !!! عنوووونوو ياعمري !!!! شكله مهجن من جلاب لولو مو أصلية، عمره شهرين تقريبا أظن حياتي، لازم تودينه البيطري يطعمه، حبوبة أنا أودي جلبتي عيادة الري ورا الدهماء، وااااايد زينين، الأكل روحي اشتري له من محل Pet Zone من Royal Canin نوع Mini Puppy، طبعا لااااااااااااااا حراااام مو في الحوش يذبحه الحر وتحوشه أمراض الدنيا توة صغير حياتي خليه عندج بالبيت، لازم ما تحطينه بالقفص حيل حيل حيل حيل رح يتضايق ونفسيته تتعب وهم ريوله يسير فيها تقلصات ورح يصعب يحركها ليم يكبر لازم يتحرك، سوي له مكان في غرفتج وحطي له فراش مريح، أو حط الفراش داخل قفصه إذا تبينه يتعود عليه، بس برا بالحوش لاااا حبوبة حرام جونا ما يرحم حر×غبار×رطوبة كلش كلش كلش لا، الألعاب لازم مو بس كور عطيه عضاضات ملوت الجلاب والعيون مسحيهم في فوطة صغيرة فيها ماي ولما تروحين البيطري قوليله يعطيج دوا كريم حق العيون إذا كانت ملتهبة أو إذا كانت مشكلة بس السواد Tear Staining خليه يعطيج محلول بهالشي أو بس ماي وخلاص، لازم تسبحينه، خذيتيه من سوق الحمام ؟؟؟ سبحيه مرة وحدة بالشهر أحسن لإنه شكله تعبان وضعيف ويبيله راحة كبيرة وبراد يا حياتي .
​

 

[soosa88]

تسلمين حبيبتي كويتيه والله سكتي أمي مضيقه خلقي بتودره
ودي احطه بداري بس اذا سوا عزج الله ريحته خايسه
والله من قالت لي ماجابلته خليت داريه خدامه صج ماصارله وقت بس تعلقت فيه
اخوي ماخذه من رفيجه بس مايعرف ولاشي عنه

 

[Qـويتية]

حياتي العفو ما سويت شي، حبوبة قولي لها لازم هذا صغير توة عنونو ما يفهم يبيله تدريب وتعليم وكل حيوان يتعلم مافيها شي بس يبيله صبر، وأكيد ريحته خايسة لإن هذا براز وهذا بول حياتي أكيد، شوفي انتي روحي Pet Zone واشتري منهم شي اسمه Training Pads حق الجلاب، هذا حياتي يعبم الجلب يسويها عليها في المكان إلي انتي تختارينه، اشتري صندوق كبير حيل فيه فتحة علشان يدخل داخل وحطيهم حبة وحدة منهم داخل الصندوق وحطيه بالمكان إلي تبينه، وهو شوفيه لي بغا يسويها حطيه فوقها، وكل ما يسويها صح حطيه Treat أو قطعة نقانق نية صغييييرة لا تعطينه وايد، وإذا سواها غلط طالعيه بنظرة حادة وقوليله بصوت عصبي لا وطقيه طقة خفيفة على أذونه، وعلميه شوفي أول ما يقعد من النوم حطيه هناك لا يطلع من الصندوق إلا واهو مسويها، شوي شوي حبوبة ورح يتعلم هو الحين عنونو، وبعد في Pet Zone أكو حفاضات خاصة للجلاب اخذي أصغر مقاس ولبسيه، صالحة للاستعمال أكثر من 50 لبسة وغسلة .
​

 

[+بسبوسة+]

عن أبي هريرة رضي الله عنه قال: قال رسول الله صلى الله عليه وسلم: مَنْ أمْسَكَ كَلْباً فَإنَّهُ يَنْقُصُ كُلَّ يَوْمٍ مِنْ عَمَلِهِ قِيرَاطٌ إِلاَّ كَلْبَ حَرْثٍ أوْ مَاشِيَةٍ. رواه البخاري [5/6] و مسلم [10/240].

هذا كل الي اعرف عن الجلاب...

 

[soosa88]

كويتيه ببجي والله والله خانقتني العبره
رجله رافعها لي فوق وكلا منسدح
موبي ادعي بس ولد رفيجتنا شايفينا حاذفه وتو يقولون لي








مشكوره بسبوسه

 

[Qـويتية]

حياتي وديه البيطري خل يسوي له Full Check Up، شلون رافع ريله ومنسدح ؟؟ نايم على ظهره ؟؟ لازم بيطري حبوبة يمكن أحد كاسر ريله يمكن أحد طاقه حيل يمكن ويمكن ويمكن وديه حبوبة والأجر عليج كله وخليه عندج .
​